افيدونى افادكم الله( لانوس - لوجان )

[foash304]

انا بشكر المنتدى الجميل دة لأن فى ناس عمالقة زى الأستاذ رينجو و المهندس/ محمد ممدوح
- انا فعلا استمتعت بالحوار الجيمل دة
- بس فى الأخر بقيت محتاااااااااااااار (هههههههههه)
- انا فعلا كنت نازل اشترى الأسبوع دة و لكن انا فى حيرة شديدة و خاصة لما لاقيت ان فى نقص شديد فى السوق بالنسبة للوجان و اللى موجود لازم يكون كاش مش قسط والا احجز و فى خلال شهرين استلم

[tofy_urban]

انا بشكر المنتدى الجميل دة لأن فى ناس عمالقة زى الأستاذ رينجو و المهندس/ محمد ممدوح
- انا فعلا استمتعت بالحوار الجيمل دة
- بس فى الأخر بقيت محتاااااااااااااار (هههههههههه)
- انا فعلا كنت نازل اشترى الأسبوع دة و لكن انا فى حيرة شديدة و خاصة لما لاقيت ان فى نقص شديد فى السوق بالنسبة للوجان و اللى موجود لازم يكون كاش مش قسط والا احجز و فى خلال شهرين استلم

ده يؤكدلك ياباشا ان العربية عليها طلب كبير جدا و عاملة مبيعات جامدة اوي و يؤكد نظرية ان قطع الغيار هاتتوافر و الميكانيكية هايتعلموا يشتغلوا فيها لما يلاقوها منتشرة في الشارع
علي العموم لو عايز تستلم بسرعة ممكن تحجز عند محمد ذكي و الاستلام في خلال اسبوعين او تلاتة
نقطة اخيرة للأستاذ محمد ممدوح حوارك فيه نوع من التحيز قد يكون غير المقصود لصالح اللانوس
موضوع الصناعة و التقفيل ( طيب ماتجيب عربية صيني بقي زي الاسبيرانزا ماهي مبنية علي ماتور ميتسوبيشي ) و علي فكرة معادلة روماني + فرنسي + مغربي تتفوق علي معادلة كوري + الماني + مصري
و موضوع الكماليات اللي حضرتك بتقول انها حاجات مش مهمة للي هايشتري السيارة دي وجهة نظرك مش وجهة نظر كل اللي بيشتروا عربيات
و علي فكرة انا لا أملك لا اللوجان و لا اللانوس و لكن بركب نوبيرا و هي الاخت الاكبر للانوس و اقدر اقول بكل صراحة ان الكوري مش عربية تقدر تعيش و تحس انها لسه محافظة علي نفسها انا بشوف عربيات اوروبي موديل 95 بحس انها اجدد من عربيتي موديل 2005 ده غير الصاج اللي بقيت تحس انه معضعض و خد ياسيدي موضوع رخص قطع الغيار و الصنايعية اللي بيعرفوا يشتغلوا و قطع الغيار اللي في السوبر ماركت و الكلام ده
العربية البومينة بتاعتها ضربت و غيرت بوميينة و طقم بوجيهات ( ملحوظة دي ثالث مرة في 4 سنين و العربية معملتش 80 ألف كيلو ) المهم غيرت البومينة و طقم البوجيهات و البومينة شكلها طلعت مضروبة او فيها مشكلة لان العربية لسه مش مظبوطة و اللمبة منورة في التابلوة ان في مشكلة و روحت للراجل تاني قالي مفيش حاجة تلاقي بس شريحة الكمبيوتر مهنجة و اي كلام كده و خلاص و رميت طقم البوجيهات بعدها بيومين و روحت جبت طقم تاني و لسه المشكلة قائمة و قررت اني اسيبها لحد ما تضرب خالص و ابقي اجيب وحدة اصلية من اي حتة و ادور علي اي ميكانيكي من اللي بيعرفوا يشتغلوا دول و حافظين الكوري يمكن الاقي حد منهم او هاطلع علي التوكيل ,,, و خد مشكلة تانية التكييف حصل بردو فيه مشكلة لما جينا نشحنه و فضل بايظ و بعد ما اتشحن و اتصلح اهو شغال لكن بحس انه مش مظبوط و بحس ان في رائحة طالعة منه
انا زهقت من الكوري عن تجربة و صدقت مقولة ان الكوري 100 الف كيلو و بس
ودي اراء للعلم فقط و ليست لفرض وجهة نظر او ترجيح عربية عن اخري و لكل من يفكر يشتري متستعجلش و اتخذ قراراك علي مهلك علشان متندمش في يوم من الايام

