في تسجيل صوتي.."كاميليا" تطلب الصلاة عليها لو لم تعد

[SeiffoZ]

أنا مش فاهم بردوا ...

هو إيه الهدف من النقاش ؟؟؟

يا عم كل واحد يعمل إللى هو عايزة ..

كده كده هنموت و محدش هيحس بالتانى راح فين ...

و لا التانى عمل إيه ... أنا مالى!!!

سيبكوا من الكلام إللى لا هيودى ولا يجيب و خلونا نتكلم فى حاجة أهم من الكلام إللى ملوش لازمة ده ...

[Ahmed Samy]

طب ان برضه شايف الموضوع جاب اخره و اتكلمنا و سمعنا بعض

ليه ما نقفلوش احنا

يعني ما نستناش الإدارة تنكد علينا و تقفله

كأننا كنا في قعدة و اتفضت و كل واحد قام روح

تيجو؟

ولا بكرة هانلاقي حاجات جديدة ؟؟


_____________
ياقوت ...لي الشرف اني اطلع من جواك :)

____________

سيف ....عايز تتكلم في ايه ...بلد أحلامك و حريمك المستقبلي بتتحرق

ممكن توقعلك حته كويسة الأيام دي بمهر حنين ههههههههه

[fady.bekatcho]

لا ده كان زمان...السنة دي بتعدي بسرعة جدا دلوقتي..وعلى كل فطبيعي إن حدث خطير زي ده يكون موثق..فياريت التوثيق لو سمحت...ولو معندكش توثيق يبقى إصرارك على ذكر الواقعة بهذه الطريقة غير مقبول
المصدر هو موقع دينى مسيحى فهل سوف تقبلة كدليل

واذا كنت تقبلة سوف احاول البحث عنة غدا واحضارة اليك

سيبك من توصيفي أنا وتوصيف الراجل بتاع الملف الصوتي...يعني إيه كاميليا دلوقتي موجودة في مكان مجهول بيتعملها غسيل مخ لمخها المغسول...يقصد إيه صاحب التصريح باللي عملها غسيل مخ الأول...وطالما الموضوع كله خلاف عائلي...ما هو المبرر لكل هذه الضجة والمظاهرات والهتافات المطالبة بالاستشهاد..استشهاد في سبيل إيه بالضبط...

وحضرتك برضوا انا قلت ان الاب الكاهن تحول لمجلس تاديبى لانة اثار الضجة والمظاهرات والهتافات

طيب مش تقول كده من بدري..إنت بتتكلم على قضية دير مواس...لعلمك أنا فهمت من تلميحك من أول الأمر أنك تقصد هذه القضية ولكن قلت ربما كانت عندك قصة أخرى من قصص الاضطهاد...عموما برضه مفيش مشكلة ومعلش عشان تشتت الموضوع ممكن الأعضاء تدور شوية عن قضية دير مواس وهي تفهم الموضوع بالضبط والناس عملت إيه وطريقة تعامل الكهنة المسالمين القابعين في الأديرة مع المشكلة
كنت عاوز أعلق على الموضوع ده بالتفصيل لكونه وثيق الصلة بالحالة التي نعيشها الآن ..ولكن لا بأس...له وقته

قضية دير مواس عبارة عن ان بلطجية اقتحموا بيت الكنيسة وكانوا عايزين يستولو علية

وكلام غير دا هيبقى تلفيق وافتراء لان انا بقولك ابن خالة والدى هو الاب مكسيموس طلعت وكل الى عملة هو انة مسك بدلة الظابط وطبعا ازاى وازاى يحصل كدة

واعتقد حضرتك ما كنتش ضمن المشكلة علشان تحكم عليها اكتر من الى فيها

سؤال يا فادى ليه مركز على الأخبار الفيها أشعال للفتن بمواقعها و فيديوهاتها .

