الشقة اللي فوقينا مسكونة كل ده و انا معرفش :s

[semsem_uno]

شوفو بقي
انا في 2 اعدادي بدأت احس بحاجات غريبة جدا جدا
اصحي بليل علشان اشرب الاقي نفسي مش مظبوط و اهدي اوي اسمع خطوات فوئيا
و احنا و ناس في العمارة قلنا لأكتر البوابين اللي موجودين في العمارة و سألنا صحاب المكتب قالولنا لأ محدش بيبيت فوء خالص و الله و قبل كدا الكل طلع بليل و خبط و اتأكدنا كلنا ان مفيش حد و البوابين استغربوا جدا و واحد اتكلم مع بابايا ان فعلا كده في حاجة ربنا يحفظنا
و في اولي ثانوي اخويا كان سهران (و غاوي افلام رعب بعد ما ننام ) و قلبت معاه بجد حس بنفس اللي انا كنت بحسه يسمع خطوات بس ده استني و شوية و فعلا تسمع صوت زي حد بيزق كرسي او ترابيزة طبعا حاجة تجيب صرع و خصوصا الساعة 3 الفجررر
تاني يوم قعد لنفس الوقت و اول ما سمع طلع يجري و يخبط علي الباب بتاع المكتب اللي فوقينا و محدش يرد ولا تسمع اي صوت الشقة فاضية فعلا و كان فعلا حاجة تقلق
و السنة ديه فعلا اتأكدت بنفسي لما اخويا سأل البواب و قاله مفيش غير انك تذكر ربنا لو حسيت بحاجة
و من اسبوع داخل الحمام و والله سامع الخطوات فوقي بالظبط و انا اصلا بخاف من خيالي في الضلمة
و لما اخرج صوت حد بيزق حاجة برده و كمان بدأت الاحظ ان القط فجأة يسرح في السقف و يبرق و انا في قمة التعجب و بليل القط بيتجنن بمعني الكلمة و يطلع يجري و يبقي عايز يفتح باب الشقة و يخرج بأي طريقة و اخر مرة طلع لوحده فوق و فضل واقف باصص علي باب الشقة اياها و رحت شايله و يا فكييييك علي تحت و قفلت و من ساعتها و انا فعلا مرعوببببب و من شوية سمع حد بيزق حاجة تاني و والله العظيم بجد

ربنا يحفظناا

[الغزالى]

نيهااااااااااااااااااااااا اتغطى بلبل كويس وانت نايم والشقة الى انت بتكلم عليها كان فى واحد مقتلوة فيها نيهاااااااااااااااااااااااااااااااا

[أبو صلاح]

هو الحوار ده بجد ولا ايه ؟
انت هتوقع قلبنا ليه انا قاعد لوحدي والساعة 3 بالليل
سترك يارب

[Eslam.Elrefaey]

قعد معاك بباك مرة وصدقنى مش هتسمع حاجة

[تامر.محمد]

ياللهول
:D

[tabeb]

فكرتني بفيلم احمد زكي مش فاكر اسمه ايه
حاول تعرف مين اللي كان ساكن فيها وربنا يحفظكم
شغلوا قرآن علي باب الشقة دي وماتنساش الاذكار

[pro_samir]

عادي يا مان تعايش معاهم

امال لو معاك في الشقة كنت هتعمل اية

[النوبي]

امال لو حصل معاك اللي حصل معايا
انا الشقه اللي في العماره اللي جنبي(نفس الدور الفاصل بينا حائط واحد) اتقتلت فيها واحده يابانيه من كام شهر وبعد مااتقتلت بيومين لقيت قطه نضيفه شكلها بنت ناس خالص شكلها بتستحمي بشامبو واديها اكل ماترضاش غير باللبن وما بتحبش العضم ولا الحجات الهبله دي دي ممكن تاكل حته لحمه حمرا من غير دهن ممكن تاكل ذبادي
والحاجه اللي مش متعوده تاكلها لو هتموت من الجوع ماتاكلهاش

[adel1414]

"بِسمِ اللهِ الذي لا يَضُرُّ مَعَ اسمِهِ شَيءٌ في الأرْضِ وَلا في السّماءِ وَهوَ السّميعُ العَليم" (ثلاثَ مرَّاتٍ)

من قالها ثلاثاً إذا أصبح وثلاثاً إذا أمسى لم يضره شيء. أخرجه أبو داود 4/323 والترمذي 5/465 وابن ماجه وأحمد. انظر: صحيح ابن ماجه 2/332 وحسن إسناده العلامة ابن باز في تحفة الأخيار ص39 . _

[tabeb]

امال لو حصل معاك اللي حصل معايا
انا الشقه اللي في العماره اللي جنبي(نفس الدور الفاصل بينا حائط واحد) اتقتلت فيها واحده يابانيه من كام شهر وبعد مااتقتلت بيومين لقيت قطه نضيفه شكلها بنت ناس خالص شكلها بتستحمي بشامبو واديها اكل ماترضاش غير باللبن وما بتحبش العضم ولا الحجات الهبله دي دي ممكن تاكل حته لحمه حمرا من غير دهن ممكن تاكل ذبادي
والحاجه اللي مش متعوده تاكلها لو هتموت من الجوع ماتاكلهاش

بس القطة عنيها مش عاملة كده

[bmya]

طيب يا استاذ نوبي ايه علاقه اقطه اللي حضرتك لقيتها وبعد ماجارتك اليابانيه اتقتلت باللي حصل معاك باللي حصل مع صاحب الموضوع؟
يعني مقولتش ايه اللي حصل بعد القطه مرضتش تاكل العضم ايه بقه اللي حصل معلش بس انا مش فاهم والله حضرتك تقصد ايه

[النوبي]

( معلش اصلي كنت مستعجل علشان العشا ملحقتش احكي الموقف الظاهر الواحد لما بيكون جعان ما بيشوفش) بص يا سيدي انا كنت في البيت لو حدي وبعد كده امي زارتني ولما عرفت ان مراتي مش موجوده قعدت شويه ونزلت وانا علي الكمبيوتر
وانا ومركز في الشاشه ببص لقيت دي معديه جنب الباب جوه الشقه مره واحده
بعد يوم واحد من حادثه القتل (ودي كنت هروح فيها)
المهم فتحت لها الباب وهي طلعت لو حديها
(بس انا عرفت بعد كده بيومين من امي انها ممكن تكون دخلت عندي وامي نازله)

[MoToRiZeR]

عادي يا باشا انا عندي عفاريت في أوضتي مش في الشقة اللي فوقي
أهم حاجة تتوافق معاهم .. حاول تتعرف عليهم .. صاحبهم .. إعزمهم علي كبايتين دم .. خليك متعاون

[ZALABANY]

وارد جدا يا جماعة اللي بيحصل بس انت عليك بآية الكرسي ولن يضرك شئ بإذن الله

[nab!l]

اللى بيحصل انتو مستغربين ليه ده عادى على فكره
بس اقرا ازكار الصباح والمساء وازكار النوم ولو عرفتو تجيبو واحد بيعالج بالقران ويدخل الشقة اللى فوق
اول اهيدخل هيعرف الشقة فيها حاجة ولا تهيؤات
(عن تجربة )