الى السادة اعضاء المنتدى-هـــــام

[osameeez]

موافق جدا........

[Karim_Monir]

وبعدين يا أخ كريم ماتجيش تكويني بالنار وتقوللي إياك تقول أي !
هو أنا لما أشوف شوية شباب (تيت) بيحرقوا علمنا وتيجي بنت (تيت) بعربيتها اللانسر تدوس عليه ومش عاوزني أشتم ؟؟!!
لما ألاقي شوية جرابيع يتلموا على واحد غلبان شايل علم بلده ورايح يشجعها ويضربوه ويشرحوه بالمطاوي لمجرد إنهم كترة ، ومش عاوزني أتنرفز ؟
يا أخي الإمام علي بن أبي طالب كرم الله وجهه قال " من استغضب فلم يغضب فهو حمار "
شتايم إخوانك هنا مش سفالة منهم ولا طولة لسان .. ولا حتى مزايدة .. بس واحد دمه محروق على بلده وكرامته وشبابه وبناته .. والمنتدى ده هو نافذته المفضله للحوار ..
أنا معاك إنه لازم يكون في أدب للحوار وإن ليس كل مايعرف يقال .. وإن الشتيمة بتنزل بمستوى الفرد وعلى الأقل هاتخلينا شبه شوية رعاع في حانة ..
أنا عمري مافكرت أتخذ المنتدى نافذة لتفريغ غضبي على الجزائر وعمري ما اتكلمت في الموضوع ده هنا .. لكن الرسالة الإدارية هي اللي أجبرتني .. وأنا مش من بتوع (مشكووووور) أقول كلمة والسلام ..لا كلمتي أمانة وطالما أجبرت على الكلام فهاتكلم ..
وفي النهاية .. كل سنة وإنت طيب يا أستاذ كريم

احييك على رايك وعلى حميتك
ومن اخبرك اني لم اغضب انا الاخر
وانى شتمت ونزلت بمستوايا انا الاخر
لكن كفى
يجب ان نكون على مستوى جيد
فقد هدئت الغضبة ويجب ان نفكر بعقولنا لا بغضبتنا
فالرسول عندما اوصى الرجل قال له لا تغضب ثلاث مرات
وعلى فكرة الرسالة الادارية ليست لاجبارك على المشاركة
ولكن اعلامك فقط بتطبيق القوانين بصرامة من اليوم
تحياتي لحوارك العاقل

[Karim_Monir]

بص هو انا متفق معاك في حكاية العصابة اللي كانت اولي بالشتيمة، بس مش عارف انت تقصد انهي عصابة فيهم عصابتنا ولا عصابة الجزائر

اما بقي موضوع شعب مسلم، يعني هو لو مش مسلم حلال فية الشتيمة يعني مثلا

اية يا جدعان في اية؟

هو احنا كل حاجة يا نقلبها سياسة يا نقلبها دين

النصيبة اننا اكتر شعب لا بيشارك في السياسة ولا بيتدين بجد كل المسألة عندة كلام و مظاهر في الأتنين

إهدوا بقي يا جدعان و بلاش تسيبوا نفسكم لإعلام جوبلز اللي حولنا لقطيع قاعدين نشتم و خلاص

كلامك في الصميم
اشكرك بجد

[sa7aby]

اللهم إجمع شمل الأمة على الإسلام
و قنا الفتن، ما ظهر منها و ما بطن
و إجعل ثأرنا على من ظلمنا
و ألف بين قلوبنا

[Karim_Monir]

والله مفيش أحلى من الكلام المتزن . أنا لما شفت واحد في منتدي فولكس بدأ يسخن وعاش في دور المحارب أصابني الضيق وكان نفسي أرد بس كنت مشغول ولما رجعت من شغلي عشان أرد لقيت الموضوع إتشال . ده دليل إن في ناس هنا في المنتدى بتأدي شغلها صح عشان صوت العقل يغلب دايماً.


أنا إنهردة عازم جاري الجزائري عندي في البيت هو وأسرته عشان الرجل ده أنا بحبه و في وقت الشدة في الغربه هو ده اللي وقف معايا وفي بنا خير كتير اتبنى في خمس سنين .

نصيحة عشان تلقى صديق وعشان تحب أخ ليك ده بياخد سنين . وعشان تكره أخ ده بياخد دقائق . أنت مين بتحول تحب ولا تكره . أكيد اللي بيحب غير اللي بيكرة في كل شيء .

