دليلك ما بعد الشراء (كل حاجة تهمك بعد الشراء)

[bido600]

الانوار

الانوار = حياتك بليل

بس مش معني كدة انك تعمي اللي قدامك

معروف ان بعد فترة بتلاقي النور ضعف او اصفر شوية

وفيه اللي بيركب زينون

اولا هو الزينون طبعا معروف انه اوضح وبيبين الطريق وموفر للطاقة

بس للاسف مفهوم الزينون في مصر خطا هنا بيتركب عشان المظاهر فقط ومش مهم اللي قدامك

عشان مطولش عليكم

كل فترة هات شوية كمبوند وبوليش بلاستيك وحتة قطنة وادعك بيه الفانوس كويس هتلاقية بيلمع

عشان طول منت ماشي في جو مصر الجميل فيه رمل متطاير في الهوا وبيجي علي البلاستيك وبيعمل اكنو صنفرة علي بطيء

اعمل كدة كل مرة تغسل فيها البيك

كل فترة كبيرة غير اللمبات باستمرار لو كانت نوع نضيف

مثلا كل سنة غير اللمبات

لو انت زينون غير بردة اللمبات :D

بما ان كل الزينون اللي عندا مضروب

بس احب اقولك حاجة

لو عرفت تعمل بروجيكتورات يبقي كدة انت راجل تمام

دي بتبقي عبارة عن عدسة بتجمع الضوء وترسمة علي الارض قدامك

انت بتاخد افضل استفادة من الضوء لانك جمعت اشعة الضوء ومخلتهاش مشتتة

ومش بتاذي اللي قدامك

ورخيصة مش غالية علي فكرة يعني الاتنين بروجيكتور كانو في حدود ال 300 جنية وهتروح لواحد بتاع فوانيس هيفك وهيركبهملك ويرجلشهم وعيش يا سيدي

دا كدا بالنسبة للانوار الامامية

بالنسبة للخلفية مش هقولك غير ان اللي وراك مش هيشوفك لو حاجة فيهم مش شغالة

اظن الرسالة وصلت

:D:D:D:D:D

اوعي تستني لحد مواحدة فيهم تفصل

واشاراتك يا باشا

دايما دايما ظبط انوارك بانوار مبهرة شوية مش تعمي لا مبهرة يعني زي الليد كدة

عشان الناس تاخد بالها ان فيه بيك موجود

ونصيحة اخوية

مترميش فلوسك في حاجة غير

Osram

philips

HID

Tungsram

طبعا شركات لا غبار عليها

وطبعا الزينون مش هتلاقي غير فيلبس وات اي دي

وطبعا كل بيك لية لمبة معينة H4 H7 هكذا فك اللمبة وهات زيها :D متتعبنيش معاك

[bido600]

غسيل البيك
والتلميع

في الطبيعي الواحد بيكسل وبيروح يغسل البيك في المحطة ودا طبعا ما ادراك بيعمل اية
المية بتدخل في كل حتة في البيك
مما سوف تودي الي صدا الخ الخ الخ وهتاثر علي الموتور لو دخلت فيه
دي بتبقي ميه وضغط هوا
طيب لو انت مكسل تغسلة تحت البيت
روح المحطة عادي جد والراجل هيرش الفوم ويمسحة كويسة وبعد كدة الميه :d
اوعي تدور البيك لما الراجل يخلص من موضوع المية وينشفة بالفوطة اياك اياك
اولا يتغسل في الضهر عشان الشمس تنشف بسرعة
بعد ما يتغسل تمام
هات مسدس الهوا منه ومشيه بنفسك في كل حتة في البيك بتاني خالص عشان نضمن ان مفيش مية موجودة
ومتخفش طبيعي انو يغسل العدادات والخ الخ
دانت هتشوف العجب
خلاص خلصت من مرحة الهوا وفسسسسسسسسس في كل حتة في البيك
استني شوية ودورة وان شاء الله هيدور معاك كويس
وحاول تقلل حكاية الغسيل في المحطات دي

