مصرى ومش مصرى

[fighter_ss11v]

لما نصدر الغاز لإسرائيل يبقي انا مش مصري
لما نضرب نار علي طفل طالع برج ويموت عسكري مصري يبقي انا مش مصري
لما اسرائيل تموت عساكر مصريين ومنلاقيش حد يدافع عننا يبقي انا مش مصري
لما نستورد الغاز يبقي انا مش مصري
لما وزير يحط قوانين علي مزاجه ويلم اتاوه من الشعب بدون وجه حق يبقي انا مش مصري
لما وزير يسب الدين يبقي انا مش مصري
لما نسلم عزام عزام لاسرائيل يبقي انا مش مصري
لما الانتخابات تتزور والكل عارف وساكت يبقي انا مش مصري طول ما النصابين اللي بيقولوا عليهم حكومه لسه في كراسيهم يبقي انا مش مصري وميبقاليش الشرف اني ابقي مصري

انا مش مصري
انا مش مصري
انا مش مصري
انا مش مصري

كل كلامك صح


بس انت مش مصري فعلا

لان المصريين ممع كل ده غصب عن الكل
غصب عن الفلسطينيين والقطريين والسعوديين وغيرهم من العرب

غصب عن العالم كله

هيفضلو مصريين

ولكن لما البلد حالها ينصلح
مش تيجي بعد كده وتقول انك مصري

لان المصري مع بلده على الحلوة والمرة


واحنا دلوقتي على المرة

والحلوة خلاص هتقرب

الشارع بيغلي والناس قرفت



بركان وهيقرب ينفجر ولما ينفجر محدش هيعرف يوقفه


هتقولي ايام الثورة والحرب وثورة 19

هقولك دول ناس غراب وجم اخدوا بلدنا


ولكن الاسوأ
ان ابن بلدك هو اللي يخونك

كل كلامك صح

بس تعالى شوف
لما مصر بس بتعمل صفقة سلاح (هايفة وحقيرة)
اسرائيل بتعترض ازاي


لما مناورة بس من جيشنا كل سنة اسرائيل بتعلن الاستنفار وبتترعب

لما مستقبل تسويق سلاح يزدهر لمجرد استخدام مصر ليه

لما بلدك تتنهب 30 سنة وقبلها 20 سنة حروب وعدم استقرار و70 سنة احتلال و200 سنة بلى اي تقدم علمي او ادبي وقوت الناس بيتاخد غصب عنهم علشان العثمانيين ونشر الجهل والتخاريف والفقر والمرض

300 سنة بلدك بتتنهب ولسة فيها جيش قايم على حيله
300 سنة بلدك بتتنهب ولسة لاقي لقمة تاكلها
7000 سنة عمر بلدنا
اول مؤسسة عسكرية
اول امبراطورية
اول معاهدة سلام
الدولة الوحيدة اللي نظام احد حكمها 3000 سنة (النظام الفرعوني)
7000 سنة فوق وتحت تقدم وتخلف طحنتنا الحروب وطمع فينا كل اللي حوالينا

ولسة بانجازات

انا مصري لاني هبني بلدي واحررها


على فكرة كل الاعتدائات الاسرائيلية دليل على ضعفهم وعدم الرد هو افضل رد لاننا الكبار ولاننا الاقوى ولان عندنا هيبة سهل جدا نسترجعها في لحظة



شوف لما الجنروري مسك رئاسة الوزراء

قعد اد ايه


سنتنين تلات سنين
خلى مصر جنة

ووالدي ووالدتي نزلو بسبه لان الكل بيقولهم انتو بتعملو ايه في السعودية

وبعد ما مشي الصناعات بتنحل واحدة ورا التانية اخرها الدواجن اللي اتدمرت بسبب انفلونزا الطيور وبسبب خيانة حكوماتنا صناعة قعدت فوق العشر سنين من الاهمال لحد ما اتدمرت



مصر بالرغم من النهب اللي فيها

لما يمسكها حد محترم

اتفرج عليها في 3 سنين بس وبعد 10 سنين لو محصلش حاجة

هتكون عضو دائم في مجلس الامن


مصر هي الدولة الوحيدة القادرة على جر قطار الدول العربية في السلم والحرب وبعدها السعودية لما لها من مكانة دينية



وبكرة تشوف


بس مش تيجي تقول انك مصري




اما الفلسطينيين فخلي بالك اول من تنازل عنهم ابو مازن نفسه وحماس هي اللي دخلت الحرب مع ان مصر حاولت كتير تمنعها من الحرب
وايه اخره عنجهية حماس اكتر من 1000 شهيد وغيرهم مصابين

مصر مش ليها ذنب وانا مع الجدار ولو مكان حسني مبارك هوافق عليه لو تم اقتراحه عليا


مصر مش منعت مساعدات

ولكن هتمنع الفلسطينيين يخشو جوا مصر وخصوصا ان اسرائيل عاوزة توديهم سيناء

على فكرة انت عارف سعر رغيف العيش المتهرب كام (ابو شلن)
سعر جنيه ونص

وغيره واعرف ناس جابو جبنة ب5000 جنيه بس
وباعوها ب 10000 دولار
البس بقة ادي التهريب


