كل ما تريد معرفته عن (شداد حوض الموتور Strut bar)

[adhamhossam]

موضوع حلو يا باشا
بس اهم حاجة قبل التركيب ان يكون الشاسية مظبوط او يتظبط قبل التركيب لو ماكانش مظبوط
وانا عندى الشدادات دى فى فبريكة العربية

تمام يا باشا كلامك مضبوط 100%
و يا تري نوع عربيتك إيه ؟

موضوع جميل لكن ملحوظه هامه ((( يجب ان تكون خامة الشداد قابله للكسر في حالة لا قدر الله الحوادث بحيث لا يتأثر الحانب الاخر المثبت به الشداد )))

طبعا ولازم كمان يكون اللحامات محترمة في حالة لو هنعمل الشداد عمولة

[yousefsemsem]

فعلا موضوع فوق الممتاز

[kingsun]

الله ينور عليك يا باشا موضوع جميل جدااا يستاهل الشكر والاعجاب
ونتمنى منك المزيد ان شاء الله والله يوفق الجميع

[adhamhossam]

فعلا موضوع فوق الممتاز

مشكوووور عالمرور و المشاركة

الله ينور عليك يا باشا موضوع جميل جدااا يستاهل الشكر والاعجاب
ونتمنى منك المزيد ان شاء الله والله يوفق الجميع

مشكوووور عالمرور و المشاركة

[bmya]

تسلم ايدك ياباشا
طيب انا لو عاوز اعمله عموله اعمله من خامه نوعها ايه بحيث يبقى كويس

[MMamdouh]

موضوع الbmw هي غلطة مطبعية (تحذف من المضبطة يا باشا)

لكن السؤال ؟

إزاي الموضوع ملوش علاقة بشروخ الشاسية ولا الكارتيرات ؟

من وجهة نظري الشخصية إن الموضوع له علاقة قوية مع الألتوااااااء أو بمفهوم علمي آخر (معدل الألتواء)

لاحظ جيدا حركة القوايم و السقف كويس
و لاحظ حركة الكارتيرات الغير منتظمة
وبذلك يحدث فتح او قفل لعلب الشاسيه
وتجد السيارة فى اى حالة من الحالتين
السابقتين تستهلك اطارات مع كبالن
بشكل متكرر وفى فترات زمنية قصيرة جدا
بسب عدم تساوي الابعاد سواء بالفتح او القفل مع الزمن

هذا ما لايذكره فى كتالوج السيارة سوى القليل فقط
من الصانعين وهو معدل الالتواء لبدن السيارة ويعنى
كم مرة سوف تتحمل اماكن الارتكاز للمساعدين
فى جسم السيارة ردة فعل وصدمة المطبات
ولكم عدد من المرات وبذلك يقاس عمر الجسم
الاساسى للسيارة

جسم العربية معمول انة يتحمل الاجهادات دى كلها... لو فيه عربية مبتستحملش الكلام دة يبقى العربية نفسها فيها عيب تصميم و قوة تحمل الجسم اقل من الاجهادات الطبيعية اللى بيتعرض ليها الجسم فى الاسخدام العادى

اساسا استخدام الشدادات الهدف منة اعادة توزيع وزن السيارة فى الملفات لتقليل ميلانها وتحسين ثباتها يعنى الموضوع فى الاصل الهدف منة رفع ثبات العربية مش اجراء وقائى لتجنب الشروخ و القصص دى

فيه موضوع مشبت فى القسم بيتكلم على الشدادات بشكل عام و شدادات الحوض بشكل خاص ممكن ترجعلة و هو يفيدك

MMamdouh

[adhamhossam]

تسلم ايدك ياباشا
طيب انا لو عاوز اعمله عموله اعمله من خامه نوعها ايه بحيث يبقى كويس

مواسير تكون محملة مش شرط رفيعة أو تخينة .... و قطع فلانشات كويسة ... و تكون اللحامات واخدة حقها كويس بضمير

[Amr Axel]

