Materia - Elantra

[kabos]

من رايى الالنترا احلى فى الشكل وانا مجرب الالنترا ثبات مالهوش حل وتسارع بس بصراحة الماتيريا مجربتهاش

[m000dy]

ياخوننا حيرتو الراجل اللى بيسال فى الاساس
طبعا كلامى موجه لصاحب الموضوع
لو حضرتك عيلتك غاليه عندك وبتخاف عليهم وقلبك بينقبض لما تشوف عربيه مدعوكه على الطريق يبقى اختار الامن وده لا يمنع القدر طبعا بس الواحد بيعمل اللى عليه
اما رايى الشخصى فانا شايف ان لكل عربيه منهم ميزه مش موجوده عند التانيه
وكمان فى بينهم تشابهات تسهل موضوع الاختيار على اد ما بتصعبه
يعنى الاتنين سمعتهم كويسه
والاتنين تصميمهم شيك
والاتنين حجمهم مناسب وقه مواتيرهم متقاربه ومواتير الاتنين كويسين الا ان المواتير اللى فى الهيونداى كلها بلا استثناء عمرها اقصر من مثيلاتها اليابانى والالمانى وكمان بعض العربيات الكورى واكبر دليل الفرق بين الدايو والهيونداى من ناحية الموتور وطبعا ما نقدرش نقارن موتور عملته جنرال موتورز بعربيه موتورها كورى او حتى يابانى فى بعض الاحيان
بس اللى انا شفته ان الماتيريا نزلت بتصميم جرىء جدا ومختلف بشكل ملحوظ عن كل الموديلات اللى فى السوق
وانا كنت اول المبهورين بشكل الماتيريا واللى بيقول من بره انها اكيد اكيد واسعه من جوا مع انى ماركبتهاش
اما الالينترا فمتحكيش على الثبات وده شىء اساسى فى كل موديلات الالينترا من يوم ما عملوها
والوسع بردو محدش يتكلم فيه لان كل الموديلات بردو واسعه من اول موديل 93 وده اللى انا شفته بنفسى
بس هنا الفرق هايبقى تابع لشخصية حضرتك
بتحب الطول والعرض والبرستيج
ولا بتحب التفرد والتميز وانك تبقى مختلف عن اللى حواليك لان الماتيريا قليل ماهاتلاقى حد تعرفه او ساكن جنبك جايبها
اما الالينترا فبقت عامله زى سلامو عليكو
ومن ناحيه تانيه انا شايف ان الالينترا نسخه رديئه فى الشكل من التويوتا 2008 الجديده خصوصا الفوانيس الخلفيه والشنطه

[red_elantra]

على فكرة اللى انا شايفة ان فى ناسم متعصبة اوى وعندها عقد.معلش انا من وجهة نظرى المتواضعة اللى شايفة ان الكورى بوجة عام افضل من اليابانى فى مصر لانة اليابانى موجة لاوربا اما الكورى موجة لمصر واعتقد ان دة نوع من التفرد.ثانيا لايجوز مقارنة سيارة لاتندرج بين السيدان ولا الهاتش باك ينع قول خرمنت يعنى لاتعرفلها بوز من ......... ثانيا ودة الاهم دية سيارة 1600 ودية 1500 وغير اللى بتكلم على ناقل الحركة او الفتيس فالديهاتسو بشكل عام فيها مشاكل بالجملة فى علبة الدريكسون والفتيس وعن تجربة .دة غير انها غير عملية على الاطلاق فهى ليست عائلية لكن يمكن تبقى عائلية لو حطيت شبكة زى السبعة راكب علشان تحط الشنط.دة اصل ان الظاهر ان مصمميها نسوا ان العربية ليها شنطة ولغوها من العربية .دة غير ان الدياهاتسو بشكل عام فى قاع الموديلات اليابانى ودة امر معروف دة غير ان السيارة غير موثوق بها فى السوق حيث تجاربها كانت فى تريوس واللى ركب تيريوس يقول ثبات عامل ازاى على الريق اوعتقد دة من عوامل الامان بردة ولا يارجالة .كفايكم عقد وتعصب بقى على الكورى.وياريت اللى يجرب يتكلم ميتكملش وهو مش فاهم .وعلى العموم ياخى انصحك ان تجيب عربية فى امكانيتك وتحت متلباتك وياريت متبص لمنظر ولا الشكل شوف انت عايز اية من العربية يعنى واخدها غاية ولا وسيلة؟؟؟
شكرااااااااااااااااااااااااااااااااااااااااااااااا ااا

