الشقة اللي فوقينا مسكونة كل ده و انا معرفش :s

[Abo_Lina]

عووووووووو

[semsem_uno]

عووووووووو

يمي

[kasten]

موضوع جميل اوى
وبسم الله الذى لا يضر مع اسمه شئ فى الارض ولا ى السماء وهو السميع العليم

[النوبي]

باشا معلش سؤال عابر
انت بتصور بكاميرا نوعها ايه ؟؟؟؟؟؟؟
علشان القطه دي مش باينلها خيال خالص (فاهمني؟؟؟)

ليه بس الافكار اللي تخلي الواحد ينط من الشباك
انا متاكد ان القطه دي بتاعه الست اليابانيه مش هي الست لا القطه دي بتاعتها ولما حصلت الحادثه القطه هربت من الدوشه والعساكر والبوليس لما دخلو الشقه
واكيد دخلت مدخل العماره عندينا وامي هي ونازله القطه دخلت من غير ما امي تاخد بالها وبس انما الفكره في القطه اللي عملته فيا!!!!!!!!!
اني قاعد في البيت لا بيا ولا عليا ومركز في الشاشه ومره واحده الاقي دي جنبي
والله دمي نشف
انما العفاريت والكلام ده انا مش عارف اقول ايه بالضبط لاني اتحطيت في مواقف كتير خصوصا في الجيش بس الواحد في الاخر ماشافش حاجه بعينه
علشان كده الموضوع مش محسوم 100/100 بالنسبالي
انما في المواقف اللي هيا!!!!
تلاقي شعر راسي وصل للسقف
(ملحوظه)
الست اليابانيه قتلها جوزها بس مش عارف ليه
بيقولوا كان شارب وقتلها
وبيقولوا كانت بتخونه بس محدش عارف قتلها ليه
(بالمناسبه انا مش محتاج القطه لو في حد يحب ياخدها)

[النوبي]

صوره من علي السلم
القطه ليها خيال

[زهير فكري]

والدتي كانت في رحله جامعيه مع زميلاتها و راحو اسكندريه الكلام ده في السبعينات , و اقاموا
في احد بيوت الطالبات او نزل الشباب و بنوا في الجنينه الخاصه بالمبني حاجه زي خيمه بدون سقف عشان يقعدوا فيها للاحتفالات المسائيه و ما الي ذلك , المهم في صباح احد الأيام والدتي قعدت تجهز هي و بعض زميلاتها بعض الأعمال الفنيه و حدث خطأ في الكتابه علي احد اللوحات و احتاجوا ( موس) عشان يكشطوا الخطأ و طلبت والدتي من احد مشرفي الرحله هذا الموس و ذهب لاحضاره , الا انه بعد دقائق من انصراف المشرف حدث ان وجدوا موس يقع عند حافه المنضده الجالسين عليها و فرح الجميع الا انهم نظروا لبعضهم البعض نظره ذهول و خوف و انتفضوا من مكانهم ليبحثوا عن اي شخص من الممكن سمع حديثهم مع المشرف و حب يهزر او ممكن المشرف نفسه حب يهزر معاهم الا انهم لم يجدو احد فالمكان مفتوح و بعيد عن اي مبني , و حتي لوتصورنا انهم قريبيين من نافذه احد المباني و حد رماه من فوق ازاي و الموس خفيف يقع علي حافه المنضده بهذه الدقه و فقا لتعبير امي ( لقيت الموس بيرن عند حافه المنضده )وثم هم محسوش انه اترمي من فوق لكن اتحدف من اي جانب و كأنه حد حدفه ؟؟ و العجيب انه بعد ذلك جاء المشرف مهرولا و كأنه فتح عكا و معاه الموس المطلوب و قال انا لفيت كتير عشان اشتريه , الا ان الزميلات بما فيهم امي التزموا الصمت سنوات خوفا من الأذي علي حد تعبيرها معتبرين ان ابواب السماء كانت مفتوحه وقتها و يا ريتهم طلبوا مليون جنيه , و الي الآن والدتي تحتفظ بالموس و انا شوفته و هو موس صغير عادي و مكتوب عليه بالانجليزي ( صنع في المانيا الغربيه ) .

