Materia - Elantra

[ahmad--ezzat]

النترا طبعا.....اسهل فى البيع...قطع غيار ارخص...شكل افضل بالنسبالى...مكنه اقوى...اعتقد سعر اعاده بيع احسن...مش هتعب معاها لو حصل لاقدر الله مشكله فى حاجه

[monmonmon]

وربنا انا معاك فى كلمه قولتها ....بس هى الحكايه مش حكايه عقدة يابانى او خلافه بس انا احب ادى كل واحد حقه ...(هو اكيد مش انا اللى هدى اليابان او كوريا حقهم )
بس لما يتقال ان اليابانى مش بجوده عاليه وانه موجه الى اوروبا والكورى فى مصر افضل من اليابانى ..يبقى انا يا فى تفكيرى شئ غلط او الطرف الاخر عنده هو الغلط ولازم نوصل لنقطه مش هقول نتوحد فيها بل على الاقل نقترب عندها من بعض

وانا مش بتكلم ان كل الناس فى مصر تفكيره كده ...بس دى الاغلبيه العظمى تنكـــــــــــــــر كده ؟

طيب منا والدى بيحب يركب عربيتى وبيبقى مبسوط وهو راكبها ..لكن عمى لو هتديلوا فلوس ويركبها استحاله يسوقها ..ممكن انا اللى اسوق بيه ماشى

بليز متفهمش كلامى غلط ...احنا بنحاول نقرب التفكير مش نبعده
وشكرا على المداخله

بس تركبنى الماتيريا بقى علشان اقدر احكم عليها

ربنا يباركلك فيها

[madoo]

بس تركبنى الماتيريا بقى علشان اقدر احكم عليها

ربنا يباركلك فيها

الماتيريا وصاحب الماتيريا تحت امر حضرتك

كنت تعاله بجد يوم الجمعه اللى فاتت فى الرحاب مقابله دايهاتسو ...وكنت عامل ليها تيست درايف للى عاوز يجرب
عمتا متعوضه يا باشا

[red_elantra]

تم حذف المداخلة التى تخالف بشدة قواعد المنتدى ويستحق كاتبها تطبيق القاعدة المختصة وهى إنذاره ووقفه لمده أسبوع.
إدارة المنتدى

[madoo]

no...comment

[r0xer]

red_elantra والله أنا مشفق عليك و على حالك، يا أخي أعتذر لصاحبك واتمنى منه الصفح عن كلامك لأنه كلام لايمكن يصدر إلا من الشيطان او من النفس المريضة.

اتقي الله في نفسك اعرف كل الكلام دا انت محاسب عليه خصوصا لو كان بيآذى نفسية حد تاني.....ايه كمية الشوفينية اللي بقت في الشعب دي ياربي امال لو مكناش في مكان متخصص في العربيات يعني اقل واحد معاه عربية كنا هنقول ايه!

لا حول ولاقوة إلا بالله والله نكدت عليا اكتر منا متنكد ربنا يهديك.

[Nile_Storm]

لايجوز بأي حال من الاحوال ان تصل درجه النقاش لهذا الحد ياشباب
هذا منتدي فيه الراي و الراي الاخر
من حق كل عضو بالمنتدي ان يقول رأيه
و من حق الكل عليك ان تتقببل رأيهم بدون سخريه او تهكم
و رأيي الشخصي مادمت قلت رأيك مره واحده في الموضوع " و خصوصا انه قديم "
ايه لازمه ان تخش و ترد 100000000 مره في الموضوع
الصراحه و من اخ كنت هتعرض لسوء الظن بسبب هذا الحوار زمان
كثره الرد و الدفاع بهذا الشكل " و انا لا اقصد احد معين " يؤدي للشك في رأي العضو اصلا و طلع تعليقات من نوع
انت شكلك موظف في التوكيل و انت متحيز و متعصب و انت لبست عربيه و عاوز تلبس غيرك و غيرها من التعليقات اللي تنرفز
لذا ارجو ضبط النفس يا اخواني
و مهما كان مش حتت الصفيح الي اسمها عربيات تخليها نبهدل بعض كده و احنا في ايام مفترجه
و كل سنه و انتو طيبين

[madoo]

