جيتا 2009 ولا سيفيك 2009 ؟

[kemo0o]

كله هيستحمل ما تقلقش
بس 42 سنه .... انا ارشح لك الجيتا وبقوة كمان

[Fadi Ezzat]

تصدقوا انى واقع فى نفس الحيره بين الجيتا و السيفيك واخيرا واحد صاحبى شار عليا بالاسكودا الفانتازيا وبعد ما قرأت الموضوع ده حيرتى زادت ... انا عندى 42 سنه وماليش فى الجرى والشد والكلام ده ... انا بقى سؤالى الاساسى عن الارتفاع ومساحة الصالون وبالذات الجزء الخلفى . ولو فضلت الاوروبى طب الجيتا والاسكودا الجديده ؟؟؟؟؟؟؟؟؟؟؟؟؟؟؟؟؟؟؟؟

انا مش باسافر كتير بس شغلى فى القريه الذكيه وسكنى فى حدائق القبه وعايز عربيه تستحمل البهدله دى

من حيث الارتفاع الفانتازيا تكسب اكتر بكتير من الجيتا
مساحة الصالون تقريبا متساويين بس الفانتازيا واسعة اكتر شوية من الجيتا من ورا
ومساحة الشنطة بتهيالى الفانتازيا اكبر
بس مخدتش بالى بصراحة من المساحة الخلفية للجيتا

[adventurer]

السلام عليكم اسمحلى ادلى برأى فى الموضوع ده انا ابحث فى نفس الموضوع بشده واستقريت على الاسكودا لسبب ان ها اعلى واوسع وصاجها اتقل يعنى امان لاولادى وكمان قطع غيار ارخص واعلى سعر فى اعاده البيع فى مصر مقارنه بالجيتا

[hlmnz]

السلام عليكم اسمحلى ادلى برأى فى الموضوع ده انا ابحث فى نفس الموضوع بشده واستقريت على الاسكودا لسبب ان ها اعلى واوسع وصاجها اتقل يعنى امان لاولادى وكمان قطع غيار ارخص واعلى سعر فى اعاده البيع فى مصر مقارنه بالجيتا

ايه حكاية ان الصاج اتقل اللي لسه بنكلم فيها من مليووووووووون سنه؟؟؟

الواحد في اي وقت اذا اتخبط لقدر الله هيفرا الصاج اتقل ولا لاه؟؟؟

والله في المنيل فيه باسات مخبوطة من الباب الخلفي والباب داخل لجوه وفيه واحد تاني صحبي معاه سيفيك 2009 بيتفادى شيروكي فدخل في ميكروباصي فتقلب .هي ديه الطريقة اللي نحكم بيها على الصاج؟؟؟؟؟؟

العالم كله بيتكلم في تصنيع بادي العربيه من مواد خفيفه لزياده التسارع والثبات زي الكاربون فيبرز و الالمنيوم واحنا لسه بنتكلم في متانه الصاج

لا حول ولا قوه الا بالله

[kemo0o]

على فكرة حكاية ان الصاج اتقل او اخف مش زيادة امان ولا حاجة انما تركيب جسم العربية او بمعنى اصح نقاط تفريغ القوة في حالة الاصطدام هي اللي بتحدد امان العربية

[hlmnz]

على فكرة حكاية ان الصاج اتقل او اخف مش زيادة امان ولا حاجة انما تركيب جسم العربية او بمعنى اصح نقاط تفريغ القوة في حالة الاصطدام هي اللي بتحدد امان العربية

[SAMEH_FOUAD]

فى حاجة اسمها التوازن مابين نصف السيارة الامامى والخلفى لان طبعا بيبقى فية الماتور فى الجزء الامامى وبيكون اتقل من الجزء الخلفى والمفروض ان الشركة عشان تحقق نظام امان عالى فى الملفات والمنحنيات الشديدة انها بتحاول توصل لوزن متساوى بين الطرفين يعنى دلوقتى بى ام ومرسيدس وفيرارى كلها معدل الوزن بتاعها 50:50 ودة اللى بيحقق الثبات الجامد جدا فى العربيات دية وطبعا الشركات التانية ممكن ماتقدر توصل لدة بس بتحاول انها تقللة بقدر الامكان

[abo samra]

فى حاجة اسمها التوازن مابين نصف السيارة الامامى والخلفى لان طبعا بيبقى فية الماتور فى الجزء الامامى وبيكون اتقل من الجزء الخلفى والمفروض ان الشركة عشان تحقق نظام امان عالى فى الملفات والمنحنيات الشديدة انها بتحاول توصل لوزن متساوى بين الطرفين يعنى دلوقتى بى ام ومرسيدس وفيرارى كلها معدل الوزن بتاعها 50:50 ودة اللى بيحقق الثبات الجامد جدا فى العربيات دية وطبعا الشركات التانية ممكن ماتقدر توصل لدة بس بتحاول انها تقللة بقدر الامكان

