دليلك ما بعد الشراء (كل حاجة تهمك بعد الشراء)

[bido600]

بسم الله الرحمن الرحيم

الموضوع دا ان شاء الله هيبقي فيه كل حاجة تهمك من ما بعد الشراء


لو انت بايكر جديد مش عارف تعمل اية


او محتاس


تحط كام ليتر زيت


بوجيهات اية


احط بنزين اية


ان شاء الله تلاقي كل حاجة هنا


اولا


هات ورقة وقلم واكتب عداد الكيلومترات علي كام واكتب هتعمل صيانة امتي


وبلاش ابسط حاجة علي الميكانيكي


احنا عندنا حاجات كتير وبسيطة جدا نقدر نعملها بنفسنا في البيك


عندنا تنضيف الجنزير


تغيير الزيت


الخ الخ


ويوم اجازتك حدد ساعة او ساعتين تظبط فيها البيك


طيب من غير مطول عليكم نخش في الموضوع علي طول


محتاج عدة اية ؟


طقم مفكات صليبة وعادة


طقم مفاتيح


فرشة اسنان


فرشة بتاعت البوية


شوية بنزين


بنسة


WD-40


دي الحجات المتعارف عليها وبتفيد في كل حاجة


بعد كدا بالخبرة في ادوات كتير بس دا مش موضوعنا دلوقتي

كل مشاركة هيكون فيها حاجة عشان محدش يتلخبط
ملحوظة هتلاقي مواعيد الصيانة قريبة شوية من بعض ودا بسبب
ان البيك دا ثور هائج يحتاج للمتابعة كل شوية فدا عشان ميقفش منك لاقدر الله في اي وقت
يعني عشان تحافظ عليه بنسبة 100%
عارفين اغنية نانسي عجرم
يا حبيبي كل ما تدي كل مهتاخد :D:D:D
اهو طبقو الاغنية دي علي البيك

وطبعا انت وحريتك الشخصية
ملحوظة اخري جميع المنتجات اللي هيتم ذكرها لاحقا
مش هيبقي اعلان عنها ولا حاجة انا هديك ليست باللي يتناسب مع البيك وانت عليك تختار اللي يناسبك او الل يعجبك وجميع المنتجات متوفرة في الاسواق المصرية

نخش في المهم

[Hasan_EGT]

عارفين اغنية نانسي عجرم
يا حبيبي كل ما تدي كل مهتاخد :D:D:D
اهو طبقو الاغنية دي علي البيك


هههههههههههههههههههههههه جامدة. ووالله برنس عاللي انت بتعمله انت هاتفيد ناس كتير منهم انا طبعا عشان انا لسة مييييييييييييييييح في البايكس
متااااااااااااابع معاك

[bido600]

الزيت

انا عارف ان هيجيلي انتقادات كتيرة في الجزئية دي

بس دا نتيجة سيرشات كتير و سيرفس مانيوال كتير نزلت

لدرجة اني كنت متردد كتير اني انزل بالجزئية دي والموضوع كان خلصان من زمان لحد مجمعت الاراء المتعارضة ووصلت منهم للاغلبية

وبعد بحث ميداني وشفت انواع زيوت اكتر كمان ينفع تستخدم وانواع لا تسوي حتي النظر اليها

بص يا سيدي

السيرفس مانيوال بيقولك استخدم زيت تكون لزوجتة

SAE10W-40

او

SAE20W-50

بس خلي بالك مش اي زيت والسلام كدة يتحط

في زيوت اصلا معمولة للموتسيكلات من امثلتهم شيل ادفانس

....l advance ax5

.ax7

etc etc

بس نفترض ان مش متوفر زيت من الزيوت دي ممكن نستخدم زيت العربيات عادي جدا بس بردة مش اي زيت لازم يكون زيت

Synthetic

ودا زيت مش بيبقي كله مشتق من المواد البترولية دا بيبقي شوية كدة وشوية متصنع علي شوية مواد كيميائية

طيب اشمعني الزيت دا ؟الزيت دا بيتحمل درجات الحرارة العالية اكتر من الزيوت العادية وبما ان البيك بيبقي الموتور بتاعة عامل زي الوحش المتنرفز كدة يبقي لازم زيت يتحمل الشغل الشاق والحرارة العالية

