Materia - Elantra

[monmonmon]

أه نسيت أقول لو أوتوماتك أبعد عن الكورى بيظهر فيه مشاكل بعد فتره من الاستعمال

اعتقد الكلام ده غير صحيح بالاخص حاليا.. يمكن زمان كان فى مشاكل بس دلوقتى اعتقد مفيش

لان حتى هيونداى i10 بتنزل بفتيس يابانى من شركة Jatco و دى تعتبر اقل حاجه فى هيونداى ولا ايه رأيك؟

و ممكن تشوف هنا:
JATCO Ltd ||| Product Lineup :: Step Automatic Transmissions |||

[madoo]

هيونداى i10 بتنزل بفتيس يابانى

تكفينى الكلمه دى وهى ان شركه هيونداى الكوريه معترفه بكفائه الفتيس الاوتوماتك اليابانى

وبرده محدش رد على كلامى او كذبه لغايه دلوقتى

[madoo]

بس مش الصاج اللى يخلينى احدد هشترى ايه لانى مش همشى اخبط

الواحد مش بيبقى قصده يخبط طبعا ...بس اعمل حساب القدر
دى بتتخبط وهى راكنه يا راجل

وربنا يكفينى ويكفيك شر الطريق والخبط

[monmonmon]

تكفينى الكلمه دى وهى ان شركه هيونداى الكوريه معترفه بكفائه الفتيس الاوتوماتك اليابانى

وبرده محدش رد على كلامى او كذبه لغايه دلوقتى

بص انا اول مره اشترى هيونداى فى 2007

و قبل كده كنت اسمع من والدى ان اللانوس كانت بتنزل بفتيس اتوماتيك فيه مشاكل و خلافه

لكن انا مجربتش هيونداى زمان.. لكن لى صديق كان معاه اكسيل اتوماتيك قديمة موديل 94 او 95 كانت زى الفل و ركبتها معاه.. لكن باعها و جاب ماتريكس اتوماتيك و معاه كمان سيات ابيزا.. يعنى لو كان شايف مشكلة مكنش اشترى هيونداى تانى اكيد و 2009

و على فكره انا كان عندى دايهاتسو من زمااااااااااااااااااان و عربية اعتماديه فوق الوصف و قعدت معايا لحد 200 او 250 الف كيلو و كان معايا نيسان و ........

بس مقدرش اقولك ان الماتريكس ال 2007 اللى عامله معايا اكتر من 72000 كم وحشه فى حاجه لانها عمرها ما عطلت او سببت لى مشكله الحمد لله.. و بتشد و تاخد غرز و اثبتت نفسها مع الهوندا السيفيك ال si بمتور Vtec 130 HP

و بصراحه انا من المعجبين بدايهاتسو جدااا و انضمامها مع تويوتا و كنت بفكر اغير الماتريكس و اجيب سيريون بس متردد جداااااا بسبب اللى بشوفه فى قسم الدايهاتسو رغم عشقى لهذا الصانع

و كمان بحب الماتيريا و عاجبنى شكلها اللى مش عاجب حد ده بس مش عارف من جوا مش حاسس بفخامه اوى... مش عارف يمكن علشان شوفتها فى المصريه و العربية عندهم متهانه على الاخر و حتى فاصلين البطارية و معرفتش اشوف شكل العدادات و التابلوه

بس شهادة حق انا شوفت الماتيريا دى بتجرى مع لانسر على الدائرى و انا ماشى 90 و هما مش اقل من 150 او 160... الماتيريا معدياها و شكلها ثابته و مش بتتنطط زى اللانسر

[monmonmon]

الواحد مش بيبقى قصده يخبط طبعا ...بس اعمل حساب القدر
دى بتتخبط وهى راكنه يا راجل

وربنا يكفينى ويكفيك شر الطريق والخبط

ربنا يكفينى و يكفيكم

[abohalmos]

تكفينى الكلمه دى وهى ان شركه هيونداى الكوريه معترفه بكفائه الفتيس الاوتوماتك اليابانى

وبرده محدش رد على كلامى او كذبه لغايه دلوقتى

انا افضل الماتيريا

شكل مختلف ووسع داخلى و يابانى و كنبة ممكن تحركها قدام وورا و ماتور التريوس و استهلاك بنزين ممتاز و توكيل محترم جدا و عامل شغل حلو اوى .....

