حرق الزيت

[kampa_elhaggar]

كلمني علي تليفوني انا بعتهولك و هقابلك اوديك ليه بس هوه في امبابه

[Dr. Halawa]

صابر؟
اوعى يكون هو

[waelms3]

سلام عليكم

السلام عليكم باشا انا كان عندى نفس العيب العربية كانت بتنتش و سحبها عمال يضعف وفجاة بقيس الزيت لقيته قل النصف تقريبا روحت عند الميكانيكى وغيرت كل حاجة للتجربة اسبراتير وموبينة و كنترول يونت و رشاش و طلع فى الاخر ان علبة البيئة بتاعت الشكمان هيه قلى مسدودة فروحت غيرتها والعربية اتظبطت ممكن يكون عندك نفس القصة والله اعلم

[Dr. Halawa]

و دى غالية؟ ربنا يستر جبتها منين؟

[waelms3]

علبة البيئة

هى موجودة عند بتوع الشكمان وسعرها فى حدود 100 جنية و بالتركيب 130 واى خدمة يا باشا انت ممكن تكشف عليها عند بتاع الشكمان وهو يقولك ان كانت فيها مشكلة والا سليمة

[Dr. Halawa]

التوكيل بيقولوا ان العربية بتسرب زبت من الشنابر كدة الموضوع مالوش حل غير عمرة ولا ايه؟

[Adham]

الموتور كنت لسة عامله كبس كان كويس جدا و العربية من شهر كنت راجع بيها وادى النطرون 160 طول الطريق و التكييف شغال و 5 فى العربية و كانت مشكلة التنتيش موجودة كمان

الكبس كان 80% و العربية ما بتطلعش دخان خالص ما فيهاش غير تنتيش بسيط على الrpm الواطى انا كنت حطيت فلاش للموتور اخر مرة و انا بغير زيت و بعديها بدأت الحكاية ديه أظن انها كاوتشات البساتم بس الزيت كان نازل محروق فعلا و بعد ما غيرته برده التنتيشة موجودة

مش حضرتك قلت انهم قاسوا كبس الموتور و كان ممتاز يبقى ازاي تهريب زيت من الشنابر

لو كبس الموتور اقل من 65% ممكن تغير طقم شنبر

على فكرة 80% دة ممتــــــــــــاز لان العربية و هي زيرو الكبس بيبقى 88 - 89%

[Dr. Halawa]

القياس ده كان قبل ما استعمل الفلاش هاروح اكبسها تانى و اشوف

[amrmaismail]

التوكيل بيقولوا ان العربية بتسرب زبت من الشنابر كدة الموضوع مالوش حل غير عمرة ولا ايه؟

تغيير الشنابر مش عمره ولا حاجة بس انت بالمره بتغير الجوانات والاويل سيلات اللي فالسكه لانه بيفك نص الموتور اللي فوق والكارتير وبيسيب البلوك راكب بس لازم تقف علي ايده علشان لو ( نسي ) يركب حاجه
انا بقي كنت بعمل حاجه جميله اوي

كنت واقفله بكاميرا كل مايفك حاجة اصورها علشان اراجع وراه الصور وهوه بيركب
اه زهق مني بس انا كنت مطمن

وفي الاخر برده الزيت بينقص بس حجات بسيطة اوي ماحش كده عارف ليه

شد حيلك

[yoko]

د.إسلام انا كنت لسه في التوكيل وطقم الشنبر عندك مش هيكمل بالمصنعيه 3500 جنيه بالروديه بالجوانات بكله

[Dr. Halawa]

امال المهندس اجمد درويش قاللى 7 ليه؟

[amrmaismail]

د.إسلام انا كنت لسه في التوكيل وطقم الشنبر عندك مش هيكمل بالمصنعيه 3500 جنيه بالروديه بالجوانات بكله

بس ده غالي اوي اوي متهيألي لو اتعملت بره مش اكتر من ١٢٠٠ جنيه بالكتير اوي اوي

[yoko]

امال المهندس اجمد درويش قاللى 7 ليه؟

يبقى يا هو عمرة يا إمى هو مش مركز ساعتها أنا كنت لسه مع المهندش شريف متولي وقالي قطع الغيار مش هتكمل 1500 جنيه وبالمصنعيه مش هتكمل ال3500 بأي حال والجوان بيجي بالويل سيلات والشنابر وكله يعني قطع الغيار بتيجي على بعضها من إيطاليا kit لنص العمرة

[Adham]

واضح ان الفلاش بتاع الموتور دة سبب مشاكل داخلية في الموتور, سبب تآكل الشنابر و غالبا في الصبابات كمان و ربنا يستر عالسبيكة

انت لازم تعمل التالي : تجليخ صبابات - تفريز قواعد صبابات - رودية و ربما طقم سبيكة كمان اذا احتاجت

علشان ماينفعش تحكم تحت و فوق لأ

منعاً لأي مشاكل مستقبلية

و الاسعار دي مبالغ فيها قوي

اشتري طقم الشنبر اصلي من التوكيل و معاة جوان كارتيرة و جوان وش سلندر و جوان تاكيهات و طقم اويلسيل صبابات (غالباً كل دة بييجي طقم جوان على بعضة)

و شوف حد نضيف يعملهالك مش مستهالة توكيل لأنة موضوع سهل و مش محتاج غير ميكانيكي نضيف و فاهم و خراط كويس يوضب الصبابات و الوش

ولو بعد الفك لقيت الصبابات و السبايك وحشة يبقى حاتشتريهم أصلي هما كمان

انا لو منك افك وش السلندر الاول و اشوف لو فية عتب في الشمايز يبقى عليك بموتور استيراد و ريح بالك لانة كدة حايبقى موتور هالك و حايصرف كتير بدون فايدة

[Dr. Halawa]

العربية من شهر بالضبط (قبل رمضان) كنت راجع بيها على 160 طول الطريق و احيانا 180 ازاى يبقى فيها كل ده؟
أدهم باشا فى حد قاللى ان ممكن تكون المشكلة الكاتليتيك كونفرتر (علبة البيئة) مسدودة؟ ممكن؟؟