"ووضع الكتاب .." !! (وائل عطية)

[Abu Aly]

بص يا بو على ..

هو الحقيقة الحوار هايكون أفضل لو كان وجهاً لوجه..فلعلنا نلتقي إن شاء الله ..ولكن حتى هذا الحين حذار أن أراك في المعركة !! :d:d

ابو على جامد قوى .. و احسن لك تبعد عن اى موضوع تلاقى ابو على مشارك فيه و الا !! ...... ثم سبق لك الانسحاب من موضوع
" المتنطعون " و هربت و فتحت موضوع تانى " ووضع الكتاب " بس ابو على كشف الملعوب و حيفضل لك بالمرصاد !

[ahmed1981]

ابو على جامد قوى ..

أبو علي جامد قوي !!
جامد إيه يا عم ؟
أمال لو دقت أم علي بالمكسرات والزبيب من عند المالكي هتقول إيه ؟ :D

[Abu Aly]

أبو علي جامد قوي !!
جامد إيه يا عم ؟
أمال لو دقت أم علي بالمكسرات والزبيب من عند المالكي هتقول إيه ؟ :D

ما هى ام على جامدة برضه .. شوفت عملت ايه فى السلطانة شجرة الدر ؟؟ بالقبايب وحياتك مش زبيب و مكسرات !

[Chicco]

أكاد أزعم اني متفق مع الفريقين إذا جاز التعبير وإن ملت قليلا إلي أحدهما. فهمي المتواضع للحوار الراقي ,و إن إحتدت وتيرته أحيانا, هو إتفاق الجميع علي التمسك بالدين لصلاح الدنيا و الآخرة. غيرتكم المحمودة على دينكم تستحق التحية. جزاكم الله جميعا خيرا

[Ahmed Anwer]

يا جماعة ما هوا مش لازم الملتحي اللي بيلبس جلابية قصيرة ،،

يبقي أخلاقه زفت ،، مش شرط يعني ،،

فيه إحتمال يكون متمسك بمظهر السنة و متمسك بأخلاقها برده ،،

قصدي انتوا ليه مفترضين إن في تعارض ما بين الإهتمام بالشكل و الإهتمام بالأخلاق و الأصول ،،

و لو كان في حد بيهتم بالشكليات مع إضاعته للأصول و الأخلاق ،، فده عيبه و مشكلته ،،،،

مش عيب الشكليات ،،،

مع العلم أنا كل يوم بتعامل مع ناس ملتزمين بمظهر السنة و العبادات ،، و منهم كتير أخلاقهم و معاملتهم زفت و أبعد ما تكون عن الدين ،،،

بس ده لا يجعلني أهاجم مظهر السنة أو الإهتمام بالعبادات و ذكر الله وخلافه ،، لأن أكيد العيب مش منها

حكاية ليه الدعاة مبيتكلموش غير عن هذه الأشياء ،، أعتقد إن السبب يرجع للجو العام ،، العلماء أفواهمهم مكممه زي ما كل البلد أفواهها مكممه ،،

فمقدمهش غير الحاجات دي اللي يكلموا فيها

[أبو عبدالله]

يا جماعة ما هوا مش لازم الملتحي اللي بيلبس جلابية قصيرة ،،

يبقي أخلاقه زفت ،، مش شرط يعني ،،

فيه إحتمال يكون متمسك بمظهر السنة و متمسك بأخلاقها برده ،،

قصدي انتوا ليه مفترضين إن في تعارض ما بين الإهتمام بالشكل و الإهتمام بالأخلاق و الأصول ،،

و لو كان في حد بيهتم بالشكليات مع إضاعته للأصول و الأخلاق ،، فده عيبه و مشكلته ،،،،

مش عيب الشكليات ،،،

مع العلم أنا كل يوم بتعامل مع ناس ملتزمين بمظهر السنة و العبادات ،، و منهم كتير أخلاقهم و معاملتهم زفت و أبعد ما تكون عن الدين ،،،

بس ده لا يجعلني أهاجم مظهر السنة أو الإهتمام بالعبادات و ذكر الله وخلافه ،، لأن أكيد العيب مش منها

