الاضواء النهاريه او daytime running light اختراع اصاب المصريين بالحيرة

[Mzeid]

معاناة أي حد عنده drl

بس اللي مشقادر افهمه ايه زيادة الامان اللي خلاهم يطبقوا النظام دة
الحاجة الوحيدة لما تكون عربية معدية تحت جسر مفيهوش اضاءة انما غير كدة مش مقتنع بصراحة

[eleanor]

ونزود على العربيات دى الاسترا الجديده والبيجو 508 بس انا عندى فى ال508 ممكن يتفصل عادى
بس هو فعلا امان خصوصا لو خارج من شارع وحد جاى فى وشك بيشوفك على طول وربنا يستر

[Ahmed_Adham]

معاناة أي حد عنده drl :c_laugh[1]:

بس اللي مشقادر افهمه ايه زيادة الامان اللي خلاهم يطبقوا النظام دة
الحاجة الوحيدة لما تكون عربية معدية تحت جسر مفيهوش اضاءة انما غير كدة مش مقتنع بصراحة

لما تبص في المرايه عينك هتميز بسرعه وجود عربيه وراك ده غير الشكل الجمالي طبعا.

[horas3000]

عشان فيه ناس بتنسى انها شغلت النور فعلا و ممكن تروح مكان و تركن العربية و تسيب النور شغال فترة طويلة مثلا لو رايح شغل او جامعة .. و يطلع بعد 8 ساعات لو البطارية مش تمام هيلاقى البطارية نامت

مهو 90% من العربيات دلوقتي فيها buzzer تنبهك انك ناسي النور

ماهو المفروض ان النور بيفصل أول ما العربيه تبطل. ولا ايه؟

مش كل العربيات بتعمل كده

لما تبص في المرايه عينك هتميز بسرعه وجود عربيه وراك ده غير الشكل الجمالي طبعا.

+1111

[Karim_Monir]

نيههههههههه
لا تعليق
الله يمسيك بالخير با ابو كمال لما كان جايب ستيد مواصفات امريكي وكان طهقان من كل اللي ماشي في وشه يقوله اطفي النور :-)

[monamize4]

ال DRL مالوش اى لازمة ف مصر ,, غير ان شكله شيك

رغم ان ال daytime running lamp مالهاش significant importance ف مصر او ال sunny countries عامة ف منع الحوادث الا انها شيك اوى و بتدى منظر حلو و الناس اتعودت عليها من الاسترا j

actually هى مفيدة ف دول زى روسيا و كندا (according to CMVSS ) و بريطانيا و السويد و دنمارك و فنلندا , اخر 3 دول plus باقى ال Scandinavia هما اول ناس حصل عندهم actual spread للحوار دا و ever since الموضوع انتشر اوى لحد ما ال European legislation اقر ف 2011 ان كل passenger cars لازم تبقى ب DRL و دا اللى بيحصل فعلا من قبل 2011

و عشان ندى كل واحد حقة , Volvo هى اول شركة نزلت ال DRL ف ال 240 و العربية دى نزلت ف بريطانيا و دا الطبيعى من الشركة #1 ف ال safety على مستوى العالم

لكن مننساش ان ال DRL ليه disadvantages زى زيادة ال fuel consumption و دا بسبب زيادة ال load ع ال dynamo و بالتاى بيزود برضة ال co2 emission و الحكاية دى بيعالجوها ب5W \ lamp او DRL lamp 21W \ lamp , و غير كدة ان ال bulb life
بيقل
-----------------------farewell------------------------

http://www.nilemotors.net/Nile/355267-a-2.html#post3874981781

lol
أنا بحب أريح الزبون فبهز دماغي للي يشاورلي و خلاص..

دا انسب حل

وواحد تاني بيقولي حمل على الكهرباء بتاعة العربية

وواحد ثالث بيقوللي بيزود استهلاك البنزين

وواحد رابع بيقوللي بيؤثر على الدينامو

يعني ما شاء الله كلها آراء زي الفل وأصحابها مقتنعين بيها واستحالة تقنعهم بعكسها
الاراء دى صحيحة


... بس هاتقول إيه لناس بتمشي بالليل أساسا على الصحراوي طافيين النور بتاعهم كله ياريت حتى نور التابلوه شغال ... وتيجي تكلم واحد منهم يقولك أنا باشوف كدة أحسن !!!!!!!!
دول اللى بجد يتخاف منهم

[nona_yaris]

النور في السيارة مش بس علشان السائق يشوف
لكن علشان الناس يشوفوه
قريب لي كان في السويد
لو اي سيارة ماشية بالنهار وطافي النور بياخد مخالفة
مع انه كان في الصيف والنهار في الصيف هنام حوالي 20 ساعة
ان شاء الله ممكن عندنا نفهم كدة مستقبلا

[a_arazik]

ماهو المفروض ان النور بيفصل أول ما العربيه تبطل. ولا ايه؟

النور مبيطفيش في العربيات اللي مش مجهزة لكدة انا العربيات اللي شغالة بالنظام دة طبعا بيطفي لوحدة

[SYD]

اعرف واحد معاه مرسيدس جايبها مستعملة
ماهديش غير لما فصلها
والكهربائي عمل عليه احلي شغل وكل من وراه حلاوة
دخله في قصص ضفيرة وكتاوت وفيوزات

عنب

شكراً علي الموضوع

[tito29]

نيههههههههه
لا تعليق
الله يمسيك بالخير با ابو كمال لما كان جايب ستيد مواصفات امريكي وكان طهقان من كل اللي ماشي في وشه يقوله اطفي النور :-)

و أنا كمان.
عندي vtx 1800 مواصفات أمريكي أبو نور علي طول شغال و من غير حتي زرار علشان أطفيه و أرتاح من أشارات الناس الخدومة. :)
بصراحة هو أكثر أمان لكن بنسبة بسيطة جدا.