[evoo90]

عادى ياجماعه جدا بس طالما ما اذيتهمش مش هيأذوك غير كده ماتخفش

[MoHaMed HaMeD]

بسم الله الذى لا يضر مع اسمه شئ فى الارض ولا فى السماء وهو السميع العليم

[nab!l]

الحاجات دى مش فيها هزار ياجماعة
انا عشت حكايات حقيقية مع اقرب الاقارب فى المواضيع دى

[AhMeD EzZ]

الحاجات دى مش فيها هزار ياجماعة
انا عشت حكايات حقيقية مع اقرب الاقارب فى المواضيع دى

طب ما تحكي و تشاركنا

[sokasoon]

كفاية كده حرام عليكو انوار الاوضه بقت بتنور وتطفى لوحدها

بجد والله العظيم ده حصل

[M.Mostafa80]

أنا بقى هحكى قصه واقعيه وحصلت معايا شخصيا
الموضوع ان جدى الله يرحمه كان راجل طيب جدا وكان عايش فى الريف وكان متعود يؤدى الصلوات فى وقتها فى الجامع القريب من البيت
بينه وبين الجامع حوالى 100 متر المهم فى يوم طلع من البيت عشان يستعد لصلاه الظهر ومشى ناحيه الجامع وعدى على بيت أخوه اللى جنب الجامع من الناحيه التانيه وسأل عليه عشان يصلو سوى قالولو داه هوا تعبان شويه ومش قادر يقوم قلهم طيب بص يمينو لقى عربيه واقفه بتنزل حد وبص شماله ملقاش حاجه جايه بدأ يعدى الشارع عشان يدخل الجامع
وفجأه عربيه من خلف العربيه الراكنه تيجى وتخبطه وتشيله على كبوت العربيه ومينزلش الا جنب الجامع (حسب روايه شهود العيان )طبعا راجل كبير ومستحملش الخبطه نفذ أمر الله فى اللحظه والتو أتجمعنا كلنا طبعا عشان ندفن جدى المهم أثناء عمل الصوان ليلا وأنا جالس أنا وأبناء أعمامى وأذ بنا نجد قطه تلعب مع أحب ابناء أعمامى المقربين الى جدى كل هذا عادى ولا يوجد به اى شئ غريب نوينا ان نقيم مطب صناعى فى هذه المنطقه حتى لا يتكرر الأمر مره أخرى وكان هذا فى حوالى الساعه الواحده ليلا وأذا بهذه القطه تقف معنا وتشاهد ما نفعله
لم نهتم بالموضوع دخل والدى أخر اليوم لينام فى غرفه جدى التى تم تكفينه فيها وهى كانت خاويه والقطه تركناها بعيدا عند الجامع فأذا بوا لدى صباحا يقول ان القطه بجواره طول الليل فيرد عمى الأخر أزاى دى كانت جنبى طبعا محدش جالو نوم من فراق والدهم ومع كل ذلك لم نهتم لاحظو وجود القطه فى غرفتين مختلفتين فى وقت واحد أخذنا هذه القطه بالسياره وذهبنا بيها بعيدا ووضعناها وأذا بنا نرجع لنجد أبى وأعمامى يقولو لنا انتم مشيتو من غير ما تخدو القطه كلنا بلمنا فى هذا الوقت وأصبح الأمر محسوم هذه القطه ظلت موجوده بالبيت لمده أربعين يوم مع كم الأذى الذى كانت تتعرض له من لعب الأطفال ومع ذلك لم تهرب منهم بالعكس كانت تتودد أليهم أكثر وفى اليوم الواحد والأربعين أختفت القطه ولا نعلم أين هى مع العلم بأنها كانت تظهر فى بيوت المقربين والمحببين الى قلب جدى الله يرحمه فى ذات الوقت
رحمه الله عليك ياجدى وأكتب لى نفس شهادته توفى وهو عازم الأتجاه للمسجد للصلاه تخيلو سيبعث على أنه ذاهب للمسجد للصلاه وقبل الأذان

