عاوز اتجوز.............. اة عاوز اتجوز فيها حاجة ؟؟؟

[K!ShO]

للغلق
بجنزير واكبر قفل في المنتدي
وطرد العضو صاحب الموضوع
واعدامه شنقناا بالرصاص
عشان يموت محروق

[amrico]

معاك حق
ربنا يكرمك ويباركلك في حياتك
ويرزقني وشباب المسلمين الزوجه الصالحه
ولو انها بقيت عمله صعبه

الف شكر، وربنا يرزقكم جميعا، ويبارك لكل المتزوجين في زوجاتهم وازواجهم

بجد مشاركتك دى فرحتنى اوى ياريت الناس كلها متفائلة زيك كدة ربنا يكرمك وخليلك اولادك

والله انا برضه مبسوط لأني شايفك متفائل، وطالما انك داخل على الجواز وناوي استقرار، ربنا هايكرمك فيه، اما لو داخل تتجوز بنظام كاس وداير، وشر لابد منه، هاتعقد نفسك من الجواز قبل ماتتجوز حتى.
بس لو تسمحلي كلمة صغيرة في ودنك "خلص دراستك الأول"

[amrico]

أحب اضيف حاجة كمان للناس اللي مش عاجبهم زوجاتهم

في حكمة بتقول :

لا تقلل من شأن أو ذوق زوجتك، فقد اختارتك في البداية

اظن الكلام واضح اوي

[K!ShO]

أحب اضيف حاجة كمان للناس اللي مش عاجبهم زوجاتهم

في حكمة بتقول :

لا تقلل من شأن أو ذوق زوجتك، فقد اختارتك في البداية

اظن الكلام واضح اوي

مظبوط الكلام
بس اعتقد هما مش بيعيبو في الزوجات نفسهم
هما بيعيبو في الجواز نفسه ونظامه الممل بالنسابلهم

[amrico]

مظبوط الكلام
بس اعتقد هما مش بيعيبو في الزوجات نفسهم
هما بيعيبو في الجواز نفسه ونظامه الممل بالنسابلهم

اللي بيحب انسان عمره مايمل منه
وبوجه عام الى اي شخص متزوج
لازم تخلي مراتك ماتزهقش منك، ولازم برضه مراتك متخليكش تزهق منها
ايه مثلا اللي بيخلي واحد بيتفرج على كورة طول عمرة من غير مايزهق، لأنه بيحب الكورة
لو بتحب بيتك وزوجتك واولادك بدون انانية، حياتك هاتتغير تماما
والكلام في الموضوع ده ماينتهيش بصراحة

[K!ShO]

عندك حق
الموضوع ده دايماا بيبقي بسبب تقصير من طرف من الاتنين
يأما الرجل مقصر في حبه لبيته ولزوجته ولأولاده
لأما هما مقصرين في حقه وف حبهم ليه
وفعلا انت كلامك صح 100%

[amrico]

عندك حق
الموضوع ده دايماا بيبقي بسبب تقصير من طرف من الاتنين
يأما الرجل مقصر في حبه لبيته ولزوجته ولأولاده
لأما هما مقصرين في حقه وف حبهم ليه
وفعلا انت كلامك صح 100%

شكرا على المناقشة الحلوة

تحياتي

[osoliman88]

شكرا الف شكرا وبجد انت ما شاء الله
كل مشاركة والتانية اجمل واحلا ربنا يبارك فيك

شكرا لك أنت أيضا يا اسلام (مع حفظ الألقاب) على كلماتك الطيبة

كما أنه لدي المزيد عن كوارث وأخطاء الخطوبة والزواج ولو عاوز عن الطلاق، كله موجود والحمد لله الذي لا يحمد على مكروه سواه،

فلقد رأينا في الدنيا ما يكفي كتابته في مجلدات، وإن كنت أخشى أن يراه البعض تشائم، لذا سأظل اكرر أن ما أقوله هو للعلم والاستفادة وليس للتعميم والتحطيم.

ولو هناك رغبة في الاستكمال لن أتاخر في تقديم ما تعلمته وما علمته وما نلته من تجارب وخبرات مررت بها هي أشبه بالكوارث والأخطاء السازجة التي أعترف بانني المسئول الأول والأخير وإن كنت لست السبب فهناك فرق بين السبب والمسئول، والتي لا أتمنى أن يقع فيها أحد.

شكرا لك يا اسلام مرة أخري

[osoliman88]

كنت فين ؟
مع مين ؟
اتأخرت ليه امبارح ؟
بتكلم مين ؟
هترعج امتى ؟
و اناشالله بقا رايح القهوه تعمل ايه ؟ متروح على البيت !
مجتش عندنا ليه امبارح ؟
انا عاوزه اخرج !


اكمل ولا .......