وحضرتك تسمى كلام الاعضاء والخبر نفسة الى بسببة الموضوع دا اية ؟

ولا معلش فى اللفظ كلامى هو الى علية العين

[nabaster]

سيبكوا من الكلام إللى لا هيودى ولا يجيب و خلونا نتكلم فى حاجة أهم من الكلام إللى ملوش لازمة ده ...

سيف

يعني الموضوع ده ولا مواضيع تامر ولا افضل مسلسل في رمضان

ولا مواضيع تاني هايفه كتير ماليه الاجتماعي

انا مش حابب اذكر مواضيع باسمها علشان مزعلش اصحابها

بس الموضوع يا سيف فعلا مهم

كون انك مفتقد الجوهر المهم في الموضوع فده شيء ليك

وممكن تراجع المشاركات تاني يمكن يكون تايه عليك

وان شاء الله هتعرفه وواضح وضوح الشمس لانه هينط وينطق من الـ 100 رد لحد دلوقت

A.Yakout

[fady.bekatcho]

تانى عشان الاخوه المسلمين الى زعلانين من امتناع البابا عن تنفيذ حكم قضائى
البابا هو رئيس اعلى سلطه دينيه عن المسيحين وهو يعتبر مقدس لدى جميع المسيحين وما يراه صواب فهو صواب و ما يراه خطا فهو خطا
فاذا اراد البابا منح تصاريح الزواج لغير عله الزنا او منع تلك التصاريح فلماذا نغضب نحن المسلمين
الاخوه المسيحيون يقدسون البابا و يعتبروا قرارته لارجعه فيها و يعتبر هو كل شىء بالنسبه لهم فليفعل بهم ما يريد وانا اقصد هنا فليقرر ما يشاء وهم راضون عن ذلك اما بعض المعترضين عن ذلك من المسيحين فلا يمثلون الا انفسهم فالاغلبيه العظمى تؤيد البابا فى قراراته و من يعترض على قرارات البابا فهذا شانه
اما نحن كمسلمين فلا يعيننا هذا الشان فههذه عقيده المسيحين و هم احرار فيها

لماذا كل مشكله صغيره يتم التظاهر من اجلها و لماذا المسيحيون يرددون شعارات عدائيه مثل الاستشهاد او ما شابه لك اعتقد انه حان الوقت لحوار مجتمعى شامل وننبذ تلك الافكار الشاذه عنا

احييك على كلام فى الجزئية الاولى

بالنسبة للجزئية الثانية حضرتك بقى تسمى اية الفيديو الى اتنشر علشان عايزين يعملوا مظاهرة والمفروض انها كانت النهاردة علشان يشلحوا البابا شنودة ؟

كل واحد بيطالب بحقة من وجهة نظرة

[fady.bekatcho]

أنا مش فاهم بردوا ...

هو إيه الهدف من النقاش ؟؟؟

يا عم كل واحد يعمل إللى هو عايزة ..

كده كده هنموت و محدش هيحس بالتانى راح فين ...

و لا التانى عمل إيه ... أنا مالى!!!

سيبكوا من الكلام إللى لا هيودى ولا يجيب و خلونا نتكلم فى حاجة أهم من الكلام إللى ملوش لازمة ده ...

الهدف من النقاش ان كل واحد مقتنع ان كلامة صح

الاخوة الاعضاء مقتنعين ان كاميليا مخطوفة نتيجة تسجيل صوتى لشيخ يقول هذا

وانا مقتنع بوجهة نظرى الى قلتها فى مشاركاتى

والاعضاء الافاضل ولا هيتغير فكرهم ولا انا هيتغير فكرى

وعلى راى القانون يبقى الحال كما هو علية

[nabaster]