[SharpArrow]

انا رأي ان الياريس افضل من الاتنين بس طبعا تسارع مش هتجيب حاجة مع الالنترا
فا لو حاجة اسرية و امان و مش مهم السرعة يبقى ياريس

لو انت قدرت تطلع ل 96000 جنيه فكر في حاجة فيها كل المواصفات اللي انت عايزها و اكتر بكتير
و عربية خدت بريستيجها فعلا و تتفوق في كل حاجة عن كل المذكورين في الامان و التسارع و الوسع و الثبات الرهيب و التوكيل المحترم

فيات لينيا T-Jet 120 حصان

http://www.nilemotors.net/Nile/106551-a.html

ده لينك لاحد مالكي السيارة و تقييمه ليها

[yoko]

انا رأي ان الياريس افضل من الاتنين بس طبعا تسارع مش هتجيب حاجة مع الالنترا
فا لو حاجة اسرية و امان و مش مهم السرعة يبقى ياريس

لو انت قدرت تطلع ل 96000 جنيه فكر في حاجة فيها كل المواصفات اللي انت عايزها و اكتر بكتير
و عربية خدت بريستيجها فعلا و تتفوق في كل حاجة عن كل المذكورين في الامان و التسارع و الوسع و الثبات الرهيب و التوكيل المحترم

فيات لينيا t-jet 120 حصان

http://www.nilemotors.net/nile/106551-a.html

ده لينك لاحد مالكي السيارة و تقييمه ليها

يا حاتم يا مسيطني أنا كل ما أخش موضوع ألاقيك كاتب عن التقرير بتاعي هو بجد حلو كده (أنا حاسس إنه مش قد كده ولوله العربية ممتازة كان بقى تقرير أي كلام)

[Samir_Adel]

ماتيريا أكيد أكيد وخود عندك
1. الشكل أذواق بالنسبه لى ماتيريا أجمل
2.الماتيريا يابانى 100% وألنترا كوري
3.الوسع الداخلى لصالح الماتيريا شايف أن مافيش عربيه فى الفئه دى جابت وسع الماتيريا
4_كماليات لصالح الماتيريا
5.وسائل الامان الماتيريا واخده 4 نجوم من 5
6.التوكيل لصالح دايهاتسو أكيد
7.أستهلاك البنزين ممكن يكون لصالح الماتيريا لانها 1500
وأخيرا قطع الغيار و أعاده البيع لصالح ألنترا
يبقى كده الفرق واضح (ماتيريا وأنت مغمض)

و بعدين انا عايز اقول حاجة مش عشان انا راكب ماتيريا, بس الماتيريا صاجها اقوة 2 مليون مرة من الألنترا.. مع احترامي للأنترا هي كلها علي بعدها اكصدام!

[tarekabosdera]

أه نسيت أقول لو أوتوماتك أبعد عن الكورى بيظهر فيه مشاكل بعد فتره من الاستعمال

سيدي الفاضل مفيش داعي تتكلم في الحاجة اللي مجربتهاش .

اوتوماتك هيونداي ذات جودة عالية جدا وعمر افتراضي طويل .

بالنسبة للمقارنة اللي صاحب الموضوع عاملها , الالنترا افضل من النواحي الآتية :

الثبات جيد جدا للانترا على السرعات العالية .

الوسع الداخلي جيد جدا بالنسبة للعديد من السيارات السيدان .

الشنطة وسعها جيد ومفيدة جدا في حالات السفر او التحميل .

اعتمادية هيونداي النترا عالية جدا وحاصلة على المركز الاول في الجودة لسنة 2009 على السيارات السيدان في فئتها في تقرير جي دي بور العالمي .

توفر مراكز الصيانة وقطع الغيار بشكل وااااااااااااااااااسع جدا في جميع انحاء الجمهورية .

وفي النهاية لك اتخاذ القرار .

لكن ياريت محدش يتكلم غير في الحاجة اللي هو عارفها عشان صاحب الموضوع يستفيد والمفروض ان الصدق هو عنوان المنتدى .

[tarekabosdera]

في حاجة كمان .

بالنسبة للأمان في الالنترا الاوتوماتك فهي تتوفر ب 2 اير باج و فرامل abs و ebd ده بالاضافة الى نظام الثبات الالكتروني في الطرق الغير ممهدة esp وحاصلة في اختبارات الامان على 5 من 5 في التصادم الأمامي و 4 من 5 في التصادم الخلفي .

يعني الأمان في الالنترا جيد جدا .