جزيل الشكر ليك يا أستاذ كريم

انت كدة عين الصح
ماخدتش ناس بذنب ناس تانية لمجرد انهم يحملون جنسية واحدة
فعلا لك مني تقديري واحترامي
وعيد سعيد عليك وعلى اسرتك وانت في الغربة

[HOSAMSAMSOON]

[frame="9 10"]
شكرا على الموضوع
وعلى المحافظة على اسلوب و رقى المنتدى فى الحوار والذى يتميز بة عن اى منتدى اخر
انا متفق مع سيادتكم فى اسلوب ظبط النفس بدون اسلوب الاستسلام
متفق مع سيادتكم فى رد الاعتبار بدون فقد الاعتبار
متفق مع سيادتكم فى رد الكرامة بدون اهانة الكرامة
قلة متعصبة لا تعبر عن شعب
قلة تمكنت من اهانة شعب
شكرا تفهم سيادتكم
[/frame]

[Karim_Monir]

شكرا لك اخي كريم على هذا الكلام الجميل ما حدث ليس لنا ذنب فيه جميعا انا من الجزائر واحب ام الدنيا والشعب المصري احب ان احييكم جميعا واتمنى لكم عيد سعيد وشكرا

شكرا لك اخي زهير فلا ذنب لك انك لم تخطئ بحق شعبي وان هناك من يحمل الجنسية الجزائرية واهان وضرب اخ مصري لي
سنأخذ حقنا ان شاء الله ولكن بالحق وان لم ناخذه في الدنيا سناخذة في الاخرة مضاعف ان شاء الله
وانا ايضا احب الجزائر كبلد وفي عملي اتعامل يوميا مع فرنسيين من اصل جزائري ولم تتاثر علاقتنا ابدا
فليس ذنبهم ان بلطجي او شخص غير سوى اساء لنا ولكم
وارجو ان تتولى تحسين صورة الجزائر في منتدانا وليكن في صدرك سعة حتى نتجاوز الازمة جميعا ونستطيع ان ننال ممن اساء لنا ولكم

[tornado732000]

كلام العقل

والله الكلام ده عين العقل وأنا بحيى العقلية اللى بتفكر بالمنظر ده وده هيخليتى أفخر فغلا أنى منتمى لهذا المنتدى المحترم جدا وأرجو التماس العذر للأعضاء اللى انفعلوا وذلك لغيرتهم على مصريتهم ويارب الروح دى تبقى هيا تاج هذا المنتدى ان شاء الله............

[SOBKY]

انا بجد و الله كنت مؤمن تمام الايمان بالقومية و بالعروبة ... و بان اي عربي هو اخ ليا ... و هنا في السعودية و الله ما بنادي اي حد من العمالة العربية غير ( يا ابن عمي ) و انا بقولها و مؤمن بيها .
بس بعد اللي حصل ده انا و الله جاتلي صدمة ... و غيرتلي مفاهيم كتيرة كنت ماشي بيها طول عمري ... و فقدت التوازن و الثقة .. و بجد مفيش امان لاي حد في الدنيا دي.
تخيلوا ان فيه نسبة كبيرة جدا من العرب اللي هنا من يمنيين و سودانيين و سعوديين و شوام بانواعهم ... مش مصدقين اللي حصل وبيقولوا انتم يا مصريين اخترعتوا كل القصة دي علشان تغطوا على موضوع الهزيمة لو حد فيكوا اتعامل مع عرب ... اي عرب مهما كانت جنسياتهم ... هايكتشف كمية حقد و كره لمصر و بالتالي للمصريين لا توصف ..( الا من رحم ربي ).
انا مش عارف ارتب افكاري بجد ... فارجوا ان لو حد مافهمش وجهة نظري في المشاركة دي .... يعذرني .
تم حذف الفقره المسيئه حفاظا علي سياده الاحترام بالمنتدي
مشرف عام 3

[javacoder]

و الله عند حق يا أستاذ كريم
الحقيقة أن فيه آراء مذهلة مخالفة تماما لما تم تناوله

فعلى المستوى الإعلامى أضع نفسى فى مكان المسئول الجزائرى الذى يشاهد الإعلام المصرى فماذا أرى؟ أرى من مصر على يد ثلاثى الإعلام الأسود أحمد شوبير و مدحت شلبى و عمرو أديب تصريحات و وعيد بالنصر و الإنتقام و التعامل القاسى مع الهمج و البربر الذين لاقيمة لهم و لا لحياتهم فهؤلاء الإعلاميين لا خبرة لهم فى السياسة الدولية و أداروا المعركة الإعلامية بشكل أرهب الجانب الجزائرى الذى نصح رعاياه بالتسلح بالسلاح الأبيض خشية البطش المصرى الذى ألمح إليه عمرو أديب قبل يومين من المباراة بأن هناك من يحمى كل المصريين فى السودان فى حالة ما فكر الجمهور الجزائرى مجرد إهانة المصريين مما دفع الجانب الجزائرى لشحن جماهير حماية للمنتخب و إنفاق مالى أمنى كبير فى الخرطوم لمحاولة تأمين الرعايا الجزائريين حتى و صلت طائرات الكوماندوز الحربى الجزائرى للتدخل فى حالة فشل الجمهور فى إنقاذ فريقة. لذلك قبل أن أطالب بمحاسبة الجمهور الجزائرى أطالب بمحاسبة الإعلام المصرى الذى تنازل عن رجاحة عقله و حكمته و أشعل حماقة الأشقاء الأصغر منا سنا بدلا من احتوائهم و تعليمهم كيفية التعامل الدولى مع أزماتهم و مع أشقائهم الكبار الذين طالما تعاونوا معا لإنقاذ الأمة الإسلامية حتى و لو على حساب كرامتهم أملا فى الإصلاح , ألا نتعلم من الدرس اللبنانى الذى احتوى حتى من حاولوا إضاعة لبنان و إسقاطها فى يد إسرائيل. و كنت أتوقع من مصر إدراك مبكر لذلك كله بإرسال المنتخب فقط دون جماهير لأداء المباراة و العودة حفاظا على مصالح الإجيال القادمة من الضياع أجيال من أبناء المسلمين و المسيحيين و العرب و الأفارقة , أجيال من البشر لا أجيال من عصابات يستضعفها الغرب و الشرق لأن أجدادهم أرادو تحقيق مكاسب سريعة على حساب ماضيهم و حاضرهم و مستقبلهم!

