الى السادة اعضاء المنتدى-هـــــام

[dr-mohamed]

أنت واخد الموضوع "بتنشنه" قوي مش عارف ليه. انا مقلتش انك صغير و مناقشتش اصلا موضوع مصر و الجزائر. الموضوع عن منتدى و قوانين و احترامها. يعني مش مسألة عند و خلاص.

موضوع ان الموقع ليه مدير يقول للناس امتى تتكلم و امتى تسكت عاري تماما عن الصحه لان و ان كان كريم من ملاك المنتدى فالقرار في المواضيع الاداريه مش قراره و انما قرار مشرفين و مجلس اداره بيطبقوا قوانين يحترمها و يقدرها جميع الاعضاء (او غالبيتهم).. يعني الثوره اللي حضرتك فيها دي في غير محلها.

يا اخ احمد انت قلت انك مش فاهم كلامي رغم انه واضح جدا فانا حبيت اوضحه مش اكتر
اما القوانين فانا مخالفتهاش حتي لما كان البعض بيتكلم بطريقة مستفزة كنت بسكت او بقدم شكوي للادارة ولو عايز تشوف الاستفزاز كنت اقرا الموضوعات عن ماتش الجزاير وانت تشوف البعض بيتعمد استفزاز المصريين في عز الازمة
اما القرارات الادارية فلا اعتقد ان توقيعي مخالف ورغم كدة غيرته احترام لراي احد الاخوة الذين اعتز بهم جدا في الموقع وغيرته لتوقيع مقارب واعم

أستاذ كريم
كمبدأ أساسى ... الفكرة سديدة تماما والتعقل يحتم ذلك
ولن أدخل فى جدال أن كان كل الشعب يستحق أن يوضع بصمته فى نفس سلة الجانى أم لا
لن نجادل أن كانوا يستحقوا أن نهاجمهم أم لا لكنى أتفق أن أخذ حقنا لن يكون بالسباب
لكن عفوا أخى ماأفزعنى هو مفرداتك فى وصف التعليقات والتوقيعات والتى نوعت فيها تنوع لغوى على مفرد " القذارة " وماشابهه
ولو فرضنا أن البعض سقط لغويا فى هجومه فهل كان من اللائق أن تصفهم بنفس مفردات لغتهم؟؟؟
هكذا أصبحوا هم أفضل حالا لأنهم هاجموا وسبوا جناه أصابوا كرامتهم
أما أنت فقد أهنت أهل بلدك
أرجو أن يكون فى صدرك سعة لكلماتى التى لم تخرج عن اللائق وأن يكون فى المنتدى مساحة ديموقراطية بسيطة وليس كغيره من المنتديات العربية التى يتولاها سطويين أنخدعوا بسلطة مناصب وهمية على النت
وشكرا

حتي لو كانت تعبيرات كريم حادة ويستم منها رائح التهديد او الحط من شأن الاخرين الا ان معرفتي بكريم (وهي معرفة من خلال الموقع واقسم بالله انى لم اقابله حتي هذه اللحظة) تجعلني اجزم انه لم يقصد ذلك بالمرة

[m_o_sakr]

انا مقتنع تماماً انه لا يجب التصعيد

[Eng_Mostafa_89]

[QUOTE=cairo2005;3872151149]انا عن نفسي بعت شكوي للفيفا ضد لاجزائر رغم انى عارف انها مش هتاثر في صعودهم
انا كمان بعت للفيفا برغم انى كنت عارف انها برضة مش هتاثر
قولي انت هما استفادوا ايه لما حرقوا علمنا وشتمونا
مستفدوش حاجة طبعا وقلنا دول شوية همج
انما بصراحة مصر هنا عملت غلطة كبيرة جدا وهى ان نقابة المحامين هى اللى حرقت علم الجزائر (المفروض ان دى نقابة محترمة)
والاخ روكسر ما دام شايف ان وهران ارض الملائكة وليست ككل الارض يبقي يا ريت ينتمي لها افضل لان وطني مهما كان هو افضل البلدان وليس كمثله ارض
لعلم حضرتك والدى كان فى الجزائر وعاش اللحظات دى اللى الاعلام كبير فيها المواضيع على الفاضى ووالدى بيحب الجزائر جداا وبيحب الجزائرين وناوى يرجع تانى هناك بعد لما اجازتة تخلص
وكمان على فكرة هما هناك متخلفين بجد لدرجة ان السواق اللى شغال مع والدى كان جزائرى الجزائرين ضربوة فى جنبة بسكينة (تقريبا كانوا عايزين يموتوة) عارف اية السبب بقى انة شغال مع مصريين يعنى الناس دى متخلفة بجد
QUOTE]