لما مصر جمدت علاقاتها مع اسرائيل بوش جه يزحف بيبوس رجلينا يرجع العلاقات تاي


وحلال على اسرائيل الغاز لانها مش هتتمتع بيه كتير

مصر = حصن العرب الحصين
ينبوع العطاء
ارض الرجال والسلاح
مصر هي العظمة هي القوة مصر هي الكلمة المسموعة
مصر هي الحضن الدافئ لكل لائذ


مصر هي ام الدنيا
وصلاح الاخرة ان شاء الله لما يتصلح حالها

[النوبي]

لما مصر جمدت علاقاتها مع اسرائيل بوش جه يزحف بيبوس رجلينا يرجع العلاقات تاي
ولما احنا عملنا رعب لاسرائيل وبوش رجع يزحف احنا رجعنا العلاقات معاهم ليه
وحلال على اسرائيل الغاز لانها مش هتتمتع بيه كتير

ممكن توضحلي اكتر علشان انا مش فاهم(بجد مش تريقه)


نقطه صغيره بس عايز اوضحها لحضرتك لما انا مش مصري علشان مش عاجبني حالها ونفسي انها تتصلح
اللي عجباه بقي هو ده المصري
انا في رايي المصري هو اللي ممكن يضحي في سبيل بلده وقبل بلده دينه
ده رايي
وشكراً

[seqoia]

كان ممكن نفتخر زمان لكن دلوقتي بقى صعب للاسف

[نور القمر]

مصر مش لفظ يطلق على الحكومة بس
مصر شعب وارض ومباديء وقيم في دم كل مواطن
الحكومة جزء من الشعب لكن الجزء الفاسد اللي لازم يتم بتره في يوم من الايام
لو هتنسب كمصرية للحكومة يبقه انا مش مصرية
لو هتنسب كمصرية لشعب عريق اصيل يبقه انا مصرية وافتخر

[النوبي]

مصر مش لفظ يطلق على الحكومة بس
مصر شعب وارض ومباديء وقيم في دم كل مواطن
الحكومة جزء من الشعب لكن الجزء الفاسد اللي لازم يتم بتره في يوم من الايام
لو هتنسب كمصرية للحكومة يبقه انا مش مصرية
لو هتنسب كمصرية لشعب عريق اصيل يبقه انا مصرية وافتخر

انا معاكي يانور بس المشكله محدش من الشعب بيتكلم امتي هنتكلم امتي صوتنا هيطلع حراااااااااااااااااام كفااااااااايه انا اتخنقت

تنبيه وتذكير لجميع الأعضاء بعدم شخصنة الحوار وتجنب إهانة أى شعب كان وعدم إستخدام كلمات حادة أو خارجة ، سيتم التعامل مع هذه المشاركات بكل حزم
إدارة المنتدى

[نور القمر]

احنا اخرنا شوية هتافات على صفحات النت او بين اصدقائنا ومعارفنا نطلع بيها غلنا

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

[Eng.Sameh]

لازم نتجمع ونكون صوت واحد ويد واحدة عشان نقدر نرجع بلدنا تاني زي الاول ونبتر الفساد اللي فيها ، لأن الفساد عمره ما هيتبتر لوحده او يصعب عليه حالنا لأن اصلا دي ناس ضميرها مات ،

لو عاوزين تغيروا الفساد لازم نكون يد واحده ونمحي الفساد بادينا ،

لو مكانش حصل انقلاب ايام الملكية تفتكروا كنا هنكون جمهورية ، ولا كنا هنفضل لحد دلوقتي زي ما احنا ،
وصدق الشاعر حين قال ..

وما نيل المطالب بالتمني .. ولكن تؤخذ الدنيا غلابَ

[ams]

أنا مصرى....

[I.S.L.A.M]

الى العضو صاحب الموضوع لو حضرتك مش عجباك البلد ومش فخور بمصريتك وبدل ما تقول انا مش مصرى ممكن تروح تقعد فى السودان واكيد تقدر تعمل كده اجر اى مركب واقعد فى الخرطوم هتلاقى ناس هناك زى الفل هيرحبو بيك وكمان حضرتك نوبى يعنى مش هتكلفك الرحلة اى حاجة واكيد هيبقى ليك قارئب فى اسوان يعرفو يخرجوك سلاكاوى وممكن تاخد اسرتك الكريمة وتهاجر هناك شوفت بقى انا حليتلك الموضوع ازاى ولا تزعل نفسك خالص وسيبنا احنا نقعد هنا فى البلد بحلوها بمورها وياريت بالش تحط مشاركات كنت حاطتها فى موضوع قبل كده وكنت قلت لحضرتك ونبى بلاش تجيب الاخبار من تقارير وصحف فلسطنية يعنى مش عجباك كل التقارير المصرية ومسكت فى خبر الفلسطنين الى هم قتلو الجندى !! وقلت قبل كده بلاش نقعد نوضع فى افتراضات او ندافع ونهاجم من غير دليل اسال اىفرد قاهد فى رفح او شغو هناك وهيقولك ايه الى بيحصل بالضبط .وفى النهاية انا مصرررررررررررررى وافتخر.