فيه انواع كتير جدا والسيرفس مانيوال مش مخترلك شركة محددة

احسن انواع الزيت

....l

....l helix hx7 ,....l advance Ax5 , ....l advance Ax7

Mobil

(Mobil super s , Mobil Super 2000 ,Mobil super S plus ,Mobil Racin 4T)

Valvoline

(Duro belnd , valvoline Racing , valvoline ATV )

Total

(total Quartz 7000 , total classic )

ومتتعبش نفسك وتدور علي حاجة تانية

ملحوظة الزيوت دي متوافرة في الاسواق مش اسامي علي النت

معظم البايكرز بيستخدمو شيل

وبيشكرو فيه جدا

بس انا شخصيا حصلي كذا موقف من شيل فابتعدت عنهم واتجهت الي موبيل والحمدلله محصلش اي حاجة للبيك وكان تمام

طيب خلصنا من حكاية الزيت وانواعة

هتقولي بقي احط كام ليتر؟ مهو مش كل الموتسكلات بتاخد نفس عدد الليترات

Cbr 250

2.2 لتر

2.4 لو زيت وفلتر

Cbr 400

3.2 لتر

3.4 لو زيت وفلتر

Cbr600F

3.2 لتر

3.4 لو زيت وفلتر

Cbr600RR

2.5 لتر

2.8 لو زيت وفلتر

Cbr900

3.6 لتر

3.8 لو زيت وفلتر

Cbr929

3.6 لتر

3.8 لو زيت وفلتر

Cbr954

3.2 لتر

3.4 لو زيت وفلتر

Cbr1000

3.2 لتر

3.4 لو زيت وفلتر

Honda shadow 400

600

750

2.2 لتر

2.4 لو زيت وفلتر

1100

3.2 لتر

3.4 لو زيت وفلتر

Cb400

2.6 لتر

2.8 لو زيت وفلتر

Cb1000

3 لتر

3.2 لو زيت وفلتر

يبقي كدا احنا خلصنا من حكاية زيت الموتور

فلتر الزيت طبعا مش مكتوب كل اد اية تغيرة

بس العرف بيقول كل 3 مرات زيت

:D:D:D:D:d

كدا يا سيدي خلصنا الزيت خلاص

طبعا فيه حجات كتير ناسيه

ا انا كتبت المتداول

ولو فيه حد عاوز اي نوع يكبتة وهجبلو قرارة

[Boshy911]

والله يا بيدو موضوع أكثر من رائع ,,, وفعلاً ممكن يرجع القسم ذي مكان زمان قبل ميدخل حالة الثبات العميق اللي هو فيها .

وربنا يا رب يعينك علينا ويعيننا عليك إن شاء الله

[bido600]

زيت الباكم

او زيت الفرامل

السيرفس مانيوال بيقولك حط زيت

DOT4

ومالو يا سيدي نحط دوت فور

بس خلي بالك احنا مش هنحط وخلاص

لازم نغير الزيت دا كل فترة

لية بقي؟؟

عشان الزيت زي دوت 4 زيت استرطابي

يعني اية استرطابي معرفش :D

بص يا سيدي يعني الزيت دا هيمتص الماء من الهوا اللي حوالية مما سوف يؤدي انو يقلل كفاءة الزيت ومع الوقت هيحصل مشاكل كتيرة

منها ان درجة غليان الزيت دا

446 F

ومع الوقت الدرجة دي هتقل

خلي بالك الحكاية دي لو حصلت في الموتوسيكل غير لما هتحصل في العربية عشان الموتوسيكل نظام الفرملة بيبقي عنيف مش قصدي هتحس بعنف وانت بتفرمل لا قصدي حاجة تانية مش عارف اشرحالك ازاي يعني بالبلدي العربية الاربع عجلات بيفرملو فا بيبقي فيه توازن عشان يحصل التوازن دا في البيك فا الفرامل بتعمل بسيستم عنيف شوية عشان تدي النتيجة

