تحقيق شامل عن عماره رشدي (عماره العفاريت)

[نور القمر]

هههههههههههه مش مشكلة سوء تفاهم
انا قصدي اوضح بس ان حضرتك رجل
وربنا يخلي لك الامورتين سلمى ولميس

[ahmad--ezzat]

اكيد فشر موضوع الشيخ اللى قرأ القرأن دة
ايه الكرسى لوحدها تهد العماره باللى فيهاااا من شياطين

[D . a .\ AYMAN]

اكيد فشر موضوع الشيخ اللى قرأ القرأن دة
ايه الكرسى لوحدها تهد العماره باللى فيهاااا من شياطين

+1

إلا إذا كان الشيخ ده داخلها منظرة ولا حاجة أو إيمانه بربنا ضعيف

لأن أهم حاجة في الموضوع ثقتك وإيمانك بالله

[SHNORY]

+1

إلا إذا كان الشيخ ده داخلها منظرة ولا حاجة أو إيمانه بربنا ضعيف

لأن أهم حاجة في الموضوع ثقتك وإيمانك بالله

بارك الله فيك يا ايمن باشا
انت فعلا فسرتلي موضوع عرش ملكه سباء ده لاني كنت في جدال مع واحد قريب ليا فيه من فتره
وبتفسيرك فعلا عملت حد للجدال

بالنسبه لموضوع الشيوخ فالدجالين بقم اكتر من العارفين
بس الدجال بيدي لنفسه مصداقيه لانه بمعني تاني مسيح لنفسه وعامل شهره
انما اللي بيعملوا الحاجات دي لوجه الله بتكون في اضيق الحدود ومش محبين للشهره

ده صحيح تماما ياشنوري باشا

الشنوري = المقاتل

أعتقد أني قد قرأتها في عدة مواضع

بارك الله فيك
اخيرا لقيت حد عارف معني اسمي
واتاكدت اني مش بضحك علي نفسي بالمعني

[magedtiti]

انا شايف ان افضل حاجه اننا نأجر العمره دى للسفاره الاسرائيليه يمكن يكون فيها عفريت بجد ويقدرو طلعومهم من البلد خالص او يخلصو عليهم ويريحونا

[جمال]

انا اسف للاستاذ nysma ايمن سمير ( لسه شايفها دلوقتى )
للخطأ الغير مقصود
وبارك الله فيك يا استاذ ايمن سمير

انا شايف ان افضل حاجه اننا نأجر العمره دى للسفاره الاسرائيليه يمكن يكون فيها عفريت بجد ويقدرو طلعومهم من البلد خالص او يخلصو عليهم ويريحونا

من الافضل ان تستخدم كمقر للحزب الوطنى دول اللى محدش و لا الجن يعرف يطلعهم منها

[amrbakly]

اولا انا جسمي قشعر كذا مرة و انا بقرا الموضوع المنيل دة و خاصة ان ليا تجربة مهببة مع حد صاحبي في شقتة برضة كانت حاجات مهببة كدة و عمل اللي ميتعملش و جاب شيوخ و قساوسة و كان ناقص يبعت يجيب حاخامات من اسرائيل و رجال دين هندوس من الهند

المهم وصلوا لأنهم في مرة كانوا حيخلوا حد من البيت عندة يرمي نفسة من الشباك و كان في اوضة في الشقة محدش بيدخلها و كان كل ما يركبوا فيها لمض اللمض تضرب و ناس بتتكلم و تتخانق و من حسن حظي ان في مرة من المرات المهببة اللي كانوا اخواتنا شغالين في المورستان كنت عندة في البيت و اقولة يا عم دة كلام فارغ و مش عارف اية و حسيت اني خبطت في واحد فيهم و ساعات كنت بسمع صوت مفاتيح بتخبط في بعض و من يومها و انا بقيت بصدق في الحاجات دية ، قبلها كنت بقول دية تخاريف و كلام فارغ و كلام من النوع دة

بس بصراحة انا اترعبت من الموضوع، و بعدين مش عارف لية المحافظة متهدهاش و تعمل فيها اي حاجة حتي لو نافورة ولا جنينة ولا ملعب كورة ولا اي نيلة بدل الرعب دة

[احمدعبدالعزيز]

