افيدونى افادكم الله( لانوس - لوجان )

[amr.elsayed]

شكرا يا رينجو
- معنى كلامك ان اللوجان تكسب لكن عشان هى لسة جديدة فلسة قطع الغيار بتاعتها مش منتشرة
- فى حد تعرفة معاة اللوجان و حكالك عنها

بص انا بأكد عليك ان العربيتين من احسن العربيات فى الفئة بتاعتهم وان انت بتقارن العربيتين الصح
وان واحدة تكسب التانية دى على حسب احتياجاتك انت فى العربية
قطع غيار اللوجان وصيانتها متوقعلها انتشار كبير زى اللانوس بس الموضوع عايز شوية صبر
ما ينفعش اقارن النقطة دى دلوقتى لان حيكون فى ظلم للوجان لان اللانوس دى عربية موجودة من
10 سنين واللوجان تعتبر لسة جديدة وانتشارها بدء السنة دى بس عشان شالوا بعض من رسوم
الجمارك من عليها .
فى ناس كتير اعرفها معاها اللوجان جيرانى فى نفس الشارع ومفيش مشاكل تذكر
الا بعض الملاحظات
بالاضافة لاعضاء المنتدى المحترمين جدا فى قسم رينو
واهم حاجة فى الموضوع كله تروح تركب العربيتين واللى ترتاح ليه نفسيا توكل على الله

[MMamdouh]

هى اللوجان تزيد ايه عن اللانوس فى الاوبشنز؟؟ او بمعنى اصح ايه هى الكماليات اللى نازلة فى اللوجان لان انا كدة كدة عارف كماليات اللانوس و عايز اعرف ايه اللى يزيد فى اللوجان عنها... خصوصا ان ممكن اللانوس يطلع فيها حاجات مش فى اللوجان

كمان فيه نقطة مهمة فى مصلحة اللانوس و هى انها ممكن تستعمل بنزين 80 بدون مشاكل

MMamdouh

[amr.elsayed]

هى اللوجان تزيد ايه عن اللانوس فى الاوبشنز؟؟ او بمعنى اصح ايه هى الكماليات اللى نازلة فى اللوجان لان انا كدة كدة عارف كماليات اللانوس و عايز اعرف ايه اللى يزيد فى اللوجان عنها... خصوصا ان ممكن اللانوس يطلع فيها حاجات مش فى اللوجان

كمان فيه نقطة مهمة فى مصلحة اللانوس و هى انها ممكن تستعمل بنزين 80 بدون مشاكل

mmamdouh

م / محمد ممدوح منور ياباشا والله وجود حضرتك فى المقارنة مهم جدا
اللوجان فيها اوبشن مهم اوى وهو ايرباج للسائق مش موجود فى اللانوس
""""""""""""" نظام امبوليزر للحماية من السرقة مش موجود فى اللانوس
اللانوس راديو ومشغل اسطوانات ام بى ثرى اللوجان اوديو بس
فى حاجات تانية بس مش هى اللى تخلينى افضل سيارة
على سيارة تانية يعنى اوبشنز بسيطة زى عواكس خلفية
ارتفاع العربية كويس مش بيحك فى مطبات شريط كروم
على الشنطة حامل اكواب فى الخلف والامام درج التابلوه
فيه لمبة كدة يعنى حاجات بسيطة
ومنتظر تعليقك يا باشا

[cheetos_892005]

م / محمد ممدوح منور ياباشا والله وجود حضرتك فى المقارنة مهم جدا
اللوجان فيها اوبشن مهم اوى وهو ايرباج للسائق مش موجود فى اللانوس
""""""""""""" نظام امبوليزر للحماية من السرقة مش موجود فى اللانوس
اللانوس راديو ومشغل اسطوانات ام بى ثرى اللوجان اوديو بس
فى حاجات تانية بس مش هى اللى تخلينى افضل سيارة
على سيارة تانية يعنى اوبشنز بسيطة زى عواكس خلفية
ارتفاع العربية كويس مش بيحك فى مطبات شريط كروم
على الشنطة حامل اكواب فى الخلف والامام درج التابلوه
فيه لمبة كدة يعنى حاجات بسيطة
ومنتظر تعليقك يا باشا

لو هنتكلم في الفول اوبشن
مرايا يمين و شمال كهرباء اعتقد اللانوس يمين بس
اللوجان مصفحه من اسفل بالكامل
اللوجان اعلي بكتير و اتحدي انها تخبط في جبل من جبال شوارعنا
شنطه اوسع
خامات من جوه احسن
كمبيوتر رحلات انا في رايي حلو جدا بيديك معدل استهلاك بنزين و متوسط السرعه و البنزين اللي معاك يمشيك كام كيلو و كده ((و ده صعب جدا تلاقيه في الفئه ديه او حتي لو فوقها 15 الف جنيه كمان))
ده اللي فاكروا دلوقتي