طيب نيجي لانواع زيوت الباكم

اياك واياك من الزويت مجهولة المصدر او المش معروفة

خليك في دول

Lockheed

Valcoline

Castrol

Bandex

Ite

Mobil

ودول اشهر ويعتبرو افضل الماركات

غير زيت الفرامل كل 10000 كيلو

او كل 6 شهور

عشان بيكون كفائتة قلت

[bido600]

عارفين اغنية نانسي عجرم
يا حبيبي كل ما تدي كل مهتاخد :d:d:d
اهو طبقو الاغنية دي علي البيك
:pointiy2[2]:

هههههههههههههههههههههههه جامدة. ووالله برنس عاللي انت بتعمله انت هاتفيد ناس كتير منهم انا طبعا عشان انا لسة مييييييييييييييييح في البايكس
متااااااااااااابع معاك

انا جالي جنان يا حسن بيك من البيكس والله وبقيت اشد في شعري :d:d
يا حسن بيك شوف كل اللي تحب تعرفة وانا معاك وان شاء الله مش هسيبك غير لما تكون عارف من ابسط حاجة لاعلي حاجة

والله يا بيدو موضوع أكثر من رائع ,,, وفعلاً ممكن يرجع القسم ذي مكان زمان قبل ميدخل حالة الثبات العميق اللي هو فيها .

وربنا يا رب يعينك علينا ويعيننا عليك إن شاء الله

بوشي بيك ربنا يخليك
والله كفاية ان حضرتك نورت الموضوع
وهمتكم معانا يا رجاله نرجع الامجاد تاني للقسم
امين يا رب

[bido600]

الجنيزر

وما ادراك ما الجنزير

الجنزير لازم يتنضف باستمرار عشان التراب والصوت والخ الخ الخ

ويديك كفائة اكتر واكتر وميبوظلكش حاجة

ولازم بردة يتشحم

طيب تنضفة ازاي وكل اد اية ؟

نضفة يا سيدي حسب وقتك يئما كل اسبوعين يئما كل شهر

بس حاول متتاخرش عن شهر

تنضفة ازاي وتستخدم اية

هات شوية بنزين وبفرشة السنان بل الفرشة بالبنزين واعمل الجنزير تاتا تاتا اكنك بتعمل سنانك

او WD-40 وفسسسسسسسسس علي الجنزير

وبالفرشة

هو فيه مواد تانية غير البنزين بس من الاخر انت بترمي فلوسك في الارض

انت بتنضف

ولما تشحم يا سيدي هات نوع نضيف

هتاخد وقت شوية بس هتلاقي الجنزير نضف وبقي بيبرق

بس اوعي اوعي اوعي وخلي بالك تدور البيك صبعك يجي هنا ولا هنا ولاقدر الله حاجة تحصل عشان دي اخطر حتة

وخلي بالك انت مش بتشحم كدة بشحم عادي

انت بتستخدم اسبراي للتشحيم

عشان ميلمش تراب وعشان الاسبراي دا بيبقي تشحيم وبيحمي من الصدا

ودي اكتر الماركات المعروفة في مصر

هتلاقيهم عند محلات الزيت

او من كارفور او من البنزينات زي موبيل وشيل ووطنية

Lubrix

ABRO

Plofit

هتقوم راجج العلبة وفسسسسسسسسسسسسسسسسسسسسسسسسس

علي الجنزير

ولا هيلم تراب ولا الكلام دا كله

[Hasan_EGT]

الله يخليك ويجازيك على اللي انت بتعمله يا بيدو باشا.

[seif2005]

wala w 3mlooha el rigalaaaa w rafa3o ras masr baladna ww2ifo w2fit rigala mabrook :P 3leena w lbladna :D a7san y mo7yyyyyyyyyy

[bido600]

دورة التبريد

كل 3 شهور

نضف دورة التبريد

يبقي كدة نضفتها اربع مرات في السنة

وان شاء الله عمر ما البيك يسخن منك ابدا

متحطش مياه عادية في الرادياتير

حط مياه خضرا

عشان المياه العادية بتغلي في درجة حرارة مثلا 100

المياه الخضرا بتغلي عند درجة حرارة مثلا 120

يعني اعلي

فبالتالي مش بتتبخر زي المياه العادية

تاني حاجة المياه العادية هتؤدي الي صدا في الرادياتير

المياه الخضرا بتبقي متعالجة ومش بتخلي يجي صدا

يعني في جميع الحالات المياه الخضرا احلي

طيب الانواع اية بقي يا سيدي

Mobil

Total

Iada

النوع السعودي

وخلي بالك مش اي ميه تبقي ميه خضرا :D

لازم تجيبها من مكان معروف ومضمون وتكون ماركة معروفة

وخلي بالك لازم الموتور يكون ساقع

[bido600]

الله يخليك ويجازيك على اللي انت بتعمله يا بيدو باشا.