[MMamdouh]

ههههههههههه امسك وقع بالسانه واعترف اهههووو انا بتلكك

هههههههههههههههههههه

دا اهم حاجة عشان الاستفادة تعم وحضرتك خير مثال والله

دى شهادة اعتز بيها جدا من شخصية محترمة زى حضرتك (تلميذك يا باشا)

انا شاكر على الاطراء الجامد دة... ربنا يخليك

لا تتخيل مدى اهمية تقييم حضرتك للسيارة دة يكون تقييم trade mark واضافة قوية لتقيمات اعضاء قسم رينو المحترمين

ربنا يسهل لو فيه فرصة لحاجة زى كدة يبقى كملنا التقييم

احب اقول اخر ميزة فى اللوجان انها دخلت فى مقارنة قوية مع سيارة محترمة زى شيفرولية لانوس دة نجاح فى حد ذاته

اصلا كون اننا بنناقش العربية دى اكتر من مرة فى اكتر من مقارنة يعنى ان العربية حيبقى ليها وضع محترم فى السوق

احب اقول اخر ميزة فى اللانوس اذا اقتنيت هذه السيارة سيكون بجانبك شخصية محترمة لا تبخل باى افادة وفى اى وقت
مثل استاذى م/ محمد ممدوح على فكرة دة مش اوبشن دى عوامل امان

هى مش ميزة للانوس... هى ميزة لاعضاء نايل موتورز... يعنى لو حد جاب لوجان و اتزنق فى حاجة و سالنى حجاوبة برضة... و حتى لو معرفش الاجابة حسال حد من وحوش رينو المقربين ليا و اجيبلة الاجابة فا الموضوع مش مرتبط بعربية لان العربية فى الاخر حتة حديد لكن هو مربوط بالشخصيات المحترمة اعضاء المنتدى

MMamdouh

[MMamdouh]

نقطة اخيرة للأستاذ محمد ممدوح حوارك فيه نوع من التحيز قد يكون غير المقصود لصالح اللانوس

دة طبيعى لانى شايف تحيز كبير للوجان و اغفال لمميزات كتير فى اللانوس... دة مش نابع من انى بحب الدايو او لانى غير محايد والا مكنتش قولت على عيب فى اللانوس اساسا محبى اللوجان مقالوش عليه... صح؟

موضوع الصناعة و التقفيل ( طيب ماتجيب عربية صيني بقي زي الاسبيرانزا ماهي مبنية علي ماتور ميتسوبيشي )

متسوبيشى على العين و الراس... لكن هل الصناعة الصناعة الصينى احسن من الكورى او الرومانى؟... معتقدش خالص

و علي فكرة معادلة روماني + فرنسي + مغربي تتفوق علي معادلة كوري + الماني + مصري

فى التكنولوجيا: الالمانى اعلى من الفرنسى
فى الصناعة: الكورى اعلى من الرومانى
فى التقفيل: المصرى اعلى من المغربى

و موضوع الكماليات اللي حضرتك بتقول انها حاجات مش مهمة للي هايشتري السيارة دي وجهة نظرك مش وجهة نظر كل اللي بيشتروا عربيات

دا بالنسبة للمفتاح و جراب النضارة... بس هل دة ينطبق على الفوج الخلفى و سخان الزجاج؟؟

