سؤال الى النساء :هل تبيعين ذهبك لسد ديون زوجك

[tahayt]

انا عاوز اسأل الأخوات اللى معانا هنا لو جوزك مديون فى فترة ما و انت معاكى دهب يسد ديونة هل تبيعى الدهب لسد ديونة
و بالنسبة للرجالة اية شعورك لو كنت فى حاجة ماسة الى المال و مراتك معاها دهب كتير(و انت اللى جايب معظمة) و عارفة الحالة اللى انت فيها و ما عرضتش عليك انك تاخدة تبيعة ربما خوفا من زعل امها
انا اتعرضت للموقف دة كنت مديون لدرجة البكاء و مراتى معاها دهب يفك ازمتى و زيادة
انا لم اطلبة منها و معاملتى ليها ماتغيرتش نهائى لانى مقطنع انها مش ملزمة تعمل كدة
دلوقتى الحمد لله كل حاجة اتحلت بس كل اما افتكر الموقف دة اشعر بمرارة فظيعة
هو انا ياجماعة كدة بأتدلع و لا اية

[nabaster]

بص

انا عايز ارد وفي نفس الوقت مش عايز ارد

لاني لو اتكلمت في احتمال انا مراتك ترجع بيت اهلها متطلقه (بعد الشر يعني)

فخليني ساكت احسن

A.Yakout

[factorialx]

معاها دهب كتير(و انت اللى جايب معظمة)

لو دهب من أهلها مقدرش أكلمها فيه خالص لأن ده حقها

بس لو أنا اللي شاريه ده بقى لو هي ما رضيتش يبقى غصبن عنها ابيعه

[nabaster]

لو دهب من أهلها مقدرش أكلمها فيه خالص لأن ده حقها

بس لو أنا اللي شاريه ده بقى لو هي ما رضيتش يبقى غصبن عنها ابيعه

صعب حوار غصب عنها ده

لان لو مفيش مروؤه من نفسها يبقي عليه العوض في دي زوجه ومش هتستفاد حاجه من الخناق وقلة القيمه

انتا واخد بالك يعني ايه مراتك؟؟؟

وواخد بالك انها هتتخانق معاك علي حاجه تقريبا ملكك؟؟؟؟

انتا متخيل الموقف؟؟

اصراحه انا مش قادر اتخيله

A.Yakout

[megaman]

انا مقتنع تماماان ذهب الزوجه ملك خالص لها سواء انا اللى شاريه او اهلها لها مطلق الحريه لمساعدتى من عدمه وليس لى ان اجبرها او حتى اطلب منها لوهى حست انها عايزه تساعد خير غير كده لا انا مثلا لما جيت اغير عربيتى زوجتى عرضت علي انها تدينى دهبها كله ما عدا القليل فى مقابل انى اجيب سياره اعلى ولما اقدر اعوضها عن اللى باعته اكيد مش حاتاخر

[nabaster]

انا مقتنع تماماان ذهب الزوجه ملك خالص لها سواء انا اللى شاريه او اهلها لها مطلق الحريه لمساعدتى من عدمه وليس لى ان اجبرها او حتى اطلب منها لوهى حست انها عايزه تساعد خير غير كده لا انا مثلا لما جيت اغير عربيتى زوجتى عرضت علي انها تدينى دهبها كله ما عدا القليل فى مقابل انى اجيب سياره اعلى ولما اقدر اعوضها عن اللى باعته اكيد مش حاتاخر

كلامك صح وعين العقل

بس صاحب الموضوع بيتكلم علي احساسك جواك

لما يكون اقرب الاقربين ليك مش حاسس بيك (عارف الي انتا فيه ومطنش وعامل عبيط)

سيبك انتا الاصيله اصيله ولو هتعيش انتا وهيا في عشة فراخ

A.Yakout

[member]

طالما أنت ما عرضتش عليها أنك تاخده، وهي ما رفضتش يبقى ما تظلمهاش
ثانيا طالما كل حاجة اتحلت يبقى الحمد لله معناه انك فكيت ضيقتك من غير ما تحتاج الذهب

ممكن تسألها

[A.Saad]

الصديق وقت الضيق
فما بالك بشريك الحياة
الذى المفروض يقف معك

tahayt

ما تفكرش فى اللى فات
لكن امن نفسك
بفلوسك انت يعنى تخلى جزء على جنب ليك

عارفين
انا ساعات بكون مبسوط انى لم اتزوج

[Ellawai]

انا مارضاهاش ان مراتي تبيع دهبها .. لما مراتي تبيع دهبها ده معناه ان انا فشلت في تاديه مهامي كرب لعيلتي.

