مشكلة في الردياتير و السحونة هتجنني

[samirayad]

الردياتير القديم علي الرغم من انه كان متهالك الا ان اداؤه كان فوق الممتاز

مش عارف أأقولك أيه الصراحه

وأنا ميال أن العيب من الردياتير الجديد

_____________________

وعموما لو عندك ثرموستات على كوعة وش السلندر شيله وجرب تانى برضه

أحتمال يكون قافل شويه ومبيفتحش على الآخر

دا لو كان موجود عندك ومش متشال

[mohamed9999]

وبعدين هو امبير الفيات 128 فيه ارقام يا ريت تبص على الصوره و تقللى انت بتعرف انها 90و91 ازاى

[mohamed9999]

بعد اذن صاحب الموضوع لان المشكله مطابقة مش مشابهه يا ريت يا بشمهندس سمير تبص على الموضوع دا و تبص على صورة امبير الحراره اللى فى الموضوع وتقللى اية رايك فيه صوره امبير الحراره قبل ما المروحه تشتغل بثوانى الحراره تعدى النص و الصوره التانيه المؤشره بيقف عند تقريبا النص ولما يعلى ويعدى درجه او اتنين المروحه تشتغل زى الصوره رقم 1 (بعد اذن صاحب الموضوع مره تانيه) وياريت تقوللى نفس الامبير عندك كده

http://www.nilemotors.net/Nile/143024-128.html

[gadix]

و العلامه بتاعت الامبير زى الصوره اللى فوق بص عليها و حيات ابوك وقلى قبلها ولا بعده

بعدها انا عندي الامبير بارقام 50 90 130 بس بيبقي فوق ال 90 الي هي عندك في النص

[gadix]

وبعدين هو امبير الفيات 128 فيه ارقام يا ريت تبص على الصوره و تقللى انت بتعرف انها 90و91 ازاى

انا مركب امبير حرارة ارقام بدل الاصلي ابو لمبة بس و شغال معايا زي الفل بقالو 4 شهور

[mohamed9999]

(انا اقصد اول صوره بعد المؤشر فى اول صوره ) رد ارجوك الصوره الاولنيه اللى المؤشر فيها معدى النص بشويتين

[samirayad]

بعد اذن صاحب الموضوع لان المشكله مطابقة مش مشابهه يا ريت يا بشمهندس سمير تبص على الموضوع دا و تبص على صورة امبير الحراره اللى فى الموضوع وتقللى اية رايك فيه صوره امبير الحراره قبل ما المروحه تشتغل بثوانى الحراره تعدى النص و الصوره التانيه المؤشره بيقف عند تقريبا النص ولما يعلى ويعدى درجه او اتنين المروحه تشتغل زى الصوره رقم 1 (بعد اذن صاحب الموضوع مره تانيه)

تم الرد فى داخل الموضوع

[mohamed9999]

شكرا يا بشمهندس سمير

[kasten]

متـــــــابع

[gadix]

طيب ايه الي ممكن يكون في الردياتير؟ و ايه الاحتمالات لو حاجة تانية غير الردياتير؟
و تنصحني اعمل ايه دلوئتي؟ انا زهئت من الصنايعية

[samirayad]

المروحة بتشتغل اوتوماتيك فوق ال 95
يوم الجمعة الي فاتت في يوم واحد بس غيرت و ركبت 4 ترموستات مختلفين
و كلهم بيخلوا المروحة تشتغل فوق ال 95

ركب ثرموثتات مروحه أأقل فى مدى الدرجات من اللى عندك حاليا

حاجه تشغلك المروحه عند 90 مثلا

[orabi]

1/ركب ترموستات اقل تشتغل عند دره 85 /90
2/ بص على المروحه حركتها سريعه ولا لا يعنى بتعمل تيار هوا على الموتور ولا لا لو لا ركب لها كتاوت
3/ بص على اتجاه الهوا الخارج من المروحه ناحيه الموتور يبقى صح لو ناحيه الريداتير بيقى قميص المروحه مقلوب وهوا ده السبب امفرود المروحه تسحب هوا بارد من خارج السياره فيعدى الهوا على الريداتير فى الطريق فيبرده ويعدى على الموتور فيبرده
4/كل ده ومفيش نتيجه يبقى تراجع ترمبه الميه هل التقليب جيد فى الريداتير او هناك سدد فى الريداتير حاول تروح لبتاع ريداتير يفكه ويفك لحماته ويسلكه بالسلك وبعدين يركبه تانى وان شاء الله المشكله تتحل

[ahmed_moeaz]

فى موضوع الحرارة الزائدة للعربية بتمشى فى 3 محاور
الاول اتأكد من سلامة الجوان لوش السلندر وده بتعرفه ان العربية بتسخن فى ثوانى من الدوارة وقربة المية بتبقلل فيها المية والماكينة بتدور بصعوبة
الثانى اتأكد من دور المياة وخصوصاً لو الدورة فيها هوا فحاول تنضف الدورة وخد هوا العربية لو عندك حانفية او تفك الخرطوم اللى رايح للقربة من الاردادتير
الثالث وده انا شايف محدش اتكلم عنه ضرورى تروح تظبت تاكيهات ...لازم تروح وتضبظ تاكيهات خصوصاً لو العربية بتسخن معاك على سرعات عالية
لكن نصيحتى ليك لغاية حل المشكلة انك تشغل المروحة وقبل ال90 يعنى بمجرد العربية تسخن منك ل70 شغل المروحة وسبها شغالة ومتقلقش مفيش تأثير على البطارية وانا متابع معاك بس امشى على اللى قولتلك عليه وقولى النتيجة

[eng_ahmedryad]

دور وأنت رافع الكبوت والمكنه لسه بارده

وزود بنزين جامد وأنت فاتح غطاء القربه

لو شفت بقاليل واضحه فى القربه

يبقى حتحتاج تغير جوان وش سلندر

غطاء القربة ولا غطاء الريداتير تقصد ؟

ولو قصدك القربة وما شوفتش فيها حاجة ، أجرب أفتح غطاء الريداتير وأشوف ؟

وهل فيه طريقة أقدر أعرف بيها الطرمبة شغالة ولا لأ ؟

وجزاك الله خيرا يابشمهندس

[samirayad]

غطاء القربة ولا غطاء الريداتير تقصد ؟

أى واحد ياباشا

كلها دورة تبريد واحده ومتصله ببعضها

وهل فيه طريقة أقدر أعرف بيها الطرمبة شغالة ولا لأ ؟

الطلمبه لازم تشتغل وإلا المكنه حتولع من السخونه بمجرد ماتدور بفتره لاتذكر