بالمناسبة يا باشمهندس محمد هيا تمن المانوال من الماتيريا كاااااااااام و موديل 2010 نزل منها و لا لسه ؟؟؟؟؟

[tarekabosdera]

تكفينى الكلمه دى وهى ان شركه هيونداى الكوريه معترفه بكفائه الفتيس الاوتوماتك اليابانى

وبرده محدش رد على كلامى او كذبه لغايه دلوقتى

حضرتك مش واخد بالك من حاجة .

الراجل بيقولك ده اقل فتيس اوتوماتك هيونداي بتستعمله في i10 فبتستعين بفتيس ياباني وده يدل على عدم اهتمامها بانها تجيب فتيس محترم لان العربية اصلا رخيصة .

غير كده في باقي العربيات الأعلى هيونداي هي اللي بتعمل العربية من الالف الى الياء بما فيهم الجير بوكس ذات العمر الافتراضي الطويل.

[grandh135]

الماتيريا عربية جميلة ومختلفة وثابتة جدا ..بس مش عارف ارتفاعها من الارض هل اقل ولا اية؟

[madoo]

و على فكره انا كان عندى دايهاتسو من زمااااااااااااااااااان و عربية اعتماديه فوق الوصف و قعدت معايا لحد 200 او 250 الف كيلو

و بصراحه انا من المعجبين بدايهاتسو جدااا و انضمامها مع تويوتا و كنت بفكر اغير الماتريكس و اجيب سيريون بس متردد جداااااا بسبب اللى بشوفه فى قسم الدايهاتسو رغم عشقى لهذا الصانع

الحمد لله انك قلت كده ...الناس فى مصر مش فاهمه كده لكن اللى جرب هو وحده اللى حاسس بكفائه الصانع ده وحتى من قبل انضمامه للعملاق تويوتا
اقسملك ان صديق ليا فى المقابله اللى فاتت قالى ان كان معاه دايهاتسو قديمه مش فاكر اه قعدت 14 سنه محتاجتجش ااكتر من الزيت والفلاتر والقطع المستهلكه فقط قالى عمل بيها 360 الف كم

واستاذ ريد النترا كان بيقول انها اردئ الييابانى على اساس ايه مش عارف ؟
وهو والله العظيم مركب اى دايهاتسو غير عربيتى انا الماتيريا
وانا مستنى دليله بأنها اردئ اليابانى ويرد على كل جزئ فى كلامى زى مانا رديت على كلامه بالدليل

بس شهادة حق انا شوفت الماتيريا دى بتجرى مع لانسر على الدائرى و انا ماشى 90 و هما مش اقل من 150 او 160... الماتيريا معدياها و شكلها ثابته و مش بتتنطط زى اللانسر

انا معايا ماتيريا ...ولو رجع بيا الزمن والله العظيم هختارها تانى وتالت وعاشر

بالمناسبة يا باشمهندس محمد هيا تمن المانوال من الماتيريا كاااااااااام و موديل 2010 نزل منها و لا لسه ؟؟؟؟؟

تمن المانويل 102الف ونص
الاوتو 110 ونص الف
موديلات 2010 لم تنزل بعد ..او لم يتم الاعلان فى التوكيل عن اى موديلات دايهاتسو 2010 بتبقى فى اخر 11 او 12 تقريبا

الماتيريا عربية جميلة ومختلفة وثابتة جدا ..بس مش عارف ارتفاعها من الارض هل اقل ولا اية

الماتيريا مش واطيه اوى زى ما الناس فاكرها خلوصها من الارض حوالى 15 سم بس اللى مديك الاحساس ده هو العتب بتاعها
وعاوز اقولك من اهم مميزات الماتيريا علشان مش تحك فى المطبات هو ان قاعده العجلات قصيره او بمعنى اوضح ان العجل اللى ورا قريب من اللى قدام فلو مطب عالى او جبل من بتوعنا دول ...اول لما الكاوتش اللى قدام يركب على المطب ..فالكاوتش اللى ورا بيكون لحقه وطلع هو كمان فالعربيه بترفع تانى

[monmonmon]

حضرتك مش واخد بالك من حاجة .