[tofy_urban]

اللوجان فيها كماليات مهمة زي ماقيل من الاعضاء السابقين ( ايرباج للسائق - نظام امبوليزر للحماية ضد السرقة - كاوتش 15 - 4 سماعات - شنطة واسعة جدا جدا 510 لتر و اللانوس كانت حوالي 350 لتر بس مش فاكر الرقم بالظبط لكنه في الحدود دي اكيد و دي نقطة مهمة جدا - مرايات كهرباء - سنترلوك - ريموت في المفتاح - الارتفاع الصافي من تحت 155 ملم وده جيد جدا جدا - العربية مصفحة بالكامل من اسفل و ده بيمنع اي خبطة توصل للعربية - الفرش في الفول اوبشن تحفة و يختلف عن الهاف اوبشن و الشكل الداخلي و الخارجي فيه بعض الاضافات و الاختلافات سواء في التابلوة شكل العدادات و في الشريط الكروم المشابهة للموجود في اوبل فيكرتا علي الشنطة الخلفية - فوج لايت أمامي و خلفي - لمبه استوب خلفية و سخان بالزجاج الخلفي - نسيييييت كمبيوتر الرحلات و ده لوحده اوبشن رااائع و مفيد جدا - التحكم في ارتفاع النور الامامي - التحكم في وضعية عجلة القيادة 3 اتجاهات - تعديل وضع كرسي السائق - 4 سماعات - حوامل اكواب و اماكن تخزين جبدة - جراب نظارة - مراية بشماسة الراكب - 4 مساند رأس ) و في النهاية شوف الرابط ده http://www.nilemotors.net/Nile/90472-2010.html
رأيي الشخصي اللوجان افضل في كل شيئ و اللانوس تتفوق فقط في رخص قطع الغيار و انتشارها و سهول تعامل الميكانيكة معاها و ده مع الوقت ممكن يتوفر في اللوجان نظرا لمبيعاتها و انتشارها الكبير
أ/محمد ممدوح رايك صحيح في كل كتاباتك لكن العربية الجديدة من المفترض انها تكون مش فيها مشاكل علشان ادور اعرف اصلحها عند اي ميكانيكي و ده لو حصل تبقي دي عربية فاشلة العربية الجديدة لازم تقعد مابين 5 - 7 سنين بدون ماتحتاج تعمل غير صيانات و بس فموضوع ان الميكانيكي يعرف يصلحها دي مش ميزة مهمه اوي بالنسبة ليا انا و موضوع فرق اسعار قطع الغيار ده صحيح جدا و لكن قطع الغيار بتاعت اللوجان اصلية و احنا مش عارفين الاصلي بتاع اللانوس يعمل كام و حتي لو في فرق كبير بردو اعتقد ان قطع الغيار الاوروبية معمرة اكتر من الكوري و شكرا لكل من حاول توضيح وجهة نظرة لخدمة صاحب الموضوع

[MMamdouh]

م / محمد ممدوح منور ياباشا والله وجود حضرتك فى المقارنة مهم جدا
اللوجان فيها اوبشن مهم اوى وهو ايرباج للسائق مش موجود فى اللانوس
""""""""""""" نظام امبوليزر للحماية من السرقة مش موجود فى اللانوس
اللانوس راديو ومشغل اسطوانات ام بى ثرى اللوجان اوديو بس
فى حاجات تانية بس مش هى اللى تخلينى افضل سيارة
على سيارة تانية يعنى اوبشنز بسيطة زى عواكس خلفية
ارتفاع العربية كويس مش بيحك فى مطبات شريط كروم
على الشنطة حامل اكواب فى الخلف والامام درج التابلوه
فيه لمبة كدة يعنى حاجات بسيطة
ومنتظر تعليقك يا باشا

الاير باج و الاموبلايزر مش كماليات... دى عناصر امان... ادارة الجمارك هى اللى عايزة توهمنا انها كماليات عشان ترفع حصيلة الجمرك

بس كدة كدة الحاجات دى تفرق فى قرار شراء السيارة طبعا

MMamdouh

[MMamdouh]

مرايا يمين و شمال كهرباء اعتقد اللانوس يمين بس

صح

اللوجان مصفحه من اسفل بالكامل

اللانوس مفيهاش تصفيح

اللوجان اعلي بكتير و اتحدي انها تخبط في جبل من جبال شوارعنا

دة حينعكس على ثبات العربية بالسلب

شنطه اوسع

صح

خامات من جوه احسن

انا مشوفتش خامات اللوجان فا مقدرش لا اجزم ولا انفى

كمبيوتر رحلات انا في رايي حلو جدا بيديك معدل استهلاك بنزين و متوسط السرعه و البنزين اللي معاك يمشيك كام كيلو و كده ((و ده صعب جدا تلاقيه في الفئه ديه او حتي لو فوقها 15 الف جنيه كمان))
ده اللي فاكروا دلوقتي