صدقنى لو الموضوع لحد كده وبس
يبقى أنت تبوس ايدك وش وضهر كل يوم ، وتبقى هي دي الزوجة الصالحة في هذا الزمان، ويبقى ربنا استجاب لدعوات الحاجة وطيبات الوالد ...

الموضوع أبعد واكبر من هذا الكلام ...

وربما أعرف هنا من خلال التعليقات ، من يتكلم أو يعلق بناء على آراء نظرية وكلام أفلام ومسلسلات، ومن يتكلم من واقع خبرة وتجربة فعلية

أرجو ألا تفهم من كلامي انني اقلل من قدر أو شان كلامك الطيب والمحترم

[osoliman88]

- كأنك تصف طاولة المفاوضات قبل معاهدة فيرساي، لدي قناعة بأن الله يؤتيك ثمار عملك بقدر نواياك تجاه هذا العمل، النوايا السيئة دائما مايكون حصادها مر، اما الطيبة (وليست الساذجة) فحصادها عند الله في نهاية الأمر، سواء شُكرت عليها من البشر أم تم تقريعك، قد تقول انني اعيش يوتوبيا خاصة بي، بعيدة عن الواقع الاجتماعي المهين الذي نراه ونتعامل به يوميا.
في ظني ان طريقة الخروج المثلى من دوائر الإشكاليات الإجتماعية والانهيار الأخلاقي لمجتمعنا، هي تطبيق اليوتوبيا على ارض الواقع حتى ولو بشكل جزئي.

- تحياتي لك وسعيد بالزخم الذي تحدثه تعليقاتك وآرائك في كل الموضوعات التي تشترك بها.

وتحياتي لك أيضا، وشكرا على ثناءك على تعليقاتي ومشاركاتي

وأنت كنت أريد معرفة معنى اليوتوبيا .. للعلم فقط

[R A N A]

وتحياتي لك أيضا، وشكرا على ثناءك على تعليقاتي ومشاركاتي

وأنت كنت أريد معرفة معنى اليوتوبيا .. للعلم فقط

إسمحلي اقول لحضرتك معناها
يوتوبيا بإختصار هي المدينة الفاضلة وده المصطلح اللي اطلقه الفلاسفة على مدينة تخيلية بها كل الفضائل زي العدل والمساواة وكل الاشياء والأخلاق المثالية (واللي للأسف مبقتش موجودة في الواقع طبعاً) وتخلو هذه المدينة تماماً من كل الشرور والمساوئ وأي نقائص بشرية حيث يعيش فيها مجتمع مثالي ايضاً ودي اتكلم عنها افلاطون في كتابه الجمهورية وكمان الكاتب توماس مور هو اول من ذكرها في إحدى رواياته.
ملحوظة: انا من نسبة ال 90% من البنات اللي مطلعوش دكاترة ولا مهندسين (اللي حضرتك اتكلمت عنهم وقلت إن تعليمهم ما هو الا هدرا للطاقات والموارد الخاصة بالبلد) وحصلت فقط على ليسانس اداب انجليزي + بعض الكورسات .

تقبل تحياتي

[osoliman88]

.
ملحوظة: انا من نسبة ال 90% من البنات اللي مطلعوش دكاترة ولا مهندسين (اللي حضرتك اتكلمت عنهم وقلت إن تعليمهم ما هو الا هدرا للطاقات والموارد الخاصة بالبلد) وحصلت فقط على ليسانس اداب انجليزي + بعض الكورسات .

تقبل تحياتي

في البداية دعيني أشكر حضرتك على الشرح الوافي لمعني كلمة يوتيوبيا

بالنسبة للإعتراض الضمني من جانب حضرتك على عبارة تعليمهم ما هو الا هدرا للطاقات والموارد الخاصة بالبلد،

أحب أن اوضح لك أن هذه العبارة هي جواب شرط لفعل الشرط ، بمعني أنه لو لم تكن المرأة بعد كل هذه السنوات من التعليم حتى التعليم الجامعي وغير قادرة على تربية أو تعليم أبنها على الأقل في بعض أو كل المواد في المرحلة الإبتدائية فهو هدر للطاقات والامكانات ،

فلكي ان تتخيلي الوفر الذي يمكن أن تقدمه الزوجة المثقفة لأسرتها لو نجحت في أداء هذه المهمة ، ناهيك عن الدراسات والبحوث التي أثبتت ان الطفل الذي يبدأ أول خطوات تعلمه على يده أمه يكون أكثر حبا وتعلقا بها،

يعني الكل كسبان : أنت وزوجك واولادك.