الراجل بيقولك ده اقل فتيس اوتوماتك هيونداي بتستعمله في i10 فبتستعين بفتيس ياباني وده يدل على عدم اهتمامها بانها تجيب فتيس محترم لان العربية اصلا رخيصة .

غير كده في باقي العربيات الأعلى هيونداي هي اللي بتعمل العربية من الالف الى الياء بما فيهم الجير بوكس ذات العمر الافتراضي الطويل.

مش ده قصدى

ماهى لو هيونداى فكرت كده يبقى مفيش جوده و لا منافسه.. ازاى علشان العربية رخيصه فبيسترخصوا!!!!

كمان سياسة الانتاج بتاعة الشركة محدش يعرفها علشان يتزلوا Gearbox جديد ده محتاج ابحاث و تجارب و مواد خاصه و عمليات تصنيع و خطوط انتاج و وقت و جهد و فلووووس...... كل ده بيحدد فى الاخر هيعملوا ايه يجيبوه جاهز ولا يصنعوا ؟

دا غير ان ال i10 فى اوروبا بيتقال انها The best little car و بيشكروا فى الفتيس الاتوماتيك يبقى ازاى هيونداى مش بتهتم!!!

بص سيادتك فى الموقع ده و هتشوف موديلات جميله جدااااا هتعجبك بتستخدم الفتيس ده
JATCO Ltd ||| Product Lineup |||

Nissan Skyline
Infiniti FX50
Nissan Tidaa
Daimler Chrysler Dodge

اظن دول مش بيسترخصوا

[tarekabosdera]

مش ده قصدى

ماهى لو هيونداى فكرت كده يبقى مفيش جوده و لا منافسه.. ازاى علشان العربية رخيصه فبيسترخصوا!!!!

كمان سياسة الانتاج بتاعة الشركة محدش يعرفها علشان يتزلوا Gearbox جديد ده محتاج ابحاث و تجارب و مواد خاصه و عمليات تصنيع و خطوط انتاج و وقت و جهد و فلووووس...... كل ده بيحدد فى الاخر هيعملوا ايه يجيبوه جاهز ولا يصنعوا ؟

دا غير ان ال i10 فى اوروبا بيتقال انها The best little car و بيشكروا فى الفتيس الاتوماتيك يبقى ازاى هيونداى مش بتهتم!!!

بص سيادتك فى الموقع ده و هتشوف موديلات جميله جدااااا هتعجبك بتستخدم الفتيس ده
JATCO Ltd ||| Product Lineup |||

Nissan Skyline
Infiniti FX50
Nissan Tidaa
Daimler Chrysler Dodge

اظن دول مش بيسترخصوا

انا لا اقصد اهتمام الجودة ولكن اقصد اهتمام التكلفة . لان اكيد الجير بوكس جاتكو مش مكلف لان العربية سعرها قليل .

وعموما اذا كان انت بتقول ان هيونداي بتستخدم جاتكو اللي هو كويس في ال i 10 , فما بالك بالاكسنت والالنترا و التوكسون و السوناتا و ....

[red_elantra]

انا مش هتكلم كتير .العربية بتتكلم عن نفسها واظن ان هى العربية رقم 1 فى مصر مبيعا فى 2008 فى السيدان.

