حد يعرف المطعم ابو 6 طن أكل فاسد دا؟

[Ralliart]

ممكن اعرف ليه الناس بطلت مؤمن ؟؟؟
مطاعم الـ takeaway مبيبقاش عندها مخازن خاصه بيها لانهم بيجيبو اللحوم والفراخ والسمك من شركات متخصصه في الحاجات المجمده (امريكانا-حلواني.......) من مخازن الشركات دي مباشرةً
ولو عندهم مخازن هيبقى صعب يخزنو الكميه دي

[Busquets]

اللـه اللـه :) انا مدمن التكية!!! يا نهار اصفر :)

دا انا مع اهلى كل حد بناكل فيه :)

يعنى اسبوعياً :) بس اخر مرة كلت فيها كانت قبل الصيام يعنى من حوالى شهر :)

بس بجد انا عمرى ما كلت فيه وحسيت بحاجة ولا يمكن انا اتعودت على اكله :):)

هو تأثير الأكل دا ايه؟ يعنى المفروض اعرف ان عندى حاجة بعد اد ايه؟ انا اخر مرة كلت من شهر :)

بس مش مشكله :) ربنا يسترها بقى :)

[mahmoudselim]

نفكر واحدة واحدة كدا. االخبر بيقول ضبط الكمية الفاسدة 6.5 طن لحوم واسماك. في مخزن في شارع الثورة يعني 1: ان المطعم كبير و لية فروع كتير وشغاااال
2: المطعم بيقدم وجبات لحوم وأسماك.
3: مطعم مشهور واسعارة متوسطة واحتمال ضئيل يكون مطعم تيكاواي, الا لو كانت فروعة كتيرة وبيبيع كتير.
4: المطعم غالبا فرعة الاساسي او الرئيسي في مصر الجديدة( اقرب مكان للمخزن)
طيب احنا كدا هنستبعد مطاعم كنتاكي (فراخ) هارديز(معجنات) ماكدوندلدز (لحوم+ كمية كبيرة جدا علية + علي حد علمي ملوش في الاسماك) حضرموت (فراخ)
هيتبقي 5 او 6 مطاعم في مصر الجديدة
انا بعتقد أبو شقرة او الشبراوي والله أعلم

[Egyzizo]

فيه شبه اجماع على العزوف عن مؤمن ، يا ترى ليه ؟؟

[lovedbaby]

كتير قالو انهم بطلو او ما بياكلوش اساسا من مؤمن هي ايه حاكاية مؤمن بالظبط

نفس السؤال ايه موضوع مؤمن

[Qamar]

عموما لمن يظن أن معدة المصري تهضم الزلط أحب أبين أن التأثير مش شرط يبان على المدى القريب و الدليل شوف الفرق بين متوسط حالنا الصحي و حال آباءنا حفظهم الله لما كانوا في أعمارنا. Take Care
و خليك في أكل البيت قدر المستطاع

[M.almaghraby]

نصيحة يا جماعة لوجه الله

محدش ياكل من مؤمن....

[Hondawy_2008]

نصيحة يا جماعة لوجه الله

محدش ياكل من مؤمن....

ممكن أعرف ليه ؟؟؟!!!

[M.almaghraby]

اكله والله العظيم بقا زي ال........*

شاورمة ريحيتها وحشة جدا..... ستيك سيء...... فراخ مش طازة و وحشة جدا

انا مرة كلت من عنده شاورمة لحمة بطني كانت حتموتني لمدة اسبوع

انا ساكن فوقيه و بطلت اكل منه من سنتين بجد

[amrbakly]

حد فيكم شاف عمرو أديب قريب لما كان عامل انترفيو علي قناة إل بي سي ؟

كان بيقول مثلا من الحاجات اللي ممكن تتعمل فيك أن عربيتك تتحرق بمية نار

تطلع كل سنة في العينة العشوائية بتاعت الضرايب

يقفلو الكافية بتاعك علشان عندك لحوم فاسدة رغم أنك مش بتبيع أي حاجة فيها لحوم

اعتقد كدة تعليقي وصل

[A_H_M_A_D]

أخيرا حد رد عليا من مباحث التموين

بيقولولي المطعم هو التكيه

معتقدش إنه التكية , هو يعني عنده كام فرع , ده الخبر بيقول سلسلة مطاعم شهيرة , و كان مخزن 6 طن , إحتمال يكونو بيدارو عليه

فعلا كلام حضرتك مظبوط وبمناسبة انعدام الضمير ليا واحد صاحبى عنده مطعم فى منطقة مصر الجديدة كان بيجيله تاجر منعدم الضمير يعرض عليه فراخ ميتة نية الفرخة بجنيه واحد,طبعا صاحبى رفض لكن تخييلوا لو كان مكان صاحبى واحد تاني من اللى بالى بالك وجتله الفرصة لحد عنده و مكسب كبير وسريع ياخد فرخة بجنيه ويشويها فى الشواية يكسب فيها مثلا فوق ال20 جنيه.
الهم احفظنا ومتعنا بصحتنا وقوتنا ما احييتنا.

كده الواحد قبل ما يروح أي مطعم يشتري الأكل ني و يديه للطباخ عشان يعمله قدامه

ده الحل الوحيد عشان نضمن إننا ناكل أكل نضيف بره !!

[Abo.Mayyam]

و الله يا جماعة الاحسن لينا كلنا نستحمل شوية وناكل فى بيوتنا والناس اللى اغلب وقتها بره البيت تاخد معاها سندوتشات ان شاء لله جبنة لحد ما ترجع بالسلامة البيت و ربنا يسلمها معانا كلنا احسن دى حاجة توجع القلب هى ناقصة.

خد بالك يا باشا ربنا يكرمك

[aelhossan]

اللـه اللـه :) انا مدمن التكية!!! يا نهار اصفر :)

دا انا مع اهلى كل حد بناكل فيه :)

يعنى اسبوعياً :) بس اخر مرة كلت فيها كانت قبل الصيام يعنى من حوالى شهر :)

بس بجد انا عمرى ما كلت فيه وحسيت بحاجة ولا يمكن انا اتعودت على اكله :):)

هو تأثير الأكل دا ايه؟ يعنى المفروض اعرف ان عندى حاجة بعد اد ايه؟ انا اخر مرة كلت من شهر :)

بس مش مشكله :) ربنا يسترها بقى :)

انت كده خلاص بتودع يا معلم :b4_444:

[kh_talaat]

والله انا بطلت آكل بره بشكل كبير .... وآخرها معايا أكل بره فول وطعمية بس

ولما بتزنق في أكل بره تاني بروح كوك دوور .... وربنا يستر

وبالنسبة لمؤمن انا فعلا بطلت آكل عنده من زمان لأنه فعلا بقى أكله سيئ بالأضافه انه بقى بيستهبل قوي في الأسعار وحجم الساندوتش كل فترة بيخس

[anaskhal]

خد بالك يا باشا ربنا يكرمك

تمام ربنا يباركلك.