[MTAK]

طبعا انا ملاحظ ان معظم اللى ردوا على الموضوع
لم يدخلوا القفص بعد "يا بختكم :) " لذا فالردود ممكن تكون مثاليه شوية
الموضوع ليه ابعاد مختلفه

اولا مع كامل احترامى لصاحب الموضوع و كمان تصديقه الكامل و لكن
لم نسمع الا وجهة نظر جانب واحد
بعد اذن صاحب الموضوع هاتكلم فى المطلق و ليس على حالتك و اى تشابه بين ما اقول و بين حالتك هو من قبيل المصادفه :)

الراجل و مراته هما شخص واحد
يعنى ما موجود مع الزوجه حتى لو كان يخصها "مال خاص بعيد عن الزوج" هو لها و لزوجها بعد رضاها طبعا و فى الحكاية دى هناك شخصيات مختلفه
ممكن تكون مديون مثل حالة صديقنا لدرجة البكاء و لكنك لم تطلب منها و استحت ان تعرض عليك لانه ممكن يكون جرح لكرامتك و تكون غير مقدرة لأى مدى هى ازمتك
شخصيات كتير كده حتى لو كانت الزوجه
--
ممكن نقطة تانيه خالص
تكون الزوجه مش مصدقه زوجها لظروف مشابهه سابقه
او سبب الدين كان لشئ يغضبها ففى تلك الحالة ممكن تكون خايفه تديك الفلوس تضيعها فى الفاضى.
لا اعتقد ان زوجه و زوجها فى حالة طيبه مع بعض و يحدث هذا
لان اى عاقله تعرف ان ما يؤثر على زوجها بالتبعية سوف يؤثر عليها و على بيتها
الا لو كانت ...... و على الاصل دور
----------------
نصيحه شخصية لصاحب الموضوع
الحمد لله ان الدنيا استقرت و الهم راح
من الافضل حتى لا تشعر بالمرارة من هذا الموقف و يترك جرح فى نفسيتك من ناحية زوجتك
انك تجلس معها جلسة صراحه و تصارحها باللى كان "و لا تقول انها كانت عارفه كل حاجه" برضه استعرضوا الموضوع بهدوء و كل واحد يعرض وجهة نظرة
و ربنا يزيل ما علق و يبعد الشيطان عن النفس

[tahayt]

شكرا يا جماعة على المشاركة
على فكرة انا اللى صبرنى شوية انى عارف غالبا انها كانت مستعدة تدهولى بس خافت من زعل امها و دى مصيبة بردة لكن اخف عندى من انها تكون بخلت بية عليا و بردة انا فاكرلها مواقف كتير كويسة
و على فكرة انا غالبا ماكونتش هارضى ابيعة بس انا كنت بس نفسى هى اللى تعرضة
بس بردة احب ااقول ان في بس شخص واحد لا يمكن يتخلى عنك....امك

[Hossam_Hassan]

انا باشوف المعادلة بطريقة مختلفة

لو انت هتفكر مرتين علشان تبيع (روحك) علشان تفك كربها، يبقى من حقها انها تفكر مرتين قبل ما تبيع شوية (معدن)

الحمد لله الحمد لله ربنا كرمنى بانسانة بتعرف تفرق بين قيمة الدهب و قيمة الانسان، و اول مرة بعنا دهب كانت اغلب شبكتها و بعد جوازنا بشهرين لسداد ديون عليا و مكانتش اخر مرة و علشان كده ربنا بيكرمنى علشانها و علشان قناعتها و رضاها و بعوضها باكتر منه، بس مهما كتر هى بتعتبره فلوس على جنب لزوم الطوارىء.