ثانيا موقع ويكديا
ادخلوا على الرابط دة وشفو الجوايز اللى واخدها
Hyundai Elantra - Wikipedia, the free encyclopedia


1- United States Environmental Protection Agency
ودية من وكالة حماية البيئة بامريكا ودية متخصناش فى مصر


2-The 2008 Elantra was awarded the 2008 Consumer Reports "top pick". The magazine's annual ratings, based on road tests and predicted safety and reliability are considered highly influential among consumers. ودة معناة ألنترا 2008 بناءا على تقارير المستهلك فقد منحت مجلة "top pick". مجلة شعبية السنوية ،المركز الاول, استنادا إلى التجارب والطرق وتوقع سلامة وموثوقية تعتبر ذات النفوذ الكبير في أوساط المستهلكين.


3-The 2009 Elantra was the highest quality compact car by
J.D. Power's quality study
ودية الجايزة التالتة واللى هيا خدتها من هوندا سيفيك ومن تويوتا بيريوس 2009

والرابط موجود واللى عايز يتاكد يدخل


ولو جينا للجوائز العربية والمصرية مش هنخلص مش معقول ان الناس دية كلها مش بتفهم وانت جاى تقول دية كورى ومش كورى .ياريت تبطل اللى انت بتعملة دة على العموم كل واحد بيجيب زوقة وانت زوقك اخرة كدة او اقصى حاجة لزوقك ماتيريا


تحب اقوللك لية الدياهاتسو فى قاع اليابانى علشان انت راكب عربية يابانى وب110 يعنى تانى ارخص عربية يايانى بعد الياريس. وفى مثل بسمعة زمان على قد لحافك دلل رجليك.وعلى موضوع ان مركبتش غير عربيتك .مانتا مركبتش برضة غير غير عربيتك والشاهين اللى كانت عندك يعنى برضة متعرفش حاجة بردة مغيرتش عربية كل سنة يعنى فعندك الخبرة دية ولا حتى كانت عندك من عشرين سنة .على العموم ياريت تبطل تتطلع النقص اللى عندك بانك تشتم فى عربيات غيرك وكمان عايزهم يقوللك ان عربيتك حلوة على العموم اقنع نفسك انها حلوة علشان تعرف تركبها بس متحاولش تغير وجهة نظر غيرك. لانهم شيفنها عربية الموت قادم
او الحانوتى او تحت الطلب او الصندوق.واعتقد ان محدش فينا يحب يتقال على عربيتة كدة .

[M.Mosaad]