و علي فكرة انا لا أملك لا اللوجان و لا اللانوس و لكن بركب نوبيرا و هي الاخت الاكبر للانوس و اقدر اقول بكل صراحة ان الكوري مش عربية تقدر تعيش و تحس انها لسه محافظة علي نفسها انا بشوف عربيات اوروبي موديل 95 بحس انها اجدد من عربيتي موديل 2005 ده غير الصاج اللي بقيت تحس انه معضعض و خد ياسيدي موضوع رخص قطع الغيار و الصنايعية اللي بيعرفوا يشتغلوا و قطع الغيار اللي في السوبر ماركت و الكلام ده

ازاى يا باشا؟؟؟ طيب ما عربية الوالد معانا من نوفمبر 1998 و الحمد لله زى الفل حتى الان... و موضوع الصاج و كدة فا انت فى مصر... يعنى كل يوم حتلاقى واحد حاكك رفرف او بايسلك باب او مريح على اكصدام... و بعدين مفيش عربية موديل الايام دى بصاج علية القيمة فى الفئة السعرية اللى احنا بنتكلم فيها

العربية البومينة بتاعتها ضربت و غيرت بوميينة و طقم بوجيهات ( ملحوظة دي ثالث مرة في 4 سنين و العربية معملتش 80 ألف كيلو ) المهم غيرت البومينة و طقم البوجيهات و البومينة شكلها طلعت مضروبة او فيها مشكلة لان العربية لسه مش مظبوطة و اللمبة منورة في التابلوة ان في مشكلة و روحت للراجل تاني قالي مفيش حاجة تلاقي بس شريحة الكمبيوتر مهنجة و اي كلام كده و خلاص و رميت طقم البوجيهات بعدها بيومين و روحت جبت طقم تاني و لسه المشكلة قائمة و قررت اني اسيبها لحد ما تضرب خالص و ابقي اجيب وحدة اصلية من اي حتة و ادور علي اي ميكانيكي من اللي بيعرفوا يشتغلوا دول و حافظين الكوري يمكن الاقي حد منهم او هاطلع علي التوكيل ,,, و خد مشكلة تانية التكييف حصل بردو فيه مشكلة لما جينا نشحنه و فضل بايظ و بعد ما اتشحن و اتصلح اهو شغال لكن بحس انه مش مظبوط و بحس ان في رائحة طالعة منه

طيب مش عيب تبقى مالك لعربية دايو و متسالش مستشار الدايو فى حاجة زى كدة؟؟؟ كنت دليتك على ميكانيكى و كهربائى و محل قطع غيار من اخر الاخر و حليت المشكلة للابد... و على فكرة الميكانيكى شغال فى التوكيل و الكهربائى راجل فاهم جدا و عندة السيرفس مانيوال و سكانر و محل قطع الغيار عندة القطع الاصلى و مبيشتغلش فى المضروب

انا زهقت من الكوري عن تجربة و صدقت مقولة ان الكوري 100 الف كيلو و بس
ودي اراء للعلم فقط و ليست لفرض وجهة نظر او ترجيح عربية عن اخري و لكل من يفكر يشتري متستعجلش و اتخذ قراراك علي مهلك علشان متندمش في يوم من الايام

على فكرة... فيه عربيات كورى كتير معدية ال 100 الف دول بدون اى مشاكل... انا شوفت لانوس موديل 2006 عاملة ازيد من 320 الف كيلو لانها فى مكتب ايجار باكتوبر... صحيح العربية جاية تغير طقم دبرياد و طقم مساعدين بس انت عايز ايه من عربية بتعمل حوالى 100 الف فى السنة؟؟؟؟

لو كان الكورى مش معمر مكنش نجح كدة و على فكرة مقولة 100 الف دى مش دقيقة لان ببساطة عربية والدى عاملة 127 الف و عربيتى فاضلها 4 الاف و تكسر المية و الاتنين ما شاء الله شغالين زى الفل دا غير عربيات الزملاء اللى كتير منهم معدى ال 100 الف... صحيح بيحصل عندهم مشاكل بس العربيات مازالت شغالة و بتروح و تيجى... مهو لازم عربية معدية ال 100 الف تحتاج صيانة و قطع غيار