ربنا يخليك يا حسن بيك

wala w 3mlooha el rigalaaaa w rafa3o ras masr baladna ww2ifo w2fit rigala mabrook :P 3leena w lbladna :D a7san y mo7yyyyyyyyyy

:D:D:D:D
3abrnaaaaaa el sad ya seif lolololy :P:D
howa e7na fe 7arb :P:P::P:P:P

[bido600]

الكارب والانجيكشن

والبنزين

عشان تاخد اقصي استفادة من البيك بتاعك لازم تستخدم بنزين نضيف

لو ققاعدة 92 او 95

طبعا لو بايك زي 250 و400

استخدم 92

لو بيك جديد وعالي استخدم 95

مش عاوزين ندخل في تفاصيل بتاعت نسبة الانضغاط والكلام دا كله

ويكون من محطة نضيفة يكون موثوق فيها عشان طبعا عارفين اللي بيحصل في البنزين

بص بقي يا سيدي بدل ماتفك التنك وتوجع دماغك عشان تنضف الكربراتير وعاوزة واحد يكيون ابن لذيكا عشان يرجعة تاني زي مكان مش اي حد يفكه يعني

هات منظف الانجيكشن والكربراتير

بيتحط مع البنزين في التنك وبتمشي مشوار تمام ابن لذينا

دا يا سيدي بينضف دورة البنزين كلها بالخراطيم بالكربراتير بكل حاجة

بس مشكلتو انك لازم تغيير البويجهات بعديها عشان لما بينضف بيحدف كله علي البوجيهات تقوم متكربنة بقي

استخدمو كل 4 شهور او 10.000 كيلو

لو الدنيا تمام لو البنزين مش تمام ولا حاجة تقدر تستخدمة في الوقت اللي شايفة مناسب

بيتحط حسب النسبة بتبقي مكتوبة علي العلبة يعني يقولك محتوي العلبة دا يتط علي كام لتر بنزين انت تشوف البيك بتاعك بيتحطلو كام لتر وتحسب قد اية يتحط من محتوي العلبة

الانواع المعروفة

Mobil

STP

Gunk

Argo

Junk

Snap

خلي بالك بعديها لازم تغير او تنضف فلتر البنزين

ولازم تغيير البوجيهات

[seif2005]

[CENTER]

[FONT=Arial][COLOR=blue]

طيب نيجي لانواع زيوت الباكم
اياك واياك من الزويت مجهولة المصدر او المش معروفة
خليك في دول
Lockheed
Valcoline
Castrol
Bandex
Ite
Mobil
ودول اشهر ويعتبرو افضل الماركات
غير زيت الفرامل كل 10000 كيلو
او كل 6 شهور
عشان بيكون كفائتة قلت

ana 2olt 22olak :D 7aga 3lshan shaklak msh 3rfha enta 3arif en Lockheed Martins deh :D el shirka el btsana3 el tyrat el f-22 w akbar shirkit asl7a w taslee7 fe Usa :D asl ana kont intersted fel mwdee3 deh zaman w hya now bt3mil el F-35

[img3]http://logodatabases.com/wp-content/uploads/2012/05/Lockheed-Martin-Logo-Horizontal-1024x175.jpg[/img3]

[bido600]

البوجيهات

وما ادراك ما هي البوجيهات

طبعا عارفين ساعات البيك مش بتدور وتلف حوالين نفسك وتصرف وفي الاخر تطلع البوجيهات او تلاقي سحب البيك مش تمام او البيك متلت الخ الخ الخ الخ

لازم البوجيهات تكون نوع نضيف ومعروف عشان يقعد معاك اطول فترة ممكنة ويديك اعلي كفائة ممكنة