شكرا اخى roxer
شكرا اخى nile storm

والله العظيم انا مكونتش عاوز ارد بس انا هرد لاوضح نقطه واحده بس
هو مش صاحبى دا كان يادوب شخص اعرفه بس وحياة ابويا كل الناس عرفه انه مشخصن وملوش صحاب بيقعد معاه يومين على بعض ومغرور وعلى الفاضى لاكبر حد ممكن
مبدأيا انا اكبر منه فى السن فمش هحط دماغه بدماغى

بص يا محمد انا مسامحك على الغلط اللى غلطه فيا انا انما اللى فى والدى
محمد ...انت متعرفش والدى اساسا ولا تعرف هو شغال ايه (معى انها وربى العظيم عمرها ما بتتقاس كده)
انا هوضح بس علشان الناس ميحصلش عندها لابس وممكن تفهم غلط

انا والدى مهندس ميكانيكا
خريج جامعه القاهره ...تقريبا دفعه 86 مش متذكر العام بالظبط بس هتأكدلك
اخد دبلومه تكمليليه فى el materials
اشتغل فى مجال البترول فى شركه جابكو رأس شقير
ومنها الى شركه السويس للزيت (سوكو) وهى برده من اقدم الشركات فى ذلك المجال
عمل فى جميع مواقع الشركه من ابو رديس و راس فنار و خليج الزيت
ومنها عمل لفتره مهندس خبير فى شركه رشبتكو (بترول برده) وكان فى عندها مشروع بيتعمل فى حته اسمها المعديه فى رشيد وهو اللى كان ماسكه

وحاليا شغال فى نورس ادكو المشروع الجديد لشركه سوكو
ماسك فيه المشروع وهو رتبته فى سوكو حاليا مدير عام خبير بالادراه العامه للهندسه والمشروعات

الفرع الادارى بالشركه 21 احمد عرابى المهندسين ..ممكن تسأل عليه

وادى الكروت بتاعته




يعنى مش شغلانه تخلى الرجاله تضحك يعنى عليا ولا حاجه زى مانتا قولت
بس انا عاوز اقولك حاجه ...اقسم بالله العلى العظيم والله لو كان بيسلك مجارى مع احترامى الشديد لتلك المهنه وكل المهن اساسا) لازم افخر بيه واعزه وابوس التراب اللى بيمشى عليه

محمد..الناس مش بأبوها ايه ...الناس بى هى ايه
انا فى السنه النهائيه ....كليه الهندسه ...قسم قوى والالات الكهربيه
وكل كام شهر وان شاء الله هبقى رجل مهندس واتمنى انى اكون فى نص شطاره والدى

روح يا بنى ربنا يسامحك من كل الكذب اللى انته قولته عليا فوق ده

[dr.amr]

لا حول ولا قوة الا بالله
انا اول مره اشوف موضوع يقلب كده في المنتدي
ياريت الاداره تقفل الموضوع ده وكفايه كده
احنا كلنا هنا اخوات لو سمحتوا
واحنا في يوم مفترج
ربنا يغفر للمسلمين والمسلمات جميعا
ولا حول ولا قوة الا بالله

[M.Mosaad]

لا حول ولا قوة الا بالله
انا اول مره اشوف موضوع يقلب كده في المنتدي
ياريت الاداره تقفل الموضوع ده وكفايه كده
احنا كلنا هنا اخوات لو سمحتوا
واحنا في يوم مفترج
ربنا يغفر للمسلمين والمسلمات جميعا
ولا حول ولا قوة الا بالله

[seso100100]

الماتيرا شكلها وحش جدا و افترض انك زهت منها وعايز تغير للأحدث مين بياع فى السوق الألنترا أو الماتيرا , الألنترا طبعا بياعة و شكلها احلى و قطع غيارها رخيصة وأثبتت جدارتها فى السوق و الدليل انتشارها الجيد فى السوق , ليه تشترى عربية تدلل عليها لما تيجى تبيع حتى لو ناوى تحتفظ بيها لمدة طويلة . أعمل حساب اسوأ الظروف و انك حبيت تبيع ايهما اسهل و احسن فى سعر اعادة البيع سؤال مهم جدا و اجابته واضحة للجميع