الى من يهمه زيادة الثبات فى السيراتو

[el_nahal2004]

بكل بساطه :
1- السوست الاسبور: ارخص تعديل فيهم . بتوطى العربيه و تنشفها و بتذود الثبات عن طريق حاجتين اولا :انها بتقلل نسبة الهوا اللى بيمر من تحت العربيه و بتزود تماسكها بالارض .ثانيا:انها بتخلى العربيه فى الملفات متميلش الناحيه العكسيه عكس الملف زى السسوست الاستوك .لانها انشف .و بكده بتذود الثبات .بس عيوبها انها وحشه مع الالطرق اللى فيها مطبات و حفر ممكن العربيه تحك منك فيهم .
2- الالترا ريسينج .: اغلى من السوست .اسم شركه بتصنع بارات تقويه و تدعيم للشاسيه .وظيفتها تقوية الشاسيه و زيادة الثبات و زيادة نسبة الامان فى السياره فى الحوادث الشديده لا قدر الله و فى القلب بالعربيه .
3- العفشه الاسبور : و دى احلى و اغلى اختيار :بتزود الثبات طبعا و بتنشف العربيه بس غاليه عن الباقى .و فيها انواع كتير جدا و اوبشن مختلف و فى منها اللى بتتحكم فى ارتفاع العربيه و فى النعومه و النشوفيه للاستخدام لمختلف الطرق .و فى منها الهيدروليك بريموت . و دى قصه كبيره .

تسلم ياكبير ايوة كدة بدات احس ان معايا سيراتو

سؤال باه تكتيكى الموضوع ده لو حصل
يقلل ثمن العربية فى حال بيعها ولا يزودها ؟

[el_nahal2004]

ماشاء الله عليك .....
كبييييييييير يا moha4tec
ربنا يحميك ويخليك تفيد المنتدى ونمور السيراتو...
لانى زى النحال متابع ... بس عشان افهم .....هههههههه

[ggaamm]

والله كلام MOK3336 صحيح
محدش هيقدر غير اللى فاهم وحلينى بقا لما تبيع وتلاقى حد فاهم !!!!

هاتلك شيروكى وخلص ههههههههه

[pirlo2000]

فعلا التعديل بتاع البارات ده بيأثر علي تمن العربية و لا لأ؟

تاني حاجة لازم اركب التلات انواع بتوع البارات و لا كفاية نوع واحد بس ال بين البطاحتين؟

و اهم سؤال ؟ اجيبهم منين؟

[yasserelsayad]

تسلم ياكبير ايوة كدة بدات احس ان معايا سيراتو

سؤال باه تكتيكى الموضوع ده لو حصل
يقلل ثمن العربية فى حال بيعها ولا يزودها ؟

فعلا التعديل بتاع البارات ده بيأثر علي تمن العربية و لا لأ؟

تاني حاجة لازم اركب التلات انواع بتوع البارات و لا كفاية نوع واحد بس ال بين البطاحتين؟

و اهم سؤال ؟ اجيبهم منين؟

البارات بتتربط فى الشاسيه مش بتتلحم يعنى ممكن تشلهم فى اى وقت
ولو ركبت الطقم كامل وهو اكتر من 3 قطع الموضوع هيفرق جامد جدا
وTPS فى الحرفيين وكيل ultra race فى مصر

[MMamdouh]

ركب الشدادات الاول قبل السوست و شوف العربية هتبقى عاملة ازاى... و عن تجربة مش هتحتاج تغير السوست بعد الشدادات

MMamdouh

[MMamdouh]

هاتلك شيروكى وخلص ههههههههه

يعنى الراجل عايز يزود ثبات السيراتو... تقولة بيعها و اشترى مركب؟؟؟

MMamdouh

[moha4tec]

البارات بتتربط فى الشاسيه مش بتتلحم يعنى ممكن تشلهم فى اى وقت
ولو ركبت الطقم كامل وهو اكتر من 3 قطع الموضوع هيفرق جامد جدا
وtps فى الحرفيين وكيل ultra race فى مصر

+1111111111111111
بس ال 3 دول اهم 3 بياثرو فى الثبات و كده .و عندك مثلا فى واحد بيحمى تانك البنزين فقط وواحد داخل الكابينه للحمايه من التصادمات الجانبيه .وواحد تالت تحت الفتيس للحمايه فقط و زياده الامان من الجانب . وواحد فى الشنطه بس مش ماسك بين البطاحات . زى الامامى يعنى .
يتبقى 3 اللى هما الاهم .
1- البطاحه الامامى
2-عفشه سفليه اماميه بتمسك الموتور و العفشه الاماميه .
3-الميزان بتاع العفشه الخلفيه و ده اهم بار فيهم كلهم .