طب ان برضه شايف الموضوع جاب اخره و اتكلمنا و سمعنا بعض

ليه ما نقفلوش احنا

يعني ما نستناش الإدارة تنكد علينا و تقفله

كأننا كنا في قعدة و اتفضت و كل واحد قام روح

تيجو؟

ولا بكرة هانلاقي حاجات جديدة ؟؟


_____________
ياقوت ...لي الشرف اني اطلع من جواك :)

مبدايا بعتذر لان المفروض كنت هقول دكتور احمد سامي

بس فعلا نسياها في وسط الكلام ولما حبيت اعدل كان الوقت فات

مبدايا انا موافق علي كلامك بغلق الموضوع

لانها مش طالبه حد يدخل يقول كلمتني ملهمش لازمه

يولع الدنيا ونلاقي الناس نزلت ضرب في بعض

لاني كمان حاسس ان الموضوع جاب اخره

رغم استمتاعي بالنقاش

بس يتقفل بس وميتحذفش

لان الموضوع ده هيدخل في قائمة المواضيع الي بحتفظ بلينكاتها

وعلي راي مجلسنا الموقر (سابقا)

الموافق يتفضل برفع يده :)

A.Yakout

[maged]

رجاء خاص من ادارة المنتدى اذا كانت الادارة لها حق وقف العضو فى حالة التطرق الى موضوعات دينية ان تستعمل هذه السلطة
واريد ان اقول ان اى موضوع له جانب دينى فى منتدى خاص بالسيارات امر غير مقبول نهائيا
واذا كان جلب اخبار دينية داخل المنتدى امر مقبول فسيتحول المنتدى فى ثوانى الى موقع دينى للمناظرات الدينية وهذا امر مرفوض لان المشاعر المصرية لاتتحمل المساس بالدين

[devilishtigers]

بصراحة انا مستمتع بالنقاش المتحضر اللي موجود في الموضوع (ومش حابب اني اشارك وافضل متفرج)
بس احب اقول حاجة
في النهاية كل واحد مقتنع برأيه اللي هو شايفه صح وبيتكلم فيه
رغم ان المناظرة معروفه نهايتها

[fadod]

طيب ..الإدارة فرحانه بالناس وهي بتطقش في بعض ..واحنا مش قادرين نقفل الحوار ..طيب ندور علي حل
ازاي نحل الموضوع من وجه نظركم
يعني نشوف إيه مطالب المسلمين وإيه مطالب المسيحين ..ونحاول نحطها في بند واحد ونتفق عليها ..بدل ما احنا عمالين نضيع وقت في مناقشات ومفيش حد هيغير وجه نظره لو اتكلمنا من هنا للسنه الجاية
اتفضل يا بحري قول وجه نظرك في صوره بنود ووضح ازاي تحل بها الموضوع وبعده فادي يتفضل

[sherif Anton]

ياجماعة الكلام في المواضيع دي ملوش اي فائدة غير اثارة المشاعر ...

يعني ده لينك بيقول ان الأزهر ينفي إشهار كاميليا شحاتة زوجة (كاهن دير مواس) لإسلامها

http://www.masrawy.com/News/Egypt/Politics/2010/august/13/azhar.aspx

وأعتقد ان الأزهر هو اكبر جهة اسلامبة رسمية في الوطن العربي

عموما انا شايف ان الكلام في الموضوع ده مفيش منه فائدة ...

[yoko]

طيب ..الإدارة فرحانه بالناس وهي بتطقش في بعض ..واحنا مش قادرين نقفل الحوار ..طيب ندور علي حل
ازاي نحل الموضوع من وجه نظركم
يعني نشوف إيه مطالب المسلمين وإيه مطالب المسيحين ..ونحاول نحطها في بند واحد ونتفق عليها ..بدل ما احنا عمالين نضيع وقت في مناقشات ومفيش حد هيغير وجه نظره لو اتكلمنا من هنا للسنه الجاية
اتفضل يا بحري قول وجه نظرك في صوره بنود ووضح ازاي تحل بها الموضوع وبعده فادي يتفضل

وحتى لو حصل هتتحل!!!!
إحنا برده مش فإيدنا حاجة غير ندعي ربنا إن حال البلد يتصلح وكل واحد يعمل الي يقدر عليه في مجاله

[بحري]

ياجماعة الكلام في المواضيع دي ملوش اي فائدة غير اثارة المشاعر ...

