الى من يهمه زيادة الثبات فى السيراتو

[medo_elgezy]

مقدما السلام عليكم
الموضوع ده بيلعب فى دماغى بقاله شهر
انتم عارفين انه معايا سيراتوتى ام جنط 17 خليجى و انا حسيت ان ثبتها بيقل بعد 140 مع طرقنا الفاظيعة
فجتلى فكرة !!!!!!!
1- apex springs original المفروض انها هتوطى العربية 32 مم و هتعلى ثبتها فى الملفات بصورة كبيرة جداا و تمنهم 1300 جنيه و عبارة انك هتشيل القديم و تحط جديد
2-و فيه ultra racing bars و اهمهم الى بيركب من البطاحة للبطاحة و ده عامل 500 و الى بيركب تحت المتور و ده عامل 390 , و المهم جداااااااااااااا الى بيركب على الدنجل فى العفشة و يعتبر هو اغلى واحد فيهم و عامل 1085
فا انا عايز راى النمور قبل ما اعمل اى حاجة و لفيه اقترحات تكون بسيطة و تكون فى نفس الوقت مش مكلفة يقدمه

--------------------------
تم تعديل العنوان
من اليسير استخدام كلمة "ثبات" بدلا من "استابيليتى"
م ع 7

[moha4tec]

D2 coilover and springs
احسن حاجه مساعدين و سست سبور و دى اعلى و احسن نتيجه .بعديها السوست
انما الالترا ريس لوحدها حلوه و لكن مع اى حاجه من الاتنين دول هتبقى رهيبه جدا و صباح القشطه .

[eng.m7md.ali]

الالترا ريسنج مع العفشة الموجودة في العربية (ستوك) هتخليك تحس ان العربية انعم والعفشة اريح
انصح اي حد انه ناوي يسقط عفشة سبور انه يركب الالترا ريسنج كمان علشان الشايسه ميفتحش ولا الحوض

[el_nahal2004]

متابع عشان مش فاهم

[moha4tec]

الالترا ريسنج مع العفشة الموجودة في العربية (ستوك) هتخليك تحس ان العربية انعم والعفشة اريح
انصح اي حد انه ناوي يسقط عفشة سبور انه يركب الالترا ريسنج كمان علشان الشايسه ميفتحش ولا الحوض

هو حضرتك متاكد ان العربيه هتنعم مع الالترا ريسنج ؟؟؟؟
لانى اظن العكس انها بتنشف العفشه و تزود الثبات و الله اعلم .
و يا ريت لو حضرتك مركبها او عارفها عن تجربه يا ريت تحط لينك الموضوع بتاعك و مستنى من حضرتك تقرير مفصل .
و معلش تقلت على حضرتك بس عوزين الفايده تعم علينا كلنا ان شاء الله .

[moha4tec]

متابع عشان مش فاهم

بكل بساطه :
1- السوست الاسبور: ارخص تعديل فيهم . بتوطى العربيه و تنشفها و بتذود الثبات عن طريق حاجتين اولا :انها بتقلل نسبة الهوا اللى بيمر من تحت العربيه و بتزود تماسكها بالارض .ثانيا:انها بتخلى العربيه فى الملفات متميلش الناحيه العكسيه عكس الملف زى السسوست الاستوك .لانها انشف .و بكده بتذود الثبات .بس عيوبها انها وحشه مع الالطرق اللى فيها مطبات و حفر ممكن العربيه تحك منك فيهم .
2- الالترا ريسينج .: اغلى من السوست .اسم شركه بتصنع بارات تقويه و تدعيم للشاسيه .وظيفتها تقوية الشاسيه و زيادة الثبات و زيادة نسبة الامان فى السياره فى الحوادث الشديده لا قدر الله و فى القلب بالعربيه .
3- العفشه الاسبور : و دى احلى و اغلى اختيار :بتزود الثبات طبعا و بتنشف العربيه بس غاليه عن الباقى .و فيها انواع كتير جدا و اوبشن مختلف و فى منها اللى بتتحكم فى ارتفاع العربيه و فى النعومه و النشوفيه للاستخدام لمختلف الطرق .و فى منها الهيدروليك بريموت . و دى قصه كبيره .