[amado318]

سؤال الكلام فيه منه للدايو

[medo_elgezy]

البارات بتتربط فى الشاسيه مش بتتلحم يعنى ممكن تشلهم فى اى وقت
ولو ركبت الطقم كامل وهو اكتر من 3 قطع الموضوع هيفرق جامد جدا
وTPS فى الحرفيين وكيل ultra race فى مصر

منور يا ياسر و الله واحشنى جدااااا و نفسى نتجمع تانى
و الموضوع ده بيلعب فى دماغى
المفروض ان ال springs هتوطى العربية ل 11 سم تقريبا فهتزود الثبات
و البارات هتظبط العربية ظبطة محترمة

[medo_elgezy]

سؤال الكلام فيه منه للدايو

ان شاء الله هتلاقيها عندهم

[pirlo2000]

تسلم يا ياسر علي الردود

بس هل في اي خطورة للموضوع ده؟ يعي البار بيتركب مش بيتلحم.... افرض فك لا قدر الله.... في خطورة؟

و هل ليه اي عيوب اخري؟

و اخر سؤال معلش... هل بيقلل مطبات الهوا شويه... لحسن بتبقي فظيعة !

[moha4tec]

سؤال الكلام فيه منه للدايو

فى للافيو و الكروز فقط بارات الترا ريسينج
حضرتك ممكن تشوف بارات عموله فى الحرفيين او تسال محل اسمه التى بى اس بتاع عادل وجدى فى الحرفيين ممكن تلاقى عنده البار بتاع البطاحات الاماميه
و الله اعلم

[eng.m7md.ali]

حضرتك الوصف اللى بتوصفه و عفشه كونى دى مش عربيه ناشفه دى حتة حديده . و لما ركبت البارات حسيت بنعومه وهميه لان من ضمن وظائف البار ات انها تقلل الاهتزاز و تزود التماسك ,ده غير باقى الوظائف
فحضرتك اكيد هتحس بانها نعمت مع انها العكس نشفت اكتر .
يعنى مثلا:لو ركبت عوازل صوت فى عربيه ناشفه و حد جه ركبها بعدها هيقولك نعمت لانها من غير العوازل بترزع و الصوت ده بيخليك تحس انها انشف و رخمه و لما الصوت يقل هتحس بانها نعمت .ما بالك ان الاهتزاز بيقل مع البارات فاكيد هتحس بنعومه وهميه و لكن زياده فى الثبات و الامان و تقليل الاهتزاز الناتج من العفشه او تضاريس الطريق .و بتقوم بتقوية الشاسيه .
و لكن البارات دى مظنش انها تعمل حاجه مع مطبات الهوا او فواصل الكبارى .اللى ممكن تصلح موضوع فواصل الكبارى هى السوست او عفشه اسبور فقط

وجهة نظر بردو خصوصا اني مركزتش مع الاصوات
بس بجد حسيت بفرق في العربية عن ماسوقتها من غير البارات دي خصوصا في الدريكسيون كنت بتحس بكل حاجة في الارض وبعد التركيب الوضع بقى اقل
وتجربتي مع الالترا ريسنج في الجولف بصراحة اتوهمت جدا الفرق يستاهل خصوصا ال handling بتاع العربية زاد وبقت العربية حساسة بالنسبة ليه اكتر من من غيره

[moha4tec]

تسلم ياكبير ايوة كدة بدات احس ان معايا سيراتو

سؤال باه تكتيكى الموضوع ده لو حصل
يقلل ثمن العربية فى حال بيعها ولا يزودها ؟

لا ميقللش من تمن العربيه
و لكن معرفش يزودها و الا لا
لو عاوز تبيعها و متخسرش كتير ممكن تبعها لشاب يفهم التعديلات و يقدرها .و ممكن تبقى تفكهم و تبيع العربيه لوحدها و تبقى تبيعم لاى حد معاه العربيه بسعر مخفض و ده احسن حل