اتجننت انا وصاحبى

[SAMEH_FOUAD]

وهل فلتر البنزين دة ممكن بعمل الحاجات دية كلها اللى انا قولتها فى الاول
لانة فعلا من ساعة لما نظفة عند الميكانيكى والعربية بدأت تعمل حاجات غريبة.وخصوصا لمبة التشيك اللى بتنور دية
والميكانيكى نظف الفلتر بالجاز والهواء ,لان فلتر البنزين زى بتاعى بالظبط عبارة عن قالب حديد كدة كبير ومتوصل بخرطومين

[samirayad]

والميكانيكى نظف الفلتر بالجاز والهواء

حسألك سؤال وأنت جاوبنى
الفلتر ده بيمشى فيه أيه .....بنزين
والبنزين أخف من الجاز
يبقى هل يعقل
أن أمشى فى فلتر بتاع بنزين .....جاز

بالطبع لا

يبقى الميكانيكى لما حب يعمل فالح وينظف الفلتر
عمل أيه

جه يكحلها .......عماها

ولازم تغير الفلتر ده على طول


ياه ...أنا جاوبت على السؤال

[SAMEH_FOUAD]

بس هل الفلتر يعمل المشاكل دية كلها

[samirayad]

نعم ياباشا

الفلاتر بتصمم بحسابات دقيقه للغايه
وبتتحسب ثغرات الترشيح بناء على حجم جزىء المائع اللى بيمشى فى الفلتر ده
وبتبقى أجزاء من الميكرون

وطبعا جزىء الجاز أكبر من جزىء البنزين
فطبعا ده بيعمل سدد وخلل فى مصافى الترشيح الداخليه للفلتر
وبيقلل كفاءة عملية الترشيح أو الفلتره

مما يعنى خلل فى سريان البنزين بعد كده
وممكن ده اللى عامل موضوع الحشرجه أو الصوت اللى بتقول عليه

وأما نحب ننظف فلتر بنزين
يبقى لازم بالهواء المضغوط فقط
وفى أتجاه عكس السريان الأساسى خلال الفلتر
لأخراج أى رواسب قد تكون متجمعه داخل الفلتر

وبالنسبه لموضوع اللمبه و السرعه المتذبذبه اللى عندك
ياريت مبدئيا

تغير الفلتر وتجرب الوضع الجديد

قبل ماحتى تنظف البوابه

أحتمال كبير
تغييرك للفلتر يخلص على كله

وبالذات أنك قولت عملت أسكانر ومفيش مشاكل فى أشارات الحساسات

[samirayad]

يجى يدوس بنزين سنة خفيفة يلاقى الاربى ام بيتحرك بالعافية يعنى كانك شايل فوقية حجر

شايف دى

معناها أن فيه هواء بيدخل المحرك عادى
بس البنزين تعبان ( بسبب الفلتر )
علشان كده الحريق هزيل
وعدد لفات المكنه فى الضياع

[SAMEH_FOUAD]

الف شكر ليك وانا عارف انى تعبتك وهاخلية يغير الفلتر وهاقولك على الاخبار

[SAMEH_FOUAD]

طيب اشمعنا بعد لما العربية تسخن بتظبط

[ابو حسين]

حسألك سؤال وأنت جاوبنى
الفلتر ده بيمشى فيه أيه .....بنزين
والبنزين أخف من الجاز
يبقى هل يعقل
أن أمشى فى فلتر بتاع بنزين .....جاز

بالطبع لا

يبقى الميكانيكى لما حب يعمل فالح وينظف الفلتر
عمل أيه

جه يكحلها .......عماها

ولازم تغير الفلتر ده على طول


ياه ...أنا جاوبت على السؤال

وحشني والله يا بشمهندس يارب تكون بخير والله ينور عليك

[samirayad]

طيب اشمعنا بعد لما العربية تسخن بتظبط

وفيه أشمعنا قبلها كمان أهه

:اشمعنا مابتعملش كدة غير والعربية باردة بس غير كدة مظبوطة جدا

وأنا بأحب كده فعلا
علشان نفكر مع بعض

وهو ده الصح

نرجع بأه للكلام

أيه الفرق بين الوضع والعربيه بارده ....وكذلك وهى ساخنه

درجة الحراره حول كل خطوط البنزين والتنك بشكل عام

أليس هذا سببا فنيا كافى كالآتى

حنقول الفلتر مش مظبوط ....زى مابنتوقع ...وأحنا فى عرضه ...أنه يكون سبب كل المشاكل

طيب ماهو لما الحراره تبقى عاليه بتاعة البنزين
حيبقى عنده طاقة حركه أعلى من وهو بارد
مايمكن كده بيقدر يتخلل الفلتر ويعدى بأمان الله بدون أى قلق

علشان كده بيبقى الوضع معقول والمكنه سخنه أو محيط دورة البنزين ( أن صح التعبير )

[samirayad]

وحشني والله يا بشمهندس يارب تكون بخير والله ينور عليك
:b4_388:

الله يخليك يا أبو حميد
وكويس أنك جيت
أحسن أخونا / سمسم
هارينى أسئله

وياريت تشيل العربيه التعبانه دى من توقيعك
لأن دى مينفعش معاها أى تصليح خالص

[ابو حسين]

الله يخليك يا أبو حميد
وكويس أنك جيت
أحسن أخونا / سمسم
هارينى أسئله

وياريت تشيل العربيه التعبانه دى من توقيعك
لأن دى مينفعش معاها أى تصليح خالص

ردودك ياباشا كلها في الجون
وهشيل العربيه مدام بش عجباك ياباشا

[samirayad]

ردودك ياباشا كلها في الجون
وهشيل العربيه مدام بش عجباك ياباشا
:c_laugh[1]::c_laugh[1]::c_laugh[1]:

ياباشا الله يخليك

وخليها ياباشا
أنا بس باهزر معاك مش أكتر

[ابو حسين]

ياباشا الله يخليك

وخليها ياباشا
أنا بس باهزر معاك مش أكتر

ايه رايك يبشمهندس في العربيه دي ربنا يوعدنه

الواحد نفسه في وحده زيها

[samirayad]

أيوه كده ياباشا
دى تفتح النفس شويه
أما التانيه كانت
حتكرهتا فى العربيات الصراحه

[SAMEH_FOUAD]

ماشى ياباشا كلام منطقى
نيجى بقى للسؤال المهم لية لما العربية غسلنا ماتورها بالجاز والفوم بقت كويسة ومعملتتش حاجة ليوم واحد بس ورجعت تانى زى الاول هل دة بردة لية علاقة بالفلتر ماعتقدش
واستحملنى ياباشا انا اصلا اتجننت