[barakat_1986]

الى العضو صاحب الموضوع لو حضرتك مش عجباك البلد ومش فخور بمصريتك وبدل ما تقول انا مش مصرى ممكن تروح تقعد فى السودان واكيد تقدر تعمل كده اجر اى مركب واقعد فى الخرطوم هتلاقى ناس هناك زى الفل هيرحبو بيك وكمان حضرتك نوبى يعنى مش هتكلفك الرحلة اى حاجة واكيد هيبقى ليك قارئب فى اسوان يعرفو يخرجوك سلاكاوى وممكن تاخد اسرتك الكريمة وتهاجر هناك شوفت بقى انا حليتلك الموضوع ازاى ولا تزعل نفسك خالص وسيبنا احنا نقعد هنا فى البلد بحلوها بمورها وياريت بالش تحط مشاركات كنت حاطتها فى موضوع قبل كده وكنت قلت لحضرتك ونبى بلاش تجيب الاخبار من تقارير وصحف فلسطنية يعنى مش عجباك كل التقارير المصرية ومسكت فى خبر الفلسطنين الى هم قتلو الجندى !! وقلت قبل كده بلاش نقعد نوضع فى افتراضات او ندافع ونهاجم من غير دليل اسال اىفرد قاهد فى رفح او شغو هناك وهيقولك ايه الى بيحصل بالضبط .وفى النهاية انا مصرررررررررررررى وافتخر.

انا معا اسلام مليون فى المية واحب اقول ان الحكومة مش هى مصر ولا مصر هى الحكومة ،/ كمان عاوز اقول ان اللى مش عاجبة مصر يمشى ويسبها احسن ويريحنا ويروح يشتغل برة عند العرب وغيرهم زى العبيد علشان الريال والدينار.........

[samcar]

يا سيدي بلاش تصدق الفلسطينيين وبلاش نسامح في دم العسكري المسكين (اللي كان ممكن بكل بساطه اني اكون مكانه) بس ليه نسامح في دم اخواتنا اللي اسرائيل قتلتهم عن عمد
بلاش طيب ليه احنا بنبني جدار المفروض انه كان بيتهرب من خلاله سلاح للمقاومه واكل وشرب للمدنيين واللي عايز يقول انه كان فيه تجاره مخدرات والكلام الفاضي ده اقوله المخدرات موجوده وبتتزرع في مصر من الاول مش محتاجين حج واهيه وكلام مايبلش الريق لما يضربوا نار علي طفل 13 سنه انا اسف اسف اسف
فيييييينك ياحكومه
فييينك ياحكومه يلي اكلتينا ورمتينا وعرتينا وذلتينا وخلتينا منسواش الارض اللي بنمشي عليها

[mazharsafwat]

http://www.elbaradei2011.com/test/:S_thum1[1]:

[toyota_the_best]

احنا اخرنا شوية هتافات على صفحات النت او بين اصدقائنا ومعارفنا نطلع بيها غلنا

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

+11111111111111 كلام سليم شوفو لو كله اتقلب ايه اللي هيحصل

[TOOLA]

موضوع غريب و ملهوش أى معنى, أنتا تنتقض أفعال أو حكومة, لكن تقول انتا مش مصرى و ميشرفكش تكون. يبقى أحب أقولك انتى فى منتدى مصرى وكل اعضائه مصريين, و بالتالى ممكن حضرتك تنسحب بعضويتك من المنتدى المصرى الأعضائه برغم كل البيقابلوه فى البلد بردو بيعتزو بمصريتهم, و بلاش دخول فى تفاصيل سياسية و خصوصا فلسطينية (عشان الباع أرضه و بعدين باع السادات وقال عليه خاين و رجعوا بعد 20 سنة يحاولو يعملوا نص العملوا و فشلو طبعا), و فى الأخر ملقوش حد يقتلوا فيه راحوا مقتلين نفسهم و فى أقرب ايد بتتقدملهم.
و لو انتا سياسى بارع كده فهو لا يخفى على أحد ان موضوع حماس ما هو الا لعبة سياسية قذرة فى ايد طهران و حزب الله مهمتهم الأساسية اثارة المشاكل و بقاء الوضع على ما هو عليه.

يعنى مش عارف انتا كنت بتفكر فى ايه لما كتبت الموضوع ده, ناس ملهاش غير التخريب و التسويس كفاية أحداث نجع حمادى البردو عملوها شوية خونة

[seqoia]

انا مش مصري لو تقصد حكومي
انا مش مصري لو تقصد الجزء المتخاذل من الشعب
انا مش مصري لو تقصد الاعلام المصري

في المقابل

انا مصري لو تقصد الناس الشريفة
انا مصري لو تقصد شهداء من 48_73
انا مصري لو تقصد الناس الي بتضحي بوقتها وجهدها عشان بذل الخير