[medo_elgezy]

المهم انه البارات ان شاء الله هجيبها بس d2 springs تعرف عملين كام يا محمد

[medo_elgezy]

الى اهل الخبرة بخصوص الاستابيليتى

الى اهل الخبرة انا معايا كيا سيراتو 2010 و بجنط 17 و عايز ازود الثبات بتعها شوية ففكرت انى اركب بارات ultra racing بس هم 3 بس الى هركبهم
1- من البطاحة للبطاحة
2-الى تحت المتور
و بكده انا فعلت دور البارات الامامية
3- الى بيركب على الدنجل فى الجزء الخلفى من العافشة
و اجمالى عاملين 1900 تقريبا
و اضيف انى اركب معاهم springs علشان الناس كلها بتقول ان عافشة السيراتو ام جنط 17 عافشة اسبور فمش محتاج انى اغير عفشة فهكتفى انى اغير الكويلز بس فمحتار انه الافضل
1- apex و عامله 1300
2-d2 و مش عارف عامله كام

[tarek_rcc]

ماشاء الله عليك .....
كبييييييييير يا moha4tec
ربنا يحميك ويخليك تفيد المنتدى ونمور السيراتو...
لانى زى النحال متابع ... بس عشان افهم .....هههههههه

[moha4tec]

المهم انه البارات ان شاء الله هجيبها بس d2 springs تعرف عملين كام يا محمد

مش عارف فى سوست دى 2 و الا لا بس هو بيجى طقم سوست ومساعدين مع بعض .و انت عارف سعرهم كويس 5900 او انت طالعب حسب الطراز .
البارات فى واحد ب 390 و التانى ب 500 و التالت ب1085 .دول اهم 3 بارات فى راى .و الله اعلم
اظن لو ركبت السوست بتاعة حماده على البارات هتوصل لشغل عالى و مش هتحتاج العفشه الدى تو
و الله اعلم

[eng.m7md.ali]

هو حضرتك متاكد ان العربيه هتنعم مع الالترا ريسنج ؟؟؟؟
لانى اظن العكس انها بتنشف العفشه و تزود الثبات و الله اعلم .
و يا ريت لو حضرتك مركبها او عارفها عن تجربه يا ريت تحط لينك الموضوع بتاعك و مستنى من حضرتك تقرير مفصل .
و معلش تقلت على حضرتك بس عوزين الفايده تعم علينا كلنا ان شاء الله .

ايوة لو ركبتهم هتحس بفرق خصوصا في السيراتو والعربيات الناشفة عمتأ
جربتها في عربية جولف 2 جنوط 17 وعفشة كوني كاملة والعربية كانت حلوة مش ناشفة اوي ومع الالترا ريسنج بقت انعم من الاول شوية

[MOK3336]

يا عم بيعها و جبلك حاجة ألماني ( ثبات ثبات )
عشان انت إن شاء الله لما تيجي تبعها و إنت عامل فيها الحجات دي لازم تبعها لواحد فاهم
بدال ما يقولك أنت لاعب في اساسايات العربية و الحوارات دي ( عشان هو مش فاهم )

[moha4tec]

ماشاء الله عليك .....
كبييييييييير يا moha4tec
ربنا يحميك ويخليك تفيد المنتدى ونمور السيراتو...
لانى زى النحال متابع ... بس عشان افهم .....هههههههه

تحت امرك فى اى حاجه انا اعرفها .و اللى معرفهوش مش هفتى فيه طبعا

[moha4tec]

ايوة لو ركبتهم هتحس بفرق خصوصا في السيراتو والعربيات الناشفة عمتأ
جربتها في عربية جولف 2 جنوط 17 وعفشة كوني كاملة والعربية كانت حلوة مش ناشفة اوي ومع الالترا ريسنج بقت انعم من الاول شوية

حضرتك الوصف اللى بتوصفه و عفشه كونى دى مش عربيه ناشفه دى حتة حديده . و لما ركبت البارات حسيت بنعومه وهميه لان من ضمن وظائف البار ات انها تقلل الاهتزاز و تزود التماسك ,ده غير باقى الوظائف
فحضرتك اكيد هتحس بانها نعمت مع انها العكس نشفت اكتر .
يعنى مثلا:لو ركبت عوازل صوت فى عربيه ناشفه و حد جه ركبها بعدها هيقولك نعمت لانها من غير العوازل بترزع و الصوت ده بيخليك تحس انها انشف و رخمه و لما الصوت يقل هتحس بانها نعمت .ما بالك ان الاهتزاز بيقل مع البارات فاكيد هتحس بنعومه وهميه و لكن زياده فى الثبات و الامان و تقليل الاهتزاز الناتج من العفشه او تضاريس الطريق .و بتقوم بتقوية الشاسيه .
و لكن البارات دى مظنش انها تعمل حاجه مع مطبات الهوا او فواصل الكبارى .اللى ممكن تصلح موضوع فواصل الكبارى هى السوست او عفشه اسبور فقط

[moha4tec]

الابارات بتقلل من الاهتزاز و بتقلل من الضوضاء الناتجه من العفشه .عشان ممكن تحس انها بقت انعم و كده مع العكس صحيح.