كل ما تريد معرفته عن الديفيل و تحسين نظام العادم

[disha_2020]

السلام عليكم
لو سمحتم كنت عندى استفسار مهم بخصوص عربيتى انا هعدل ماسوره الجكمان لى 2 بوصه وهلغى علبه النص وهجيب علبه جكمان بتاعت عربيه موديل حديث ممكن فيرنا مثلا هل هيكون فى فرق هحس بيه وتنصحونى بايه لان انا مش عاوز اركب ديفيل علشان الدوشه وكده انا عربيتى 127 موتور 950 وعاوز افضل اداء فى الموضوع ده شكرا

[eslam hamdy49]

طيب لو سمجت ممكن استفيد منكم انا عايز ازبط العربية بتاعتي هي سوزوكي ماروتي انا كنت عايز اركب عفشة رياضية كوني وفلتر هوا رياضي وشكمان hks وجنوط 13 ياريت لو تفيدوني انا بسأل علي اماكن الاسعار فيها كويسة وحد شاطر يركبهم ولو في حاجة هيكون تأثيرها سلبي وبلاش اركبها ياريت تصنحوني وتفيدوني

[juba8]

الله ينور

[Nessem]

ربنا يحميك يارب
بس انا دلوقتي مش فاهم جزء معين
حضرتك قولت فوق المكن ال2000 يركب له2بوصه ورجعت تاني قولت2.5بوصه لما كنت بتشرح الانحناءات
فأنا توهت
وانا اصلا كل ماقول لحد برده يقولي هتكتم المكنه
بس مؤخرا سالت بعض الناس قالتلي انه بالعكس بيفوق المكنه وانه بيزود الهورس باور بتاع المكنه كمان
فانا عاوز اعرف ده صح ولا غلط
وعاوز اعرف انا لو غيرت العلبه الاخيره بس عادي ولا لازم الشكمان كامل يتغير لنظام رياضي؟
وعاوز اعرف حوار الصوت ده لان صحابي جميعا بيقولولي هات علبه كبيره صوتها احلي وبيقولو ان كلما كبرت العلبه كل ما الصوت بقي اعلي وده عكس كللم حضرتك
ياريت تفهمني عشان توهت فعلا.....


وشكرا بجد

[Nessem]

(4)

السلام عليكم !!

آسف على التأخير في متابعة الموضوع !! لكنها نابعة من الأنشغال بحاجات كده بعدلها في العربية ،، أدعولي ربنا يتممها على خير أن شاء الله !! j
آخر مرة وقفنا فيها ! عرفنا معلومات – أن شاء الله – تكون مفيدة لينا كلنا .....

المرة دي حنكمل
~~~~~~~

بعد معرفنا عن كاتم الصوت الرياضي ،، و الدارج بأسم "ديفيل" الي هيا في الأساس ماركة شركة مختصة بنظام العادم الرياضي للدراجات النارية !! ،،

و قبل مندخل في كيفية تحسين و صنع نظام العادم الي يكون مناسب لعربيتك !! ،،

فيه حاجة أسمها "حلية جكمان" !! و بنلاقي شكلها من ورا جامد كده ،، و واسعة زي الديفيل !!

طيب يا ترى هل ده ليه أثر على الأداء !!

على الأطلاق !! ملهوش اي أثر على الأداء ،، كل الي ليه أثر هو الشكل بس !!

والله من وجهة نظري فعلاً ،، الي قريتها حتى في الموضوع ،، حرام أصرف على الحلية دي مليم حتى !!

"دي وجهة نظري التي قد يختلف معها البعض ،، و لكن في النهايو الأختلاف في الرأي لا يفسد للود قضية" :)

===================================

طيب ... ازاي أعمل نظام عادم مناسب لعربيتي !!

يا عم الحاج متصدعنيش !! أنا واحد رحت أشتريت ديفيل .."كاتم صوت رياضي يعني !! علشان محدش يزعل !! " و برده زيادة الأداء مش أوي أوي زي منا متوقع !!!

عايز عربيتي تبقى وحش !! أعمل أيه ؟؟؟

،، أقولك يا سيدي الفاضل !! :)

ببساطة كده !! حضرتك صرفت الحمد لله على علبتين ديفيل نظاف ،، و لكن متتوقعش ان دول الي حيخلولك العربية أدائها يبقى "وااااااو .. مزهل " !! لا طبعاً ،، أنت كده ساعدت بنسبة 30 % على تحسين نظام صرف غازات العوادم من موتورك !!

الحاجة الي ليها العامل الأساسي و المهم في تحسين أداء صرف غازات العادم من الموتور ،، هو أنبوبة العادم نفسها ،، الي بتمسك من عند الهيدرز !! لححححححد كاتم الصوت الريضاي الي ورا في الأكصدام بتاع عربية حضرتك !!

بعلبة البيئة بتاعته بكلوو !!
~~~~~~~~~~~~~~~~~~~~~~
تعالوا نفهم حاجة الأول !! ....
انبوبة العادم الي بتكون موجودة في عربياتنا عادي ،، بيكون فيها أنحانائات !!

