تحقيق شامل عن عماره رشدي (عماره العفاريت)

[SHNORY]

اخويا شنورى من غير زعل عاوز اعرف ضرورى ............ شنورى اصلها ايه ....... اصل انا بدأت اقلق .

دا لقب العيله يا باشا
محمد ... .... ... وفي الاخر الشنوري
وانا لما دورت في المعجم ساعه روقان كانت اخر حاجه وصلتلها انها جايه من شن شنه فهو شنان
يعني هجم هجمه فهو مهاجم او مقاتل
فممكن يكون معناها المقاتل او المهاجم
وجايز يكون ليها معني تاني وانا قولت دا احلي
وجايز يكون ليها معني تبع الموضوع ده علشان انا بحلم بيهم كتير
بس بكون انا اللي بجري واهم مش هما اللي بيجروا ورايا
هههههههههههههههههههه

[Lion_Heart]

وجايز يكون ليها معني تبع الموضوع ده علشان انا بحلم بيهم كتير

مهوه ده اللى انا كنت خايف منه ...... احسن بسم الله الرحمن الرحيم تكون تبعهم و لا حاجة .................. وووووووو تجر رجلينا عضو عضو للعمارة دى ........وووووووووووو قال ايه بتفرجنا على العمارة .


طبعا بهزر ... لك منى كل التقدير على الموضوع ده و على فكرة انا عشت فى الاسكندرية احلى سنتين و كنت بسمع عن العمارة دى بس ولا مرة فكرت انى اشوفها لكن فوجئت بيك جايبهالنا ...شكرا لك .

[SHNORY]

فعلا الميه السخنه بالذات يا جماعه خلو بالكم منها سواء فى الحوض او فى الحمام او حتى لاى غرض فى الشقه مترميش الميه الا لما تفتح الحنفيه علشان متبقاش اللى نازله سخنه قوى او تسمى الله الاول وتستنى شويه وبعدين ترميها براحه لان فعلا الحاجات دى عواقبها مش كويسه

كذلك منرميس حاجه ثقيله او ورقه او كيس الا لما نسمى الله , واللى يرمى سيجاره او ورقه مولعه يسمى الله

ولما نرمى أكل للقطط فى اى مكان نسمى الله

وبلاش زعيق ولا صوت عالى ولا صريخ خصوصا من الاطفال فى الحمام بدل ما يكون فى نايم منهم وتقلقه او تضايقه وحتى لو حد من برا الحمام عايز حاجه منك ضرورى ممكن ترد عليه بصوت عادى مش لازم تزعق


واظن من فتره الناس سمعت عن قصه الست اللى حبست ابنها فى الحمام وقعد يصوت كتير وفجاه سكت ولما امه فتحت باب الحمام الولد مكنش له اثر وحتى الان مش لاقيينه

ومع انى عارف ان فى ناس هتاخد الكلام ده بتريقه بس اللى مشافش وميعرفش صعب يصدق , واللى متكلمش مع جن قبل كدا صعب برده صعب قوى يصدق :oc_sun1[1]:

كان لى تجربه فى التعرف على احداهم , كان ماليزى :f_eyeb1[1]: لو حد عايز حاجه من بروتون يقول ممكن نبعت نجيبه تانى :c_laugh[1]:

القصه الاولي
كان فيه واحده زميله والدتي امها كانت بتحبس ابن بنتها في الحمام وفي الضلمه كتير
لحد ما الواد بطل يصرخ
وبقم يسمعوه بيكلم حد
ومرت الايام ومحدش شغل باله وكبر شويه ودخل المدرسه
ومره قاعدين فبيقولوله بتعرف ترسم يا فلان
قالهم اه
قالوله طيب ارسملنا راجل
راح رسم وادالهم الورقه
فلقوا انه راسم واحد شبيه بالشيطان
عنده قرنين وشعره منكوش ووشه احمر
فقالوله ايه اللي انت راسمه ده دا مش راجل
فكان رده
.
.
.
.
دا الراجل اللي بكلمه هو شكله كده
(من مصادر موثوق بيها جدااااااااااااااااااااااااااااااااااااااااااااااا)

