تحقيق شامل عن عماره رشدي (عماره العفاريت)

[جمال]

الله يسامحك يا عم شنهورش قصدي شنوري

حلوة اوى اوى
كدة عرفنا اصل كلمة شنورى جاية منين

[Lion_Heart]

حلوة اوى اوى
كدة عرفنا اصل كلمة شنورى جاية منين

ههههههههههههه و الله و عرفوك يا شنورى .

[misoalex]

السلام عليكم
فعلا موضوع شيق وجميل وللاسف العماره موضوع الحديث فات عليها سنين واجيال من الناس يتوارثون هذه المعتقدات عنها
ولكن انا لى حكايه مع هذه العماره
لى صديق رجل اعمال بريطانى الجنسيه عراقى المولد يعمل فى مجال العقارات اتصل بى من القاهره فى يوم وقال لى هل سمعت عن عماره رشدى؟؟ ايه رايك فيها واللى بيتقال عليها؟؟
طبعا اول سؤال سالته انت عرفتها منين؟
قاللى من برنامج تليفزيونى يعرض قصتها على احدى القنوات الفضائيه
ورديت ان قصتها زى ماتم ذكره بالمشاركه ان الناس بتسكن فيها وتلاقى نفسها تانى يوم فى الشارع بس قلتله انا ليا ملاحظه غريبه ان جراج العماره مستخدم والبواب بتاع المنزل الملاصق ليه موجود وبيجرش عربيات تحت العماره ومافيش القلق ده
قاللى انا نازل اسكندريه اشوف الموضوع ده بنفسى
وفعلا اتقابلنا وحكالى انه شافها فى التليفزيون وانه عايز يشترى العماره دى واذا كان الموضوع جن وعفاريت عنده اللى يطلعهم من العماره
المهم رحنا موقع العماره انا وصديقى واول ما شفها قعد يتمتم بكلام غريب ويقرا بعض الايات وطبعا انا مندهش من اللى بيعمله المهم بعض ماخلص قرايه التعويذه بتاعته اتكلم حوالى ربع ساعه بالموبايل
وقاللى احمد انت عارف الناس مابتجيش هنا العماره دى ليه؟؟
طبعا علامه التعجب ظهرت على وجههى وقولتله ليه؟؟قول انتى بااااااااه؟؟
قاللى هنا اعوذب الله من الشيطان الرجيم مركز قياده ابليس
طبعا علامه التعجب اللى ظهرت على وجههى كبرت ورديت عليه بسخريه
يعنى ابليس كل يوم بيسرح الشياطين بتاعته على الناس من العماره دى؟؟
قاللى ايوه حاجه زى كده
قلتله طيب انا سمعت عن الناس اللى بطلع الجن لكن ماسمعتش عن واحد بيطلع ابليس من مركز قيادته؟؟
قاللى انا معايا شيخ سره باتع هو بتاع المصائب دى بس ليه شرط؟؟
قلتله ايه الشرط؟؟
قاللى انه يشاركنى فى العماره لانى هاشترى العماره بالارض واهدها وابنى برج مكانها وهو عايز يشاركنى بنسبه 70% من الارباح
طبعا انا سمعت 70% افتكرت فيلم خالتى نوسه والدجال اللى كان ضد محمد هنيدى فى الفيلم
وطبعا كان ردى انك هاتشاركه ب30 % وانت صاحب راس المال وكل شى وهو هاياخد 70% طبعا ده نصااااااااااااب
طبعا اقنعته بالموضوع وقولتله فى مثل عندنا فى مصر بيقول لو فيه الخير ماكان رماه الطير يعنى ان فى ناس من اهل البلد حاولت كتير فى العماره دى ولحد الان مازالت سر مغلق لا احد يعرف حقيقتها وانه باب مغلق لا تعرف ماذا وراءه
واقنعته ان كتير احيانا لابد من وجود ابواب مغلقه ولابد ان تكون مغلقه ولا تحاول فتحها لان الابواب دى لو اتفتحت ماتعرفشى ايه اللى وراها وانها للموعودين وليس للحسابين اى ان الباب سيفتحه شخص فى يوم من الايام ولكنه هو مكتوب له انه سيفتحهه بينما من الممكن ان تحسب لها سنين وسنين ولا تجد المفتاح

