اتجننت انا وصاحبى

[samirayad]

هل دة بردة لية علاقة بالفلتر

لا طبعا

واستحملنى ياباشا انا اصلا اتجننت

ماقولتلك كل حاجه وليها حل
وسلامتك بالدنيا
وخد راحتك ياريس
أنا بس بأتكلم كده

[semosoft]

شيك على حساس الكتاليكت و خرطوم المنافو عشان كانت عندي في الماتيز الحركة دي لو فيه اي شق بسيط هيعمل كدة معاك

[SAMEH_FOUAD]

هو بياكدلى انهاردة فعلا ان العربيبة مخنوقة جدا جدا ,وتقر يبا عملت فرقعة من الشكمان ,لما داس بنزين ,وقعدت شوية كدة واقفة على 100لفة تقريبا وهو حاسس من صوت الماتور انة مش بيوصل بنزين كويس
وطرمبة البنزين جديدة,دة غير انها بطلت معاة مرة واحدة وكانت هتبطل تانى لكن داس بنزين ولحقها وبعد كدة مابطلتش تانى
انا قولتلة انهاردة يشترى فلتر بنزين ,لانة فعلا حاسس انة من بعد مانظف الفلتر دة والعربية مابقيتش مظبوطة

[SAMEH_FOUAD]

روحنا كشفنا على البوجيهات لقيناها الحمد لله زى الفل ومافيش ولا هباب ولا اى حاجة وكشفنا عليهم كلهم بنفس الحالة وهما تقريبا راكبين بقالهم فترة كبيرة
كدة انا استبعدت الرشاشات ,البوجيهات ,لان كمان فية حاجة الحمد لله استهلاك البنزين كويس جدا على كلامة
انا بقى قولتلة حاجة نجربها اننا نجيب stp بتاع منظف دورة الوقود ونحطها مع تفويلة ,ولا اخلية يغير الفلتر انهاردة لاننا سألنا علية لقيناة الاصلى ب140 جنية ,والعادى ب80 جنية فقولتلة الاصلى كدة غالى
وبردة مش متاكدين ان العيب منة وحرام نجيبة وميطلعش العيب منة
فامش عارفين بقى نجرب ننظف بالstp ولا نغير الفلتر ونتوكل على الله

[ابو حسين]

غير الفلتر وتوكل على الله

[SAMEH_FOUAD]

تحياتى وشكرى الخاص الى المهندس سمير عياد وانا عارف انى تعبتة معايا بس الحمد لله عقلى رجعلى تانى وايضا شكرى لكل من شاركوا فى الموضوع
تم حل المشكلة الحمد لله بتنظيف البوابة.
انا اللى عملتها لصاحبى فكيت العمة واول لما فكيتها لقيت كمية سواد كويس ان الحساسات كانت بتقرا ,البوابة كانت زفت من جوة ,لانها ماتنظفتش من ساعة ماجت وتم تنظيفها الحمد لله جيدا بالwd-40
بس طلعت عينى على بال ما الاربى ام ظبط معاة كان كل شوية طالع نازل مابين الواحد والصفر ,لحد ماتعدل بعديها بأربع ساعات لانى رشيت على حساس الtps وجيبت كمبروسير هواء ونظفتة كويس
بس فية حاجة بقى :لما جربناها وجرينا بيها شوية بس بقرص وسيبنا البدال بنحس ان الاربى ام بينزل ببطىء والعربية بتبقى عالية لحد ماتقف بيها خالص وبعد كدة بتهدى وترجع تانى ل850 لفة بس مش على طول
يعنى المفروض انك بتقرص بالماتور اول لما لما بتفرمل عدد لفات الماتور بيقل مع سرعة العربية ,دية لأ تبقى العربية واقفة خالص وعدد لفات الماتور تبقى على اتنين وبعد كدة تبدأ تنزل تدريجيا الى ان تصل 850 لفة والحركة دية مش بتيجى الا لما بتقرص بس

[samirayad]

المهم
ألف مبروك يا أستاذ / سمسم
وأنا لسه شايف تعليقك ده حاليا

بس فية حاجة بقى :لما جربناها وجرينا بيها شوية بس بقرص وسيبنا البدال بنحس ان الاربى ام بينزل ببطىء والعربية بتبقى عالية لحد ماتقف بيها خالص وبعد كدة بتهدى وترجع تانى ل850 لفة بس مش على طول
يعنى المفروض انك بتقرص بالماتور اول لما لما بتفرمل عدد لفات الماتور بيقل مع سرعة العربية ,دية لأ تبقى العربية واقفة خالص وعدد لفات الماتور تبقى على اتنين وبعد كدة تبدأ تنزل تدريجيا الى ان تصل 850 لفة والحركة دية مش بتيجى الا لما بتقرص بس

ومفيش مايمنع
أنك تكرر موضوع النظافه ده تانى بعد فتره قريبه

لتحسين أشارة ال tps
لأن واضح أن كانت البوابه عليها جلخ كتير