أخـرك كـــــام؟؟

[Amo0o0oRa]

فعلا موضوع شيق . انا كان معايا هوندا شادو 400 موديل 98 . اقصي سرعة 140 لان عدادها 160 . اما اكبر مسافة فكانت من الاسكندرية للعين السخنة و العودة في نفس اليوم . يعني تقريبا 400 ك رايح و زيهم جي.
معدل استهلاكها 350-400 ك للصفيخة.
دلوقتي انا معايا هوندا vtx 1800 . اقصي سرعة وصلتلها 210 و العداد 240 . بعد 160 نزلت نمت علي التنك علشان ما اطيرش .ملحوظة الكنة راكب فيها باور كوماندر و هيبر شارجر . و ثابتة جدا علي الطريق حتي عي 210 ك/ ساعة. و ربنا يسلم لان السرعة مخيفة لاسيما علي الصحراوي في وجود سيارات.

يا نهار ابيض ............

210كيلو؟؟؟؟
طب وبالنسبه لمشوار العين السخنه اخدتها على طوول من غير ريست؟ ولا كنت بتريح فى الطريق؟
اصل 400 كيلو كتير اوى الصراحه

[HOTSHOT]

و الله يا عم ناصر الباور كوماندر مظبوط و هيا في امريكا . و ما خلتيتش اي حد يلعب فيه . بس علي حد علمي المفروض ان الخرايط بيتعملها تحديث من النت . فين و ازاي واعرفش .
قوللي ايه اللي عندك و انا اسالك تتصرف ازاي

[HOTSHOT]

انا وقفت في الماستر و داندي مول علشان احط بنزين لمجرد يكون التانك مليان علشان دي كانت اول طلعة طويلة بالموتسيكل . يعني 5-10 دقايق راحة.
ما تنساش ان ركوب الكاستم اريح بكتير من الريس بالذات في المسافات الطويلة . وزي ما اتقال دة يعتمد علي استعدادك الشخصي و قوة تحملك . بس فعلا ركوب جنان . حد ييجي معايا شرم الشيخ ؟؟؟؟

[naser_56]

و الله يا عم ناصر الباور كوماندر مظبوط و هيا في امريكا . و ما خلتيتش اي حد يلعب فيه . بس علي حد علمي المفروض ان الخرايط بيتعملها تحديث من النت . فين و ازاي واعرفش .
قوللي ايه اللي عندك و انا اسالك تتصرف ازاي

المشكله عندي اضافات موجوده علي الموتوسيكل بس مليهاش خرايط علي الموقع وانا شفت موقع الباور كوماندر فيه حوالي 100 خريطه خاصه لموديل 2004 بس للاسف الاضافات الي عندي مختلفه علشان كل قطعه بتركبها بيكون ليها ضبط معين او خريطه معينه يعني مثلا لو ركبت فلتر الهواء من نوع bcm مثلا الفلتر ده بيسمح بمرور هواء اكتر من الفلتر الاستوك فلازم تركب باور كوماندر وتعدل الضبط بتاعه بحيث الباور كوماندر الي هو يعتبر مخ الماكينه من حيث ضخ البنزين اللازم ليتناسب مع الهواء يعني بالعربي الهواء ذاد فبالتالي لازم يزيد البنزين علشان تتناسب معدل البنزين مع الهواء ولو البرمجه غير مضبوطه هيبقي الباور كوماندر ملهوش لازمه حيث انه هو المسئول عن ذياده او نقصان البنزين الي هيدخل علي الانجكشن وقيس علي كده اي قطعه تبدلها فلتر او فول سيستم اكزوز او هاف سيستم اكزوز او كام شفت او بساتم او اي شي عموما ليك رساله علي الخاص والف شكر لي

[HOTSHOT]

انا وقفت في الماستر و داندي مول علشان احط بنزين لمجرد يكون التانك مليان علشان دي كانت اول طلعة طويلة بالموتسيكل . يعني 5-10 دقايق راحة.
ما تنساش ان ركوب الكاستم اريح بكتير من الريس بالذات في المسافات الطويلة . وزي ما اتقال دة يعتمد علي استعدادك الشخصي و قوة تحملك . بس فعلا ركوب جنان . حد ييجي معايا شرم الشيخ ؟؟؟؟

[HOTSHOT]

انا عارف يا ناصر . بس اكيد لازم يكون فيه خريطة . جربت تبعتلهم؟ . علي فكرة ما فيش حاجة علي الخاص

[madoo]

ايه يا جدعان الارقام والسرعات والكيلو مترات اللى انا بسمعها دى اسكندريه عين سخنه جنوب سينا القاهره شرم جمصه بنى سويف السويس دا بجد ولا ايه

وسرعات 200 و160 و كمان فوق 200 انا مش مصدق انا ماليش فى البتوع دول وبخاف منهم
ازاى تستحمل 100 كيلو اونت فى الهوا وتانى ضهرك ومقوس او حتى قاعد مستقيم

[naser_56]

ايه يا جدعان الارقام والسرعات والكيلو مترات اللى انا بسمعها دى اسكندريه عين سخنه جنوب سينا القاهره شرم جمصه بنى سويف السويس دا بجد ولا ايه

وسرعات 200 و160 و كمان فوق 200 انا مش مصدق انا ماليش فى البتوع دول وبخاف منهم
ازاى تستحمل 100 كيلو اونت فى الهوا وتانى ضهرك ومقوس او حتى قاعد مستقيم

والله مش عارف اقلك ايه ياعم بس هو الادرينالين الله يخرب بيته لما بيشتغل بيعمل حاجات وحشه كتير
اه من الثوره بتاعته ؟بتكون اصعب من ثوره عرابي

[KHALED2010]

هو الادرينالين السبب وكله بسبب الغده الكظرية ال بتفرز الهرمون الجامد ده

[el_wad_spiky]

مساء الفل يا جدعان
اولا: اكبر سرعة مشيب بيها كانت تقريبا في حدود 750 كيلو متر في الساعة و دي السرعة كانت ف مسافة مش فاكر كويس يمكن 2000 كيلو متر من الامارات لغاية مصر هههههههههههههههه
و كنت راكب طيارة ايرباص
طيران الخليج
اه والله مش بكدب بجد
بس

[Amo0o0oRa]

مساء الفل يا جدعان
اولا: اكبر سرعة مشيب بيها كانت تقريبا في حدود 750 كيلو متر في الساعة و دي السرعة كانت ف مسافة مش فاكر كويس يمكن 2000 كيلو متر من الامارات لغاية مصر هههههههههههههههه
و كنت راكب طيارة ايرباص
طيران الخليج
اه والله مش بكدب بجد
بس

مشكور على ردك بس ان شاء الله نبقى نكتبه فى منتدى الطيارات
ده بتاع موتوسيكلات بسسسس

بس منور يا باشا والله

[KHALED2010]

هههههههههههههههه مش عارف اقولك تلبس خوذه و لا تشد الحزام

[Amo0o0oRa]

فين باقى النااااااااس
هى الناس بطلت تركب موتوسيكلات ولا ايه ولا عقلوا وبطلو يجروا مسافات طويله

مستنى الردود

[KHALED2010]

رمضان بقى والصيام عامل عمايله والموتوسكل بينشف الريق

[yascro]

السلام عليكم
نوع البايك cbr1000rr
موديل 2008
اقصى سرعه 305 كيلو متر ساعه
الطريق الدولى الساحلى
اطول رحله 180 كيلو متر