دى فعلا ميزة حلوة فى اللوجان

MMamdouh

[tofy_urban]

علي فكرة ارتفاع العربية مش مؤثر إطلاقا علي الثبات لان مسافة قاعدة العجلات اكبر من جميع العربيات في الفئة دي و كمان كاوتش 15 و وزن العربية لان صاجها تقيل عن اللانوس فالثلاث نقط دول مخلين ثبات العربية هاايل جدا

[gebreel]

انا جربت ثبات اللوجان العربية ثابتة جدا جدا جدا و الجنوط ال 15 مع عرض العربية مزودين الثبات ده

[MMamdouh]

( ايرباج للسائق - نظام امبوليزر للحماية ضد السرقة

زى ما قلنا دى مش كماليات لكن عناصر امان و قلنا انها فعلا تفرق فى قرار الشراء

كاوتش 15

هو الجنط هو اللى 15.. الكاوتش 185 يعنى ازيد سنتى واحد عن اللانوس

4 سماعات

زى اللانوس... و اللانوس تزيد ان فيها MP3 بلاير

شنطة واسعة جدا جدا 510 لتر و اللانوس كانت حوالي 350 لتر بس مش فاكر الرقم بالظبط لكنه في الحدود دي اكيد

انا برضة مش فاكر الرقم بس اللانوس اقل من 510 بكتير

مرايات كهرباء - سنترلوك

موجود فى اللانوس

ريموت في المفتاح

مش حاسس انة فرق كبير اوى و لو ركبت انذار بريموت مفتاح يبقى اتحلت... عموما اهى ميزة فى اللوجان مش فى اللانوس

الارتفاع الصافي من تحت 155 ملم وده جيد جدا جدا

ارتفاع العربية بينعكس بالسلب على الثبات

العربية مصفحة بالكامل من اسفل و ده بيمنع اي خبطة توصل للعربية

لا يوجد تصفيح فى اللانوس

الفرش في الفول اوبشن تحفة و يختلف عن الهاف اوبشن و الشكل الداخلي و الخارجي فيه بعض الاضافات و الاختلافات سواء في التابلوة شكل العدادات و في الشريط الكروم المشابهة للموجود في اوبل فيكرتا علي الشنطة الخلفية

مش شايف معلومة واضحة ادر احطها فى مقارنة مع اللانوس... انت شايف حاجات حلوة... ماشى الحال

فوج لايت أمامي

موجود فى الفول اوبشن

و خلفي

مصر مفيهاش ضباب اصلا عشان تحتاجة

لمبه استوب خلفية

موجود فى الفول اوبشن

و سخان بالزجاج الخلفي

مصر مفيهاش تلج عشان تحتاجة

- نسيييييت كمبيوتر الرحلات و ده لوحده اوبشن رااائع و مفيد جدا

اخيرا اوبشن فعلا يملا العين (مع وسع الشنطة طبعا)

التحكم في ارتفاع النور الامامي

زى المفتاح اللى بريموت

التحكم في وضعية عجلة القيادة 3 اتجاهات

موجود فى اللانوس

- تعديل وضع كرسي السائق

موجود فى اللانوس (و اى عربية اساسا)

- 4 سماعات

موجود فى اللانوس

- حوامل اكواب

موجود فى اللانوس

و اماكن تخزين جبدة

يعنى ايه؟

- جراب نظارة

مش فارقة للى مبيلبسش نضارة

- مراية بشماسة الراكب

موجود فى اللانوس فول اوبشن

- 4 مساند رأس )

اللانوس 2 بس

و في النهاية شوف الرابط ده http://www.nilemotors.net/Nile/90472-2010.html

شوفتة قبل كدة

رأيي الشخصي اللوجان افضل في كل شيئ و اللانوس تتفوق فقط في رخص قطع الغيار و انتشارها و سهول تعامل الميكانيكة معاها و ده مع الوقت ممكن يتوفر في اللوجان نظرا لمبيعاتها و انتشارها الكبير

معلش جملة "كل شىء" دى مبالغ فيها جدا... كل رصة الكماليات اللى انت حطيتها مفيش فيها حاجة عليها القيمة غير وسع الشنطة و الكمبيوتر... الباقى كلام فاضى ميفرقش فى قرار شراء سيارة الا اذا كانت الحاجات دى فقط هى الفرق بين العربيتين... دا طبعا بغض النظر عن الكماليات اللى ملهاش لزمة فى مصر اصلا

فى المقابل انت اهملت حاجات كتير مش فى صالح اللوجان و منها على سبيل المثال:

كون اللوجان من صناعة شركة داتشيا الرومانية... يعنى العربية مش فرنساوى

كون العربية تقفيل مغربى... يعنى حتى البلد اللى عملتها مش هى اللى قفلتها بالتالى مشاكل التجميع واردة برضة

و اهملت شكلها الخارجى...اه دى مسالة اذواق بس بامانة العربية وحشة مقارنة حتى باخواتها الرينو مش حقول اللانوس او اى دايو

اهملت قطع الغيار المكلفة جدا مقارنة بالدايو

اهملت فرق استهلاك البنزين

اهملت ميزة ان اللانوس ممكن تشتغل ببنزين 80

اهملت سعر اعادة البيع اللى فى مصلحة اللانوس

اهملت الحقيقة اللتى لا مهرب منها و هى ان اللانوس اثبتت كفائتها فى الطرق المصرية من اواخر 1998 و لحد النهاردة لسة بنفس قوتها.... بالنسبة للوجان هى لسة new entry و محدش يعرف اعتماديتها (كعربية رومانى) شكلها ايه بالتالى المشترى بيميل للمنتج صاحب السمعة الاقوى لانة حيدفع مبلغ محترم مش ربع جنية لو ضاع فى الهوا مش حيفرق

حتى الموتور اللى الناس بتقول علية ميزة فى اللوجان ازيد من اللانوس ب 4 حصان فقط..انا مركب فلتر رياضى و لاغى علبة البيئة فى عربيتى فا اعتقد ان عربيتى زادت ال 4 حصان دول بدون استهلاك البنزين الزيادة بتاع اللوجان... و لو قارننا الموتور دة بموتور مماثل من عائلة GM (موتور الكورسا 1600 كامة واحدة) حنلاقية بيطلع 101 حصان... اذا فيه فرق تكنولوجى كبير بين الموتورين لصالح مواتير GM

اهملت برضة ان العربية فيها شوية حاجات اماكنها مش عاطفية زى مفاتيح الزجاج الخلفى و الكلاكس

أ/محمد ممدوح رايك صحيح في كل كتاباتك لكن العربية الجديدة من المفترض انها تكون مش فيها مشاكل علشان ادور اعرف اصلحها عند اي ميكانيكي و ده لو حصل تبقي دي عربية فاشلة العربية الجديدة لازم تقعد مابين 5 - 7 سنين بدون ماتحتاج تعمل غير صيانات و بس فموضوع ان الميكانيكي يعرف يصلحها دي مش ميزة مهمه اوي بالنسبة ليا انا

محدش قال ان العربية حتخرب منك او تعطل فى وسط الطريق... انت بنفسك قلت صيانات... يعنى تغيير فلاتر و سيور و بوجيهات و تيل فرامل... مش الحاجات دى "قطع غيار" و بيندفع فيها "فلوس"؟؟؟

طيب النهاردة انت عندك طقم كاتينة فى لوجان مع تيل فرامل... حتجيبهم بكام؟؟؟ حتعملهم فى التوكيل بكام؟؟؟ هل فيه ميكانيكى برة يقدر يعملهملك؟؟؟ هل الميكانيكى دة جنب بيتكم ولا حتسافرلة 100 كيلو عشان فيش غيرة هو و اتنين تانيين فى البلد؟؟؟

و لا قدر الله لو واحد خبطك خبطة و احتاجت مراية ولا اكصدام ولا فانوس.... بكاااام؟؟؟... مش معنى الكلام فى قطعة غيار انى بقول على عربية انها حتتوفى بعد اسبوع استخدام او حتغير مكنتها بعد 10 الاف كيلو... اى صيانة دورية بتحتاج قطع غيار و القطع دى بفلوس... الفيصل هل هى رخيصة و متوفرة بالمحلات و السوبر ماركت؟؟

اى صيانة عايزة صنايعى... فهل هو فى التوكيل بس ولا متوفر فى الاسواق و محلات البقالة؟؟

و موضوع فرق اسعار قطع الغيار ده صحيح جدا و لكن قطع الغيار بتاعت اللوجان اصلية

اصلية يعنى Made in Romania... مش كدة؟؟

و مين قال ان قطع غيار اللانوس مفبش فيها اصلى؟؟؟... انا و الحمد لله بجيب كل حاجة اصلى او احسن من الاصلى لو لقيت (حاجات اوبل صناعة المانى)

و احنا مش عارفين الاصلي بتاع اللانوس يعمل كام

انا عارف يا باشا و اسال على اى مسمار يعجبك اقولك سعرة اصلى و كورى و تايوانى و المانى و ايطالى صينى و مصرى و استيراد... تحب اكتبلك اسعار شوية الحاجات اللى الاخوة الزملاء كتبوها فى موضوع اللوجان دة قبل كدة؟؟