هذا مجرد رأي ربما أن مصيبا وربما أكون مخطئا

والله وأعلم

[eng.octooo]

للغلق
بجنزير واكبر قفل في المنتدي
وطرد العضو صاحب الموضوع
واعدامه شنقناا بالرصاص
عشان يموت محروق

وهاخدك معايا ياسمسم ههههههههههه

[R A N A]

في البداية دعيني أشكر حضرتك على الشرح الوافي لمعني كلمة يوتيوبيا

بالنسبة للإعتراض الضمني من جانب حضرتك على عبارة تعليمهم ما هو الا هدرا للطاقات والموارد الخاصة بالبلد،

أحب أن اوضح لك أن هذه العبارة هي جواب شرط لفعل الشرط ، بمعني أنه لو لم تكن المرأة بعد كل هذه السنوات من التعليم حتى التعليم الجامعي وغير قادرة على تربية أو تعليم أبنها على الأقل في بعض أو كل المواد في المرحلة الإبتدائية فهو هدر للطاقات والامكانات ،

فلكي ان تتخيلي الوفر الذي يمكن أن تقدمه الزوجة المثقفة لأسرتها لو نجحت في أداء هذه المهمة ، ناهيك عن الدراسات والبحوث التي أثبتت ان الطفل الذي يبدأ أول خطوات تعلمه على يده أمه يكون أكثر حبا وتعلقا بها،

يعني الكل كسبان : أنت وزوجك واولادك.

هذا مجرد رأي ربما أن مصيبا وربما أكون مخطئا

والله وأعلم

العفو يافندم لاشكر على واجب
وطبعاً انا مع حضرتك في رأيك ان لو وصل الحال بفتاة جامعية بعد سنوات التعليم دي انها متعرفش تعلم اولادها وتربيهم كويس يبقي فعلا خسارة فيها التعليم بجد (وده برده مش عيب فيها هي لكن عيب في اسلوب التعليم اللي في البلد لإنه لو اسلوب صح المفروض كانت تسقط من اولي ابتدائي اصلا مشش تتخرج من الجامعة) وعلى فكرة ده بيتساوى فيه الولد والبنت برده لإن في شباب جامعي مبيعرفش يكتب جملة علي بعضها صح سواء عربي او انجليزي ولما يشتغل تلاقيه مش عارف يصيغ حتى جواب باللغة العربية اللي هي لغة بلده كمان مش بس درسها وشوفت الكلام ده بنفسي وكانوا مهندسين كمان وكاتبين جمل عربي غلط وانجليزي غلط والله العظيم تخيل حضرتك؟ .
لكن لو عممنا القاعدة ان طالما البنت مش هاتطلع دكتورة اومهندسة يبقي متتعلمش وتقعد في البيت احسن لإن تعليمها هدر للموارد يبقي كدة بنظلم فئة كبيرة من البنات اللي اتعلمت واستفادت من تعليمها علي جميع المستويات فلو هي فتاة لم تتزوج بعد فهي اشتغلت وثقفت نفسها واثرت معلوماتها (لإن التعليم يدوب ادالها الاساسيات بتاعتها فقط) وقد تفيد المجتمع ده بعملها وتعوضه عما اهدره من اموال لتعليم مثل هذه الفتاة وحينما تتزوج هذه الفتاة برده هاتكون قادرة على تعليم اولادها مش بس حتى المرحلة الإبتدائية لا لحد الجامعة كمان
فلك أن تتخيل ان تكون الام فتاة جامعية وحاصلة مثلا على كورسات في اللغات أوالكمبيوتر أو غيره ومطلعة على مصادر ثقافة زي قراء الكتب أو الانترنت يبقي فعلا هاتقدر تفيد اولادها وتراقبهم عن بعد وتهذب سلوكهم
غير الام اللي متعرفش لغات ولا كمبيوتر ولا فلسفة ولا منطق ولا علم نفس دي للأسف اولادها حتى مش هايتكلموا معاها في اي امور تخصهم لإنهم هايكونوا واثقين انها مش هاتفهمهم وممكن يعملوا من وراها حاجات كتير لإنهم واثقين ان امهم مثلا متعرفش تستعمل النت ولا الكمبيوتر ولا تفهم فيه (بالبلدي يعني هايعرفوا يشتغلوها صح) والمرأة الذكية هي اللي تقدر توظف تعليمها وثقافتها صح .

[evoo90]

المدينة الفاضلة وده المصطلح اللي اطلقه الفلاسفة على مدينة تخيلية بها كل الفضائل زي العدل والمساواة وكل الاشياء والأخلاق المثالية (واللي للأسف مبقتش موجودة في الواقع طبعاً) وتخلو هذه المدينة تماماً من كل الشرور والمساوئ وأي نقائص بشرية حيث يعيش فيها مجتمع مثالي ايضاً ودي اتكلم عنها افلاطون في كتابه الجمهورية وكمان الكاتب توماس مور هو اول من ذكرها في إحدى رواياته.

اتلانتس