يعني ده لينك بيقول ان الأزهر ينفي إشهار كاميليا شحاتة زوجة (كاهن دير مواس) لإسلامها

http://www.masrawy.com/news/egypt/politics/2010/august/13/azhar.aspx

وأعتقد ان الأزهر هو اكبر جهة اسلامبة رسمية في الوطن العربي

عموما انا شايف ان الكلام في الموضوع ده مفيش منه فائدة ...

محدش قال حاجة..هي فعلا لم تشهر إسلامها في الأزهر..لأنها منعت من دخول الأزهر في بلد الأزهر..وذلك بواسطة القوات الأمنية..يبدو أنك تحتاج إلى قراءة الموضوع في المشاركة الأولى مرة أخرى ومراجعته بدقة
وعلى كل فإشهار الإسلام في الأزهر هو مجرد إجراء روتيني وتخليص أوراق..إشهار الإسلام يكون بالنطق بالشهادتين والبراءة من كل دين يخالف الإسلام فحسب



دي ردودي على فادي والكلام في الاقتباس كلامه

المصدر هو موقع دينى مسيحى فهل سوف تقبلة كدليل

واذا كنت تقبلة سوف احاول البحث عنة غدا واحضارة اليك

هل يمكن أن أقبل أو تقبل أنت أو يقبل أي حد فاهم يعني إيه أخبار إن مصدر خبر حساس زي ده يكون فقط موقع ديني..لاسيما مع ما هو معروف عن طبيعة هذه المواقع التي التي لا تنشر إلا خبرا واحدا بصيغ مختلفة وعنوانه دائما (استمرار مسلسل اضطهاد الأقباط)
وبرغم هذا تقول أنك ستحاول البحث وإحضاره غدا..يعني هو أيضا ليس من المواقع الشهيرة والخبر نفسه ليس بهذا الانتشار مما يتنافى مع واقعة بهذه الفداحة التي وصفتها

وحضرتك برضوا انا قلت ان الاب الكاهن تحول لمجلس تاديبى لانة اثار الضجة والمظاهرات والهتافات

يعني إيه مجلس تأديبي...وفين القانون اللي بيحكم البلد...ذكرتك مرارا وتكرارا أن هذه المظاهرات ما كانت لتحدث لولا إعطاء الضوء الأخضر من الكاتدرائية..مقر الكاتدرائية مش حديقة مفتوحة عشان أي حد يدخل بالأعداد دي ويعمل المظاهرة..لو كانوا عاوزين يمنعوها كانوا منعوها....

قضية دير مواس عبارة عن ان بلطجية اقتحموا بيت الكنيسة وكانوا عايزين يستولو علية

وكلام غير دا هيبقى تلفيق وافتراء لان انا بقولك ابن خالة والدى هو الاب مكسيموس طلعت وكل الى عملة هو انة مسك بدلة الظابط وطبعا ازاى وازاى يحصل كدة

واعتقد حضرتك ما كنتش ضمن المشكلة علشان تحكم عليها اكتر من الى فيها

أولا مش معنى إن ابن خالة والدك هو فلان الفلاني إني المفروض أسلم لكلامك في حكاية الواقعة بهذه الصورة التي تطلبها
ثانيا وهذا هو الأهم..طالما أنت كنت ضمن المشكلة وعارف تحكم عليها..فعيب جدا جدا جدا إنك تصور المشكلة إنها خلاف بين الكنيسة والمسلمين وتوصف من قاموا بالهجوم بأنهم بلطجية..في حين أنك تعلم تماما أن المشكلة
قبطية..قبطية
الكنيسة عاوزة تستولى على بيت أولاد شاكر..وهما رافضي ورافضين التصالح مع الكنيسة ..فحصلت المشكلات والضرب والعراك والإصابات وتبادل الإهانات بين الكهنة والآباء وبين أبناء كنيستهم الذين تم حرمانهم...والمحكمة حكمت على الكهنة والآباء بالعقوبات اللي إنت نقلتها.....ليه بقى بتعتبر عدم تدخل أقباط المهجر وعدم وجود ضغوط على الحكومة حاجة لها علاقة بموضوعنا...وعلى كل فهذا هو المعتاد من صور التدليس المتكررة في المواقع التي تنقل عنها..والتي نقلت عنها نص الحكم والذي فيه (واعتراض المسلمين)...عشان كده أنا قلت ياريت الأعضاء تدور على القضية وهيعرفوا قد إيه حجم التدليس اللي حصل في الموضوع ده...