[MNBahr]

أنا رأيي elantra

عربية فارضة نفسها في ال سوق والناس مجرباها ومنتشرة وده مش عيب دي ميزة أكيد الناس مش هتشتري حاجة سكة ويتخمه فيها كلهم بعدين لو حبيت تبيع هتلاقي 1000 يشتروا والفتيس الاوتوماتيك بتاعها 100 100 أنا مع واحد صاحبي من 2007 وعمرو مااشتكى منها وانا والدي معاه المانيوال وال حمد لله باسم الله ماشاء الله زي الفل و أنا بصراحة مجربتش el-materia ولا هاجربها عربية كده مش معروف ليها ظَهر من وش وتحس ان المهندس اللي عملها كان عايز يعقد اللي هيركبوها..تقدر تقولي بتركن إزاي دي في الشوارع بتاعتنا دلي معاه ماروتي بيعاني مابالك بالصندوق المكعبر ده !!

[madoo]

ياااااااااااااااااااااااااااااااااااااااااه انتوا لسه فاكرين تردوا

الموضوع من بقاله اكتر من سنه يعنى الراجل اشترى من زمان خلاص
شكرا لخدمتكم يا رجاله ههههههههههههههههههه

[madoo]

وغير اللى بتكلم على ناقل الحركة او الفتيس فالديهاتسو بشكل عام فيها مشاكل بالجملة فى علبة الدريكسون والفتيس وعن تجربة

اولا شكرا على المعلومه الغير صحيحه
ثانيا احب اعرف ايه هى تجربتك ياريت تحكلنا عنها ...يعنى سوقت ايه وفتيسه وحس ...او علبه دركسيون عربيه حضرتك القديمه مثلا دا لو كان عمرك ركبت دايهاتسو غير عربيتى انا

ثالثا ...احب اوضح لحضرتك وعلى رهان هاتلى واحد فقط والله العظيم وانا على قد كلامى هاتلى بنى ادم واحد حول العالم وانا بأكد كلامى حول العالم اشتكى من فتيس اوتوماتك لعربيه دايهاتسو من ايام الشاريد القديمه والشارمنت

رابعا انا احب اقولك ان مشكله علبه الدريكسون دى بعض الحالات اللى ظهرت فى السيريون وكام ماتيريا موديل 2007 فقط وبعض السيارات السيريون موديل 2008 والله العظيم مشكله اهبل مايكون والتوكيل بيقولك لو سمعت صوت بس تعاله وخد العلبه المتعدله اللى هيا اساسا فى موديلات 2009
احب اقولك انى والله العظيم لسه راجع من الرحاب من دقائق كنت فى مقابله دايهاتسو هناك ناس كتير جربت عربيتى فى ظروف مطبات وقرف علشان يطلعوا شبه فى عيب والله قالولى زى الفل وناس كمان مش معاهم دايهاتسو اساسا
وربنا يحسبنا على كلمه قولتها لو غلط

دة غير ان الدياهاتسو بشكل عام فى قاع الموديلات اليابانى ودة امر معروف دة غير ان السيارة غير موثوق بها فى السوق

هاتلى دليلك بلاش تقول اى كلام
ودليلى انا اهو
1- كلام استاذ كريم منيرمشرف عام المنتدى لما قال ان موديلات دايهاتسو تصنع على نفس خطوط انتاج تويوتا ...وده لما كان بيجيب عربيته الجديده
2-دليلى التانى اهو wikipedia
دايهاتسو اساسا مملوكه لشركه تويوتا ..نفس مكونات السياره من مصانع دينزو وهو المصنع اللى بتجيب منه سيارات تويوتا اجزاء سيارتها

تعريف بدايهاتسو

دايهاتسو شركة يابانية متخصصه في إنتاج السيارات الصغيرة تأسست عام 1907 و هي خاضعه لشركة تويوتا اليابانيه للسيارات ، و تعد سيارات الشركة من أكثر السيارات عملية خاصة في المدن المزدحمة لذا فلا غرابه من أن تكون السوق اليابانية هي أكبر اسواقها حيث الاهتمام الأكبر منصب علي حجم السيارة المدمج الملائم لعملانية الحياة اليابانية ولازدحام المدن هناك .
[عدل] نشاط دايهاتسو في ماليزيا

تمتلك دايهاتسو وحدات إنتاج في ماليزيا بالتعاون مع شركة ( بيرودوا ) التي تسوق طرازات الشركة اليابانيه تحت مسميات مختلفه مع نفس التصميم الخارجي والإمكانات الداخليه .
[عدل] نشاط دايهاتسو في أوروبا