خد عندك ياسيدى وادى قصه تؤكد الكلام الى احنا بنقوله ان الكلام ده موجود والموضوع مش كذب واختراعات مصرين

[drhaytham]

بصره يا باشا انت غاوى تعرف حاجات عن المواضيع دى زى
بس انت لو عملت بحث على النت كويس عن كتاب شمس المعارف حتلاقى صفحات منه وعلى فكره منصحش حد يقرأ الصفحات دى خاااااااالص وحتى الى رافعها كاتب كده انا معرفش هى لسه موجوده ولالا لانى بقالى كام سنه مش متابع العالم الواسع ده بجد عالم فظيع وربنا يكفينا شره
وبعدين يا شنورى باشا فينك وصحيح حتعمل المقابله الجايه فى عماره رشدى

انا حابب بس انبه الى ان كتب السحر دي كلها شركيات ياريت ماحدش يقراها

[bishoy02010]

انا حابب بس انبه الى ان كتب السحر دي كلها شركيات ياريت ماحدش يقراها

يعنى إيه شركيات ؟؟؟

[نور القمر]

يعني شرك بالله سبحانه وتعالى

[solyahmed]

مكتوب على الفيس بوك وعلى لسان واحد بيقول ان الكلام ده من صاحب العماره فعلا ان هو الى عمل موضوع الجان ده علشان كان فيه شركه عايزه تأجر منه العماره كلها بس هو كان اجر شقق فيها فراح لواحد قريبه في اليمن وهو ال دله على ساحر عمله الموضوع ده بس هو اشترط على الساحر ان ده هيبقى لفتره مؤقته علشان يفضي العماره للشركه والساحر قاله انه وكل قبيله من الجان تسكن في العماره وانو الوحيد الي ممكن يفك الي عملو ده .وبيقول انه فعلا تحقق غرضه ورجع للساحر ده علشان يفك الي عملوا ده بس لقاه مات وراح لناس كتير فيه الي معرفش والي نصب عليه. وبيقول ايضاا انه بعد فتره حس بحاجات غريبه في بيته هو شخصيا وانه في احد الايام ظهره واحد شكله غريب وقاله انه زعيم القبيله الي ساكنه العماره وخيروا بين انه يتوقف انه يروح لشيوخ وناس يحاولوا يساعدوا او انهم يموتوا بس صاحب العماره رد عليه وقالوا انا حطيت كل الفلوس الي معايا في العماره وكده انا حشحت ورد عليه الراجل ده قاله انهم حيدفعولوا فلوس بس لا يهد العماره ولا يحاول يطلعهم .ده الي مكتوب على الفيس بوك....بس لو القصه ده مش صحيحه طب ليه هو طول السنين دي ماحاولش يهد العماره؟؟؟؟

[misoalex]

مكتوب على الفيس بوك وعلى لسان واحد بيقول ان الكلام ده من صاحب العماره فعلا ان هو الى عمل موضوع الجان ده علشان كان فيه شركه عايزه تأجر منه العماره كلها بس هو كان اجر شقق فيها فراح لواحد قريبه في اليمن وهو ال دله على ساحر عمله الموضوع ده بس هو اشترط على الساحر ان ده هيبقى لفتره مؤقته علشان يفضي العماره للشركه والساحر قاله انه وكل قبيله من الجان تسكن في العماره وانو الوحيد الي ممكن يفك الي عملو ده .وبيقول انه فعلا تحقق غرضه ورجع للساحر ده علشان يفك الي عملوا ده بس لقاه مات وراح لناس كتير فيه الي معرفش والي نصب عليه. وبيقول ايضاا انه بعد فتره حس بحاجات غريبه في بيته هو شخصيا وانه في احد الايام ظهره واحد شكله غريب وقاله انه زعيم القبيله الي ساكنه العماره وخيروا بين انه يتوقف انه يروح لشيوخ وناس يحاولوا يساعدوا او انهم يموتوا بس صاحب العماره رد عليه وقالوا انا حطيت كل الفلوس الي معايا في العماره وكده انا حشحت ورد عليه الراجل ده قاله انهم حيدفعولوا فلوس بس لا يهد العماره ولا يحاول يطلعهم .ده الي مكتوب على الفيس بوك....بس لو القصه ده مش صحيحه طب ليه هو طول السنين دي ماحاولش يهد العماره؟؟؟؟