[semsem_uno]

أنا بقى هحكى قصه واقعيه وحصلت معايا شخصيا
الموضوع ان جدى الله يرحمه كان راجل طيب جدا وكان عايش فى الريف وكان متعود يؤدى الصلوات فى وقتها فى الجامع القريب من البيت
بينه وبين الجامع حوالى 100 متر المهم فى يوم طلع من البيت عشان يستعد لصلاه الظهر ومشى ناحيه الجامع وعدى على بيت أخوه اللى جنب الجامع من الناحيه التانيه وسأل عليه عشان يصلو سوى قالولو داه هوا تعبان شويه ومش قادر يقوم قلهم طيب بص يمينو لقى عربيه واقفه بتنزل حد وبص شماله ملقاش حاجه جايه بدأ يعدى الشارع عشان يدخل الجامع
وفجأه عربيه من خلف العربيه الراكنه تيجى وتخبطه وتشيله على كبوت العربيه ومينزلش الا جنب الجامع (حسب روايه شهود العيان )طبعا راجل كبير ومستحملش الخبطه نفذ أمر الله فى اللحظه والتو أتجمعنا كلنا طبعا عشان ندفن جدى المهم أثناء عمل الصوان ليلا وأنا جالس أنا وأبناء أعمامى وأذ بنا نجد قطه تلعب مع أحب ابناء أعمامى المقربين الى جدى كل هذا عادى ولا يوجد به اى شئ غريب نوينا ان نقيم مطب صناعى فى هذه المنطقه حتى لا يتكرر الأمر مره أخرى وكان هذا فى حوالى الساعه الواحده ليلا وأذا بهذه القطه تقف معنا وتشاهد ما نفعله
لم نهتم بالموضوع دخل والدى أخر اليوم لينام فى غرفه جدى التى تم تكفينه فيها وهى كانت خاويه والقطه تركناها بعيدا عند الجامع فأذا بوا لدى صباحا يقول ان القطه بجواره طول الليل فيرد عمى الأخر أزاى دى كانت جنبى طبعا محدش جالو نوم من فراق والدهم ومع كل ذلك لم نهتم لاحظو وجود القطه فى غرفتين مختلفتين فى وقت واحد أخذنا هذه القطه بالسياره وذهبنا بيها بعيدا ووضعناها وأذا بنا نرجع لنجد أبى وأعمامى يقولو لنا انتم مشيتو من غير ما تخدو القطه كلنا بلمنا فى هذا الوقت وأصبح الأمر محسوم هذه القطه ظلت موجوده بالبيت لمده أربعين يوم مع كم الأذى الذى كانت تتعرض له من لعب الأطفال ومع ذلك لم تهرب منهم بالعكس كانت تتودد أليهم أكثر وفى اليوم الواحد والأربعين أختفت القطه ولا نعلم أين هى مع العلم بأنها كانت تظهر فى بيوت المقربين والمحببين الى قلب جدى الله يرحمه فى ذات الوقت
رحمه الله عليك ياجدى وأكتب لى نفس شهادته توفى وهو عازم الأتجاه للمسجد للصلاه تخيلو سيبعث على أنه ذاهب للمسجد للصلاه وقبل الأذان

ربنا يرحمه و يعينك علي فراقه :"(
و فعلا ديه بتحصل

[nab!l]

اللهم ارزقنا حسن الخاتمة

[Dr Ahmed]

مرة كنت مأجر شقة فى مطروح قبل الزحمة ، وبعدين كنا خارجين أنا والعيال وكنت آخر واحد خارج وبقفل الباب
لكن بعد ما قفلت الباب بثانية افتكرت أبص على حاجة جوه ففتحت الباب فجأة بعد ما قفلته
أول ما فتحت عينى جت على الكنبة اللى فى الصالة فشفت لعبة من اللعب اللى العيال سايبينها على الكنبة طايرة فى الهوا وأول ما فتحت نزلت تانى
أنا فهمت القصة بسرعة فابتسمت وقفلت الباب تانى
حتى العفاريت بتلعب!!!!