البلد اللي حيلتي.. باظت

[Ahmed Samy]

wawoo
مشكلة مصر إن ما فيش نظام = sysytem في أي حاجة ......لا طب و لا غير طب ......التعليم الطبي شرحه ...

الدنيا ماشية كده .....طول ما ما فيش مشاكل الموضوع مش بطال.....حصلت أي مشكلة الموضوع بيقلب بكارثة

انما المشكلة إن ما فيش نظام و لا قواعد و أي مصيبة ممكن تحصل في أي وقت لأي حد و ما فيش أي نظام يمنع المصيبة ديه أو يخففها أو يعالج اثارها...... سواء المصيبة ديه مرض أو حادثة عربية أو مشكلة اقتصادية أو أي حاجة تانية

و لنا لقاء قريب إن شاء الله

يا مرحبا بالضلع الثلث و القاعدة الأساسية في مثلث الوطن .Vs المواطن :)

طب ماهو اللي اتقال كفاية يا دكتورنا

المصيبة بسبب (الإهمال) خيار متاح في مصر للطبيب و بدون مسائلة و لأقصى درجة
وعلى يدي أكتر من مرة

و ده مش في الطب بس

الكل يمتلك خيار الإهمال و ده في حد ذاته بالنسبة ليا كفاية الله يمسيهم بالخير هههههههههههههه

[bassemali]

ياجماعه إسمحولي لو حد قرأ كلامي كويس هيعرف إني (وبأعتباري واحد من المغتربين عن البلد من سنتين ) برد على الكلام اللي قاله سبعاوي قبل مايكتبه وهو أننا بنحب مصر قوي وبنستنى الأجازه عشان نيجي نزورها رغم كل اللي فيها ده لكن أحنا بناقشه وبنعترض عليه أننا بنحب مصر وعايزنها تبقى أحسن أيا كانت طريقة مناقشتنا ليه سواء بجد أو بهزار ماحنا لو ساكتين ومانتكلمش وبنعترض يبقى حاجه من الأتنين يا إما موافقين على اللي بيحصل يا إما مش في دماغنا ... وشكرا

[الريس]

مممممم
السؤال الازلي
هي مصر دي البلد (الرمل و الطوب و الحجارة و النيل و التماثيل و الجو والبحر و الزرع و كده)
و لا مصر دي هي الناس (حيث النصب و الفساد و المحسوبية و طغيان الشر على الخير)

الاولى حبيبتي
و التانية مش طايقها

انا بسافر بقالي 5 سنين .. شهرين برة و شهر في مصر
و دايما بيتصارع جوايا نقيضين .. الحنين لمصر و انا مسافر .. و القرف و الخوف و الاحباط و انا فيها

سبعاوي باشا
فاكر سواق النقل اللي بمقطورة اللي خبطك في الدائري
و لا اللي كان عايز يلبسك في كوم طوب على محور ان ايه
الحمد لله ربنا سلم
تخيل لا قدر الله الف بعد الشر عليك حصل لحد تحبه حاجة بسبب التسيب ده
مش كنت هتقول تغور العيشة هنا
اهو ده قصدي

[wawoo]

wawoo
انما المشكلة إن ما فيش نظام و لا قواعد و أي مصيبة ممكن تحصل في أي وقت لأي حد و ما فيش أي نظام يمنع المصيبة ديه أو يخففها أو يعالج اثارها...... سواء المصيبة ديه مرض أو حادثة عربية أو مشكلة اقتصادية أو أي حاجة تانية

و لنا لقاء قريب إن شاء الله

انا معاك ان مافيش نظام , و انا عارف ان كلمة نظام دى كلمة واسعة جدا , يعنى ممكن تتحمل اوجهة كتيرة , يعنى عندك مثلا ممكن على المستوى الشخصى يكون فى نظام , ممكن على مستوى الشركات و المؤسسات الخاصة , يكون فى نظام , انما بعد كدة تبداء الفوضى فى التغلل بقى لحد منا نوصل ل .....
و برضو اذا كنت تقصد بالنظام القانون فدة مشكلة المشاكل .

اللى انا بقى عاوز اوصلة ,ان مصر فعلا عندها مقومات كتير للنجاح , و ممكن جدا لو كان فى توجية صحيح فى البلد دى اشياء كتير تتحسن , يعنى اقصد ان الصورة مش سوداوية زى ما الناس شايفة , اه فى كوارث بتحصل اة فى فساد كبير بيحصل , بس كمان الان الوضع اختلف ,و اللى كان بيتسكت علية من كام سنة اصبح الان يمر بصعوبة , يبقى فعلا فى رغبة عن عدد كبير من الناس اننا نتحسن .

