(أفيو 2012) نتشة + كتمة فى السرعات القليلة

[Mero-2000]

صباح الفل عليكم...
أستفسارى النهاردة عن عربيتى الأفيو... ارجو لو حد واجه مشكلة مماثلة او يعرف السبب...
العربية عندى اول ما اجييب الأول و بمجرد ما العربية تاخد السرعة و أبدأ فى النقل للتانى، العربية تحس ان فى واحد ماسكها من ورا، كأنها اتكتمت لمدة ثوانى و بعدين تكمل عااادى.
نفس الكلام لما انقل من التانى للتالت.
و بردة نفس الكلام لما اشيل رجلى من على البنزين و هى ماشية (لما احب اهدى شويه) و أدوس تانى واحدة واحدة، الاقيها تنتش تانى و تعمل الكتمة دى (تفتفه) !
غيرت طقم سيور و كابلات و بوجيهات و نظفت الرشاشات على جهاز الأتراسونيك و كشفت كمبيوتر...لكن مفيش حاجة ظاهرة.
المشكلة بقة ان واحد يقولى غير الtps و واحدد يقولى غير الidle و واحد يقولى يا باشا دى مومبينه.
على فكرة، العربيه و هى واقفة فى السلانسية زى الفل و مفيهاش حاجة.. و التفتفه دية بتحصل على السرعات القليلة فقط لغاية 60 كم/س

إية رأيكم ؟ ؟ ؟

[م أحمد]

كشفت كمبيوتر ب Fault reader

و لا كشفت كمبيوتر ب Scaner

هتقول لى ايه الفرق ؟

النوع الأول بيديك كود للعطل الموجود فقط ....التانى ممكن تشوف منه أداء الحساسات و العربية شغالة بالاضافة لقراءات الأعطال و دا الافضل

[Mero-2000]

بصراحة مش عارف، بس انا كشفت فى مركز خدمة محترم.
تفتكر ممكن تفرق القراءة بين الأثنين ؟
انا كشفت كمبيوتر عند ثلاثة مراكز و الثلاثة اكدوا ان العربية لوز اللوز و مفيهاش حاجة خالص.
عموماً انا هرجع اسألهم هم كشفوا بمين فيهم و هرد عليك.
أشكرك جدا على الأجابة ...و ياريت لو عند أى إضافة أو اقتراح !

[Mero-2000]

باشمهنس أحمد
انا سألت مركز الخدمة اللى عملت عندة العربية و قالى انة استخدم scanner للتأكد من وجود أى خلل.
إية رأيك ؟؟ انا خلاص قرفت من المشكلة دى و باين كدة انى هدخل فى مصروف جامد على تغيير حاجات كتير لغاية ما تظبط !!

[ahmed_eng2001]

فى انتظار رد الباشمهندس احمد ....

فى الغالب ... التفتفة من الشكمان بتكون سببها مشكلة فى خساس الشكمان ( الاوكسجين ) ....
الكنمة ... فلتر البنزين ... بس العربية تتكتم اكتر لما تزود سرعتها ... حضرتك بتقول انها بتكون طبيعية بعد ال 60
الموبينة بتعمل قلق و اضطراب فى المشى لما بتضعف .... او لما العربية تسخن
tps و الايدل ... بيبانوا اوى على السلانسيه .. و طالما جريت بالعربية ... الايدل بيكون ملهوش تأثير

[Mero-2000]

Ahmed eng
متشكر جدا على الاهتمام.
والله الرد مقنع.
انا غيرت فلتر البنزين من اسبوعين لكن للاسف مطلعش منه.
انا معاك جدا ان الtps و idle شغلتهم بتبقا على السلنسيه... و موافقك بردة فى ردك بخصوص الموبينة.
لكن م ضوع حساس الشكمان دى جديدة !
ازاى اكشف علية و اجزم بوجود العيب منة ؟

[hashad14]