[D . a .\ AYMAN]

ال drl مالوش اى لازمة ف مصر ,, غير ان شكله شيك

http://www.nilemotors.net/nile/355267-a-2.html#post3874981781

دا انسب حل

أعتقد حتى لو صح لكن التأثير على الدينامو واستهلاك الوقود مش بالدرجة المهمة أبدا وممكن تتحسب بالكسور العشرية أو المئوية حتى على مدى عمر السيارة

[khalid_adel]

انا الصراحه الموضوع ده خنقني جدا لما جربته في عربيه
وعايز اقولك مفيش حد فوشي ولا قدامي غير لما يقولي ( النووووور )
ومره بركن فالسايس بعد ماركني لقيته بيقولي اطفي النور يااستاذ(قبل ما ابطل) وحسيته بيقولها كده ومن جواه بيقول اطفي النور ياحمار جتكو نيله (الحاسه السابعه) :)

[monamize4]

ومره بركن فالسايس بعد ماركني لقيته بيقولي اطفي النور يااستاذ(قبل ما ابطل) وحسيته بيقولها كده ومن جواه بيقول اطفي النور ياحمار جتكو نيله (الحاسه السابعه) :)

[ENG\AHMED]

يا شعب مصر العظيم

ظهر في الاونه الاخيره اختراع جديد ابتدي يغزو الاسواق و الطرق المصريه اسمه الاضواء النهاريه او daytime running light و اختصارا DRL

و هو عباره عن ضوء صغير في منه عادي و LED في مقدمة السياره و يكون مضاء في اوقات النهار لزياده وضوح رؤيه السياره في النهار
و هو اضافه ملزمه قانونا لكل السيارات المنتجه بعد 7 فبراير 2011 حسب قانون المرور الاوروبي
و هو معتمد قبل ذلك في القانون الامريكي و الكندي لكن لاننا مش بيجيلنا عربيات كتير من هناك مشفناهوش قبل 2011


و دي لسته بالعربيات المجهزه بالاختراع دي و المتوفره في السوق المصر
اغلب موديلات BMW الجديده
اغلب موديلات مرسيدس الجديده
كيا سبورتاج,سيراتو,ريو,بيكانتو الهاي لاين
اوبل استرا الجديده
هوندا سيفيك
فولكس جيتا و باسات
هيونداي ix35

اما الهدف من الموضوع ده
ان مش كل عربيه تشوف فيها لمبه شغاله نهارا تقعد تشاور لها بايدك
طبعا انا مقدر ذوقك و هدفك النبيل
بس الامر بيبقي مزعج خصوصا مع تكراره عشرات المرات في كل مشوار

و الحاضر يعلم الغايب

و شكرا

الراجل قلبه على فاتورة الكهربا عندك
المصريين عندهم اللى بشغل النور بليل يبقى مبيعرفش يسوق فمابالك لما يلاقوا حد مشغلة بالنهار !!!!

عموما ضيف على القائمة فورد فوكاس من 2006 فيها DRL وبيتفصل .. بيعمل dimming للنور الواطى فى الكشاف وبينزل مستوي الكشاف لتحت واول لما تشغل النور مستوى الاضاءة بيقوى وبيعلى الكشاف لوضعة الطبيعى تانى

الناس اللى بتقول انه مبيتفصلش اخره فيوز شيله هتلاقى طفى

[horas3000]

ال DRL مالوش اى لازمة ف مصر ,, غير ان شكله شيك

http://www.nilemotors.net/Nile/355267-a-2.html#post3874981781

دا انسب حل

معتقدش ان الانواع الحديثه منه بتستهلك الكم الكبير بحيث تاثر علي الدينامو و استهلاك البنزين
انا عندي هي لمبه صغيره جدا



و غير كده بتبقي LED و دول مش بيستهلكوا حاجه

و في ال f30 نازل لمبه LED بدل العاديه بالفعل

اعرف واحد معاه مرسيدس جايبها مستعملة
ماهديش غير لما فصلها
والكهربائي عمل عليه احلي شغل وكل من وراه حلاوة
دخله في قصص ضفيرة وكتاوت وفيوزات

عنب

شكراً علي الموضوع

العفو
و انت لسه علي علاقه بصاحب المرسيدس ده بعد اللي عمله هههههه

أعتقد حتى لو صح لكن التأثير على الدينامو واستهلاك الوقود مش بالدرجة المهمة أبدا وممكن تتحسب بالكسور العشرية أو المئوية حتى على مدى عمر السيارة

+111111

انا الصراحه الموضوع ده خنقني جدا لما جربته في عربيه
وعايز اقولك مفيش حد فوشي ولا قدامي غير لما يقولي ( النووووور )
ومره بركن فالسايس بعد ماركني لقيته بيقولي اطفي النور يااستاذ(قبل ما ابطل) وحسيته بيقولها كده ومن جواه بيقول اطفي النور ياحمار جتكو نيله (الحاسه السابعه) :)

هههههه عندك حق

الراجل قلبه على فاتورة الكهربا عندك

يا عم انا راجل سفيه هو ماله ههههههه