==============================
موضوع بقي ان الجن يمس البني ادم والميه السخنه
اولا مترميش ميه سخنه ولا اعقاب سجاير في التواليت
روي راوي من زمان بعيد
ان واحده في بلد ما كانت بتعوي زي الكلب في اوقات الاذان
ولما بدئوا علاجها
طلع ان سكنها جني وامه والكلب بتاعهم وشويه تانيين وصل عددهم ل7 عفاريت في جسمها
ومع استجوابهم عن طريق الشيوخ المعالجين بالقرئان
عرفوا انها رمت عقب سيجاره في التواليت فوقعت علي الجني الصغير وشوهت وشه وبطنه
فكان انتقامهم بانهم سكنوها
====================================
الاكتئاب الشديد والعياط والاستعراض امام المرايه :
الجن دايما وعلي ما سمعت من ناس موثوق بيهم برضه
بيدخل جسم الانسان في اشد حالات ضعفه
اما لتخويفه او بدافع الحب
وبانه بيكون فاكر انه بيدعمه ويحميه
وفيه ناس كل يوم بالليل كده يدخلوا سريرهم ويقعدوا يعيطوا وبالاخص من الجنس الناعم
وبكثره العياط بتضعف النفس وبيتم المس
وفيه ناس برضه من الجنس الناعم بيحبوا يستعرضوا نفسهم امام المرايه
اللي تخنت واللي خست واللي شايفه نفسها حلوه لدرجه البارانويا وبرضه بيحصل نفس الموضوع
يعني باختصار الجن بيسكن الانسان اما للعشق او للكره والانتقام
===================================
يحكي ان كان فيه شاب بيقراء كل يوم القرآن
وكان صوته من اعذب اصوات الارض
مره واحده بقي كل ما يتكلم (يتعتع) في الكلام
كانه بيتكلم وفي بقه لبانه
بس لما بييجي يقرا قرآن
كان صوته وطريقه كلامه بتتعدل
وبرضه تم اكتشاف ان كان فيه مخلوق من مخلوقات الله
كان بيحب يسمع صوته وهو بيقرا وبيقعد مخصوص علشان يسمعه
فكان بيمسك لسانه عن اي كلام الا قرائه القرآن
==============================
دول اللي انا فاكرهم دلوقتي من ذاكرتي الضعيفه المحدوده المصابه بداء النسيان
لو افتكرت حاجه تانيه حبقي اقولكم

.

انا عشت فى الاسكندرية احلى سنتين و كنت بسمع عن العمارة دى بس ولا مرة فكرت انى اشوفها لكن فوجئت بيك جايبهالنا ...شكرا لك .

دي اسكندريه اللي عاشت احلي سنتين بوجودك فيها يا باشا
واتمني لو تزودهم يوم كمان فوق السنتين علشان اتعرف عليك
وابقي افرجك العماره

[Lion_Heart]

(من مصادر موثوق بيها جدااااااااااااااااااااااااااااااااااااااااااااااا)

مصادر موثوق بيها جداااااااااااااااااااااااااااااااااااااا ...... طبعا كلنا عرفنا المصدر و انا اتأكدت دلوقتى من ظنونى .

واتمني لو تزودهم يوم كمان فوق السنتين علشان اتعرف عليك
وابقي افرجك العماره

مش بقولك انا قلقان منك ....


ربنا يخليك و ان شاء الله ربنا يجمعنا و اشوفك على خير ........ لكن مش فى عمارة ابدا .

[jojooo]

يااااااااااا الله عرفريت دى انا بدور على واحد من زمان هو حد لاقى عفريت اليومين دور ممكن العنوان بلتفصيل
ههههههههههه

[Lion_Heart]

يااااااااااا الله عرفريت دى انا بدور على واحد من زمان هو حد لاقى عفريت اليومين دور ممكن العنوان بلتفصيل
ههههههههههه

اخويا شنورى ..... استلم اول واحد ..... ده انته و الله العظيم رزقك واسع ......

[bishoy02010]

اخويا شنورى ..... استلم اول واحد ..... ده انته و الله العظيم رزقك واسع ......