حكاية ليه الدعاة مبيتكلموش غير عن هذه الأشياء ،، أعتقد إن السبب يرجع للجو العام ،، العلماء أفواهمهم مكممه زي ما كل البلد أفواهها مكممه ،،

فمقدمهش غير الحاجات دي اللي يكلموا فيها

متجيب لفه بالتوك توك ده يا احمد

عالعموم انا طبعا متفق تماما مع كلام احمد

وده اللي نقصده مش هننكر على اللي لابس قصير وملتحي علشان في منهم اخلاقهم وحشه
وان كان ان احنا لو حسبنا كام واحد وحش من كام واحد ملتزم بالسمت الديني مش هتطلع نسبة بالنسبة للي مش ملتزمين بالدين كام واحد فيهم حرامي ونصاب

الموضوع مش بيتحسب كده
وبعدين احنا مش نروح ننكر شئ في الدين علشان خاطر الناس خطاءه
لأن الناس كلها بتغلط واعذروني ممكن يكون الملتزم بالدين ده بيعمل حاجات غلط في اخلاقه وكده ولكن مبيعملشي كبائر انت لا تعلم وممكن يكون عامة الناس بتعمل كبائر وتيجي على ده وتغلطه

يا جماعه ارجو ان احنا نتفهم ومنبقاش بناخد الكلام هو ايضا بمظهره

كام واحد ملتزم بالدين وبيعمل كبائر ومعاصي في شتى المجالات
وكام واحد عادي لا يلتزم بسمت الدين وبيعمل كبائر وفواحش في شتى مجالات الحياة بدون علم او بعلم


كل ما في الامر ان دائما الملتزم بسمت الدين بتبقى العين عليه بزياده حبتين تلاته
وده بيبقى برضه ضغط عليه
وصدقوني احنا اللي بنخليهم كده لأن الواحد لما يبقى مثلا مش عاوز يكذب ويأتي يشتغل في التجارة هيتعب جدا وهيحارب جامد جدا علشان يبقى صادق ولا ينخرط في مثل هذا الكلام وقلما من استطاع ان يفعل هذا
فعبادة الله في مثل هذه الأمور جهاد في سبيله
فأنت تحارب الكثير لكي تصمد وربنا يرحمنا ويعفو عنا جميعا
واهي برضه ثقافات وايمانيات

الملخص

ان المفروض ان اللي التزم بسمت الدين التزم بشئ قادر ان يفعله في الدين
وممكن واحد بيتصدق ومش بيزكي مش معقوله اقوله انت متصدقشي علشان انت مش بتزكي على فلوسك
لأ
اقوله تصدق وقبل ذلك تزكي على اموالك
مش انكر عباده علشان هو مش بيعمل الاهم منها

وشكرا لكم

[وائل عطية]

اما و قد ايدنى عظمة السلطان فليس بعد ذلك حق لاحد فى الفتوى ( لا يفتى و السلطان فى المنصورة ) !!!

هههههههههههههههههههههههههههههههههه :D:D
أما وقد اتحد أهل المنصورة وهم أدرى بشعابها ..فليس لمثلي أن يزيد على قولكم..
على فكرة يامحمد المنصورة من أحب مدن مصر إلى قلبي ولي فيها ذكريات جميلة وسعيدة بفضل الله تعود إلى أيام الطفولة والصبا...ولمن لا يعرف المنصورة أدعوه إلى رؤيتها ليلاً والاستمتاع بالتنزه في شارع البحر ..متعة مابعدها متعة ..تُذكرني دائماً بباريس ville de la lumière أي "مدينة النور"
المهم يا محمد أنا مُتفق معاك فيما ذهبت إليه .. وعلى يقين تام بضرورة وأهمية العمل لتقدم الشعوب.
وشكراً على مداخلتك

[وائل عطية]

ابو على جامد قوى .. و احسن لك تبعد عن اى موضوع تلاقى ابو على مشارك فيه و الا !! ...... ثم سبق لك الانسحاب من موضوع
" المتنطعون " و هربت و فتحت موضوع تانى " ووضع الكتاب " بس ابو على كشف الملعوب و حيفضل لك بالمرصاد !