في اوقات الجدل مش بيوصل لاي شيء
و مستحيل الواحد يقنع حد بحاجة غير اللي هو شايفها
كل واحد معاه عربيه عايز يثبت انه مضحكشي عليه و بيبقي اي عيب بنقوله فيها يعتبر سب و شتيمه في كرامه صاحبها
الكلمه دي اتقالت مليون مرة في المنتدي ((( الواحد بيقعد بالعربيه كذا سنه و ميحبش حد يقول عليها كلمه غلط و لما يغيرها هو اول واحد بيشتم فيها ))
يا جماعه المقارنه بين العربيات بتبقي علي اسس و احتياجات كل شخص بس احنا عندنا مرض اسمه احسن حاجة
يعني لما احد الاخوة بيخش يسال عن عربيه الاقيه بيقول عاوز احسن حاجة في رنج كذا و دة مش صح
المفروض يقول احتياجاته و هو عاوز ايه و الاخوة هنا يرشحوا
بالنسبة بقي لموضوع المقارنه الالنترا و الماتيريا
انا نفسي افهم ايه مشكله الناس مع الماتيريا بالذات نسبه كبيرة مش عاجبه شكلها و لما بيشوفها في الشارع بيقعد يتفرج عليها لحد ماتختفي و دة فعلا انا ملاحظةا في كل اصحابي و هي ماشية يقعد مبحلق فيها و عمال يشتم طب حاجة مش عجباك بتبصلها ليه !!!!!
الالنترا دي استايل و الماتيريا استايل تاني خالصصصصصصصصصصصص و دي ذوق و دي ذوق تاني خالص
انا عربيتي ديهاتسوا سيريون و لما جيت اشتري سمعت نفس الكلام بس انا محدد احتياجاتي
كنت عاوز عربيه واسعه و في نفس الوقت صغيرة علشان انا شغلي في وسط البلد و كمان جرايه الشنطة مكنتش تفرق معايا لان سفري قليل و لحد دلوقتي بحط اللي انا عاوزة في الشنطه
و العربيه سعرها يقترب من 90000 و كنت ممكن اهز الفلوس شوية و اجيب الانترا بس في راي هي شكلها قديم ودي اذواق و مافيهاش عوامل امان و اكبر سبب اني هضطر اتعامل مع توكيل زي غبوووووووور و دة لوحدة يخلي الواحد ميقربشي للعربيه ((( دة رايي)) لاني مش بحب اتعامل غير مع التوكيل
يعني في ناس بتقول علي السيريون شبة الضفدعه و في رايي شكلها عاجبني جداااااااااا و بضحك لما حد بيقول كدة لان دة رايه و هو حر فيه يعني الموضوع مش كرامه و لا حاجة
و بالنسبة لكلمه ان الديهاتسوا في قاع الياباني هو راي حضرتك و انت حر فيه و انا بحترمه بس اعتقد ديهاتسوا في اليابان هي هي تويوتا نفس الشركه
و الجوايز دة شيء كويس و جميل و الانترا عربيه تحفه و كل اللي معاه مبسوط منها بس انا في رايي انا عاوز عربيه لما لا قدر الله يحصل حادثة اخد بالاسباب و اخرج سليم مش اتعجن جواها
و لحد دلوقتي بنشوف الشاريد و الميرا موديلات قديمه و ماشية زي الفل و اللي بيشتريها من واحد محافظ عليها بيعمل الصايانات الدوريه و بس
في النهايه هو الموضوع نفسة قديم جداااااااااا بس المقارنه بصراحه متنفعشي لان العربيتين مختلفين تمام الاخنلاف يعني اللي بيقارن بينهم لو محدد احتياجاته مش هيتعب في القرار
و الاختلاف في الراي لا يفسد للود قضيه لان كلنا هدفنا في الاخر المصلحه العامه

[GMakram]

سؤال بس للاستاذ أحمد أنور
مين قال لحضرتك أن الالنترا أجمل من جوه (من بره أنت حر ف رأيك لانها أزواق) أنما انت لما جبت سيره جوه يبقى أتأكدلى أنك مركبتش ماتيريا وشوفتها من جوه يا راجل حرام عليك شوف تقفيل دي و دى والله العظيم فرق جامد للماتيريا الماتيريا عداداتها 3d كريستال وأوسع وفتحات تكييف أجمل . يامان دى يابانى ودى كورى . والالنترا أثبتت وجودها علشان أحنا شعب مابيعترفش غير بالعربيات السيدان الطويله علشان برستيج الحاج مايسمحش بركوب هاتش باك . وبنتنازل عن حاجات اساسيه زى وسائل الامان . اللى حضرتك أتكلمت عنها كده أخر حاجه ولا أكن ليها أعتبار . وأول حاجه ذكرتها هى الشكل . (تغور مليون عربيه قصاد خدش منى أو من الناس اللى راكباه معايا)

للعلم مصدرى هو
1-عربيه أبن خالى ألنترا مانيول نص أوبشن سيلفر
2. عربيه صاحبى ماتيريا أوتوماتك سيلفر
3. عربيه أبن عمتى النترا نبيتى مانيوال
وكلامى عن تجربه مده مش قليله للثلاث عربيات دول

طيب يا أستاذ سعداوى ممكن حضرتك تقولنا (بعض ) من كل النواحى اللى حضرتك شايف فيها الالنترا أحسن من الماتيريا (وبعد أذنك متقوليش الشكل علشان دى أزواق . أنا شايف الماتيريا أجمل من الالنترا (قولتلك أزواق). ممكن تقولنا الحاجات دى فى بوينت عادله يعنى التقفيل مثلا تقولى أيه هى الحاجه اللى حضرتك مش شايفه مش متقفله كويس (دا لوكنت شوفتها أو ركبتها من جوه قبل كده)
وعلى فكره الراجل عاوز عربيه عائليه فمش عاجبك النترا و ماتيريا وجاى تقوله ياريس (ولا علشان هى معاك)
معلومه كمان لحضرتك الماتيريا اوسع من النترا وشوفها بالورقه والقلم . أو أركبهم وشوف