و حتي لو في فرق كبير بردو اعتقد ان قطع الغيار الاوروبية معمرة اكتر من الكوري

هى الموضوع بيتقاس كدة؟؟ يعنى لو جبتلك قطعة غيار من بولندا تبقى زيها زى قطعة الغيار اللى من المانيا لمجرد انهم فى اوروبا؟؟؟؟

خللى بالك ان الصناعة الكورى اللى انت شايف انها درجة تالتة دى اساسها شركة GM اكبر مصنع سيارات فى العالم و قطع كتير جدا من قطع الغيار دى موجودة هى هى فى عربيات تانية بتتصنع فى المانيا او فى امريكا نفسها و فى حتت كتير تحت مظلة شركة GM

يكفى اقولك ان اللانوس اساسا مبنية على عربية اوبل استرا يعنى اساسياتها المانى و قطع غيار كتير اوبل بتركب فى عربياتنا (عفشة و موتور و فتيس و فرامل) فا احنا مش بنتكلم على عربية ظهرت بالصدفة او كانت تجربة و مشيت بالبركة

MMamdouh

[MMamdouh]

م / محمد ممدوح منور ياباشا والله وجود حضرتك فى المقارنة مهم جدا
اللوجان فيها اوبشن مهم اوى وهو ايرباج للسائق مش موجود فى اللانوس
""""""""""""" نظام امبوليزر للحماية من السرقة مش موجود فى اللانوس
اللانوس راديو ومشغل اسطوانات ام بى ثرى اللوجان اوديو بس
فى حاجات تانية بس مش هى اللى تخلينى افضل سيارة
على سيارة تانية يعنى اوبشنز بسيطة زى عواكس خلفية
ارتفاع العربية كويس مش بيحك فى مطبات شريط كروم
على الشنطة حامل اكواب فى الخلف والامام درج التابلوه
فيه لمبة كدة يعنى حاجات بسيطة
ومنتظر تعليقك يا باشا

هى الاير باج مش كماليات... هى عنصر امان... و سواء كدة او كدة فهى عنصر مهم جدا فى قرار شراء سيارة

MMamdouh

[amr.elsayed]

كون اللوجان من صناعة شركة داتشيا الرومانية... يعنى العربية مش فرنساوى

دة لا يعيب العربية فى شيئ رومانى مصرى هندى صينى اهم حاجة تكون سيارة جيدة

كون العربية تقفيل مغربى... يعنى حتى البلد اللى عملتها مش هى اللى قفلتها بالتالى مشاكل التجميع واردة برضة

دى برده واردة فى اى ماركة واى عربية حتى لو متقفلة فى بلدها ولنا فى ذلك الشأن ماركات كتير

و اهملت شكلها الخارجى...اه دى مسالة اذواق بس بامانة العربية وحشة مقارنة حتى باخواتها الرينو مش حقول اللانوس او اى دايو

هى فعلا اوحش من اخواتها الرينو لان دول فئة اعلى منها لكن بالنسبة للانوس شكلها بالنسبالى احلى من اللانوس بكتيير .. اذواق طبعا

اهملت قطع الغيار المكلفة جدا مقارنة بالدايو

هل اللانوس اول ما نزلت السوق كانت قطع غيارها بنفس السعر زى وقتنا الحالى طبعا لا يبقى زى ما قولت قبل كدة الموضوع عايز شوية صبر على قطع غيار اللوجان عشان تنتشر

اهملت فرق استهلاك البنزين

اللوجان استهلاكها جيد جدا بالنسبة لمواتير ال 1600 وبعد تليين العربية الناس بتفاجئ بان استهلاك البنزين ممتاز

اهملت ميزة ان اللانوس ممكن تشتغل ببنزين 80

انا عندى عربية ريتمو ومع ذلك بمون 90 عشان مش بلاقى اصلا ال 80

اهملت سعر اعادة البيع اللى فى مصلحة اللانوس

طبعا دى حاجة محدش يقدر ينكرها لان دى عربية موجودة فى السوق من 10 سنين واللوجان لسة جديدة ومع الوقت اللوجان حتمسك سعر

اهملت الحقيقة اللتى لا مهرب منها و هى ان اللانوس اثبتت كفائتها فى الطرق المصرية من اواخر 1998 و لحد النهاردة لسة بنفس قوتها....

