الى السادة اعضاء المنتدى-هـــــام

[drmostafa10]

ربنا يهدي الجميع ويكفينا شرالنفوس

[tompina]

استفحل الأمر ووجد الشعب المسكين الفاسوخة المناسبة لفش غله المكبوت ..
صحيح التصرف الجزائري كان شديد الهمجية ولم نسمع من عندهم صوت واحد يدعو للتعقل ..
وصحيح انهم كانو بيتكاتروا على اخواننا المصريين اللي هم ضيوف عندهم في الجزائر زي الكلاب الضالة ..
لكن الحكاية دخل فيها مزايدات لحساب ناس تانية .. مش كده وللا إيه ؟

[A. Ibrahim]

والله فعلا الواحد مش عارف يقول ايه اما فعلا مزهول حتي الان و مش فاهم عملوا كده ليه و لكن المهم واللي انا عرفه كويس ان احنا لينا حق ولازم نخده بطريقه صح

[bnoqo]

أتاكد ياباشا أولا قبل كل حاجة

بص ياباشا الأمور مش إجبار احنا كمصريين مستهدفين من كل البلاد والحقد دائما موجود فى بلاد كتييرة وانا مش لازم أتملق حضرتك علشان اعرف اتصفح المنتدى على العموم شكرا ياباشا المنتدى موجود واحنا كمان موجودين ( مصريين ) لازم ناخد حقنا وإسأل ياباشا الحطيست وهما يردوا عليك إيه الى حصل معانا فى السودان ولما تبقى فى السودان وتشوف الى حصل يبقى تتكلم بس والله الى حصل كتيير كتير قوى فوق الوصف واحنا عايزين حقنا واحنا مش هنسكت عن حقنا ....

[tompina]

باقي كلامي

استفحل الأمر ووجد الشعب المسكين الفاسوخة المناسبة لفش غله المكبوت ..
صحيح التصرف الجزائري كان شديد الهمجية ولم نسمع من عندهم صوت واحد يدعو للتعقل ..
وصحيح انهم كانو بيتكاتروا على اخواننا المصريين اللي هم ضيوف عندهم في الجزائر زي الكلاب الضالة ..
لكن الحكاية دخل فيها مزايدات لحساب ناس تانية .. مش كده وللا إيه ؟

وبعدين يا أخ كريم ماتجيش تكويني بالنار وتقوللي إياك تقول أي !
هو أنا لما أشوف شوية شباب (تيت) بيحرقوا علمنا وتيجي بنت (تيت) بعربيتها اللانسر تدوس عليه ومش عاوزني أشتم ؟؟!!
لما ألاقي شوية جرابيع يتلموا على واحد غلبان شايل علم بلده ورايح يشجعها ويضربوه ويشرحوه بالمطاوي لمجرد إنهم كترة ، ومش عاوزني أتنرفز ؟
يا أخي الإمام علي بن أبي طالب كرم الله وجهه قال " من استغضب فلم يغضب فهو حمار "
شتايم إخوانك هنا مش سفالة منهم ولا طولة لسان .. ولا حتى مزايدة .. بس واحد دمه محروق على بلده وكرامته وشبابه وبناته .. والمنتدى ده هو نافذته المفضله للحوار ..
أنا معاك إنه لازم يكون في أدب للحوار وإن ليس كل مايعرف يقال .. وإن الشتيمة بتنزل بمستوى الفرد وعلى الأقل هاتخلينا شبه شوية رعاع في حانة ..
أنا عمري مافكرت أتخذ المنتدى نافذة لتفريغ غضبي على الجزائر وعمري ما اتكلمت في الموضوع ده هنا .. لكن الرسالة الإدارية هي اللي أجبرتني .. وأنا مش من بتوع (مشكووووور) أقول كلمة والسلام ..لا كلمتي أمانة وطالما أجبرت على الكلام فهاتكلم ..
وفي النهاية .. كل سنة وإنت طيب يا أستاذ كريم

[eslamkasem]

احنا بنتهان جوا بلدنا من اقل سلطة يعني مثلا ظابط المرور ممكن وببساطه يقولك انزل تقوله مش من حقك يقول طب انزل يا روح امك وحصلت وشوفتها قدام عيني

يا جدعان احنا بنكلم في ايه انا عشت بره مصر 18 سنه من وانا طفل لحد مخلصت ثانويه عامه مفيش واحد عربي بيحب مصر المصرين مكروهين وفي حقد عليهم من كل الوطن العربي والي يقول غير كدا يبقي مشفش بنفسه وسيبكو من المصتلحات بتاعة القوميه العربيه والوطن الام الكبير
مصر زمان كانت كبيره عشان كان معنا فلوس وكنا بنساعد دلوقت مفيش معاك لا فلوس ولا زعامه يبقي الناس هتحبك ليه وتحترمك ليه