وحضرتك تسمى كلام الاعضاء والخبر نفسة الى بسببة الموضوع دا اية ؟

ولا معلش فى اللفظ كلامى هو الى علية العين

لا كلامك معلهوش العين..يبقى عليه العين بس لما تنقل كلام كله مبالغات من مصادر معروفة الأسلوب والمنهج...لكن الخبر المنقول واللي بسببه الموضوع ده منشور على واحدة من أشهر وأقوى الصحف الإلكترونية والتي تنشر أخبارا دائما من قلب المطبخ السياسي والأمني...ويمكن لمن يعترض على الخبر ويعتبره كاذبا أن يقاضي الصحيفة إن استطاع

احييك على كلام فى الجزئية الاولى

بالنسبة للجزئية الثانية حضرتك بقى تسمى اية الفيديو الى اتنشر علشان عايزين يعملوا مظاهرة والمفروض انها كانت النهاردة علشان يشلحوا البابا شنودة ؟

كل واحد بيطالب بحقة من وجهة نظرة

تقدر تقول إنت بقى المظاهرة دي حصل فيها إيه..وإزاي المسلمين اتفتشوا وهم داخلين المسجد واحد واحد..وإزاي اتمنعوا من الخروج من المسجد بعد الصلاة واتعمل كردون لتشتيت المصلين
تقدر تقول قد إيه كانت الكثافة الأمنية بالأمس في العباسية
تقدر تقول في المقابل بقى إيه اللي حصل في مظاهرة الكاتدرائية..تحب أنقل لك الصور عشان الناس تعرف إيه اللي كان بيتقال فيها
المشكلة إن كتير من الناس اللي هنا مش بتتابع الموضوعات دي كويس..لكن أؤكدلك إن الناس لو كانت بتتابع الموضوعات دي وبتعرف إيه اللي بيحصل فيها رد الفعل كان هيبقى مختلف تماما...وعموما اللي عاوز يشوف الموضوع أنا محتفظ بيه قبل أن يحذفه مصراوي كالمعتاد..اللي عاوزه ممكن أبعتهوله بالميل مفيش مشكلة ..لأن أنا لو حطيت الصور دي هنا دلوقتي لا أتخيل طبيعة رد فعل الأعضاء

الاخوة الاعضاء مقتنعين ان كاميليا مخطوفة نتيجة تسجيل صوتى لشيخ يقول هذا

أول مشاركة ليك في الموضوع نقلت الخبر من اليوم السابع وبتستشهد بيه على كلامك من كلام الكنيسة والأزهر إن كاميليا مش مخطوفة وإن الموضوع كان عائلي

لكن يبدو أنك لم تقرأ الخبر جيدا ..وفي إحدى مشاركاتي نقلت من الخبر تصريحات لأحد المصادر الكنسية أن كاميليا الآن موجودة في مكان مجهول وتتم لها عملية غسيل مخ...هكذا باللفظ والموضوع موجود والرابط موجود

وقلتلك برضه سيبك من التسجيل والشيخ والكلام ده كله...هي مش مخطوفة دلوقتي..هي فين بالضبط..وليه مش عاوزينها تطلع تقول اللي حصل وتخلي الناس تهدأ...متهيألي مش المفروض نعيد ونزيد في نفس الجزئية ١٠٠ مرة

[yoko]

والله يا شباب أنا شايف الموضوع كده اتقال فيه كل حاجة
وكل واحد قال وجهة نظره كويس..و ممكن نكتفي بالقدر ده من المناقشة عشان الموضوع معتقدش فيه كلام تاني يتقال وربنا يصلح الأحوال