مش فاهم موضوع القوة دة ايه

بالنسبة للوجان هى لسة new entry و محدش يعرف اعتماديتها (كعربية رومانى) شكلها ايه بالتالى المشترى بيميل للمنتج صاحب السمعة الاقوى لانة حيدفع مبلغ محترم مش ربع جنية لو ضاع فى الهوا مش حيفرق

ومع ذلك اللوجان عاملة مبيعات ممتازة ممتازة وفعلا منتظرة انتشار كبير يضاهى انتشار اللانوس وفى وقت اقل من انتشار اللانوس كمان

طيب النهاردة انت عندك طقم كاتينة فى لوجان مع تيل فرامل... حتجيبهم بكام؟؟؟ حتعملهم فى التوكيل بكام؟؟؟ هل فيه ميكانيكى برة يقدر يعملهملك؟؟؟ هل الميكانيكى دة جنب بيتكم ولا حتسافرلة 100 كيلو عشان فيش غيرة هو و اتنين تانيين فى البلد؟؟؟

حجيبهم زى ما بجيب اى قطع غيار لاى سيارة ومش خسارة اسافر 100 كيلو عشان اغير سير كاتينة مش كل يوم بغيره
ومع ذلك اللوجان صيانتها مش معقدة وفى المستقبل القريب
حتلاقى الميكانيكية كلهم شغلين فيها غصب عنهم لازم يتعلموا صيانتها لانها عربية من اكتر العربيات انتشار فى البلد

و لا قدر الله لو واحد خبطك خبطة و احتاجت مراية ولا اكصدام ولا فانوس.... بكاااام؟؟؟... مش معنى الكلام فى قطعة غيار انى بقول على عربية انها حتتوفى بعد اسبوع استخدام او حتغير مكنتها بعد 10 الاف كيلو... اى صيانة دورية بتحتاج قطع غيار و القطع دى بفلوس... الفيصل هل هى رخيصة و متوفرة بالمحلات و السوبر ماركت؟؟

التأمين يشيل فى حالة اى خبطة لقدر الله ......الصيانات انا عن نفسى حعملها فى التوكيل ومش حخلى اى ميكانيكى يمد ايده فى العربية قبل الميكانيكية يفهموا العربية كويس ودة برده فى المستقبل القريب ومع ذلك قطع غيار اللوجان مش فلكية وما ينفعش اقارنها مع اللانوس كما سبق وقولنا دى النقطة اللى بتتفوق فيها اللانوس

و مين قال ان قطع غيار اللانوس مفبش فيها اصلى؟؟؟... انا و الحمد لله بجيب كل حاجة اصلى او احسن من الاصلى لو لقيت (حاجات اوبل صناعة المانى)

ومين قال ان اللوجان مش ممكن يركبلها حاجات المانى لكن دة موضوع سابق لاوانه لسة البحث فيه مخدش مجرى الجد ولسة فى ضمان وحاجات كتير تمنعنى انى العب فى العربية لما تقدم شوية حتبان الحاجات دى اكتر

هى الموضوع بيتقاس كدة؟؟ يعنى لو جبتلك قطعة غيار من بولندا تبقى زيها زى قطعة الغيار اللى من المانيا لمجرد انهم فى اوروبا؟؟؟؟

محدش جاب سيرة المانيا خالص احنا بنتكلم عن كورى ورومانى

يكفى اقولك ان اللانوس اساسا مبنية على عربية اوبل استرا يعنى اساسياتها المانى و قطع غيار كتير اوبل بتركب فى عربياتنا (عفشة و موتور و فتيس و فرامل) فا احنا مش بنتكلم على عربية ظهرت بالصدفة او كانت تجربة و مشيت بالبركة

محدش قال ان اللانوس مشيت بالبركة ولا انها عربية ظهرت بالصدفة كل ما فى الامر انها ظهرت لنا سيارة من نفس الفئة جديرة بالاحترام ومع ذلك ان اللانوس بيركب فيها قطع غيار اوبل دة لا يعيب قطع غيار اللوجان لا فى جودتها ولا فى اعتماديتها وسمعنا كتير جدا عن مشاكل الاوبل
استاذ ممدوح المناقشة معاك بجد ليها طعم تانى بجد انت راجل محترم وكلامك موزون جدا بس فاضل حاجة واحدة بس انك تجرب تسوق اللوجان بجد فى فرق بين سوقاتها وسواقة اللانوس ودة حيعود علينا بالفايدة كلنا ذى ما احنا متعودين على كدة من حضرتك
تحياتى يا باشا وكل سنة وانت طيب

[MMamdouh]

دة لا يعيب العربية فى شيئ رومانى مصرى هندى صينى اهم حاجة تكون سيارة جيدة

انت كدة جبت من الاخر... اذا لا يعيب اللانوس انها من كوريا ولا اللوجان انها من رومانيا

دى برده واردة فى اى ماركة واى عربية حتى لو متقفلة فى بلدها ولنا فى ذلك الشأن ماركات كتير

يبقى كمان غطينا نقطة التقفيل (اصل فيه ناس قبل كدة فى حوار مماثل بين اللانوس و اللوجان عابوا على اللانوس انها كورى و انها تقفيل مصرى)

هى فعلا اوحش من اخواتها الرينو لان دول فئة اعلى منها لكن بالنسبة للانوس شكلها بالنسبالى احلى من اللانوس بكتيير .. اذواق طبعا