الحمد لله
الحمد لله
الحمد لله

[nabaster]

طبعا انا ملاحظ ان معظم اللى ردوا على الموضوع
لم يدخلوا القفص بعد "يا بختكم :) " لذا فالردود ممكن تكون مثاليه شوية
الموضوع ليه ابعاد مختلفه

اولا مع كامل احترامى لصاحب الموضوع و كمان تصديقه الكامل و لكن
لم نسمع الا وجهة نظر جانب واحد
بعد اذن صاحب الموضوع هاتكلم فى المطلق و ليس على حالتك و اى تشابه بين ما اقول و بين حالتك هو من قبيل المصادفه :)

الراجل و مراته هما شخص واحد
يعنى ما موجود مع الزوجه حتى لو كان يخصها "مال خاص بعيد عن الزوج" هو لها و لزوجها بعد رضاها طبعا و فى الحكاية دى هناك شخصيات مختلفه
ممكن تكون مديون مثل حالة صديقنا لدرجة البكاء و لكنك لم تطلب منها و استحت ان تعرض عليك لانه ممكن يكون جرح لكرامتك و تكون غير مقدرة لأى مدى هى ازمتك
شخصيات كتير كده حتى لو كانت الزوجه
--
ممكن نقطة تانيه خالص
تكون الزوجه مش مصدقه زوجها لظروف مشابهه سابقه
او سبب الدين كان لشئ يغضبها ففى تلك الحالة ممكن تكون خايفه تديك الفلوس تضيعها فى الفاضى.
لا اعتقد ان زوجه و زوجها فى حالة طيبه مع بعض و يحدث هذا
لان اى عاقله تعرف ان ما يؤثر على زوجها بالتبعية سوف يؤثر عليها و على بيتها
الا لو كانت ...... و على الاصل دور
----------------
نصيحه شخصية لصاحب الموضوع
الحمد لله ان الدنيا استقرت و الهم راح
من الافضل حتى لا تشعر بالمرارة من هذا الموقف و يترك جرح فى نفسيتك من ناحية زوجتك
انك تجلس معها جلسة صراحه و تصارحها باللى كان "و لا تقول انها كانت عارفه كل حاجه" برضه استعرضوا الموضوع بهدوء و كل واحد يعرض وجهة نظرة
و ربنا يزيل ما علق و يبعد الشيطان عن النفس

قلت الي كان نفسي اقوله من اول الموضوع

بس ازيد علي كلامك بمثال شوفته قدامي وحضرته ومش لاقيله تفسير لحد دلوقت

واحد جاري كان اخد ارض وكان لازم يبني الارض دي في مدة 15 يوم ولو عواميد بس كده والا الارض دي هتتاخد منه ومش هيعرف يحط فيها قشايه بعد كده

طبعا ميل علي اخواته وميل علي معارفه وقدر يعمل مبلغ وكان ناقصه 15 الف جنيه

بص لمراته ومراته ابداااااااااااااااااااااااااا

الي يضحك في الموضوع ان الارض دي اصلا باسم مراته

وهيا راسها والف جزمه قديمه متبعش جرام واحد من دهبها

كانت النتيجه ليها دلوقت سنتين في بيت ابوها

ايه بقي رايك في الحريم دي

مش بزمتك الصنف ده يستاهل الحرق؟؟؟؟

طيب سيبك من دي

ايه رايك في الي هيا وجوزها قاسمين كل حاجه (الاتنين بيشتغلوا ومرتبهم تقريبا واحد)

تخيل حتي الاكل والشرب قاسمينه وكل واحد بيجيب اكله لنفسه

والي ضايع في الليله دي العيال

انا مش عارف طيب ايه الي جابرهم علي العيشه دي

وهيا دي عيشه اصلا

انا لما سمعت الموضوع ده كان ردي واحد بس

يعني هما كويسين مع بعض في اوضة نومهم بس؟؟؟؟؟

وزي ما في الوحش في الكويس

زي الي تاني يوم دخلتها(بس دول متجوزيين من 10 سنين وكان حالهم علي قدهم اوي اوي قبل ما يتجوزوا) باعت جزء من دهبها واشترت تليفزيون للشقه

(الاصيل اصيل برضه)

يووووووووووووووووه الامثله كتير

بس فعلا انا شوفت بلاوي وامثله بقيت محتار قدامها ومش لاقي اجابه

المعظم هيستغرب انا عارف ده كله منين مع ان دي اسرار صعب تكون معروفه كده

بس ده لان والدي يعتبر كبير العيله فدايما بيبقي الحكم في قعدات كتير وكنت بروح معاه قعدات زي دي