تكملة جميلة و رائعة يا عمرو باشا
و مشكور علي إضافة الرابط الأصلي للموضوع بتاعك
لم أكن أعلم بوجود الموضوع الجميل بتاعك دة
في غاية الأهمية

و لا يهمك يا باشا بس حبيت اوضح الموضوع مش اكتر :)

[Amr Axel]

تسلم ايدك ياباشا
طيب انا لو عاوز اعمله عموله اعمله من خامه نوعها ايه بحيث يبقى كويس

من الالومنيوم هو المستخدم لكن نوع و سماكة و مقاسات معينة بالاضافة للتصميم
لأن الشركات لما انتجت كان الانتاج بناءا ع اختبارات للتوصل للتصميم و القياسات و للمعدن المناسب بحيث لا يزيد من الوزن بشكل عالي و تؤدي لتوزيع الوزن و التحمل و في نفس الوقت مواجهة الحوادث للحفاظ ع العربية لكن لا يأثر بالسلب يعني لو مثلا تم استخدام الحديد الصلب مع حادثة العربية ممكن تتخرشم و هو يفضل سليم يبقي ايه الفايدة ؟؟؟!!! اخدت بالك ؟

اما العمولة فأغلبه هنا بالبركة فالأفضل تجيب الاصلي و هيكون الفرق بسيط يعني بتكلم في 100-200 ج فرق بس هتاخد قطع أصلية و تشتغل صح ياما تشوف مكان عنده علم بالتصنيع فعلا و يقدر يطلع واحد بنسبه كبييرة زي الأصلي

[bmya]

ماهو المشكله ان السيريون ماهياش لانسر او هوندا يعني من الاخر مش لاقيلها هنا ولما سألت محل قالي اجبهولك بالطلب وسعره كان هيبقى كتير

[Amr Axel]

ماهو المشكله ان السيريون ماهياش لانسر او هوندا يعني من الاخر مش لاقيلها هنا ولما سألت محل قالي اجبهولك بالطلب وسعره كان هيبقى كتير

ممكن تولف عليها من عربية تانية تكون نفس المقاسات زي بين البطاحات و المكان مناسب
و الأفضل تروح لعادل وجدي tps في الحرفيين ع حد علمي هو وكيل الترا ريسنج هنا
و لو حسبت انك تطلب و تشحن هتلاقي ضعف سعر عادل وجدي ع الاقل

[bmya]

طيب هو في منه ماسوره وفي منه مبطط ايه الفرق

[adhamhossam]

و لا يهمك يا باشا بس حبيت اوضح الموضوع مش اكتر :)

الله يخليك يا عمرو باشا و يباركلك

[adhamhossam]

من الالومنيوم هو المستخدم لكن نوع و سماكة و مقاسات معينة بالاضافة للتصميم
لأن الشركات لما انتجت كان الانتاج بناءا ع اختبارات للتوصل للتصميم و القياسات و للمعدن المناسب بحيث لا يزيد من الوزن بشكل عالي و تؤدي لتوزيع الوزن و التحمل و في نفس الوقت مواجهة الحوادث للحفاظ ع العربية لكن لا يأثر بالسلب يعني لو مثلا تم استخدام الحديد الصلب مع حادثة العربية ممكن تتخرشم و هو يفضل سليم يبقي ايه الفايدة ؟؟؟!!! اخدت بالك ؟

اما العمولة فأغلبه هنا بالبركة فالأفضل تجيب الاصلي و هيكون الفرق بسيط يعني بتكلم في 100-200 ج فرق بس هتاخد قطع أصلية و تشتغل صح ياما تشوف مكان عنده علم بالتصنيع فعلا و يقدر يطلع واحد بنسبه كبييرة زي الأصلي

كلام مضبوط فعلن

[adhamhossam]

طيب هو في منه ماسوره وفي منه مبطط ايه الفرق

اعتقد أن الفرق في خامة التصنيع و ليس الفرق في الأداء .. الأثنين نفس النتائج











واخدين بالكوا اللحامات محترمة إزاي