اذواق بالفعل... محدش يقدر يفاصل فى النقطة دى كتير لان دى ترجع للى حيشترى

هل اللانوس اول ما نزلت السوق كانت قطع غيارها بنفس السعر زى وقتنا الحالى طبعا لا يبقى زى ما قولت قبل كدة الموضوع عايز شوية صبر على قطع غيار اللوجان عشان تنتشر

الحقيقة معرفشبس من تجربتى مع العربية بتاعت الوالد. قطع الغيار كانت دايما مش غالية مقارنة بالعربيات اللى فى نفس الفئة ان لم تكن ارخصها

اللوجان استهلاكها جيد جدا بالنسبة لمواتير ال 1600 وبعد تليين العربية الناس بتفاجئ بان استهلاك البنزين ممتاز

مهى دى النقطة اللى الناس بتقع فيها... احنا بنقارن اللوجان باللانوس اذا تقارن الاستهلاك بين العربيتين مش مع متوسط استهلاك ال 1600... اللانوس استهلاكها اقل

جملة حضرتك تبقى ميزة لما تقارن اللوجان بعربية 1600 تانية

انا عندى عربية ريتمو ومع ذلك بمون 90 عشان مش بلاقى اصلا ال 80

و لا انا افكر احط فى عربيتى 80... دة لا يمنع ان اللانوس مش حتقول لا لما تحط 80... قصة توافر ال80 دى مشكلتنا احنا

طبعا دى حاجة محدش يقدر ينكرها لان دى عربية موجودة فى السوق من 10 سنين واللوجان لسة جديدة ومع الوقت اللوجان حتمسك سعر

بالضبط... القصة دى حتفضل ميزة حصرية للانوس لحد ما اللوجان تثبت نفسها فى السوق... اذا فى اللحظة دى الميزة فى صالح اللانوس لحين اشعار اخر

مش فاهم موضوع القوة دة ايه

يعنى قصدى بتشوفش اللانوس موديلات 99 و 2000 بتدخن او تشخلل او عطلانة على جنب الطريق لما الحر يشد زى العربيات الفيات القديم و اللادا و كدة... يعنى العربية بتستحمل شقا و مبتتعبش

انا عندى صورة للانوس عاملة 928 الف كيلو بمكنتها الاصلية و شوفت لانوس 2006 من مكتب ايجار عاملة 340 الف كيلو برضة بمكنتهاالاصلية... دا قصدى من القوة

ومع ذلك اللوجان عاملة مبيعات ممتازة ممتازة وفعلا منتظرة انتشار كبير يضاهى انتشار اللانوس وفى وقت اقل من انتشار اللانوس كمان

only time can tell

حجيبهم زى ما بجيب اى قطع غيار لاى سيارة

هل معنى كدة ان انتشار قطع غيار اللوجان زى اللانوس؟؟... راعى اننا بنقارن بين عربيتين فى الوقت الحالى مش المستقبل

ومش خسارة اسافر 100 كيلو عشان اغير سير كاتينة مش كل يوم بغيره

مش دى تبقى ميزة فى اللانوس؟؟

ومع ذلك اللوجان صيانتها مش معقدة وفى المستقبل القريب
حتلاقى الميكانيكية كلهم شغلين فيها غصب عنهم لازم يتعلموا صيانتها لانها عربية من اكتر العربيات انتشار فى البلد

again... time factor will prove that

التأمين يشيل فى حالة اى خبطة لقدر الله ......الصيانات انا عن نفسى حعملها فى التوكيل ومش حخلى اى ميكانيكى يمد ايده فى العربية قبل الميكانيكية يفهموا العربية كويس ودة برده فى المستقبل القريب ومع ذلك قطع غيار اللوجان مش فلكية وما ينفعش اقارنها مع اللانوس كما سبق وقولنا دى النقطة اللى بتتفوق فيها اللانوس

التامين تكلفة اضافية برضة على مصاريف التشغيل... صح؟؟

و برضة عنصر الوقت مهم فى الحتة دى و ممكن فى المستقبل اللوجان تنافس فى النقطة دى كويس لما تنتشر بقوة

ومين قال ان اللوجان مش ممكن يركبلها حاجات المانى لكن دة موضوع سابق لاوانه لسة البحث فيه مخدش مجرى الجد ولسة فى ضمان وحاجات كتير تمنعنى انى العب فى العربية لما تقدم شوية حتبان الحاجات دى اكتر

انا معرفش اذا كان اللوجان يركبلها ولا لا بس بالنسبة للانوس يركبلها قطع غيار اوبل... يعنى حتى مش قطعة غيار دايو اتعملت فى المانيا لكن قطعة غيار اتعملت لعربية من فئة اعلى... دى تبقى ميزة فى العمر الافتراضى لقطعة الغير... انا لسة جايب طقم بلى خلفى و طلع بتاع Audi 80 فى الاصل