ياعم الحاج كان غيرك اشطر :D
وبعدين أنا ماهربتش ولا حاجة ..دانا شعللتلك الموضوع بتاعك بالرد بتاعي ..بس لما لقيته في ناس مسكت الكراسي وبتنشن على "الكلوب" قلت أهدي شوية ..لأني لو استمريت كان هايتم إهدار دمك :D:D
وبعدين ياريت ياريس تكمل الملف الشخصي بتاعك علشان نتعرف عليك شوية ..بلاش الغموض دا :D
عموماً لسه بقولك حذار أن أراك في المعركة:D

[Abu Aly]

احمد باشا انور .. اخيرا ظهرت فى الميدان اهلا بيك ! .. كالعاده دبلوماس و جنتل و تحاول تراضى كل الناس ..ما علينا ! محدش قال ان المتمسك بازياء او ملتحى لازم يكون وحش و لا حاجة .. مين قال كده ؟؟ .. اكيد ام على مش ابو على !!! ... الموضوع كله هو اهمية التركيز على المخبر و ليس المظهر والاهتمام بالعمل و السلوك - و السلوك ليس فقط ما يتعلق بالنساء او العلاقة مع الجنس الاخر - و ليس فقط الزى و العبادات لان كثير من المسلمين الان لا يفهمون ان الاسلام اعظم و اجل من لبس خف او تربية لحية او مسك سبحة و غير ذلك من اشياء لا اريد ان اتحدث عنها ثانية .. الخطير فى الموضوع ان من يلتزم بالاشكال و المظاهر اياها بينما اعماله و سلوكة متناقضة كاالكذب اوالغش و السرقة او النفاق و اتخاذ الشكل الدينى مطية لخداع الناس و ايهامهم بالتقوى لتحقيق اغراض اخرى يسئ بذلك للدين و يعطى للاخرين من غير المسلمين صورة سيئة عن الاسلام و المسلمين لان الناس تربط بين الدين و من يروهم من اتباع هذا الدين .

الاخ وائل مستمر فى التحدى و بيزن على خراب عشه و مرة اخرى اقولك لو شفت ابو على احسن لك تطلق ساقيك للرياح و تهرب بجلدك !
بعدين بتقوللى غموض و مش غموض طيب ليه مثلا مش عاوز تقول بتحضر اجتماع ايه فى سويسرا ؟؟ .. اوعى يكون منتدى دافوس !! .. طيب قول اماره .. انت قريب الاستاذ ممدوح عطيه مثلا ؟؟ .. اقصد المحاسب فى سيديكو مش الوزير الملاكم .. ؟؟ .. وهل انت شرقاوى ؟؟ .. مهما حاولت التخفى مخابرات ابو على حتعرف اصلك و فصلك !
و تحياتي للجميع و كل عام و انتم بخير

[أبو عبدالله]

لان كثير من المسلمين الان لا يفهمون ان الاسلام اعظم و اجل من لبس خف او تربية لحية او مسك سبحة و غير ذلك من اشياء لا اريد ان اتحدث عنها ثانية

يا ابو علي الله يخليك
مش لازم علشان اقول ان الأسلام اجل واعظم
اروح اجيب حاجه من سمات النبي صلى الله عليه وسلم مثلا واقول عليها كده
وهو ده اللي قولناه قبل ذلك وانت برضه مصمم تكرره

يا أخي الحبيب قالل الرسول صلى الله عليه وسلم في اكثر من موضع
(( وفروا اللحي , اطلقوا اللحى , خالفو اليهود والنصارى ))

وجاء لهم مرسلين من ملك نصراني حالقي اللحى فقال لهم صلى الله عليه وسلم من امركم بذلك فقالو لهم امرنا اميرنا او مالكنا
فقال لهم اما ربي فأمرني بهذا واشار للحيته

متجيش بقه بعد ده تقولي الاسلام اعظم من كده يا اخي ده من ضمن الأسلام

يعني حاول تفرق بين الأمور اللي لها دليل ومكانه وبين الأمور المبتدعة في الدين
يعني متبقاش سنه مثلا او مستحب وتقول عليه كده يا ابو على الله يخليك