انا على العموم انا مستنى الرد على كلامى اللى فوق او حد يكدبه

ثانيا ....لا طبعا بتفرق ممكن الخبطه دى تخلينى ادهن بس او ارد بارد بس ....مش اكلف نفسى غيير باب مثلا او رفرف بالكامل

ولو حادثه بدل ماقطع نص عربيه واشترى نص استيراد ...اهو ارد واسمكر وخلاص

الله ينور عليك وحش من وحوش دايهاتسو والله

[madoo]

انا مش هتكلم كتير .العربية بتتكلم عن نفسها واظن ان هى العربية رقم 1 فى مصر مبيعا فى 2008 فى السيدان.

مش معنى انها رقم واحد مبيعات تبقى افضل عربيه ....طيب ما الفيرنا والدايو لانوس كانوا فى وقت من الاوقات اكبر مبيعات فى مصر هيبقى هما بكده افضل عربيات فى مصر (مع احترامى الكبير لكل ماليكهم ) وبعدين يا سيدى العزيز ...السوق المصرى له اسلوب مختلف عن اسواق الدنيا كلها ...وانا اتكلمت عليه بأن برستيج الحاج مينفعشى يركبه عربيه هاتش باك لازم عربيه 6 متر وسيدان وبأقل تمن مايعوروش ....يعنى اللى يخلى الحاج يركب سيريون كامله 1500 طيب ماهو بتمنها يقولك يركب اوبترا مع الفرق (وبرده مع احترامى الشديد لمالكى السيارتين )
فهمت ليه بقى

3-The 2009 Elantra was the highest quality compact car by
J.D. Power's quality study
ودية الجايزة التالتة واللى هيا خدتها من هوندا سيفيك ومن تويوتا بيريوس 2009

والله العظيم لما تحلفلى على الميه تجمد ماهصدق ولا هدخل على اللينك اساسا
انا مش هتكلم على السفيك وكويس ان مافيش واحد سيفكاوى او هونداوى عادى شافك .....انما البيريوس انته تعرف ايه اساسا عن البيريوس
هى كلمه واحده بس اللى هرض عليك بيها .....لما دوله كوريا كلها تدخل فيها صناعه السيارات الهجينه ابقى اتكلم على التويوتا البيريوس
دى من اول السيارات الهجبن فى العام وكانت فى 2001
ازاى تقارن تقنيه وتكنولوجيا زى دى بأى سياره فى العالم مهما كان ...دى البيريوس المعشوقه الاولى لمعظم نجوم هيوليود واوربا
والنبى قولى ازاى تقارن النترا بسياره مهجنه ...انت تعرف يعنى ايه سياره مهجنه ؟؟؟؟

.ياريت تبطل اللى انت بتعملة دة على العموم كل واحد بيجيب زوقة وانت زوقك اخرة كدة او اقصى حاجة لزوقك ماتيريا

انا شايف انك بتقصد انك تغلط فيا والموضوع فيه شخصنه
وبرده هقولك انه شرف ليا يكون زوقى هو الماتيريا ....شكرا صديقى العزيز

تحب اقوللك لية الدياهاتسو فى قاع اليابانى علشان انت راكب عربية يابانى وب110 يعنى تانى ارخص عربية يايانى بعد الياريس. وفى مثل بسمعة زمان على قد لحافك دلل رجليك

