رائحة عادم قادمة من المحرك

[thedeveloper87]

1. اظبط الاسبراتير اذا كان بينفع يتظبط.
2. شوف حالة البوجيهات ... لو مهببة اكشف على الرشاشات أو الكاربيراتير عندك.
3. لو لسة الريحة موجودة اكشف على الشكمان من قدام لو فيه تسريب

[hosamwaja2410]

1. اظبط الاسبراتير اذا كان بينفع يتظبط.
2. شوف حالة البوجيهات ... لو مهببة اكشف على الرشاشات أو الكاربيراتير عندك.
3. لو لسة الريحة موجودة اكشف على الشكمان من قدام لو فيه تسريب

يا باشا حتي لو 1 او 2 موجوده المفروض الريحه ما تدخلشي الصالون

[magyver]

انا لما باحرق علي الغياار
بشم الريحة دة
مع العلم المكنة عندي بسم الله ماشاء الله حلوة
نفسي الريحة دة تروح او اعرف السبب دة من اية


______________________

يرجى مراعاة كتابة لفظ الجلاله بشكل صحيح


مشرف الورشه

[samirayad]

متحرقش على الغيارات

لأنك كده بتشيط أسطوانة الدبرياج

وحتبوظ الدبرياج منك بدرى

[magyver]

متحرقش على الغيارات

لأنك كده بتشيط أسطوانة الدبرياج

وحتبوظ الدبرياج منك بدرى

ماشي محدش قال حااجة
بس المفروض بردو ماطلعشي الريحة دة
ولا اية رايك ياعمنا

[samirayad]

ماشي محدش قال حااجة

بس المفروض بردو ماطلعشي الريحة دة

ولا اية رايك ياعمنا

خلاص خليك زى ما أنت ماشى مع الغيارات

ولا أيه رأيك ياعمنا

[hosamwaja2410]

خلاص خليك زى ما أنت ماشى مع الغيارات

ولا أيه رأيك ياعمنا

يا باشا هو بيتكلم صح هو بيتكلم عن مشكله ريحه العادم اللي بنعاني منها
يعني المفروض مهما كان ما فيش ريحه تخش عالصالون

[samirayad]

يا باشا هو بيتكلم صح هو بيتكلم عن مشكله ريحه العادم اللي بنعاني منها
يعني المفروض مهما كان ما فيش ريحه تخش عالصالون

طيب ياباشا
وأنت أيه اللى عرفك أنه بيشم الريحه وهو قافل الأزاز زى حلاتك

مايمكن بيشمها وهو فاتح الأزاز

أما وضعك
فحاله خاصه

[hosamwaja2410]

طيب ياباشا
وأنت أيه اللى عرفك أنه بيشم الريحه وهو قافل الأزاز زى حلاتك

مايمكن بيشمها وهو فاتح الأزاز

أما وضعك
فحاله خاصه

يا اخ صلاح انا بشم الريحه لما بكون فاتح الازاز مش العكس
و بعدين هو المفروض ما فيش اي ريحه تخش عالصالون مهما كان

[magyver]

خلاص خليك زى ما أنت ماشى مع الغيارات

ولا أيه رأيك ياعمنا

هو اية اللي زعلك من كلامي
هو فية حااجة تزعل
انا كل قصدي ان المفروض لما اقرص يكونشي فية اي ريحة
وانا ااسف جادا
اني سالت السوال دة

[samirayad]

هو اية اللي زعلك من كلامي
هو فية حااجة تزعل

أنا مزعلتش ولا حاجه ياعمنا

انا كل قصدي ان المفروض لما اقرص يكونشي فية اي ريحة

ماهو ده السبب اللى خلانى أاقولك خلاص
خليك زى ما أنت ماشى وحرق على الغيارات علشان بأقولك على الصح وحسيت أنك مش مقتنع

وأنا بأنصحك ليه بكده

لأن الديسك بدأ يتعب عندك

ولما بتحرق على الغيارات بيحصل تفويت شويه جوه الدبرياش
وبتشم ريحة الشياط ده

وكده الأسطوانه حتشيع لو أستمريت على الوضع ده

وحتحتاج تغير الدبرياج وتعمره

لو أستمريت على الوضع بتاع التحريق ده

ياعنى أنا عاوز مصلحتك .....مش أكثر ولا أقل

[magyver]

ربنا ماايجيب زعل ياسمير باشااا
كل اللي كنت اقصدو السبب من اية بالظبط
طيب يعني اغير الديسك من دلوقتي ولا
رايك اية

[samirayad]

لا متغيرش حاجه خالص

وخللى نقلك بدرى على الفتيس

بكتيره عند 3000 لفه وأنقل من التانى للتالت وهكذا

[magyver]

اصلي انا باجري وكدة وبشد مع نااس كتيير
فهتاثر علي حاجة تانية ولا اية
لو هاتاثر اغير وخلاص
مستني رايك

[samirayad]

لا مفيش تأثير من السواقه بالشكل ده غير أن الدبرياج ممكن يفوت
والأسطوانه تتحرق

ووقتها أبقى عمره لما يحصل المراد