MMamdouh

[Mohamed.Ramah]

لوجان احسن بكتيييييييييييييير

[gebreel]

و الله العظيم كل يوم بيحصل تأكيد لاحساسي ان كل اعضاء نيل موتورز محترمين جدا
م/ محمد بجد منور و مش هقول غير كدة :d

[amr.elsayed]

انا بشكر المنتدى الجميل دة لأن فى ناس عمالقة زى الأستاذ رينجو و المهندس/ محمد ممدوح
- انا فعلا استمتعت بالحوار الجيمل دة
- بس فى الأخر بقيت محتاااااااااااااار (هههههههههه)
- انا فعلا كنت نازل اشترى الأسبوع دة و لكن انا فى حيرة شديدة و خاصة لما لاقيت ان فى نقص شديد فى السوق بالنسبة للوجان و اللى موجود لازم يكون كاش مش قسط والا احجز و فى خلال شهرين استلم

انا حقولك حاجة اخيرة يا فوؤش عشان تقدر تحدد اختيارك
محدش فينا حيقدر يقولك العربية دى تناسبك والعربية دى لا
اللى يحدد دة هو انت لان كل واحد فينا ليه احتياجاته اللى
عايزها فى العربية
الخلاصة انت تشوف ايه الاحتياجات اللى انت عايزها فى عربيتك
وتبدء تشوف ايه هى العربية اللى تلبى هذه الاحتياجات من خلال المقارنة
وسبق ما قولت لك ان العربيتين كويسين جدا فى فئتهم السعرية
ومفيش حاجة كاملة الكمال لله وحده كل حاجة ليها عيوبها ومميزاتها
روح اتفرج عليهم الاثتنين واللى يعجبك منهم وترتاح لها نفسيا
توكل على الله وماتنساش تستخير ربنا قبل اى حاجة
وربنا يوفقك ويرشدك للاختيار الامثل

[foash304]

الف شكر يا رينجو على الأهتمام و انا بالفعل هو دة اللى انا هعملوا ان شاء الله

[cheetos_892005]

الف شكر يا رينجو على الأهتمام و انا بالفعل هو دة اللى انا هعملوا ان شاء الله

اقولك من الاخر
روح معرض كبير من اللي بيبقي عتدهم العربيات كلها زي سمير ريان او عربيات او مصريه
افتح كبوت كل واحده
افتح شنطه كل واحده
اقعد في كل واحده قدام وورا ((الفول اوبشن في اللوجان بذات ))
لو عرفت تدوره دورها
افتح النور و شوف الفرق من جوه وبره
وانا متاكد هتختار ايه

[tofy_urban]

سعادة الباشا انا مش عايز ادخل في حوار جدلي لاننا كده مش هانوصل لنتيجة لكن

فى التكنولوجيا: الالمانى اعلى من الفرنسى

صح كلامك طبعا

فى الصناعة: الكورى اعلى من الرومانى

اختلف بشدة شوف رومانيا بتنتج عربيات من امتي و كوريا من امتي

فى التقفيل: المصرى اعلى من المغربى

بردو أختلف معاك لانك كده محتاج تعرف شوية ارقام مهمة مصنع سوماكا اللي في المغرب ده من المصانع الرئيسية لرينو في العالم و هي شريكة في سوماكا بنسبة 54% و رينو بتعتمد في مبيعاتها في فرنسا و المنيا علي المصنع ده لقرب المسافة و كمان قررت رينو و نيسان عمل مصنع جديد في طنجة بخط إنتاج 400 الف سيارة سنويا إلا ان نيسان تراجعت عن الشراكة بعد الازمة العالمية لكن المصنع مستمر في الانشاء لان رينو تمتلك منه 80% و بيوفر حوالي 30ألف فرصة عمل بعد حجم الاستثمارات دي كلها و اعتماد رينو بصفة رئيسية علي مصنعها في سوماكا صعب اصدق ان التقفيل المصري افضل من المغربي عمري ما سمعت عن عربية تقفيل مصري بتتباع في اوروبا فما بالك بدولتين زي فرنسا و اسبانيا ( رينو مش عبيطة انها ترمي استثمارات بالمليارات كده في الارض ) و علي فكرة الناس مش قادرة تفهم ان مصنع سوماكا تقريبا بتاع رينو مش مجرد وكيل زي هنا في مصر بيجمعو اي حاجة و يرموها للناس تركبها و تفرح بيها