الأنحنائات دي ،، في منها نوعين !!

1-crush bends
2-mandrel bends

طيب ايه الفرق !!

الcrush bends دي معناها أنحناء خانق !! بمعنى أن الأنحناء ده بيتخنق فيها أنبوبة العادم ،، و بيقل قطرها !! بمعنى أنا لو عندي انبوبة العادم بتاعتي قطرها 2 بوصة !! و النحناء عندي من النوع الخانق ده !!

حلاقي ان قطر الأنبوبة بتاعي في منطقة الأنحناء ... قل ،، بقا 1.5 ،، او 1.8 بوصة !! على حسب جودة الأنحناء نفسه !!

طيب النوع التاني ده أيه ؟؟

الmandrel bends دي أنحناء غير خانق ،، بمعنى ان قطر الأنبوبة بتاعتي مبيقلش فيها ،، خالص ،، يعني لو قطر أنبوبة العادم 2 بوصة ،، حيفضل 2 بوصة حتى في منطقة الأنحناء !! لو عندي كورة ،، قطرها 2 بوصة ،، و حطيتها في بداية الأنبوبة !! حتطلع من الناحية التانية ،، عكس النحناء الخانق ،، حتلاقي الكورة أتحششرت في النص !! في منطقة الأنحناء نفسها !!


طيب أنا لما أجي اعمل نظام العادم ،، أعمله أزااااااي ؟؟

بص يا فندم ،، انت مش حتعرف تعمله بنفسك !! أنت حتعمله عند أي حد بتاع جاكمنات ،، و يكون نظيف علشان تتوفر عنده الآلات الي حيعملك بيها الmandrel bends

ليه ؟؟

أقولك أنا ليه ،، لأن الأنحناء ده بيتعمل بماكينة معينة !!

أو ممكن تكبر دماغك ،، و تشتريها بطلبية من محلات معينة او من برا لو عايز ،، بالشكل الي حضرتك عايزه !!

و دي صور توضح الفرق بين الاتنين

crush bend !!


اضغط هنا لمشاهدة الصورة بالحجم الطبيعي.


crush bends !!
=======================
mandrel bend

mandrel bends !!


====================================

طيب سهل لحد كده،، ياترى أيه تاني اعمله ،، مثلاً .. أيه القطر الي أجيب الأنابيب بيه !!

والله لو حضرتك مش تربو !! و طبعاً مش حاطط نظام نيتروس !! يبقى تلتلزم بالقياسات دي

* لو من 1500 ألى 2000 سي سي ،، يبقى 2 بوصة
* لو من 2100 إلى 2500 سي سي ،، يبقى 2.25 بوصة
* لو من 2600 إلى 3000 سي سي ،، يبقى 2.5 بوصة !!
========================
طيب لو عربيتي انا حاطط فيها نظام نيتروس ؟؟ أعمل أيه ؟؟

لو كده ،، يبقى تزود نصف أنش "نصف بوصة يعني" على كل قطر من الي فوق دول !!

طيب لو عندي تربو ؟!!

لو عندك تربو يبقى 2.5 بوصة ده انسب حاجة للمحركات الي أقل من 2000 سي سي

لو 2000 فأكبر يبقى عندك من 3 بوصة لحد 3.5 بوصة ،، بتختلف حسب سعة الموتور !!

====================

طيب جبت الأنبوبة بالقطر ده !! اعمل أيه !!!

أرسم خط سير أنبوبة العادم على رسمو ،، علشان يبقى شغلك منظم !!

و أعررف أماكن الأنحنائات فين !! و بعد كده خلي الراجل يعملهملك بحيث أنها تكون mandrel bends !!

و يبتدي هو يركب و يلحم على كده !!


نصيحة قبل شراء الأنابيب !!

فيه أنواع كتييييرة !! منها ال steel و فيه stainless steel !! أستنضف لو سمحت !! و أشتري الستاينلس ستيل ،، علشان ده مقاوم أكتر للتآكل و الصدأ ... بالتالي حيعيش معاك أكثر !! :e_braces[1]:




طيب و علبة البيييييييئة ؟؟

أوععععععى تشيلها !!

حرام عليك متبقاش اناني !! ده غير انك لو شيلتها حيكون ليها أثر سلبي على الأداء ،، لأن فيه ناس بتشيلها و تحط واحدة فاضية ،، دول ببساطة أغبية !! لأن ده حيعمل تقلييييل لسرعة العادم و هو طالع ،، متنساش ،، هو أينعم بيقلل الباكبريشير،، لكنه بقلل معها السرعة بتاعت طلوع العادم ،،

متنسااااااش ،، أحنا محتاجين الأتنين مع بعض !!
"المعادلة السحرية" :e_braces[1]:

طيب لو شيلتها خالص ،،

أوعى يا أخي ،، قلتلك متبقاش أناني !! و كمان ده بيقلل طول عمود الغاز الطالع من الموتور "طول النبضة " الي بتطلع من العادم !!

و ده في حد ذاته بيقلل سرعة خروج العادم بردو !!
"تخيل عندك خرطوم نازل منه مياه !! شوف بتنزل ازاي ؟؟ طيب أعمل خنقة بسيطة كده على طرفه !! حتلاقي سرعة خروجها زادت !!"

