حرق الزيت

[Dr. Halawa]

ايه اللى ممكن يخلى العربية تحرق 2 لتر زيت من زيت باورسينث امارات 10000 كم فى 5000 كم علما بان البونتو بتاخد 3 لتر زيت بس؟
و ده معناه ايه؟؟

[yoko]

دي للأسف كده يا د. إسلام تبقى وش لو مفيش أي تسريب من ي حته تانيه
بس سؤال الأول العربيه كانت بطلع دخنة من الشكمان!

[Dr. Halawa]

لأ خالص ما بتطلعش دخان و ايه اللى يجيب وش سلندر فى موتور 100 الف؟ :(
عمرى ما شفت مؤشر الحرارة فوق النص
ده التوكيل رحتلهم 5 مرات و كل مرة يقولولى ما فيش حاجة
و دى حلها ايه يا يوكو باشا؟
أخبار ضهرك ايه صحيح حمد لله على السلامة

[Dr. Halawa]

ما تعرفش كمان الموضوع ده يتكلف كام فى التوكيل؟

[mesho_kimi]

لو بتحرق على الغيارات يامه وبالذات لو الماتور بارد ممكن يقل الكميه دية بالذات مع الزيت التخليقى ، الإحتمال التاني انه ممكن يكون فى تسريب من الطبه ، الإحتمال الثالث وانا مستبعده انه يكون أحد مشاكل المحركات الاوروربيه القليلة السعة الليتريه وهى انه بدأ يخف بس انا مستبعدها وربنا يبعدها عنك

[Dr. Halawa]

الموتور كنت لسة عامله كبس كان كويس جدا و العربية من شهر كنت راجع بيها وادى النطرون 160 طول الطريق و التكييف شغال و 5 فى العربية و كانت مشكلة التنتيش موجودة كمان

[mesho_kimi]

طيب لما قست كبس كان كام كبسه

[Adham]

اول مرة اسمع ان وش السلندر يخللي الزيت ينقص و يتحرق طول عمر ي اعرف ان وش السلندر يسخن العربية و يجيب مياة على زيت او يهرب كبس انما يحرق الزيت و ياكل تلتينة دي اول مرة اسمعها فعلا

اللي ينقص الزيت

1- تسريب من جوان كارتيرة او طبة الزيت او ساعه الزيت او غيرة

2- كبس سيء يعني شنابر و بساتم او شمايز ( حضرتك بتقول ان كبس الموتور كويس, كويس يعني كام في المائة لأن الزيت التخليقي لو الموتور كبسة 70% ممكن في 5000 كيلو يتحرق و ينقص)

3- اويلسيلات صبابات و دي تلاحظ ان العربية بين النقلات و انت حارق تدي دفعه دخان ازرق, يشوفها واحد صاحبك يمشي وراك و انت بتقرص عالعربية

....* لو حضرتك لقيت الزيت محروق و اسود قوي يبقى مؤكد عربيتك عايزة طقم شنبر او عمرة

انما لو الزيت اللي فاضل كان نسبيا نضيف + الشكمان مافيهوش حريق زيت يبقى نشوف سبب تاني من الاسباب

[Adham]

لو العيب من وش السلندر حايبقى نقص الزيت طفيف و يبان في الردياتير ان المياة مزيتة شوية


ملحوظة : لو وش السلندر فية شرخ ( بين مجاري المياة و الزيت) المياة هي اللي بتروح للزيت و ليس العكس

حيث ان ضغط المياة بيكون اعلى من ضغط الزيت و بالتالي المياة هي التي تنقص و الزيت يزيد و ليس العكس

و تلاقي الزيت لونة طحينة و يزيد في المقياس

[Dr. Halawa]

الكبس كان 80% و العربية ما بتطلعش دخان خالص ما فيهاش غير تنتيش بسيط على الrpm الواطى انا كنت حطيت فلاش للموتور اخر مرة و انا بغير زيت و بعديها بدأت الحكاية ديه أظن انها كاوتشات البساتم بس الزيت كان نازل محروق فعلا و بعد ما غيرته برده التنتيشة موجودة

[Adham]

مافيش حاجة اسمها كاوتشات بساتم

ممكن تحتاج طقم اويل سيل صبابات او طقم شنبر

بس مش حايبان الا لما وش السلندر يتحل و تغير اويل سيل الصبابات و يتحط شوية بنزين على وش البستم لو نزل تحت البستم يبقى الموتور خفيف و يتشاف شمايز العربية لو مافيهاش عتب يبقى تغير شنابر و بس

بس انا ماعتقدش ان الموضوع حايخرج عن اويل سيل صباب و رايي ان حضرتك تحط زيت معدني عادي و تغير فلترزيت و تتابع مستوى الزيت شوية و تشوف

غالبا مش حاتحتاج تعمل حاجة

[Dr. Halawa]

انا لسة حاطط موبيل 1 امبارح و مغير فلتر استنى شوية؟

[mesho_kimi]

طيب كنت حطيط نوع كويس مش مشهور أنه بينقص عمتاً انت تابعه فى أول 5 ألاف كيلو وإن شاء الله خير

[Dr. Halawa]

اييه نوع زيت مش مشهور انه بينقص؟

[aymanay32]

ممن يكون طبه الزيت مش مقفولة جامد كويس