تروح بقي حضرتك البيت
هتجيب كمبوند وبولش ماركة ميدو ولا حماده مش فاكر اسمة :d
وعلبة شمع من اي محطة محترمة
وتحط الكمبوند علي التنك والفيبر بالقطتنة وتدعك كويس وبعديه البوليش وتدعك كويس
هتلاقي معظم الخدوش راحت والخرابيش راحت والبيك ابتدي يلمع بقي زي الجديد بالشمع وتقوم داعك عشان الشمع هيحمية من التراب والرملة اللي في الجو ومن الشمس الخ الخ الخ

نكمل بكرة عشان انا فصلت شحن

[Hasan_EGT]

هههههههههههههههههههه كان لازم تفصل شحن بجد مجهود رائع ومستنيين الجديد. ومعلش بقا شكلك هاتتعب معانا قوي

[OMAR61995]

موضوع معدى تسلم ايدك
لازم ده يتثبت

[corabica]

بسم الله الرحمن الرحيم

الموضوع دا ان شاء الله هيبقي فيه كل حاجة تهمك من ما بعد الشراء


لو انت بايكر جديد مش عارف تعمل اية


او محتاس


تحط كام ليتر زيت


بوجيهات اية


احط بنزين اية


ان شاء الله تلاقي كل حاجة هنا


اولا


هات ورقة وقلم واكتب عداد الكيلومترات علي كام واكتب هتعمل صيانة امتي


وبلاش ابسط حاجة علي الميكانيكي


احنا عندنا حاجات كتير وبسيطة جدا نقدر نعملها بنفسنا في البيك


عندنا تنضيف الجنزير


تغيير الزيت


الخ الخ


ويوم اجازتك حدد ساعة او ساعتين تظبط فيها البيك


طيب من غير مطول عليكم نخش في الموضوع علي طول


محتاج عدة اية ؟


طقم مفكات صليبة وعادة


طقم مفاتيح


فرشة اسنان


فرشة بتاعت البوية


شوية بنزين


بنسة


wd-40


دي الحجات المتعارف عليها وبتفيد في كل حاجة


بعد كدا بالخبرة في ادوات كتير بس دا مش موضوعنا دلوقتي

كل مشاركة هيكون فيها حاجة عشان محدش يتلخبط
ملحوظة هتلاقي مواعيد الصيانة قريبة شوية من بعض ودا بسبب
ان البيك دا ثور هائج يحتاج للمتابعة كل شوية فدا عشان ميقفش منك لاقدر الله في اي وقت
يعني عشان تحافظ عليه بنسبة 100%
عارفين اغنية نانسي عجرم
يا حبيبي كل ما تدي كل مهتاخد :d:d:d
اهو طبقو الاغنية دي علي البيك
:pointiy2[2]:
وطبعا انت وحريتك الشخصية
ملحوظة اخري جميع المنتجات اللي هيتم ذكرها لاحقا
مش هيبقي اعلان عنها ولا حاجة انا هديك ليست باللي يتناسب مع البيك وانت عليك تختار اللي يناسبك او الل يعجبك وجميع المنتجات متوفرة في الاسواق المصرية
:b4_611:
نخش في المهم

و الله انت برنس

[ahmednabeeh]

والله العظيم جااااااااااااااااااااااااااااااااااااااااااااااااا ااااااااااااااااااااااااااااااااااااااااااااااامد وتستاهل دى:*
تسلم ايدك بجد ومنظرين منك الجديد...
تسلم ايدك

[bido600]

