الاضواء النهاريه او daytime running light اختراع اصاب المصريين بالحيرة

[ENG\AHMED]

يا عم انا راجل سفيه هو ماله ههههههه

بص هو ثبت بالتجربة العملية وبما لا يدع مجال للشك ان الشعب المصرى بينه وبين انوار العربية حساسية
لو شغلت الانوار بالنهار يشاورلك تطفى ولو شغلتها بليل يقلبلك تطفى

[Mostafa.Ismail]

اية لازمتة بقى :) بجد اية لازمتة فى مصر تحديدا .. وامان ايى اللى هيوفرة؟ انا شايف ان العربيات اللى فيها سنسور للنور انة يشتغل اول متدخل مكان ضلمة اوقع وعملى اكتر.

[nona_yaris]

:c_laugh[1]:

بص هو ثبت بالتجربة العملية وبما لا يدع مجال للشك ان الشعب المصرى بينه وبين انوار العربية حساسية
لو شغلت الانوار بالنهار يشاورلك تطفى ولو شغلتها بليل يقلبلك تطفى

المصريين بياخدو موضوع النور ده على كرامتهم
اللي يشغللك النور يبقي بيشتمك
ده ميراث في جينات المصريين من ايام سنفرو موحد الفانوسين

[horas3000]

:c_laugh[1]:

بص هو ثبت بالتجربة العملية وبما لا يدع مجال للشك ان الشعب المصرى بينه وبين انوار العربية حساسية
لو شغلت الانوار بالنهار يشاورلك تطفى ولو شغلتها بليل يقلبلك تطفى

ههههه الشعب الخفاش

اية لازمتة بقى :) بجد اية لازمتة فى مصر تحديدا .. وامان ايى اللى هيوفرة؟ انا شايف ان العربيات اللى فيها سنسور للنور انة يشتغل اول متدخل مكان ضلمة اوقع وعملى اكتر.

زي ما قلنا هو بيخلي رؤيه العربيه اوضح حتي لو بالنهار
سنسور النور مفيد طبعا بس انت فاكر انك هتخلص من الناس برضه
هيهات
السنسور موجود في عربية والدي و النور بيشتغل اول ما الضوء يخف علي الساعه 5-5:30 كده
و برضه تلاقي حد بيشاور لك و يقول لك النووووور

المصريين بياخدو موضوع النور ده على كرامتهم
اللي يشغللك النور يبقي بيشتمك
ده ميراث في جينات المصريين من ايام سنفرو موحد الفانوسين

طب و الحل
و فانوس رمضان ضمن الاسطوره دي و لا لا ههههه

[ENG\AHMED]

اية لازمتة بقى :) بجد اية لازمتة فى مصر تحديدا .. وامان ايى اللى هيوفرة؟ انا شايف ان العربيات اللى فيها سنسور للنور انة يشتغل اول متدخل مكان ضلمة اوقع وعملى اكتر.

ببساطة وانت سايق لو فى عربية نورها شغال بالنهار فى وسط عربييات تانيه نورها مطفى ... خلى بالك هتبقى مركز مع انهى اكتر وواخد بالك منها

[Moe86]

اخويا معاه فورد فييستا 2013 , بسوقها كتير الايام دى على ما اشترى عربية , و موضوع النور دة مزعج جداااااا
و فى ناس بتتضايق لما يقولى اطفى النور و ماأطفيهوش , كأنه هو اللى دافع فاتورة الكهربا !!! لدرجة انه ممكن يخبط جامد على الازاز او يرمى نفسه على العربية علشان اخد بالى !

[horas3000]

ببساطة وانت سايق لو فى عربية نورها شغال بالنهار فى وسط عربييات تانيه نورها مطفى ... خلى بالك هتبقى مركز مع انهى اكتر وواخد بالك منها

هو كده فعلا
الله ينور

اخويا معاه فورد فييستا 2013 , بسوقها كتير الايام دى على ما اشترى عربية , و موضوع النور دة مزعج جداااااا
و فى ناس بتتضايق لما يقولى اطفى النور و ماأطفيهوش , كأنه هو اللى دافع فاتورة الكهربا !!! لدرجة انه ممكن يخبط جامد على الازاز او يرمى نفسه على العربية علشان اخد بالى !