ربنا يرحمنا ويرزقنا ببنت الحلال الي تعرف تتقي ربنا

وبكرر الجمله الي فوق

علي الاصل دور

A.Yakout

[ahmedkoko]

طبعا انا ملاحظ ان معظم اللى ردوا على الموضوع
لم يدخلوا القفص بعد "يا بختكم :) " لذا فالردود ممكن تكون مثاليه شوية
الموضوع ليه ابعاد مختلفه

اولا مع كامل احترامى لصاحب الموضوع و كمان تصديقه الكامل و لكن
لم نسمع الا وجهة نظر جانب واحد
بعد اذن صاحب الموضوع هاتكلم فى المطلق و ليس على حالتك و اى تشابه بين ما اقول و بين حالتك هو من قبيل المصادفه :)

الراجل و مراته هما شخص واحد
يعنى ما موجود مع الزوجه حتى لو كان يخصها "مال خاص بعيد عن الزوج" هو لها و لزوجها بعد رضاها طبعا و فى الحكاية دى هناك شخصيات مختلفه
ممكن تكون مديون مثل حالة صديقنا لدرجة البكاء و لكنك لم تطلب منها و استحت ان تعرض عليك لانه ممكن يكون جرح لكرامتك و تكون غير مقدرة لأى مدى هى ازمتك
شخصيات كتير كده حتى لو كانت الزوجه
--
ممكن نقطة تانيه خالص
تكون الزوجه مش مصدقه زوجها لظروف مشابهه سابقه
او سبب الدين كان لشئ يغضبها ففى تلك الحالة ممكن تكون خايفه تديك الفلوس تضيعها فى الفاضى.
لا اعتقد ان زوجه و زوجها فى حالة طيبه مع بعض و يحدث هذا
لان اى عاقله تعرف ان ما يؤثر على زوجها بالتبعية سوف يؤثر عليها و على بيتها
الا لو كانت ...... و على الاصل دور
----------------
نصيحه شخصية لصاحب الموضوع
الحمد لله ان الدنيا استقرت و الهم راح
من الافضل حتى لا تشعر بالمرارة من هذا الموقف و يترك جرح فى نفسيتك من ناحية زوجتك
انك تجلس معها جلسة صراحه و تصارحها باللى كان "و لا تقول انها كانت عارفه كل حاجه" برضه استعرضوا الموضوع بهدوء و كل واحد يعرض وجهة نظرة
و ربنا يزيل ما علق و يبعد الشيطان عن النفس

+111111111111111111111111111111111

[Ellawai]

شكرا يا جماعة على المشاركة
على فكرة انا اللى صبرنى شوية انى عارف غالبا انها كانت مستعدة تدهولى بس خافت من زعل امها و دى مصيبة بردة لكن اخف عندى من انها تكون بخلت بية عليا و بردة انا فاكرلها مواقف كتير كويسة
و على فكرة انا غالبا ماكونتش هارضى ابيعة بس انا كنت بس نفسى هى اللى تعرضة
بس بردة احب ااقول ان في بس شخص واحد لا يمكن يتخلى عنك....امك

في حالات الدين للغريب بقي دي بتبقي ليها ابعاد اخري .. احنا اتعرضنا شحصياً لمواقف زي دي كتيره .. بيبقي حلها عندنا حاجه من الحلول دي:
لو دين عند ناس عاديه : بناجل ميعاد تسديد الدين لحين فك الازمه
لو دين عند الشركات : بيع الدين لداخل العيله .. بمعني .. احد الاقارب يسدد الدين و يتفك بالتراضي لما ربنا يسهلها
في حالات الازمه الشديده : بتبداء بتصفيه املاكك و اموالك لسداد الدين .. في الحالات دي بتبقي بيع اللي مش مختاجه , و اللي تقدر تستغني عنه في الوقت الحالي ..لكن مبداء بيع الذهبات برضه مش موجود. (ابيع عربيتي و مابعش ذهب المدام "المستقبليه")
في ابعد الاختمالات بقي بنسدد الدين بقرض اذا كان فيه دخل مستمر نقدر نعتمد عليه

الشعب المصري كله في ديون مستمره و بيعمل بمبداء "يلبس طاقيه ده لده " .. ربنا يستر علينا جميعاً