من الافضل ان تستخدم كمقر للحزب الوطنى دول اللى محدش و لا الجن يعرف يطلعهم منها

[frhateg]

لا إلاه إلا الله " قل لن يصيبنا إلا ما كتب الله لنا "

[aboezz44]

وجود الجن امر حقيقى ومن اركان الأيمان ان تؤمن بوجودهم
لكن ينبغى الا ننسى ان الله عز وجل كرم بنى ادم ومن تكريمهم لهم انهم اقوى ما وجد على الأرض
ولكن للأسف مع ضعف الأيمان يصبح الأنسان اضعف واحقر ما وجد على الأرض لأنه ابتعد عن الله فالجن يستطيع ان يؤذى (بأمر الله )الأنسان اذا كان هذا الأنسان ضعيف الأيمان وكما نعلم ان اقوى انواع الجن هم المرده وهم جمع مارد وهو اقوى من العفريت والأقوى من المارد هو الشيطان وعلى الرغم من ذلك قال النبى صلى الله عليه وسلم ان الشيطان اذا رأى عمر بن الخطاب قادم من وادى تنحى وهرب الى وادى اخر
وهذا من قوة عمر بن الخطاب والتى استمدها من يقينه وايمانه بالله
يقول الله عز وجل فى كتابه العزيز لأبليس "ان عبادى ليس لك عليهم سلطان" اى من احتمى بحمى العبادة وكان فى كنف الله حتى ابليس وهو اقواهم على الأطلاق فهو حقير امامه ضعيف لا يقدر عليه
فمن استمسك بحبل الله واستعان به فهو قوى
ومن ابتعد عن الله فهو اضعف مايكون
اسأل الله ان يردنا اليه ردا جميلا

[ابو حسين]

شكرآ على الموضوع المرعب

[ahmedsamir5edr]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[husseinodeba]

اية الموضوع الجامد دة

بسمع عنها من وانا صغير بس أول مرة اشوفها

خسارة انهم قافلين الباب كنا نعمل رحلة و نروح نزورها

و فكرتني بحكاية هبلة كدة ، وانا في ابتدائي كان قبل المدرسة بشوية كان في مبني كبير بيتبني علي الكورنيش وكان علي الطوب والسلم من غير سور .. والعيال كانو مطلعين اشاعات ان العمارة دي فيها غوريلا ، وكل يوم واحنا مروحين نطلع علي السلم نتسحب لحد ما العيال اللي سابقينا يقولو الغوريلا وينزلو جري نقوم نازلين كلنا تاني هههههه

وكل يوم كدة بقي نروح نطمن علي الغوريلا وبعدين نروح ، لحد ما العمارة اتشطبت وبقت مقر للضرائب

مش بعيد تكون عمارة رشدي بقت عمارة عفاريت بنفس الطريقة دي برضو

هههههه لحد ما العمارة اتشطبت وبقت مقر للغوريلا
ماهو فعلا الضرائب هى الغوريلا اللى بتطنططلنا اليومين دول

[missegypt2010]

حرام عليك

كنت وقفه عندها امبارح ومش اعرف انها هى دى

[SHATAvip]

في فيلم اجنبي بيتعرض دلوقتي في امريكا تقريبا محقق اعلي ايرادات بيتكلم عن الاشباح والعفاريت حاجة زي كده وبيقولوا ان ده فيلم وثائقي يعني حقيقي اخويا شافوا بيقولي ان احداثه متصورة فيديو بكاميرا يعني مش تمثيل حقيقي وابطاله ناس حقيقية وماتوا
بس انا قولتله ده هبل ومصدقتش
وبعدين فتحت المنتدي لقيت الموضوع ده وبعدين معاكوا بلاش رعب بقي
وبعدين طالما بنشغل قراءن في بيوتنا وبنقراه وبنصلي وبنذكر ربنا يبقي نخاف من ايه ربنا معانا

الكلام ده صح على فكرة والفيلم اسمه paranormal avtivity وانا شفته على فكرة ......صحيح لو حد منكم للأسف هيقرر يشوفه بلاااااااااااش الفيلم بجد مش سهل لا تقولى grudge ولا مش عارف ايه !!!!! كفاية انك بتتفرج و انت عارف انه حقيقى