انا ما شفتش ان مرسيدس عملت قبل كدا توزيع وزن 50:50 ان اعرف ان بى ام دبليو بتعمل كدا اوك انما مرسيدس لا اعتقد الا ان حضرتك تثبت الكلام ده!!!!
تحياتى

[ahmad--ezzat]

على فكره الاراء ابتدت تبعد عن مضمون الموضوع وهى المقارنة بين السيفيك والجيتا...

عموما انا راى الجيتا...

[abo samra]

يا جماعه الجيتا عربيه فخمه جدا وانيقه بس مش عجبنى فيها شوية حاجات انا اساسا واحد صاحبى كان محتار جدا بينها وبين السيفيك وفى الاخر جابها
يعنى لو قارنتها بالسيفيك هتلاقى صوت موتورها مش ناعم زى السيفيك وبتدب وتخبط فى المطبات جامد قوى وسحبها مش عجبنى خالص وبتبقى مضايق جدا لما تركب عربيه زى دى من فولكس وتلاقى عربيه اقل منك ب 100 الف وبتسبقك ده غير الكاوتش ال low profile ممكن ينتنى لو اخدت مطب جامد وده بالفعل حصل مع صاحبى ده غير انها ضيقه من جوه مش عارف برده ازاى رغم انها شكلها من بره ضخم حاجه تحير بجد يبقى لانها فى الاصل جولف ده غير الفتيس لما تقلبه مانيوال بيبقى مش مريح
مش عارف ليه انا زعلان على العربيه رغم اناقتها رغم انها من فولكس ورغم انها مليئه بالاوبشنز ورغم انها شكلها تحفه فنيه باللون الاسود رغم ان ثباتها لا يقارن بالسيفيك ابدا وخصوصا فى وجود الرياح والاعصفه
رغم كل اللى قلته ده بس برده بحب العربيه دى قوى وبحس لما اكون راكبها انى راكب عربيه فخمه جدا وبريستيج عالى واناقه غير طبيعيه
السيفيك مش قادر اقع فى حبها او يمكن انا ماشى مع قلبى مش مع عقلى
لان العقل يقول السيفيك اسرع واريح وموتور انعم واوسع من الداخل
لكن قلبى بيقولى الجيتا
وانا حسبتها بقلبى مش بعقلى والقلب وما يريد
هههههههههههههه
يا رب تكون الفكره وصلت
تحياتى

[kemo0o]

يا جماعه الجيتا عربيه فخمه جدا وانيقه بس مش عجبنى فيها شوية حاجات انا اساسا واحد صاحبى كان محتار جدا بينها وبين السيفيك وفى الاخر جابها
يعنى لو قارنتها بالسيفيك هتلاقى صوت موتورها مش ناعم زى السيفيك وبتدب وتخبط فى المطبات جامد قوى وسحبها مش عجبنى خالص وبتبقى مضايق جدا لما تركب عربيه زى دى من فولكس وتلاقى عربيه اقل منك ب 100 الف وبتسبقك ده غير الكاوتش ال low profile ممكن ينتنى لو اخدت مطب جامد وده بالفعل حصل مع صاحبى ده غير انها ضيقه من جوه مش عارف برده ازاى رغم انها شكلها من بره ضخم حاجه تحير بجد يبقى لانها فى الاصل جولف ده غير الفتيس لما تقلبه مانيوال بيبقى مش مريح
مش عارف ليه انا زعلان على العربيه رغم اناقتها رغم انها من فولكس ورغم انها مليئه بالاوبشنز ورغم انها شكلها تحفه فنيه باللون الاسود رغم ان ثباتها لا يقارن بالسيفيك ابدا وخصوصا فى وجود الرياح والاعصفه
رغم كل اللى قلته ده بس برده بحب العربيه دى قوى وبحس لما اكون راكبها انى راكب عربيه فخمه جدا وبريستيج عالى واناقه غير طبيعيه
السيفيك مش قادر اقع فى حبها او يمكن انا ماشى مع قلبى مش مع عقلى
لان العقل يقول السيفيك اسرع واريح وموتور انعم واوسع من الداخل
لكن قلبى بيقولى الجيتا
وانا حسبتها بقلبى مش بعقلى والقلب وما يريد
هههههههههههههه
يا رب تكون الفكره وصلت
تحياتى