ازاى يا باشا؟؟؟ طيب ما عربية الوالد معانا من نوفمبر 1998 و الحمد لله زى الفل حتى الان... و موضوع الصاج و كدة فا انت فى مصر... يعنى كل يوم حتلاقى واحد حاكك رفرف او بايسلك باب او مريح على اكصدام... و بعدين مفيش عربية موديل الايام دى بصاج علية القيمة فى الفئة السعرية اللى احنا بنتكلم فيها

انا مقلتش المفروض انها تبقي صلب لكن انا قلت بص علي عربية اوروبي من منتصف التسعينات كده و بعدين بص علي عربية كوري 2005 و انت علي طول هاتفهم الفرق و تفهم قصدي ايه شكل العربية نفسة بيديك احساس انها خلاص هاتموت لكن الاوروبي تحس انه لسه شباب

طيب مش عيب تبقى مالك لعربية دايو و متسالش مستشار الدايو فى حاجة زى كدة؟؟؟ كنت دليتك على ميكانيكى و كهربائى و محل قطع غيار من اخر الاخر و حليت المشكلة للابد... و على فكرة الميكانيكى شغال فى التوكيل و الكهربائى راجل فاهم جدا و عندة السيرفس مانيوال و سكانر و محل قطع الغيار عندة القطع الاصلى و مبيشتغلش فى المضروب

اهو اللي حصل بقي كنت في الشارع و مضطر اعملها و مستناش و بعدين احنا فيها قولي اعمل ايه و انا معاك ياريس هاسلملك نفسي و ياريت بالمرة سمكري عدل ياظبطي العربية و يحيها تاني اهو يبقي في امل احصل حتي ربع الاوروبي

على فكرة... فيه عربيات كورى كتير معدية ال 100 الف دول بدون اى مشاكل... انا شوفت لانوس موديل 2006 عاملة ازيد من 320 الف كيلو لانها فى مكتب ايجار باكتوبر... صحيح العربية جاية تغير طقم دبرياد و طقم مساعدين بس انت عايز ايه من عربية بتعمل حوالى 100 الف فى السنة؟؟؟؟

و في عربيات اكتر عدت ال 100 ومشاكلها بالهبل

في الاخير متنسانيش بقي سمكري و كهربائي

[tofy_urban]

و بالمرة بقي العربية مش بتدور علي طول و لازم ادور مرة و اتنين علشان تدور ,, و البطارية لسه مكملتش سنة ممكن تكون مشكلة ايه رشاشات مثلا

[MMamdouh]

و بالمرة بقي العربية مش بتدور علي طول و لازم ادور مرة و اتنين علشان تدور ,, و البطارية لسه مكملتش سنة ممكن تكون مشكلة ايه رشاشات مثلا

غالبا رشاشات... لو البوجيهات بتطلع سودة و مهببة يبقى 100% رشاشات

MMamdouh

[MMamdouh]

سعادة الباشا انا مش عايز ادخل في حوار جدلي لاننا كده مش هانوصل لنتيجة

و ليه متحاورش؟؟؟ يكفينا متعة الهوار الهادف المحترم... و مين قالك اننا حنوصل لنتيجة؟؟؟ النتيجة يوصلها صاحب الموضوع لما يقرر هو عايز ايه... اكيد احتياجاتة و اولوياتة غير احتياجاتى و احتياجاتك و احتياجات كل واحد فى المنتدى بالتالى القرار حيبقى ليه هو لوحدة... احنا كل شغلتنا نقولة على لميزات و العيوب