[dr-mohamed]

انا مقتنع تماماً انه لا يجب التصعيد

يا اخ صقر مع احترامي لرايك
المفروض ناخد على قفانا على طول ونسكت ولا ايه ؟
يعني ايه لا يجب التصعيد ؟
الجزائريين صعدوا الموضوع لاعلى المستويات وخلاص
حاجة من اتنين
اما ان يكون هناك رد فعل على نفس المستوي او نستمر ناخد على قفانا من كل من هب ودب

[Terrible_DaRsH]

وإلا، إن كنتم تحبون هذه البلاد وتلعنون شعباً كاملاً لمجرد أن 2000 شخص من هذا الشعب أسائوا ل2000 شخص آخر من شعبنا

المفروض ان الموضوع معمول للتهدئة و لكن انا احب اقول لك حاجة , انت بتقول 2000 مواطن جزائري بس !

سيادتك مش متابع اى حاجة و مش عارف اللى حصل بالظبط .

لما يكون مؤامرة معمولة من دولة كاملة و يبعتوا بلطجية و مطاوى و دولارات و كل الشعب الجزائري فرحان و مفيش ولا مسئول واحد فى الجزائر اعتذر بعدها على طول , يبقي متقولش 2000 مواطن بس ..

على العموم القضية دى المفروض تتقفل , احنا عرفنا مصر دى ايه بالظبط و بلاش اكتر من كدا .

[Eng_Mostafa_89]

المفروض ان الموضوع معمول للتهدئة و لكن انا احب اقول لك حاجة , انت بتقول 2000 مواطن جزائري بس !

سيادتك مش متابع اى حاجة و مش عارف اللى حصل بالظبط .

لما يكون مؤامرة معمولة من دولة كاملة و يبعتوا بلطجية و مطاوى و دولارات و كل الشعب الجزائري فرحان و مفيش ولا مسئول واحد فى الجزائر اعتذر بعدها على طول , يبقي متقولش 2000 مواطن بس ..

على العموم القضية دى المفروض تتقفل , احنا عرفنا مصر دى ايه بالظبط و بلاش اكتر من كدا .

متنتظرش اعتذار منهم لان الجزائرين ثقافتهم مفهاش اعتذار وعيب جدا عندهم الاعتذار

[dr-mohamed]

مصر اغلى من اي حد ي يا تريبل درش
ويبقي احنا مش غلطانين لما بنقول انهم همج يا باشمهندس مصطفي

[the-hero]

عاش نايل موتورز ارقى واجدع ناس

[Col. Eng. Khaled]

إيه رأي حضراتكم لو تم إستبدال ما يثير حفيظة إدارة المنتدى (إحتراما لرغبة المنتدى و إدارته) بما يراه العضو مناسبا للتعبير عن وطنيته بأي

شيء جميل يرمز لمصرنا الحبيبة ؟

[M.almaghraby]

إيه رأي حضراتكم لو تم إستبدال ما يثير حفيظة إدارة المنتدى (إحتراما لرغبة المنتدى و إدارته) بما يراه العضو مناسبا للتعبير عن وطنيته بأي

شيء جميل يرمز لمصرنا الحبيبة ؟

هوا دا الكلام الصح بجد

والتعبير يكون فعلا و كلاما كمان

[Ghost2]

كلامك ممتاز يا كريم .. وفعلا الوضع اصبح ان اللي بيتشم الجزائر بيعتبر نفسه وطني واللي يشتم اكتر يبقى وطني اكتر ... خلو الناس تشوف الحاجات الحلوة الي فينا مش الشتمية وخلافة من الاساليب الاستفزازية

[mooz55]

الناس اللى زعلانه على كرامه مصر
........كرامه مصر اتعرضت لما هو افظع على يد عصابه مجرمه تعتبر نفسها دوله كانت دى اولى بالشتيمه .....مش نشتم شعب مسلم بالكامل علشان ماتش كوره.............وياريتنا فالحين فيها

[heragy]

يا جماعة -- أعتقد ان المواطن المصرى لازم يحترم جوا مصر أولا وبعد كدة نفكر ازاى يحترم برة بلدة

[ABEDSH000]

لا اله الا الله محمد رسول الله
حسبنا الله ونعم الوكيل

[عصام غنايم]

كل سنه وكل اعضاء المنتدى ومصر و المسلمين بصحه وسلامه

انا بستغل الفرصه دى علشان اشكر الجزائر شعبا وحكومه


تمام كده



(كفايه انهم عرفونا احنا بقينا فين )

وشكرا للجميع