كل ما تريد معرفته عن الديفيل و تحسين نظام العادم

[smsm_nabawy]

علبه حلوه علي جين2 تفتكر تبقي شملها ايه و بكام
و هيددرز و مسواير كامله
التكاليف كام

العلب النظيفة ممكن توصل معاك ل 1000 جنيه :))) الي هيا بتبقا دوال أيجزيت و كده !! :))

و لكن خلينا نتكلم في العادي !!
النظيف في مصر ممكن يعمله في حدود 600 جنيه بالكثير ،، و كمان قول 600 جنيه أنابيب و هكذا !!!

أنا أعذرني مقدرش أديلك أسعار بظبط !! لأني بعيد عن السوق !! لكن "يوكو" معانا هنا ،، كان بسه معدل من قريب !! و تقريباً على دراية أحسن مني بكثيييير بأسعار السوق :)

]الله يجزيك كل خير بجد الموضوع واضح ومهم جدااا وكنت بدور عليه بجد انت فناااان

الحمد لله ،، المهم يكون أفادك

[corsair]

الله ينور عليك يا بشمهندس وجزاك الله كل خير وكنت عايز اسئل حضرتك علي حاجه عندي في الفيرنا علبة الشكمان كبيرة اوي وبتحك في كل مطب هل لو ركبت ديفيل حجمه صغير فيها مشكله انا شوفت ديفيل في سبير كار بيعمل 150 جنيه ده كويس ولا لا وكمان هل تعرف حد في القاهره بتاع شكمانات كويس يظبطلنا الموضوع ده

[smsm_nabawy]

الله ينور عليك يا بشمهندس وجزاك الله كل خير وكنت عايز اسئل حضرتك علي حاجه عندي في الفيرنا علبة الشكمان كبيرة اوي وبتحك في كل مطب هل لو ركبت ديفيل حجمه صغير فيها مشكله انا شوفت ديفيل في سبير كار بيعمل 150 جنيه ده كويس ولا لا وكمان هل تعرف حد في القاهره بتاع شكمانات كويس يظبطلنا الموضوع ده

الف شكر يا رب تكون أستفدت !!

العلبة مش مهم كبيرة ولا ؟؟ المهم القطر بتاعها !! يعني الديفيل ده ،، داخله كام ؟؟ و خرجه كام ؟؟ ده الي يهم !!
اما العلبة معرفش أيه نظامها ،، و هل حلوة ولا ؟؟ بس سعرها قليل أوي !! ممكن تكون أستعمال مثلاً ؟؟

و للأسف معرفش حد في القاهرة

[karioki2100]

عايز اعرف منيين اعرف ازا كان الديفيل دة صوتوا عالى ولا لا ومنين تعرف صوت الراجع بتاعه

[_hema]

اشكرك يا باشا على المعلومات القيمة والجميلة ديه

[smsm_nabawy]

عايز اعرف منيين اعرف ازا كان الديفيل دة صوتوا عالى ولا لا ومنين تعرف صوت الراجع بتاعه

غالباً ده حيعتمد على نزع العلبة نفسها
جازما من أحسن العلب الي سمعتلها صوت راجع ،، مع صوت واطي في العادي و صوت مغري في الكبس
و طلعاً طالما العلبة جديدة ،، و ماركة نظيفة في نفس الوقت ،، يبقى أكيد صوتها حيكون قليل في العادي و لكنه مع الكبس بيعلى

اشكرك يا باشا على المعلومات القيمة والجميلة ديه

العفو ،، نورت الموضوع

[ahmed_mamdouh]

يعني افهم من كده يا باشا انه لو فرضنا اني شلت الجاكمان خالص اداء المحرك هيقل ؟؟
اصل انا هوايتي هي المحركات ...رحت اشتريت محرك بنزين صغير بتاع مكنة رش مبيدات علشان افكه واشوف هو عامل ازاي :)))
حاولت اشيل العلبة اللي هي الجاكمان بتاعه وحطيت مكانها ماسورة بلاستيك كده كنت بحاول اقلل الصوت بتاعه لقيته بيطفي ولما ازود الاقيه زي ما يكون بيتخنق كده ...الموضوع ده محيرني فعلا :))

[karioki2100]

السلام عليكم: انا ركبت علبه جاسما و عملت انبوبه شكمان 2 بوصه من بعدج علبه البيئه في عربيه 1600 بس في فرق واضح بس لانا كنت متوقع سرعه اكبر من كده

حضرتك جبت العلبة بكام وياريت لو تصورهنا علشان نشوفها

[smsm_nabawy]

يعني افهم من كده يا باشا انه لو فرضنا اني شلت الجاكمان خالص اداء المحرك هيقل ؟؟
اصل انا هوايتي هي المحركات ...رحت اشتريت محرك بنزين صغير بتاع مكنة رش مبيدات علشان افكه واشوف هو عامل ازاي :)))
حاولت اشيل العلبة اللي هي الجاكمان بتاعه وحطيت مكانها ماسورة بلاستيك كده كنت بحاول اقلل الصوت بتاعه لقيته بيطفي ولما ازود الاقيه زي ما يكون بيتخنق كده ...الموضوع ده محيرني فعلا :))

دقيقة واحدة بس !!! أنت عملت أيه بظبط ؟؟؟علشان شكلي فهمت غلط !!!!
أنت كده كتمممت الموتور !!

حضرتك جبت العلبة بكام وياريت لو تصورهنا علشان نشوفها

هوا جابها من ماينز الي في الأسكندرية !! انت من أليكس ؟؟

[karioki2100]

القاهرة

[smsm_nabawy]

لا والله في القاهرة مقدرش افيدك للأسف !! :((

ممكن تعمل موضوع تسأل فيه اهل القاهرة نفسهم

[wael61]

يا باشا موضوع كبير وربنا يزيدك من المعلومات وتغرقنا فيها

[smsm_nabawy]

يا باشا موضوع كبير وربنا يزيدك من المعلومات وتغرقنا فيها

الله يكرمك و يجازيك خير،، المهم تكون أستفادتم بيه :)

[Citrooh]

موضوع جامد ويدي للواحد خبرة وميبقاش زي اللي يركب شكمان كبييييييييييييييييييييييييييييييييير علي عربية صغيرة :)

[Dr'AhmZZong]

بصراحة موضوع أكثر من رائع .. احيييييييك بشدة

كان نفسي في واحد فاهم في الموضوع ده من زمان ..

عايز اخد رأيك في حاجة ..

أنا معايا صني 2010 و عايز اعملها exhaust system كامل ..

المهم قاعدت لفيت و دورت و سألت ناااااس كتيييييير ..

ناس تقول اعمل واحد كامل بـ headers ..

ناس تقول لأ اعمل نظام عادي بس متشلش ال headers ..عشان غلط

ناس تقول شيل علبة البيئة .. و أنت بتقول غلط ..

واحد بقى قال لي متعملش حاجة من دول خالص .. شيل العلبة اللي في النص كلها .. و غير العلبة الأخيرة فقط و متغيرش مواسير الشكمان ال stock ..

أنا محتار و مش عارف اعمل ايييييييييه !!!! ..

يا رييييييت تدلني :)

متشكر قوي على تعبك ..