بص هى القصه دى مرتبطه او تثبت كلام الاخ الى ذكر انه واحد صاحبه مقاول كان عاوز يشترى العماره دى وقعد يقرا وعرف انها مركذ كبير ليهم وانه فيه فعلا قبائل عايشه هناك
راجع الصفحات السابقه وانت تفهم كلامى اكتر

[casperinoo]

لن يسلط الله سبحانه وتعالي عالم الجن علي عالم الانس..الا الوسوسه...
يعني من الاخر مفيش جن او عفريت هيظهر لانسان او هيضره...ابليس ذات نفسه اللي هو اقوي انواع الجن هيجي يوم القيامه ويقول وما كان لي عليكم من سلطان الا ان دعوتكم فاستجبتم لي

[mada121977]

لن يسلط الله سبحانه وتعالي عالم الجن علي عالم الانس..الا الوسوسه...
يعني من الاخر مفيش جن او عفريت هيظهر لانسان او هيضره...ابليس ذات نفسه اللي هو اقوي انواع الجن هيجي يوم القيامه ويقول وما كان لي عليكم من سلطان الا ان دعوتكم فاستجبتم لي

الله عليك يا كاسبرينو
من اروع المشاركات فى هذا الموضوع :b4_388:

[D . a .\ AYMAN]

حد بقى إتفرج على فيلم stephen king's rose red الفلم ده مالوش حل نفس الوصف بتاع عمارة رشدي ده بالضبط

كلامك مظبوط يا احمد ، مع العلم ان في جن فعلا قواهم خارقة وهما المردة زي اللي في قصة سيدنا سليمان علية الصلاة والسلام اللي جابلة عرش بلقيس في لمح البصر

مع إعتذاري لحضرتك ولكن من أتى بعرش بلقيس من اليمن الى سيدنا سليمان عليه السلام ليس العفريت ولكنه على رأي جمهور المفسرين سيدنا الخضر أو آصف عليهما السلام

" ...... قَالَ يَا أَيُّهَا الْمَلَأُ أَيُّكُمْ يَأْتِينِي بِعَرْشِهَا قَبْلَ أَنْ يَأْتُونِي مُسْلِمِينَ 38

قَالَ عِفْرِيتٌ مِنَ الْجِنِّ أَنَا آتِيكَ بِهِ قَبْلَ أَنْ تَقُومَ مِنْ مَقَامِكَ ۖ وَإِنِّي عَلَيْهِ لَقَوِيٌّ أَمِينٌ 39

قَالَ الَّذِي عِنْدَهُ عِلْمٌ مِنَ الْكِتَابِ أَنَا آتِيكَ بِهِ قَبْلَ أَنْ يَرْتَدَّ إِلَيْكَ طَرْفُكَ ۚ فَلَمَّا رَآهُ مُسْتَقِرًّا عِنْدَهُ قَالَ هَٰذَا مِنْ فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ ۖ وَمَنْ شَكَرَ فَإِنَّمَا يَشْكُرُ لِنَفْسِهِ ۖ وَمَنْ كَفَرَ فَإِنَّ رَبِّي غَنِيٌّ كَرِيمٌ (40)