والله مصر بتفكرني بواحد كان معاه فلوس وسلطة وبعدين كبر في السن وفجاة الفلوس راحت والسلطة راحت وبقت الناس بدل مهيا بتحبه دي بتعطف عليه وتعمله كأنه واحد مسكين ...ولك الله يا مصر

[dodo_bdr]

بسم الله الرحمن الرحيم
لكل أمه عظماءها وسفهاءها والظاهرون أمامنا فى الاعلام مقروءا ومسموعا هم من الصنف الثانى فقد جعلوا عصبيتهم وحميتهم من أجل لعبه (هزار) وتركوا حقائق فلقد أحتل العراق و وأفغانستان و تحتل فلسطين وحرق المصحف الشريف وشتموا وسبوا النبى (ص) فلم نرى كل هذه العصبية والغضب ولم نتظاهر فى كل هذه المصائب الخطيرة ولكننا تظاهرنا أمام سفارة الجزائر من أجل كرة القدم ولم نتظاهر أما سفارة الدنمارك أو أمريكا أو إسرائيل .
وفى النهايه أحب أن أشكر صاحب هذا اللفته الحضاريه

[Dr Ahmed]

على فكرة مافيش أى حدد مجبر على كتابة رد هنا وأساسا الدخول هنا لمرة واحدة بس لضمان إن كل الناس تعرف ومش عارف اللى بيقولوا انهم مجبرين على الرد أو على التملق بيقولوا كده على أ ى أساس؟ ولا عارف اللى بيقول أنه لازم يشتم علشان يعبر عن غضبه برضه على أساس إيه؟ هو الرد على الإساءة لازم بالشتيمة ماينفعش بأى حاجة تانية؟ طب معلش اللى معتقد فى كده يقول لى الشتيمة فادتنا بإيه غير المزيد من الإساءة لينا قبل غيرنا؟

[ahmedassem]

الناس أليى بتقول كل دة علشان متش :
1- واضح انهم ولا راحو السودان ولا حتى ليهم حد راح السودان لأن اليى راح بيقول ان حصل فيهم اكتر من اليى بنسمعة
2-لما يتقأل على المصريين اولاد فيفى عبدة يبقا الرد .....................

ارجو ان محدش يقول ان الموضوع تافة او كورة لأن اليى حصل فينا يخلينا فعلان

"اعلان سقوط دولة الجزائر من قلبنا "

[night_phoenix]

رائع جدا
انا معاك في كل كلمه
الانفعالات اتجهت اتجاهات غريبه ومعلش سامحوني ما دول تانيه كتير بدون اشارة لما بتشنم بتستخدم لفظ "يا مصريه ويا مصريه" ويقصد معني تاني وحضراتكم فاهمين
كفايه جري ورا الاعلام و الله وحده اعلم ناوي يوصل لفين ومين بيحركه وبيغطي علي ايه

[zkralla]

ربنا يهدى الجميع ويصلح ذات بيننا ويوحد كلمتنا ويقوينا ويوحدنا ويعزنا ويهدى شعوبنا وينصرنا على القوم الكافرين
كل عام وأنتم بخير

[besbescat]

بارك الله فيك وكل عام وجميعنا بخير

[el_wad_spiky]

حسبنا الله و نعم الوكيل ف اي واحد نيته وحشة...

[amrbakly]

انا مؤيد بصراحة لأن كم التعديات العنصرية و التعميم اللا عقلاني كان مبالغ فية بجد و فعلا كفاية لحد كدة في النهاية أي شعب فية الكويس و فية الوحش ولا يمكن قبول وقاحات من نوع وقاحة مصطفي عبدة علي سبيل المثال لأنها للأسف مسيئة لينا كمصريين اكتر ما هي مسيئة للجزائرين

في النهاية أنصح من يريد التعبير عن فخرة بمصريتة أن يضع علم مصر ولكن لا يسب الجزائرين

فحب الوطن ليس مقياسه أبدا سب الأخرين

[amrbakly]

الناس اللى زعلانه على كرامه مصر
........كرامه مصر اتعرضت لما هو افظع على يد عصابه مجرمه تعتبر نفسها دوله كانت دى اولى بالشتيمه .....مش نشتم شعب مسلم بالكامل علشان ماتش كوره.............وياريتنا فالحين فيها

بص هو انا متفق معاك في حكاية العصابة اللي كانت اولي بالشتيمة، بس مش عارف انت تقصد انهي عصابة فيهم عصابتنا ولا عصابة الجزائر

اما بقي موضوع شعب مسلم، يعني هو لو مش مسلم حلال فية الشتيمة يعني مثلا

اية يا جدعان في اية؟

هو احنا كل حاجة يا نقلبها سياسة يا نقلبها دين

النصيبة اننا اكتر شعب لا بيشارك في السياسة ولا بيتدين بجد كل المسألة عندة كلام و مظاهر في الأتنين

إهدوا بقي يا جدعان و بلاش تسيبوا نفسكم لإعلام جوبلز اللي حولنا لقطيع قاعدين نشتم و خلاص