اولا يا ابو حميد ...انت كاتب كلمه دايهاتسو غلط

ثانى خطأ ....ان الماتيريا مش تانى ارخص عربيه يابانى بعد الياريس ....فى ارخص كتير (مع انى والله العظيم مش شايفها بالمنطق دا نهائى بس برده هرد عليك )...تعاله يا سيدى الفاضل ..تويوتا افانزا ...سوزوكى سويفت ....نيسان صنى(ولو مش عاوز تدخلها معانا علشان هتقولى بتققفل بمصر هقولك هاتها خليجى وهتكون برده قريبه من الرينج بس انا موافقك) ...دايهاتسو شاريد ...سيريون بانواعها وموديلاتها وفئتها ...ميسوبيشى لانسر 1300 مانويل واوتو ...هوندا سيتى الشيب القديم ..ميسوبيشى لانسر 1600 مانويل كامله ...ميسوبيشى لانسر اوتو هاف اوبشن ...واخيرا وليس اخرا علشان الذاكره مش مساعدنى ..سوزوكى sx4 سيدان

ومش عارف ازاى انك تقول ان الدايهاتسو قاع اليابانى علشان من وجهة نظر حضرتك مع( احترامى ليها والله) علشان الماتيريا تانى ارخص عربيه فى اليابانى بعد الياريس (اسف متطلعتش كده وانا طلعت كلامك غلط فوق اهو )
طيب انا ليا واحد صاحبى معاه هيونداى I10 مانويل gl ب 61 الف ....على كلامك بقى تبقى هيونداى زباله ههههههههههه (اسف لو غلط بس انا بحاول اشرحله مش قصدى خالص اهين حد )

يا استاذى العزيز انا عاوز دليل بأن الدايهاتسو اردئ اليابانى ...وعلى العموم ياسيدى انا عارف لحافى وعارف رجلى فين ...بس بلاش غلط بعد اذنك مسمحلكش ...دا انا فى كلامى ياراجل دعتليك ان ربنا يحميك ويحمى عربيتك ويحفظهالك

وعلى موضوع ان مركبتش غير عربيتك .مانتا مركبتش برضة غير غير عربيتك والشاهين اللى كانت عندك يعنى برضة متعرفش حاجة بردة مغيرتش عربية كل سنة يعنى فعندك الخبرة دية ولا حتى كانت عندك من عشرين سنة

انا مش قصدى انك مركبتش عربيات غير عربيتى ...انا كلامى كان واضح بأنك فعلا مركبتش ولا عربيه دايهاتسو غير عربيتى انا ودى الحقيقه ...لانك كنت قلت فى كلامك قبل كده ورجعه لو نسيت انت قلت ايه ....بان الدايهاتسو فيه مشاكل بالجمله فى الفتيس وعن تجربه فانا كنت عاوز اعرف ايه هى التجربه يا ساتاذى احكلنا عليها يعنى هههههه..فعلشان كده قولت ياريت تتكلم بالصح ..انت مركبتش دايهاتسو غير عربيتى وتجربتك الوحيده فى ركوب سياره دايهاتسو هى عربيتى انا موديل 2009..والرد على الجزء التانى من الاقتباس ....انا مقولتش انى املك سيارات الوليد بن طلال ولا فى قوه قياده السيارت زى رامى سرى مثلا ..ولا فى خبره ااقل اقل واحد من عملاقه المنتدى هنا ولا حتى واحد على عشره منهم بس انا بتكلم فى اللى فى ايديا وانا ادرى بنى ادم بيه ...وبعدين يا ابو حميد هى الشاهين اه مقعدتش 20 هما يدوب 11 سنه بس ..وانا مدعتش انى كنت املك سياره فارهه قبل الماتيريا ..واحب اقولك ان الشاهين كنت بتاعت والدى اصلا ...انما الماتيريا دى اول سياره ليا انا شخصيا ووالدى اللى جابهالى بفلوسه كمان يعنى انا راكب حاجه فى الاول والاخر برده بفلوس بابايا ....
بس انا هقول حاجه والله العظيم والله العظيم ماكنت عاوز اقولها خالص بس اعمل ايه انت اللى اضطرتنى ...(انا كنت راكب شاهين قبل كده انت كان عندك ايه ...ركبتم ايه ؟؟؟؟؟؟)كنا بنقضى مشوارنا بعربية بابايا ....(انا فعلا اسف مكنتش عاوز اقول كده ...ربنا يسمحنى )