Welcome to the club

[monamize4]

طيب ,, نقول تانى

ال DRL مالوش اى 30 لازمة ف مصر
و نبقى بنشتغل نفسنا لو حاولنا نخترعله اى فايدة ف مصر

ICBI ,,
احنا بنتكلم عن تكنولوجيا بقالها اكتر من 40 سنة !!!!!!!!

فى Studies كتيييييير اتعملت ع الموضوع دا
بعض الدراسات دى اعتبر ال DRL مالوش significant importance الا ف ال Scandinavian countries و Canada و Russia و شوية دول تانية مش من ضمنهم امريكا و لا بلاد كتير من اوروبا

من اشهر ال studies دى ,,
ال studies الكتيير اللى عملها ال NHTSA National Highway Traffic Safety
Administration و FYI احنا بنتكلم عن Agency تابعة للحكومة الامريكية مش مجرد
independent institute و طبعا GM كان ليها دور ف الموضوع بس مش لازم ندخل ف تفاصيل

المهم
ان الstudy ال worth mentioning كانت من 2001 - 2007
و كان فى تعاون فيها مع الجانب الكندى
و كانت شامله المناطق ال urban و ال rural ف ال daytime و ف الnighttime
و طبعا مش هينفع نتكلم عن ال result بالتفصيل , رغم ان فيها كلام كتير مهم
لكن الsummary هو ان ال DRL مكانش ليه significant importance ف امريكا زى كندا

احنا معندناش fog زى اللى ف امريكا و الشمس عندنا الله ينور
و اصلا احنا اقرب لل equator من امريكا

و بعد دا كله نيجى احنا و نقول ان ال DRL ليه لازمة ف مصر !!!!!!!!!

[horas3000]

هو جايز فعلا ملوش اي significant importance في مصر
لكن احنا كنا بتكلم عن فوايده بشكل عام
و عن ان الناس هنا في مصر لازم توجب معاك لو مشغله

لكن انا شخصيا العربيه اللي فيها ال DRL بتلفت نظري و من مسافه ابعد
و عشان كده مقتنع ان ليه significant importance و لو بسيطه جدا

[Ahmed Selim]

ههههههههه فكرتني باللذي مضي

الميجان فيها أوتو لايت.........و لما تنزل نفق و تطلع النور بيفضل شغال حوالي دقيقتين و يطفي لوحده.........الدقيقتين دول تحس أن مصر كلها مستنياك و كله بيشارولك تطفى النور :)

[monamize4]

لكن انا شخصيا العربيه اللي فيها ال DRL بتلفت نظري و من مسافه ابعد

like

[nona_yaris]

:01964e~163:

ههههههههه فكرتني باللذي مضي

الميجان فيها أوتو لايت.........و لما تنزل نفق و تطلع النور بيفضل شغال حوالي دقيقتين و يطفي لوحده.........الدقيقتين دول تحس أن مصر كلها مستنياك و كله بيشارولك تطفى النور :)

جوزي عربيته فيها اوتولايت بردو
مش بقي في الانفاق
ده مسافة ما يخرج من مخرج الجراج بيكون اتعملو حفلة في الشارع
النور يا استاذ
اطفي النور ياسطى
النور والع يا حاج
واللي يشاور بايدو
واللي يشاور بهز راسه عشان مشغول بيتكلم ف الموبايل
مش ناقص غير يحدفوه بالطوب عشان يطفي النور
وساعات بقي هو بيرخم ويسيبه عشان يعد كام واحد ح يتطوع مشكورا بتنبيهه اليى الجرم المشهود اللي هو اضاءة الانوار
وانا طبعا دمي محروق منهم ومنه هو كمان

[horas3000]

و انا اللي كنت فاكر اني لوحدي ههههههه

[تامر.محمد]

الكوميدي جدا ان عربيات السبعينات كان فيها الاختراع زي
بصوا عال504 و حتى ال128 هتلاقوا نفس الفكرة فيها بالظبط

[sherif222]

شكرا على الموضوع