تحتل دايهاتسو مكانة لا بأس بها في أوروبا كما تمتلك وحدات إنتاجيه في إيطاليا .
[عدل] نشاط دايهاتسو في الشرق الأوسط

تمتلك دايهاتسو مكانة بالشرق الأوسط و لا سيما مصر و بعض دول مجلس التعاون الخليجي حيث أن وكلاء الشركة في معظم الدول الشرق اوسطيه من أقوي وكلاءدايهاتسو ففي سلطنة عمان تمتلك مجموعة سعود بهوان وكيل تويوتا وكالة دايهاتسو و في الإمارات العربيه المتحدة شركة اليوسف موتورز .
[عدل] ابرز طرازات الشركة

1- ماتيريا ( السيارة المدمجة ) . 2- تيريوس ( رباعية الدفع من الحجم الصغير 5 أو 7 راكب ) . 3- سيريون . 4- كيور( شاريد ) . 5- تريفس ( سيارة ذات خطوط كلاسيكيه ) . 6- سونيكا( سوبر ميني كار ) . 7- اكسينيا( نسخة طبق الاصل من تويوتا افانزا ) .

[madoo]

خود بالك من اللى علمتلك عليه فى الاقتباس

شوف بقى هيواندى انشأت اصلا سنه كام ....1967
بتعرف تحسب احسب كام سنه فرق خبره بيسن الشركتين
عايز تتأكد ان سيارات دايهاتسو هى هى تويوتا بس الاختلاف فى الاسم علشان المبيعات فقط لاغير والتسويق فى دول العالم المختلفه

خود يا سيدى كله بالدليل مش ناس بتتكلم ولاخلاص







بص يا سيدى العزيز العربيه دى هى هى الماتيريا هاتلى اختلاف واحد بينها وبين الماتيريا غير انهم شالو علامه دايهاتسو وحاطو تويوتا وكمان كلمه ماتيريا اللى ورا دا حتى السوكه اللى فى الشنطه دى والله موجوده فى الماتيريا بس فوقها كلمه ماتيريا اللى بعرض الشنطه ولو مش مصدق شوف موديل 2007 الهاف اوبشن اللى مابتقتش تنزل وهى كانت بتنزل من غير الكلمه دى وهى هى الشنطه
اسم العربيه دى تويوتا بى بى

لومش مصدقنى لسه خود كمان الكامرى ...بأسم دايهاتسوا التيس




وفى النهايه مستنى ردك ضرورى والرد بالدليل دا لو فى اساسا و لو مش مقتنع بكلامى لك برده جزيل الشكر على سماعى
وكل بنى ادم شايف عربيته اجمل سياره فى الدنيا ربنا يكفيك شر الطريق ويحفظلك عربيته وانا ايضا وكل الناس اللى فى المنتدى ربنا يكفيهم شر الطريق

[MNBahr]

ياااااااااااااااااااااااااااااااااااااااااه انتوا لسه فاكرين تردوا

الموضوع من بقاله اكتر من سنه يعنى الراجل اشترى من زمان خلاص
شكرا لخدمتكم يا رجاله ههههههههههههههههههه

هو مش ده منتدى وبعدين الموضوع مش مغلق وحتى لو الراجل ده اشترى يمكن حد تاني غيره عايز يشتري ونفسه يسأل نفس الاسئلة وأهو كلنا بنساعد بعضنا واللي عنده معلومة بيقولها

[monmonmon]

:s_thum1[1]:
و بعدين انا عايز اقول حاجة مش عشان انا راكب ماتيريا, بس الماتيريا صاجها اقوة 2 مليون مرة من الألنترا.. مع احترامي للأنترا هي كلها علي بعدها اكصدام!

بس مش الصاج اللى يخلينى احدد هشترى ايه لانى مش همشى اخبط

و بعدين ساعة الحكة او الخبطة مش بتفرق اللى اتخبط اتخبط و اللى باظ باظ يعنى قوى او ضعيف كله بيتأثر و هيحتاج سمكره و دوكو او تغيير

[madoo]

انا على العموم انا مستنى الرد على كلامى اللى فوق او حد يكدبه

ثانيا ....لا طبعا بتفرق ممكن الخبطه دى تخلينى ادهن بس او ارد بارد بس ....مش اكلف نفسى غيير باب مثلا او رفرف بالكامل

ولو حادثه بدل ماقطع نص عربيه واشترى نص استيراد ...اهو ارد واسمكر وخلاص