واياك اياك اياك تجيب نوع فستك فستك

وانا شخصيا برجح شركتين لا ثالث لهم

NGK

Split Fire

دول اللي ليهم توكيلات هنا في مصر والواحد يقدر ياخد ويدي معاهم وهم الاتنين الصراحة زي الفل وعمرهم مخذلوني شخصيا

طيب انا مش عاوز اخش بتفاصيل اكتر ونقول البوجيهات بتعمل اية وفايدتها اية والكلام دا كلة اكيد كلنا عارفينة

طيب تغيرهم كل قد اية ؟

غيرهم كل اربع شهور بعد متنضف دورة البنزين

طيب زي الزيت طبعا كل بيك لية بوجيهات معينة

انا هحط الموتسيكلات المتعارفة ولو فيه حاجة ناقصة او حد عاوز نوع بيك مش فيهم هيتضاف بعد كدة

CBR 250 CR9EH-9

CBR 400 CR9EH-9

CBR 600 F4 CR9EH-9

CBR 600 IMR9C-9HES

CBR 900 CR9EH-9

CBR 919 CR9EH-9

CBR 929 CR9EH-9

CBR 1000 IMR9C-9H

VT(honda shadow) DPR8EA9

vtx 1100 DPR7EA-9

Suzuki

GSXR 600 (1997-2007) CR9E (2008-2012) CR9EIA-9

GSXR 750 (1996-2007) CR9E (2008-2012) CR9EIA-9

GSXR 1000 (2005-2006) CR9E (2007-2012) CR9EIA-9

Hayo CR9EIA-9

Boulevard DPR7EA-9

Yamaha

R6 (1999-2012)CR9 E

R1 (1998-2001) CR9e (2002-2003) CR9EIA-9 (2004-2008) CR9EK (2009-2012) LMAR9E-J

Vstar DPR7EA-9

Kawasaki

ZX600 CR9E

ZX-9R CR9EK

zx-1000 CR9EIA-9

ZX-14 CR9EIA-9

vulcan800 CR7E

Vulcan 1500-1600 DPR6EA9

كالعادة دول المعروفين
اي حد عاوز نوع معين يكتبو وان شاء الله هيتجاب قرارو :D

[bido600]

الكابلات

كابل الدبرياج وكابل البنزين

الكابلات دي عبارة عن فتل من الحديد ملفوفة حوالين بعضيها

قامت مديانا كابل

انت كل مرة بتدوس علي الدبرياج او البنزين الكابل بيضعف

ودا اللي بيميز الكابل النضيف عن الكابل المتصنع تحت السلم

كل ضغطة بتاثر علي الكابل فلازم نعملة حاجتين

اولهم نغيرة باستمرار عشان بيفتل والتفتيل دا عبارة ان جزء من الكابل يسخن جامد ويتقطع وهكذا لحد منلاقي الكابل ماسك علي فتلة ولا اتنين

ومرة واحدة يقوم قاطع واحنا مش عاوزين يحصل كدة في الطريق ساعتها هتعمل اية؟

تاني حاجة لازم يتشحم باستمرار لية؟

عشان لما تيجي تشدة يتشد معاك بسهولة

عشان يحافظ علي الكابل وميتقطعش بسرعة

عشان ميعملش صوت كل شوية

ونشحم معاه بكرة البنزين

عشان ميعملش ما يسمي بل ستوك ثروتل

بالبلدي بكرة البنزين نتحشر وتبقي مش دايس بنزين اكنك دايس وليلة كدة ربنا ميوريها لحد

طيب نغيرة كل قد اية ؟

غيرة يا سيدي كل 6 شهور مرة

وهات نوع نضيف حتي لو الكابل مكنش مفتل غيرة كل فترة ممكن يطلع معاك شكله نضيف جدا بس مرة واحدة يقوم هوب قاطع فاحنا لية نستني لما يعمل كدة

والتزييت انا بقول كل شهر مرة مع الجنزير هتشحم الجنزير شحم معاه الكابلات

وهنستخدم نفس المنتجات في تشحيم الجنزير عشان منلمش تراب وتمنع الصدا والتاكل في الكابل