طيب ماهو بيزود الباك بريشر !!

أيون ،، بس لما تشيله حتلاقي ان منفعة شيله مش جامدة أوي ،، بالمقارنة بمساؤها !!

طيب اعمل أيه ،، انا عايز أعمل نظام عادم ميااا مياااااا !!

خلاص يا سيدي ــ تقدر تشتري محول حفزي رياضي الأداء
و دي صور ليه ،،


اضغط هنا لمشاهدة الصورة بالحجم الطبيعي.



و بالنسبة للماركات ،، نفس الشركات الي كنت قلت عنها ققبل كده هيا هيا بتعمل المحول الحفزي عالي الأداء ده بردو !! :))

======================================

أنا كده تقريباً خلصت موضوعي ،، أرجو من الله أن يكون الموضوع مفيد ألى حدٍ ما للناس ،، و يكون مرجع ليهم لو عازو حاجة عن كيفية تحسين نظام العادم !! و أكون مطولتش اوي ،، ولا قصرت اوي !!

لأن الموضوع بجد فيه كلام كتيييير ،، و أنا حاولت اختصر فيه بطريقة توصل المعلومة المفيدة في نفس الوقت !!

و أن كان من خطأ او نسيان فذلك مني ،، و أن كان من توفيق فبفضل الله و كرمه !!


شكراً لقرائة الموضوع !!

أدعولي يكون في ميزان حسناتي

أخوكم في الله / حسام النبوي

=================================
references
build your own exhaust - kemper's web page


mandrel & crush bends


1998 hyundai elantra - custom exhaust


magnaflow ....llic cats #59926 - page 5 - the unofficial bmw m5 messageboard (m5board.com)

ربنا يحميك يارب
بس انا دلوقتي مش فاهم جزء معين
حضرتك قولت فوق المكن ال2000 يركب له2.5بوصه ورجعت تاني قولت2بوصه لما كنت بتشرح الانحناءات
فأنا توهت
وانا اصلا كل ماقول لحد برده يقولي هتكتم المكنه
بس مؤخرا سالت بعض الناس قالتلي انه بالعكس بيفوق المكنه وانه بيزود الهورس باور بتاع المكنه كمان
فانا عاوز اعرف ده صح ولا غلط
وعاوز اعرف انا لو غيرت العلبه الاخيره بس عادي ولا لازم الشكمان كامل يتغير لنظام رياضي؟
وعاوز اعرف حوار الصوت ده لان صحابي جميعا بيقولولي هات علبه كبيره صوتها احلي وبيقولو ان كلما كبرت العلبه كل ما الصوت بقي اعلي وده عكس كللم حضرتك
ياريت تفهمني عشان توهت فعلا.....


وشكرا بجد

[Nessem]

احب اضيف حاجة بس للموضوع دة... غالبا ما بيكون صوت الديفيل وحش على اى عربية بموتور صغير... و "صغير" هنا بتعود على عدد السلندرات مش السعة اللترية... يعنى اى مكنة 4 سلندر صوتها حيبقى وحش... سواء كانت 1000 او 2000 سى سى و دة بيرجع للصوت الطبيعى للمكنة ال4 سلندر

لما بتركب ديفل او شكمان رياضى على مكنة 6 او 8 سلندر بيبقى فعلا الصوت جميل جدا و الفضل فى كدة مش للعلبة لكن للمكنة نفسها و دى امثلة بسيطة للى اقصدة:

اربعة سلندر:

spoon n1 exhaust ek civic b16 - youtube

greddy evo2 exhaust 2000 civic si - youtube

honda civic ed7 (d16 dohc) hks sport exhaust - youtube

ستة سلندر:

bmw e46 m3 supersprint race exhaust - youtube

bmw e46 325ci: Eisenmann exhaust w/ supersprint headers+cats - youtube

bmw 325i sound - youtube

8 سلندر:

e39 m5 borla cat-back exhaust - youtube

bmw e39 m5 borla - youtube

part 1/2 - bmw e39 m5 reuter s (85db) exhaust sound without x-pipe - youtube

10 سلندر:

bmw e60 m5 with eisenmann exhaust - taking off into tunnel - youtube

bmw m5 with eisenmann race exhaust insane acceleration!!!! - youtube

bmw m5 with hamann parts + eisenmann exhaust (lovely sound!) - youtube

mmamdouh

كلام حضرتك عشره ع عشره ومظبوط تمام
بس عن تجربه
العربيات البي ام احلي حاجه فيها ان المكن بتاعها بيبقي حامي حتي لو اربعه سليندر
كان معايا بي ام1800تيربو اربعه سليندر
ومعايا جولف مكنه2000 اربعه سليندر
صوت البي ام كان تحفه
ولو حضرتك تلاحظ ان فيديوهات حضرتك كلها لعربيات بي ام
وشكرا بجد لتوضيح حضرتك لان فعلا الديفل بيختلف ع حسب نوع العربيه وعلي حسب حمو وخشونه المكنه
وربنا يزيدك علما يارب