البطارية
كتير مننا مش بيهتم بالبطارية او كما يقال ركب وامشي
لا هنرجع نقول البطارية لما تكون راكبة في العربية غير الموتوسيكل
طبعا هنتكلم عن البطارية السائلة
عاوزين نوضح حاجة بس
ان البطارية ال12 فولت مش ال12 فولت :d
بتبقي في رينج 12.6فولت
طيب دا هيفدنا بي اية
اقولم انا ان لو جيت تقيس البطارية ولقيتها 12 او اقل متقولش دي مش مشحونة قول دي بايظة
لان البطارية لما تبقي فاضية بتقري 12.1 فما فوق ودا معناه ان هي شغاله بكفائة 25%
والمفرود وانت بتدور البيك البطارية تقرا 10.5 فولت
لو الارقام دي سليمة يبقي البطارية تمام
المفروض البطاريةتتابع كل شهر وبشدد كل شهر
انت لو استنيت والمياه نقصت هتضربلك ربع بالبلدي كدة
انت راكب بيك يعني فرملتك عنيفه لاقدر الله وقعتك وحشة
تخيل نفسك حاطط كوباية مية علي كبوت العربية وماشي في طريق كله مطبات اكيد المياه هتقع
ودا اللي بيحصل في البطارية بس ببطئ
حضرتك كل شر هتشيك علي البطارية ناقصة مياه زودها بس مش اي مية
لو ناقصة قليل خالص زودها مياه مقطرة ودب بيها المشوار معني مش مع الحاكاية دي
لو ناقصة حبة زودها ميه نار تركيز 30 واضرب بيها المشوار التمام
لو ناقصة خالص
نزل المياه اللي فيها وجيب مياه نار تركيز 30 وحط مياه جديدة وحطها علي جهاز الشحن تشحن شوية وبردة دب بيها المشوار التمام

[bido600]

هههههههههههههههههههه كان لازم تفصل شحن بجد مجهود رائع ومستنيين الجديد. ومعلش بقا شكلك هاتتعب معانا قوي

دانا فصلت شحن وبور وكل حاجة يا حسن بيك :D:D:D:D:D

موضوع معدى تسلم ايدك
لازم ده يتثبت

الله يسلمك يا عمر بيك

و الله انت برنس

ربنا يخليك يا فندم

والله العظيم جااااااااااااااااااااااااااااااااااااااااااااااااا ااااااااااااااااااااااااااااااااااااااااااااااامد وتستاهل دى:*
تسلم ايدك بجد ومنظرين منك الجديد...
تسلم ايدك

احمد بيك الله يسلمك
والله الكلام دا كتير عليا

[assem_sayed]

الله ينور عليك يا بيدو باشا و يجازيك خير .... معلومات مهمه و مفيده جدا و في انتظار المزيد ان شاء الله

نرجوا التثبيت لتعم الفائده علي الجميع

[alfath8]

ايه الشرح الجميل ده تسلم ايديك يا برنس
مع اختلافى معاك فى شوية حاجات فى الزيوت واعتبارى ان زيت كاسترول هو افضل زيت للبايك بس اللى يلاقيه
بس بصراحة مجهود رائع

[bido600]

الله ينور عليك يا بيدو باشا و يجازيك خير .... معلومات مهمه و مفيده جدا و في انتظار المزيد ان شاء الله

نرجوا التثبيت لتعم الفائده علي الجميع

ربنا يخليك يا فندم
دا من زوق حضرتك بس
ان شاء الله هنزل بباقي الاجزاء ويتجمعو مع بعض بالترتيب

ايه الشرح الجميل ده تسلم ايديك يا برنس
مع اختلافى معاك فى شوية حاجات فى الزيوت واعتبارى ان زيت كاسترول هو افضل زيت للبايك بس اللى يلاقيه
بس بصراحة مجهود رائع

يا محمد بيك ربنا يخليك
وانا بقي مش مختلف معاك :D انا متفق معاك في حكاية كاسترول بس للاسف هو نادر جدا

[bido600]

في اي تاني ناقص
حد يفكرني حد يفكرني :d:d:d:d

[alfath8]

الكاوتش وما ادراك ما الكاوتش

[bido600]

الكاوتش وما ادراك ما الكاوتش

لية بس بتقلب علينا المواجع يا محمد بيك :d
اصل الجزئية دي كنت هنزل بيها ورحت مسحتها بالغلط :(
بعد ما نزلت جميع ضغوط الهوا
فحزنان عليها :d
كدة ناقص الكوتش
واية تاني؟

[ghostride2r]

والله معلومات جامده
ماشاء الله عليك
انا فعلا مبتدى وكنت محتاح اعرف الحاجات دى
شــــــكرااااا جزيلا