حد يعرف المطعم ابو 6 طن أكل فاسد دا؟

[ghazy12]

حد يا رجاله يفهمنا ده مطعم ايه, علشان الواحد بسبب ظروف شغله بياكل من بره كتيير...

زي.. ماكدونالدز, هاردييز, كوك دور, بيتزا هت (دول أكتر حاجه)... كنت باكل احياناً من مؤمن زمان بس بطلت تماماً

كل دول بيقدموا وجبات فيها سمك... ده غير اصحابنا و اخواتنا اللي بياكلوا بردو من بره...

يا ريت حد يعرف هو مطعم ايه و هل الخبر صحيح 100% و لا مجرد اشاعات؟؟؟

[mr_sameh]

انا بقي لايمكن اكل عند مؤمن ده

[Casio2000]

أخيرا حد رد عليا من مباحث التموين

بيقولولي المطعم هو التكيه

[أبو إياد]

ياجماعه ده مافيش حد بيعمل ماجنم غير مؤمن

[أبو إياد]

التكيه اللى فى الحجاز
لوووووووووووووووووول

[نور القمر]

مطلعش مؤمن بس مؤمن ساندوتشاته استغفر الله العظيم

[icehearted girl]

اللي في شارع الثورة المخزن وليس المطعم

اهم حاجة ميكنش بتاع السمين ولو ان دا مخزونه كله علي بعضه ميكملش

1ونص كيلو مش طن

[human]

أخيرا حد رد عليا من مباحث التموين

بيقولولي المطعم هو التكيه

ازاى يعنى التكيه ؟!!

ده اخره تلاجه بيبسى يحط فيه الخزين

[Dr_Smart]

ده اكيد مادفعش المصلحه الشهريه وزعل البهوات منه ربنا معاه لو مظلوم وياخده لو ظالم

[anaskhal]

و الله يا جماعة الاحسن لينا كلنا نستحمل شوية وناكل فى بيوتنا والناس اللى اغلب وقتها بره البيت تاخد معاها سندوتشات انشالله جبنة لحد ما ترجع بالسلامة البيت و ربنا يسلمها معانا كلنا احسن دى حاجة توجع القلب هى ناقصة.

[نور القمر]

ده اكيد مادفعش المصلحه الشهريه وزعل البهوات منه ربنا معاه لو مظلوم وياخده لو ظالم

لسه كنت بقول اكيد مدفعش الاتاوة

[Casio2000]

انا بدأت أشك في اللي رد عليا يكون بيفتي ولا حاجه بس كان واثق أوي و بيرد بتلقائيه - بكره حانعمل اتصال تاني نحاول نأكد المعلومه ان شاء الله

[مصراوي جدا]

و الله يا جماعة الاحسن لينا كلنا نستحمل شوية وناكل فى بيوتنا والناس اللى اغلب وقتها بره البيت تاخد معاها سندوتشات انشالله جبنة لحد ما ترجع بالسلامة البيت و ربنا يسلمها معانا كلنا احسن دى حاجة توجع القلب هى ناقصة.

الحقيقة كنت لسه قريب بافكر في موضوع محلات الأكل ده او شراء اي اكل من بره بشكل عام وفكرت كالتالي :

في الزمن الحالي قل ومش عايز اقول انعدم الضمير تماما عند ناس كتير جدا (الا من رحم ربي) ، واصبح كل واحد عاوز يغتني بأي شكل وبأي طريقة حتى لو الطريقة دي هتسبب ضرر للآخرين المهم ميكنش فيه مسائلة قانونية مباشرة .. يعني ايه الكلام ده

يعني واحد عنده مطعم / مطاعم / سلسلة مطاعم (ومعندوش ضمير) بيجيب اللحمة البلدي والسمك الكويس وبيبيعه وبيكسب كويس جدا 10 قروش .. ماشي .. انما لو جاب لحمة مجمدة هيكسب 20 قرش يبقى يديها مجمد .. طيب لو جاب لحمة منتهية الصلاحية هيكسب 50 قرش يبقى يديها منتهية بس مش منتهية قوي علشان محدش يموت ويروح في حديد

اعتقد امثال الناس دي بتفكر كده دلوقتي .. انا لا اقصد شخص معين او مطعم معين انا باتكلم عن تفكير عام لمجموعة كبيرة جدا من منعدمي الضمير اللي بيدوروا على مكسب من اي مكان حلال حرام مش مهم

[mahmoudysf]

كتير قالو انهم بطلو او ما بياكلوش اساسا من مؤمن هي ايه حاكاية مؤمن بالظبط

[anaskhal]

الحقيقة كنت لسه قريب بافكر في موضوع محلات الأكل ده او شراء اي اكل من بره بشكل عام وفكرت كالتالي :

في الزمن الحالي قل ومش عايز اقول انعدم الضمير تماما عند ناس كتير جدا (الا من رحم ربي) ، واصبح كل واحد عاوز يغتني بأي شكل وبأي طريقة حتى لو الطريقة دي هتسبب ضرر للآخرين المهم ميكنش فيه مسائلة قانونية مباشرة .. يعني ايه الكلام ده

يعني واحد عنده مطعم / مطاعم / سلسلة مطاعم (ومعندوش ضمير) بيجيب اللحمة البلدي والسمك الكويس وبيبيعه وبيكسب كويس جدا 10 قروش .. ماشي .. انما لو جاب لحمة مجمدة هيكسب 20 قرش يبقى يديها مجمد .. طيب لو جاب لحمة منتهية الصلاحية هيكسب 50 قرش يبقى يديها منتهية بس مش منتهية قوي علشان محدش يموت ويروح في حديد

اعتقد امثال الناس دي بتفكر كده دلوقتي .. انا لا اقصد شخص معين او مطعم معين انا باتكلم عن تفكير عام لمجموعة كبيرة جدا من منعدمي الضمير اللي بيدوروا على مكسب من اي مكان حلال حرام مش مهم

فعلا كلام حضرتك مظبوط وبمناسبة انعدام الضمير ليا واحد صاحبى عنده مطعم فى منطقة مصر الجديدة كان بيجيله تاجر منعدم الضمير يعرض عليه فراخ ميتة نية الفرخة بجنيه واحد,طبعا صاحبى رفض لكن تخييلوا لو كان مكان صاحبى واحد تاني من اللى بالى بالك وجتله الفرصة لحد عنده و مكسب كبير وسريع ياخد فرخة بجنيه ويشويها فى الشواية يكسب فيها مثلا فوق ال20 جنيه.
الهم احفظنا ومتعنا بصحتنا وقوتنا ما احييتنا.