سورة النمل

وفي تفسير معاني القرآن

عفريت من الجن = هو القوي الشديد الرئيس من الجن

مجلس الملك سليمان كان يمتد من وقت الضحى وحتى منتصف النهار

والذي عنده علم من الكتاب = في بعض التفاسير هو آصف من الملائكة أو جبريل أغيرهما وفي الأخرى هو الخضر عليه السلام

* تفسير إبن كثير للآية 39

" قَالَ الَّذِي عِنْده عِلْم مِنْ الْكِتَاب " قَالَ اِبْن عَبَّاس وَهُوَ آصَف كَاتِب سُلَيْمَان وَكَذَا رَوَى مُحَمَّد بْن إِسْحَاق عَنْ يَزِيد بْن رُومَان أَنَّهُ آصَف بْن بَرْخِيَاء وَكَانَ صِدِّيقًا يَعْلَم الِاسْم الْأَعْظَم وَقَالَ قَتَادَة كَانَ مُؤْمِنًا مِنْ الْإِنْس وَاسْمه آصَف وَكَذَا قَالَ أَبُو صَالِح وَالضَّحَّاك وَقَتَادَة إِنَّهُ كَانَ مِنْ الْإِنْس زَادَ قَتَادَة مِنْ بَنِي إِسْرَائِيل وَقَالَ مُجَاهِد كَانَ اِسْمه أَسْطُوم قَالَ قَتَادَة فِي رِوَايَة عَنْهُ كَانَ اِسْمه بليخا وَقَالَ زُهَيْر بْن مُحَمَّد هُوَ رَجُل مِنْ الْإِنْس يُقَال لَهُ ذُو النُّور وَزَعَمَ عَبْد اللَّه بْن لَهِيعَة أَنَّهُ الْخَضِر وَهُوَ غَرِيب جِدًّا وَقَوْله " أَنَا آتِيك بِهِ قَبْل أَنْ يَرْتَدّ إِلَيْك طَرْفك " أَيْ اِرْفَعْ بَصَرك وَانْظُرْ مَدّ بَصَرك مِمَّا تَقْدِر عَلَيْهِ فَإِنَّك لَا يَكِلّ بَصَرك إِلَّا وَهُوَ حَاضِر عِنْدك وَقَالَ وَهْب اِبْن مُنَبِّه اُمْدُدْ بَصَرك فَلَا يَبْلُغ مَدَاهُ حَتَّى آتِيك بِهِ ...... "

*تفسير إبن كثير للآية 40

" قَالَ الَّذِي عِنْده عِلْم مِنْ الْكِتَاب " قَالَ اِبْن عَبَّاس وَهُوَ آصَف كَاتِب سُلَيْمَان وَكَذَا رَوَى مُحَمَّد بْن إِسْحَاق عَنْ يَزِيد بْن رُومَان أَنَّهُ آصَف بْن بَرْخِيَاء وَكَانَ صِدِّيقًا يَعْلَم الِاسْم الْأَعْظَم وَقَالَ قَتَادَة كَانَ مُؤْمِنًا مِنْ الْإِنْس وَاسْمه آصَف وَكَذَا قَالَ أَبُو صَالِح وَالضَّحَّاك وَقَتَادَة إِنَّهُ كَانَ مِنْ الْإِنْس زَادَ قَتَادَة مِنْ بَنِي إِسْرَائِيل وَقَالَ مُجَاهِد كَانَ اِسْمه أَسْطُوم قَالَ قَتَادَة فِي رِوَايَة عَنْهُ كَانَ اِسْمه بليخا وَقَالَ زُهَيْر بْن مُحَمَّد هُوَ رَجُل مِنْ الْإِنْس يُقَال لَهُ ذُو النُّور وَزَعَمَ عَبْد اللَّه بْن لَهِيعَة أَنَّهُ الْخَضِر وَهُوَ غَرِيب جِدًّا وَقَوْله " أَنَا آتِيك بِهِ قَبْل أَنْ يَرْتَدّ إِلَيْك طَرْفك " أَيْ اِرْفَعْ بَصَرك وَانْظُرْ مَدّ بَصَرك مِمَّا تَقْدِر عَلَيْهِ فَإِنَّك لَا يَكِلّ بَصَرك إِلَّا وَهُوَ حَاضِر عِنْدك وَقَالَ وَهْب اِبْن مُنَبِّه اُمْدُدْ بَصَرك فَلَا يَبْلُغ مَدَاهُ حَتَّى آتِيك بِهِ ...... "

...