انا عارف والله وجهة نظرك دي ولكن مهما كانت الجيتا وبالرغم من التناقضات اللي فيها وان هي فيها شوية حاجات مش تمااام ولكن علامة ال VW دي تأثيرها جامد جدا جدا يعني انا معاك وانا بعشق العربية الجيتا دي بس مستحيل اشتريها

بالنسبة للسيفيك ... على فكرة أنت أول واحد في حياتي اشوفه ما بيحبش السيفيك مش عارف ليه يعني كل الناس تقولك عيب السيفيك انها واطية انما بعد كده مافيش كلام
لازم نقعد معاك ونشوف ايه الخلاف بينك وبين السيفيك

[ahmad--ezzat]

استاذ kemoOo مع احترامى لعربيتك واحترامى للسيفيك...الهوندا لا تقل كفائه عن الجيتا فى التسارع والسحب وغيرو يمكن احسن كمان...السيفيك عربيه موتورها فايق جدا وعصبى ودة اللى بيعجبنى فيها...

انا لو هنتكلم بقا كعربيه...الجيتا اجمل واحسن ياجماعه...ركوبه الجيتا غير ركوبه السيفيك...الجيتا عربيه من الاخر ...موتورها كويس طبعا وسحبها اعتقد انه مش وحش او سىء ...يعنى عايز تجرى هتجرى معاك كويس...لو جينا للشكل شكل الجيتا معروف...فى النهايه دى اراء بس المكن الالمانى احسن حاجة فى السوق

[kemo0o]

استاذ kemoOo مع احترامى لعربيتك واحترامى للسيفيك...الهوندا لا تقل كفائه عن الجيتا فى التسارع والسحب وغيرو يمكن احسن كمان...السيفيك عربيه موتورها فايق جدا وعصبى ودة اللى بيعجبنى فيها...

انا لو هنتكلم بقا كعربيه...الجيتا اجمل واحسن ياجماعه...ركوبه الجيتا غير ركوبه السيفيك...الجيتا عربيه من الاخر ...موتورها كويس طبعا وسحبها اعتقد انه مش وحش او سىء ...يعنى عايز تجرى هتجرى معاك كويس...لو جينا للشكل شكل الجيتا معروف...فى النهايه دى اراء بس المكن الالمانى احسن حاجة فى السوق

دي وجهة نظر ولازم كلنا نحترمها ....

بس تعال نتناقش ... وانا قولت في الاول ان انا بحب الجيتا بس مستحيل اشتريها نظرا لسعرها وكمان مصاريف تشغيلها هنا في مصر .

ثاني حاجة تعال نروح للدول اللي عندها العربيات دي ببلاش ونشوف مثلا شباب الخليج بيركب ايه ؟؟ هتلاقي 60% منهم بيركبوا العربيات الياباني ... ليه لانها بتجري و كل شاب في العالم بيفكر في الجري والسباقات والشد وكده .

تعال برضه نبص لنقطة الامان ... الشركات اليابانية مش حديثة العهد ولا ايه ؟؟ واتفرج على تقييمات Euroncap وشوف واحكم بنفسك

انا مش بدافع عن اليابان ولا المانيا ولا عن عربيتي أو عربية غيري ولكن انا فعلا بعشق حاجة اسمها الماكينات الالمانية وبرضع بحب جدا جدا جدا التكنولوجيا والتطور والجودة اليابانية ومحدش ينكر كده ! هو انا عارف ان تضارب الاراء ده هيفضل مستمر ولكن كل واحد برضه بيفكر في حاجة وهو مرتاح لها .

وطبقا للمقارنات العالمية واللي بتهتم ب :
1. Performance
2. Reliability
3. Pricing

والصناعة اليابانية اكتسحت ...

ومازال الصراع مستمر ................................

[islamaboelnaga]

انا نفسى واحد يتكلم يكون ركب العربيتين فتره كبيره و قدر يحكم عليهم ( و اكيد يعنى يكون مش بيمتلك واحده منهم )

[kemo0o]

انا نفسى واحد يتكلم يكون ركب العربيتين فتره كبيره و قدر يحكم عليهم ( و اكيد يعنى يكون مش بيمتلك واحده منهم )

صعب قوي الفصل بين العربيات من نفس الفئة كل عربية فيها حاجات مش موجودة في التانية
يعني السيفيك رياضية أكتر من الجيتا على عكس الجيتا وانت راكبها كده تديلك برستيج أعلى من السيفيك

كل عربية لها مميزات وعيوب بس انا في رأيي الياباني للشباب أكتر من الناس الكبيرة