أما على المستوى الإقتصادى , الوضع الحقيقى المغيب عنا لأسباب معلومة , فى قناة أو تى فى فى برنامج بلدنا صرح أحمد السويدى بأن مصانعه فى الجزائر لا تلقى أى نوع من التهديدات و إذا كان هناك طرد لأحد رجال الأعمال المصريين من قبل أحد رجال الأعمال الخليجيين فعليه أن يحل مشكلته بنفسه فى الجزائر لا ان يزج بالدولة فى مشاكلة التى هو نفسه السبب فيها , لأن الأعمال الدولية لا تحل إلا بالأساليب غير المشروعة و الفساد الإدارى للدول حتى أميركا نفسها تنتهج هذا الأسلوب.

أما على المستوى الدولى عموما فإن المشكلة الأساسية نابعة من مصر لأن الجميع يشاهد إذلال و عنف المصريين تجاه أنفسهم و كيف أن القوى فينا يهدر كرامة الضعيف و ما من ناصر لهم من أهل القوة فى مصر حتى أنى أنا شخصيا أتفادى الإحتكاك فى الشارع حتى مجرد العتاب البسيط حتى لا أواجه ما لا تحمد عقباه من أبناء بلدى أخوتى و أهلى و ناسى و حتى لا أصبح فيديو كليب على الإنترنت! لذلك هان علي الآخرين المصرى متأكدين أن أحدا لن يأبه لإسترداد كرامة من لا كرامة له بين أهله!

[quietness]

فعلا بهذا الكلام والله يرتفع قدر المنتدى وأهله إلى درجة راقيه جدا
أشكر السيد المنسق العام وأحييه.
وليخسأ كل من أراد الأمة الإسلاميه بفرقة

[sss2000]

يا جماعة الناس معزورة بردة ما هيا مفيش بايديها غير الكلام تنفس بية عن غضبها ولو لقينا الي ياخد لنا حقنا بالفعل مش مجرد كلام هنهدي

[aid904]

معاك يا استاذ كريم وكل يوم الواحد بيزداد فخرة بالموقع المحترم دة ويا ريت كان الموقف دة من الاول

[engamrnour80]

استاذ كريم اولا كل سنة و انت طيب
و كل سنة و الاخوة جميعا فى المنتدى بخير
يمكن تكون ده اخر رسالة لى ف المنتدى عشان كده عطول شويه
و اللى ربنا مكتبلوش الحج يكون على عرفات السنة الجاية باذن الله

احب اقول لحضرتك انى عمرى ما شتمت على المنتدى ده و لاغيره
بس بس الغيرة على البلد مينفعش تقولها استوب
و حتى توقيعى ده قديم من اول ما اشتركت فى المنتدى و مش هغيره
تخيل انى اللى حصل ده مع اهلك مع ابوك مع امك مع ابنك
و لو اى حد من المسؤلين عن المنتدى كان فى السودان مكنش ده بقى موقفهم
و احب اسجل اعتراضى على التحذير ده مش معقول يكون كل حاجة بالغصب و بالاكراة حررام كفاية
كون الواحد مش بيقدر يعبر عن غضبه لما بيحصل حاجة جوه البلد ده لاسباب كتيرة كلنا عارفنها
ولو كانت ادارة المنتدى معترضة على كلامى فانا منتظر العقاب حتى ولو كان الطرد من المنتدى اللى دايما كنت بحبة جدا رغم مشراكتى القليلة
و سوف اعلق العقاب كوسام على صدرى لانى اتعاقبت عشان بحب مصر
فاهلا بعقابكم فى حب مصر


متطامنا مع سيد ابوحفيظة
و كل عام و انتم بخير جميعا

[tananybasha]

عداك العيب والله العظيم انا قلت كده وسعت قوى و شكلها بقى مش ظريف خالص بقينا نردح لبعض و شتايم و حاجة قلة ادب
اللى حصل مستنينله رد من اولى الأمر انما احنا دورنا خلص فى الوقت الحالى
اللى حصل مستفز و انا معاكم و انا واحد من الناس اللى كان هاين عليا اقول و اعيد فى بلاوى بس احترامى للمنتدى و كلمه شرف منى للسيد / كريم منير فى مناشدتة السابقة وقفت عن الكتابة بعصبية غير مبررة و الردود حتى بعد الموضوع اللى كان عامله هديت و انا باقول اللى حصل حصل و اللى جاى اهم
و الله ولى التوفيق
محمد الطنانى