دا لقب العيله يا باشا

محمد ... .... ... وفي الاخر الشنوري
وانا لما دورت في المعجم ساعه روقان كانت اخر حاجه وصلتلها انها جايه من شن شنه فهو شنان
يعني هجم هجمه فهو مهاجم او مقاتل
فممكن يكون معناها المقاتل او المهاجم
وجايز يكون ليها معني تاني وانا قولت دا احلي
وجايز يكون ليها معني تبع الموضوع ده علشان انا بحلم بيهم كتير
بس بكون انا اللي بجري واهم مش هما اللي بيجروا ورايا
هههههههههههههههههههه

ده صحيح تماما ياشنوري باشا

الشنوري = المقاتل

أعتقد أني قد قرأتها في عدة مواضع

...

لن يسلط الله سبحانه وتعالي عالم الجن علي عالم الانس..الا الوسوسه...

يعني من الاخر مفيش جن او عفريت هيظهر لانسان او هيضره...ابليس ذات نفسه اللي هو اقوي انواع الجن هيجي يوم القيامه ويقول وما كان لي عليكم من سلطان الا ان دعوتكم فاستجبتم لي

هذا الأمر خاطئ في بعضه وليس كله ... لأن الجن يمكنهم إيذاء الإنس بدنيا وعضويا بإذن الله أولا وأخيرا بالطبع ... وأسوق هنا مثالا واحدا فقط وهو السحر الذي سحر به رسول الله صلى الله عليه وسلم وكان من أسباب تنزيل سورة الفلق

*ففي تفسير إبن كثير لآية .... ( وَمِنْ شَرِّ النَّفَّاثَاتِ فِي الْعُقَدِ (4) )

" ...... وَقَالَ الْإِمَام أَحْمَد حَدَّثَنَا أَبُو مُعَاوِيَة حَدَّثَنَا الْأَعْمَش عَنْ يَزِيد بْن حِبَّان عَنْ زَيْد بْن أَرْقَم قَالَ سَحَرَ النَّبِيَّ صَلَّى اللَّه عَلَيْهِ وَسَلَّمَ رَجُلٌ مِنْ الْيَهُود فَاشْتَكَى لِذَلِكَ أَيَّامًا قَالَ فَجَاءَهُ جِبْرِيل فَقَالَ إِنَّ رَجُلًا مِنْ الْيَهُود سَحَرَك وَعَقَدَ لَك عُقَدًا فِي بِئْر كَذَا وَكَذَا فَأَرْسِلْ إِلَيْهَا مَنْ يَجِيء بِهَا فَبَعَثَ رَسُول اللَّه صَلَّى اللَّه عَلَيْهِ وَسَلَّمَ فَاسْتَخْرَجَهَا فَجَاءَهُ بِهَا فَحَلَّلَهَا قَالَ فَقَامَ رَسُول اللَّه صَلَّى اللَّه عَلَيْهِ وَسَلَّمَ كَأَنَّمَا نَشِطَ مِنْ عِقَال فَمَا ذَكَرَ ذَلِكَ لِلْيَهُودِيِّ وَلَا رَآهُ فِي وَجْهه حَتَّى مَاتَ وَرَوَاهُ النَّسَائِيّ عَنْ هَنَّاد عَنْ أَبِي مُعَاوِيَة مُحَمَّد بْن حَازِم الضَّرِير ..... "

إشتكى لذلك أياما أي مرض وضعف لفترة كبيرة وصلت للعديد من الأيام

وتفسير الآيات كبير وطويل وبه العديد من الأحاديث الشريفة إقتبست منه هذا الجزء فقط

[جمال]