ههههههههههههههههههههه

[bmw323]

لالالالالالالا دا لازم أن شاء الله النزلة الجاية لسكندرية نتاقبل ياشنورى باشا علشان نتشرف بيك وكمان نقعد على قهوة من قهاوى أسكندرية ونقعد ندردش ونحكى عن قصص الرعب والحاجات الحلوة بس على الله متنفضتش

[جمال]

اخويا شنورى
العمارة دى جنبى و بعدى عليها كتير


اى خدمة ؟؟

[Lion_Heart]

لالالالالالالا دا لازم أن شاء الله النزلة الجاية لسكندرية نتاقبل ياشنورى باشا علشان نتشرف بيك وكمان نقعد على قهوة من قهاوى أسكندرية ونقعد ندردش ونحكى عن قصص الرعب والحاجات الحلوة بس على الله متنفضتش

اخويا شنورى ..... استلم تانى واحد ..... اللهم لا حسد ......
الليله دى شكلها مبروكة .

[misoalex]

يلالالالالالالالالالالا
دا الموضوع كبر اوى يا جماعه دانا سيبتكوا كام ساعه ارجع الاقى الموضوع كبر كده
منتسونيش بقا معاكوا لما تيجوا توزعوا عفاريت بس عاوز واحد يكون ساكن بنك كده ولا مكتب صرافه

[النوبي]

وادي كمان ليله اتضربت
يعني مفيش يوم الواحد يعرف ينام زي باقي البني ادمين
فين المواضيع الهادئه الممتعه بتاعه احمد ومني
ربنا يهديكم عليا

[MohaMed_Refaat]

بسم الله الرحمن الرحيم

منزل الاسكندرية المسكون الذى يقع فى شارع أبو قير قبل نهايتة امام محطة بنزين المنزل

ليه بس يا باشا هو انا قولت حاجه غلط
دا خبر وانا نقلته
امال لو اختك ساكنه جنب الفيلا بتاعه صاحبي المسكونه دي حتقول ايه
دا انا كنت لما بفتح الحنفيه عنده
طول ماهي بتملا منها اي حاجه الميه ساقعه
واول ما احط ايدي تحتها الميه تسخن وتولع
ومفيش سخان اصلا في البيت
تاني حاجه صاحبي كان سايب هدوم ليه في بيتهم راح لقاها في الفيلا ووراهالي
دا غير حاجات كتير كانت بتحصل واحنا نايمين هناك
وعموما يا باشا الفيلا في العجمي يعني بعيد عن السيوف
يلا روح لاختك يا راجل وزقطط كده

انا بهزر معاك يا شنورى بس لما كنت بشوف الموضوع اول مرة كنت قعد لسة مش مستعد وفجاة لقيت الموضوع قلب رعب فكرنى بفيلم the grudge بالضبط

انت مش بتقول ان الفيلا فى اخر شارع ابو قير ولا فى العجمى ؟؟؟؟
انا اللى فهمتة فى الاول انها فى اخر ش ابو قير قبل متخش دخلة السيوف يعنى تاخد ابو قير لاخرة وقبل متخش يمين ناحية السيوف حتكون العمارة موجودة .

[جمال]

شنورى اختفى يا جماعة فى ظروف غامضة بقالو يومين

اظهر يا شنورى عليك الامان

[R A N A]

جميل اوي الموضوع ده ياشنوري انا قريته كله بكل الردود
بجد عاجبني اوي ورديت فيه دلوقتي عشان يبقي في مشاركاتي وكل مايتقال يه رد جديد ادخل اشوفه بسهولة

اصلي بصراحة بحب المواضيع اللي فيها اثارة وتشويق زي دي كده
انا جدتي زمان كانت تقعد تحكيلي على حاجات من دي برده وقصص عفاريت وكده وكنت بحب اسمعها اوي بس الصراحة مش عارفة دي كانت قصص حقيقية ولا جدتي كانت بتشتغلني
وحاول تفتكر قصص تانية وتحكيهالنا بجد موضوع لذيذ اوي
تسلم ايدك ياشنوري