محدش جاب سيرة المانيا خالص احنا بنتكلم عن كورى ورومانى

لا حضرتك بتتكلم عن "اوروبى" و كورى".... مش كل منتج اوروبى يبقى كفء و مش كل منتج كورى صغيف

محدش قال ان اللانوس مشيت بالبركة ولا انها عربية ظهرت بالصدفة كل ما فى الامر انها ظهرت لنا سيارة من نفس الفئة جديرة بالاحترام ومع ذلك ان اللانوس بيركب فيها قطع غيار اوبل دة لا يعيب قطع غيار اللوجان لا فى جودتها ولا فى اعتماديتها وسمعنا كتير جدا عن مشاكل الاوبل

ماشى... القصة ان فيه ناس عندها انطباع ان كل ما هو كورى فهو سىء... معلش الكلام دة مش صح لاسيما مع اللانوس اللى اساسياتها اوبل مش حتى كورى صرف لذا وجب التنوية

خللى بالك انا بش بعيب على اللوجان انها رومانى... مهى لو كانت صناعة اى كلام مكنتش رينو خاطرت بسمعتها و طلعت اللوجان من رومانيا بايدى داتشيا.. .الفكرة بس ان فيه ناس بتقول ان اللوجان "فرنساوى" و الاديو "كورى"....

لا دى فرنساوى و لا دى مزبلة... الاتنين بينهم تنافس شديد و الختيار صعب... الاهم من كدة ان لما حد يسالنا نجاوبة بدقة و منحاولش ناثر على قرارة من خلال اهوائنا الشخصية... يعنى لا انا اقولة "اللانوس حديد" لمجرد انى راكبها ولا حد من وحوش الرينو يقولة "اللوجان حديد" لان هو بيحب رينو

استاذ ممدوح المناقشة معاك بجد ليها طعم تانى بجد انت راجل محترم وكلامك موزون جدا بس فاضل حاجة واحدة بس انك تجرب تسوق اللوجان بجد فى فرق بين سوقاتها وسواقة اللانوس ودة حيعود علينا بالفايدة كلنا ذى ما احنا متعودين على كدة من حضرتك

قلما بلاقى حد بيخش معايا فى حوار جدلى زى كدة و يبقى كلامة منطقى و موزون زى حضرتك... انا اتشرفت بالتحاول معاك

و بالنسبة للتجربة بتاعت اللوجان... انا منتظر حد من وحوش الرينو يدينى لفة اجرب... او ممكن فى مقابلتكم الجاية ارمى الهلب عليكم و اخد عربية بالعافية اجربها

تحياتى يا باشا وكل سنة وانت طيب

و انت طيب يا باشا و مرة تانية انا سعدت بالتحاور معاك

MMamdouh

[MMamdouh]

على فكرة.... معظم الناس اغفلت ان اللوجان تتفوق على اللانوس فى الفرامل... شوفتوا انا محايد ازاى؟؟

MMamdouh

[amr.elsayed]

على فكرة.... معظم الناس اغفلت ان اللوجان تتفوق على اللانوس فى الفرامل... شوفتوا انا محايد ازاى؟؟

MMamdouh

ههههههههههه امسك وقع بالسانه واعترف اهههووو انا بتلكك

الاهم من كدة ان لما حد يسالنا نجاوبة بدقة و منحاولش ناثر على قرارة من خلال اهوائنا الشخصية... يعنى لا انا اقولة "اللانوس حديد" لمجرد انى راكبها ولا حد من وحوش الرينو يقولة "اللوجان حديد" لان هو بيحب رينو

دا اهم حاجة عشان الاستفادة تعم وحضرتك خير مثال والله

قلما بلاقى حد بيخش معايا فى حوار جدلى زى كدة و يبقى كلامة منطقى و موزون زى حضرتك... انا اتشرفت بالتحاول معاك

دى شهادة اعتز بيها جدا من شخصية محترمة زى حضرتك (تلميذك يا باشا)

و بالنسبة للتجربة بتاعت اللوجان... انا منتظر حد من وحوش الرينو يدينى لفة اجرب... او ممكن فى مقابلتكم الجاية ارمى الهلب عليكم و اخد عربية بالعافية اجربها

لا تتخيل مدى اهمية تقييم حضرتك للسيارة دة يكون تقييم trade mark واضافة قوية لتقيمات اعضاء قسم رينو المحترمين
احب اقول اخر ميزة فى اللوجان انها دخلت فى مقارنة قوية مع سيارة محترمة زى شيفرولية لانوس دة نجاح فى حد ذاته
احب اقول اخر ميزة فى اللانوس اذا اقتنيت هذه السيارة سيكون بجانبك شخصية محترمة لا تبخل باى افادة وفى اى وقت
مثل استاذى م/ محمد ممدوح على فكرة دة مش اوبشن دى عوامل امان