ماشاء الله
بارك الله فيكى يا نسمه

[D . a .\ AYMAN]

أشكرك كثيرا وجزاكم الله خيرا ولكني ذكرا ولست أنثى

على فكرة أنا آسف جدا لأني حطيت تفسير الآية 39 خاطئ والصحيح كالتالي

" قَالَ عِفْرِيت مِنْ الْجِنّ " قَالَ مُجَاهِد أَيْ مَارِد مِنْ الْجِنّ قَالَ شُعَيْب الْجُبَّائِيّ وَكَانَ اِسْمه كوزن وَكَذَا قَالَ مُحَمَّد بْن إِسْحَاق عَنْ يَزِيد بْن رُومَان وَكَذَا قَالَ أَيْضًا وَهْب بْن مُنَبِّه قَالَ أَبُو صَالِح وَكَانَ كَأَنَّهُ جَبَل " أَنَا آتِيك بِهِ قَبْل أَنْ تَقُوم مِنْ مَقَامك " قَالَ اِبْن عَبَّاس رَضِيَ اللَّه عَنْهُ يَعْنِي قَبْل أَنْ تَقُوم مِنْ مَجْلِسك وَقَالَ مُجَاهِد مَقْعَدك وَقَالَ السُّدِّيّ وَغَيْره كَانَ يَجْلِس لِلنَّاسِ لِلْقَضَاءِ وَالْحُكُومَات وَلِلطَّعَامِ مِنْ أَوَّل النَّهَار إِلَى أَنْ تَزُول الشَّمْس " وَإِنِّي عَلَيْهِ لَقَوِيّ أَمِين " قَالَ اِبْن عَبَّاس أَيْ قَوِيّ عَلَى حَمْله أَمِين عَلَى مَا فِيهِ مِنْ الْجَوْهَر فَقَالَ سُلَيْمَان عَلَيْهِ السَّلَام أُرِيد أَعْجَل مِنْ ذَلِكَ "

وعلى فكرة كمان في حكاية نسيت أكتبها عن العمارة دي وهي "عن سمع" من بعض الزملاء إن وزارة العدل كانت قد إستأجرت دورين تقريبا في هذه العمارة لأي غرض حكومي مثل إنشاء مكتب للخبراء أو الطب الشرعي أو الشهر العقاري وبعد تجهيز المكان بالمكاتب والأدوات توجه الموظفون للمقر الجديد وفوجئوا بأن جميع الأثاث ملقى في الشارع ومحطم بل إن بعضهم قال أنه وجد الأثاث يلقى من تلقاء نفسه من النوافذ ... وكان هذا هوة السبب الذي دعا الأمن الى غلق هذه العمارة بالطوب

ولكني لا أعلم مدى صحة هذه الرواية لأنها قيلت في جو كان يملئه المرح والضحك ولم أعرها بالا في ذلك الوقت وتذكرتها هنا في هذا الموضوع

[نور القمر]

ماشاء الله
بارك الله فيكى يا نسمه

على فكرة نسمة اسم بنت استاذ ايمن سمير كاتب الرد
واعتقد المدام بتدخل بنفس النك نيم وكل واحد منهم بيوقع تحت مشاركته

[D . a .\ AYMAN]

على فكرة نسمة اسم بنت استاذ ايمن سمير كاتب الرد
واعتقد المدام بتدخل بنفس النك نيم وكل واحد منهم بيوقع تحت مشاركته

لآ لآ

الموضوع مش كده خالص هوة النك نيم بتاعي كده N.Y.S.M.A مش نسمة بالعربي هية حروف متفرقة ... إيه دا هوة كبير كده ليه أنا حتى بفكر أغيره بس للأسف هوة بتاعي من وأنا صغير عشان كده باقي عليه

المدام كمان مش تدخل كتير بس لما بتدخل بتكتب إسمها في المشاركة بتاعتها

إسم بنوتي سلمى ولميس