عندى نفس المشكله

[Mero-2000]

عندى نفس المشكله

و ملقتلهاش حل ؟؟

[ahmed_eng2001]

ahmed eng
متشكر جدا على الاهتمام.
والله الرد مقنع.
انا غيرت فلتر البنزين من اسبوعين لكن للاسف مطلعش منه.
انا معاك جدا ان الtps و idle شغلتهم بتبقا على السلنسيه... و موافقك بردة فى ردك بخصوص الموبينة.
لكن م ضوع حساس الشكمان دى جديدة !
ازاى اكشف علية و اجزم بوجود العيب منة ؟

العفو يا فندم .... لا شكر على واجب

برضو فى الغالب ... لو العيب من حساس الشكمان ... بيظهر فى جهاز كشف الاعطال .... و الحل بيكون فى تغييره

الاول ... حضرتك بتفك البوجيهات و تشوفها .... لو وجدتها مهببة .. ده معناه ان فيه بنزين كتير بيترمى فى البستم ... اول حاجة نشك فيها ... حساس الشكمان
و ممكن تفكر فى اتجاه تانى ... طرمبة البنزين !!!!

[Mero-2000]

يا جماعة... معقوله المشكلة اللى عندى صعبة لدرجة ان مفيش اى اقتراح حتى !!

[Mero-2000]

العفو يا فندم .... لا شكر على واجب

برضو فى الغالب ... لو العيب من حساس الشكمان ... بيظهر فى جهاز كشف الاعطال .... و الحل بيكون فى تغييره

الاول ... حضرتك بتفك البوجيهات و تشوفها .... لو وجدتها مهببة .. ده معناه ان فيه بنزين كتير بيترمى فى البستم ... اول حاجة نشك فيها ... حساس الشكمان
و ممكن تفكر فى اتجاه تانى ... طرمبة البنزين !!!!

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

[ahmed_eng2001]

سعادة الباشا... اشكرك على الرد، لكن انا كشفت على الطرمبة و كانت سليمة و البوجيهات فله شمعة منورة.
انا لما غيرت كابلات البوجيهات، جبت الكورى مش الاصلى، بفكر اجيب طقم كابلات يابانى اصلى مع ان عربيتى افيو كورى... يمكن العيب من الكابلات مع انها كورى. إيه رأيك ؟

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

[gazzar91]

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

[Mero-2000]

سعادة الباشا ربنا يكرمك :)

احييك على اصرارك و مثابرتك فى كشف العطل ده

انا لا اعتقد ان العيب ده ممكن يكون من اسلاك البوجيهات
الاسلاك لازم تتغير كل فترة ... علشان عوامل السخونية و الزمن بيخلوها تتأثر .... بس مش للدرجة الى تخنق العربية احيانا ... و اعذرنى .... انا مش عارف ايهم احسن .... اليابانى و لا الكورى

و من باب الفضول .... ازاى كشفت على طرمبة البنزين ؟

متابع معاك و فى انتظار رأى المهندس احمد و الاخوة الاعضاء الافاضل

مساء الفل يا احمد بك..
طربمة البنزين كان لازم تتفك من التنك و يشووف قوة الضغط بتاعها عند فتح الكونتاكت.
الميكانيكى بتاعى بيقول علية : كشف على الطبيعة ! ! ها ها ها...

يا رب البشمهندس احمد يرد !

[Mero-2000]

السلام عليكم

لازم حد متخصص قوي يبص عليها بجهاز
الـ tps شغله مش في السلانسيه بس و ممكن يبقى هو المشكله
لازم live data analysis

والله يا gazzar انا روحت مركز خدمة محترم فى اسكندرية و كشف عليها حتة حته بالscanner لكن مفيش حاجة ظاهره.
مش عارف ليه عقلى بيقوول ان دة ممكن يكون الموبينة ضعفت... بس نفسى حد يشجعنى على الرأى ده...