فى مرحلة تحول بتحصل فى مصر على المستوى السياسى و الاقتصادى و الاجتماعى , انا حاسس التغير دة , انما تغير للاحسن او الاسؤ ممكن نختلف , لكن اعتقد كل مراحل التغير فى بدايتها بتمر بمرحلة عشوائية و مرحلة تخبط مشابة لحالنا الان .
و عندى امل اننا نخرج من هذة ا لعشوائية للنظام اللى انا وانت نتمناة لهذا البلد .

عارف لية عندى امل , لان شايف ان فى ناس فعلا خايفة على مستقبل هذ البلد , و فى ناس و لو قليل الان بتشتغل على دة , و عندى امل كمان عشان احنا مش بعيد قوى عن اننا نحقق دة , يعنى احنا قطعنا شوط معقول , الحتة اللى فاضلة صغيرة لكن هى اصعب حتة ,
احنا كلنا فى المنتدى تقريبا شباب هذا الجيل و زى ما انا شايف فى خبرات كتير و فى مشاريع نجاح كتير .

و عاوز بس اوضح حاجة يمكن تكون اتفهم غلط فى كلامى , بالنسبة لمن يعملو خارج الوطن , انا مش ضد ان كل واحد يسافر او يهاجر حتى لو شايف ان فى فرصة مناسبة لة فى الخارج لم تتاح لة فى مصر , كل واحد من حقة انة يدور على الفرصة اللى تناسبة فى اى مكان فى العالم , و طبعا كل من سافر من حقة انة يتابع بلدة الام و ينقدها كما يشاء , لكن بس انا احب ان كل من سافر يشوف الصورة كاملة ,و بلاش المقارنة بين مصر و البلاد اللى سافر اليها لان المقارنة فى هذة المرحلة حتكون ظالمة لمصر اكيد , و كمان يكون عادل فى رؤيتة و زى ما بيشوف سلبيات يقول كمان على الايجابيات , و يسلام لو يشارك كمان دة حيكون اجمل و اجمل , انما فكرة جلد الذات دى غير مجدية على الاطلاق فى رايى.
و كمان لان فى ناس شرفاء داخل هذا البلد بيتشغلو و هؤلاء بيرحو فى الرجلين بسبب الانتقدات دى و بيتم تهميش دورهم تمام , و كأن مصر اصبحت بلد المشاكل والكوارث و الفساد و بس و دة غير صحيح طبعا .

[wawoo]

و الله يا واووووو ما انا عارف أقول ايه .
بس ربنا برحمنا و يرجعنا بلدنا سالمين
و الله العظيم نفسي أرجع من زماااان بس مش قادر لا قدرنا نعمل فلوس زي ما الناس فاكرة و لا لينا مكان في مصر .

امين يا رب ..
و ان شاء الله يكون ليك مكان و مصر تستفيد من خبرتك اللى وصلت ليها فى الخارج , بس فى المرحلة دى اذ ا كنت بتفكر ترجع لازم تفكر شوية حترجع تعمل اية بالضبط , لان مجرد الرجوع عشان الحنين لمصر مش كفاية للاسف , يعنى لزم تفكر حترجع تكمل مثلا فى نفس وظيفتك او تعمل مشروع تقدر بخبرتك انت تملك مفاتيح نجاحة , انا عارف ان مشروع الرجوع دة بيكون اوقات اصعب من مشروع السفر نفسة , لانك للاسف حتكون تعودت على نظام محدد و حيكون صعب عليك التعامل مع الاساليب العجيبة اللى موجود فى مصر حاليا لااسف .

[dr_winner]

بصوا يا جماعة بقى أنا عمرى ما سافرت لكن متأكد إن مصر دى أسوء بلد فى العالم و بالنسبة للراجل اللى بيكم عن الطب فى مصر ...هو إنت معتقد يعنى إن المستشفيات الإستثمارية دى كويسة يعنى ...دا كلوا شغل همبكة و بروباجاندا و مناظر..........
ولا فيه طب و لا علم ولا بحث علمى و لا جد وولا جدية فى العمل (أى عمل) ولا ضمير ولا نفوس سوية ولا الناس بقت تحب بعض.
و مشكلة مصر مش بس فى الإدارة المشكلة فينا إحنا المصريين...الناس العادية..... و إن ماعترفناش بكده يبقى عمرنا ما هانتحسن.
هاقولكوا مثال بسيط
ممكن تصلح عربيتك عند واحد ما تعرفوش و تبقى مطمن؟؟؟
ممكن تشترى أى حاجة من واحد إنت مش زبونة؟؟؟
ممكن تروح تقضى مصلحة فى أى مصلحة حكومية من غير ما تشوف معاك معرفة أو واسطة.
بإختصار.......بينضحك عليك فى اليوم كام مرة؟؟؟؟؟؟؟؟؟؟؟

[dr_winner]

أه نسيت أقول حاجة
واله أنا باحس بالغربة فى مصر.
كلنا مغتربين................... ربنا يرجعنا بلادنا بالسلامة