اختلف بشدة شوف رومانيا بتنتج عربيات من امتي و كوريا من امتي

الموضوع مش بالمدة... ما هى الماركات العالمية التى توازى كيا و هيونداى لدى رومانيا؟؟

بردو أختلف معاك لانك كده محتاج تعرف شوية ارقام مهمة مصنع سوماكا اللي في المغرب ده من المصانع الرئيسية لرينو في العالم و هي شريكة في سوماكا بنسبة 54% و رينو بتعتمد في مبيعاتها في فرنسا و المنيا علي المصنع ده لقرب المسافة و كمان قررت رينو و نيسان عمل مصنع جديد في طنجة بخط إنتاج 400 الف سيارة سنويا إلا ان نيسان تراجعت عن الشراكة بعد الازمة العالمية لكن المصنع مستمر في الانشاء لان رينو تمتلك منه 80% و بيوفر حوالي 30ألف فرصة عمل بعد حجم الاستثمارات دي كلها و اعتماد رينو بصفة رئيسية علي مصنعها في سوماكا صعب اصدق ان التقفيل المصري افضل من المغربي عمري ما سمعت عن عربية تقفيل مصري بتتباع في اوروبا فما بالك بدولتين زي فرنسا و اسبانيا ( رينو مش عبيطة انها ترمي استثمارات بالمليارات كده في الارض ) و علي فكرة الناس مش قادرة تفهم ان مصنع سوماكا تقريبا بتاع رينو مش مجرد وكيل زي هنا في مصر بيجمعو اي حاجة و يرموها للناس تركبها و تفرح بيها

يعنى المغرب مبتجمعش غير رينو... مصر بتجمع لكام مصنع عالمى؟؟

اهو اللي حصل بقي كنت في الشارع و مضطر اعملها و مستناش و بعدين احنا فيها قولي اعمل ايه و انا معاك ياريس هاسلملك نفسي و ياريت بالمرة سمكري عدل ياظبطي العربية و يحيها تاني اهو يبقي في امل احصل حتي ربع الاوروبي


و في عربيات اكتر عدت ال 100 ومشاكلها بالهبل

في الاخير متنسانيش بقي سمكري و كهربائي

السمكرى بتاعى هو سيد العجوز فى عرب المعادى ناحية القرية الاولمبية



و الكهربائى هو محمد السيد

http://www.nilemotors.net/Nile/75433-a.html

و ادى ميكانيكى بالمرة

http://www.nilemotors.net/Nile/29619-a.html

و محل قطع غيار محترم

http://www.nilemotors.net/Nile/68807-a.html

مش عايز منجد عربى بالمرة؟؟

MMamdouh

[tofy_urban]

شكرا ياباشا علي الرد انا كنت عند سمكري النهاردة بيظبطلي حته كده وسالته لو عايز اظبط العربية كلها و ارشها تعمل كام قالي 2500 بالدهان معرفش ده كويس و لا كتير انا متوقعتش الرقم ده بصراحة ,, حاجة تانية في مراكز كشف معتمدة بالكمبيوتر و كده تكشف كل العيوب و تظبط العربية و يقولي ايه محتاج يتغير و كده اصلي مش عايز اروح التوكيل عايز حاجة ارخص شوية,, و شكرا ليك تاني ياسيدي

[medo_2060]

اللانوس بقالها سنين فى مصر واى حاجه هتحتاجها ليها هتلاقيها بسهوله لكن الرينو اكيد هتبقى اصعب شويه غير ان علامه رينو دى ما تثبتش ان العربيه زى الميجان مثلا لانها مغربى فمتخليش العلامه تخدعك ودا برضه نفس قصه اللانوس علامه شيفروليه انا اعرف ناس بتجيبها عشان فاكر انها سمعه شيفروليه وكدا وفكر براحه وربنا يوفقك