افيدونى افادكم الله( لانوس - لوجان )

[amr.elsayed]

اللانوس بقالها سنين فى مصر واى حاجه هتحتاجها ليها هتلاقيها بسهوله لكن الرينو اكيد هتبقى اصعب شويه

فعلا يا ميدو انا متفق معاك فى الكلام دة وهو دة اللى احنا بنقوله لان اللانوس اقدم من اللوجان
بسنين كتيرة تجعل من قطع غيارها اكثر انتشارا من الرينو لوجان

غير ان علامه رينو دى ما تثبتش ان العربيه زى الميجان مثلا لانها مغربى فمتخليش العلامه تخدعك

العربية مغربى لانها من مصنع سوماكا فى المغرب ورينو بتمتلك فى المصنع دة 66 %
من راس مال المصنع يعنى مش مصنع تحت بير السلم ومينفعس ادخل عربية زى الميجان
لانها فئة اعلى من اللوجان بكتيير ودى بتناشد مستهلك ودى بتناشد مستهلك تانى خالص

ودا برضه نفس قصه اللانوس علامه شيفروليه انا اعرف ناس بتجيبها عشان فاكر انها سمعه شيفروليه وكدا

دة ليس له اى علاقة بمنتدى نايل موتورز والمنتدى مليئ بالاعضاء ذات الخبرة الواسعة
اللى مش بيحكموا على العلامة وبس ودة اللى احنا بنعمله من خلال المقارنة

وفكر براحه وربنا يوفقك

دة اهم حاجة فى شراء السيارة التمهل والتفكير الجيد فى السيارة اللى حتلبى احتياجاتى
وكل سنة وانت طيب يا ميدو واى استفسار بخصوص اللوجان انا تحت امرك

[MMamdouh]

شكرا ياباشا علي الرد انا كنت عند سمكري النهاردة بيظبطلي حته كده وسالته لو عايز اظبط العربية كلها و ارشها تعمل كام قالي 2500 بالدهان معرفش ده كويس و لا كتير انا متوقعتش الرقم ده بصراحة ,, حاجة تانية في مراكز كشف معتمدة بالكمبيوتر و كده تكشف كل العيوب و تظبط العربية و يقولي ايه محتاج يتغير و كده اصلي مش عايز اروح التوكيل عايز حاجة ارخص شوية,, و شكرا ليك تاني ياسيدي

تكلفة السمكرة و الدوكو مينفعش تقييمها بدون ما الصنايعى يشوف العربية بالتالى محدش يقدر يقول دة كتير ولا لا... عربية والدى اتكلفت سمكرة 400 جنية و دوكو 1000

بالنسبة للكشف على العربية فا انت بس روح للميكانيكى اللى قولتلك علية و قولك انك من طرفى و هو حيقولك على كل حاجة العربية محتاجاه... و بالنسبة للكمبيوتر فا هو يعرف محمد السيد اللى قولتلك علية برضة و ممكن يروح معاك و انت بتكشف بالجهاز على العربية لو عايز تطمن زيادة على الحساسات و كدة

MMamdouh

[Terrible_DaRsH]

انا مش هنسى حادثة اللانوس لما البنت اخدت ملف على سرعة لا تزيد عن 20 ك م و دخلت فى ميكروباص الموتور كان ناقص له 2 سم و يدخل على الصالون و الكبوت اتطبق 500 قطعة و كشافات اتحللت و اكصدام ملهوش ملامح .

اللانوس فى اوقات الحوادث لا قدر الله زى القنبلة بالظبط .

اما اللوجان فانا مش هعلق عليها لانى بصراحة مشفتش لها لا حلو ولا وحش لسه .

[MMamdouh]

تفتكر لو اى عربية دخلت فى ميكروباص حيحصلها ايه؟؟

و بعدين انت فاتك مقابلة نايل موتورز لما زميل لينا اتخبط على الدائرى بسبب واحد راكن فى الحارة الشمال و الخسائر مكانتش فادحة مقارنة بالحادث فا معلش وصف العربية بانها قنبلة مبالغ فيه جدا

YouTube - Daewoo Lanos Crash Test

MMamdouh

[Terrible_DaRsH]

و الله يا محمد انا بتكلم عن حاجة شفتها بعينى و والله العظيم و الله العظيم انا زُهلت من اللى عينى شافته .

انا كنت مصور الحادثة و منزلها على المنتدى على فكرة , و جارى فى العمارة معاه لانوس لو سمعت كلامه عن العربية هتعرف انا ليه بقول عليها قنبلة موقوتة , انا مش هقول لك جرب تختبر كبوت العربية او شنطتها لانها معاك بقالها فترة اكيد و لكن صاحب الموضوع يجرب بنفسه يضغط على كبوت او شنطة اللانوس و يشوف قوة التحمل عاملة ازاى .

انا مش بقلل من اللانوس والله بس دى نقطة ممكن تفرق مع الرجل بس .

[Ibrahim88]

هو اللانوس اللى بتنزل دى أصلا لانوس؟؟ أقصد الموديل من الاخر لا ينتج الا بمصر و بيضحكوا على الناس بعلامة شيفروليه و تقفيل مصرى كمان
اللوجان يتم بيعها بكل دول العالم و تقفيل و جودة و عفشة و متانة و موتور ميجان 99 و فتيس ميجان و شاسيه نيسان حرااااااام اقارنها باللنوس اللى داخلة على 14 سنة بنفس عيوب الفرامل
السبب الوحيد اللى بيخلى الناس تجيبها هو سعرها و قطع غيارها و اعادة البيع و ال3 مش وحششين فى اللوجان

[egyptiandiver]

لانوس اكيد