[وائل عطية]

الاخ وائل مستمر فى التحدى و بيزن على خراب عشه و مرة اخرى اقولك لو شفت ابو على احسن لك تطلق ساقيك للرياح و تهرب بجلدك !
بعدين بتقوللى غموض و مش غموض طيب ليه مثلا مش عاوز تقول بتحضر اجتماع ايه فى سويسرا ؟؟ .. اوعى يكون منتدى دافوس !! .. طيب قول اماره .. انت قريب الاستاذ ممدوح عطيه مثلا ؟؟ .. اقصد المحاسب فى سيديكو مش الوزير الملاكم .. ؟؟ .. وهل انت شرقاوى ؟؟ .. مهما حاولت التخفى مخابرات ابو على حتعرف اصلك و فصلك !
و تحياتي للجميع و كل عام و انتم بخير

تسقيفة امال ..يام..تشجيعة امال ..يام...تعلالي اللالي ياحبيبي تعلالي ..يام
إيه ياعم الرعب دا ..أسد ياخواتي ..أه ..هو أسد :D
بالنسبة للغموض ..أنا مش غامض ولا حاجة..وكل اناس عارفاني .. الدور والباقي على المُرعب!! :D
بالنسبة للمؤتمر ..برده مش هاقولك ..غير لما نعرفك كويس ..وتبطل شغل الطابور الخامس بتاعك دا :D:D
عموماً ياعم الحاج في اختراع هنا اسمه الرسايل الخاصة لو مشعايز تتكلم على العام.
وبرده حذار أن أراك في المعركة..:D

[Ahmed Anwer]

يا ابو علي الله يخليك
مش لازم علشان اقول ان الأسلام اجل واعظم
اروح اجيب حاجه من سمات النبي صلى الله عليه وسلم مثلا واقول عليها كده
وهو ده اللي قولناه قبل ذلك وانت برضه مصمم تكرره

+ 1000

يا أبو علي ،،

ايه المانع إنك تدعو الناس و تفكرهم ،،

بإتقان العمل و الإخلاص فيه ،،

بحرمة المال العام ،، تخيل لما اسرق كهربا أو ازوغ من الأتوبيس ،، 80 مليون هيقتصوا مني يوم القيامة ،،

لعن الله الراشي و المرتشي ،، ثانية واحدة لما اشيل البريزة اللي لازقها في الرخصة ،،

الصدق ـ الأمانة ، الإلتزام بالوعد ( علي اليمين بالتلاتة كله جاهز ،، و هوا لسه محطش ايده فيه ) مش هيا دي ايات المنافق اللي حظرنا الرسول ( ص)منها

النظافة و إماطة الآذي عن الطريق و إعطاء الطريق حقه ،، فعلآ حاجة تكسف هذا التعايش ما بين الزبالة و البني ادميين و الدواب ،،

مسئولية الراع عن الرعية ،، تخيل االمسئول ده ربنا هيحاسبه إزاي عن الإهدار و المحسوبية و ......... بس كده

التكافل و التراحم ،،

الزكاة و الصدقة في مجتمع أكثر من نصه تحت خط الفقر

عدم استغلال المنصب ( فليجلس في بيته .............)

مليون ألف حاجة ممكن تدعو ليها في الدين ، دول اللي افتكرتهم دلوقتي ،،

بس عشان أدعو للحاجات دي كلها اللي هيا من الدين و برده قال الله و قال الرسول ( ص) مش لازم أهاجم المظاهر ،،

مفيش علاقة عكسية بينهم ،،

مش عارف الباب مفتوح للي عايز يدعو لله ،، و مفيش تضارب بين ده و ده ،،

[Dr Ahmed]

ماشاء الله مناقشة غنية وثرية وممتعة جدا..
لكن اسمحوا لى ألقى وجهة نظرى...
مناقشة الموضوع من وجهة نظر أخى سبعاوى تبدو لى مثل مريض يعانى من فشل كلوى ومتاعب بالقلب وزيادة ضغط المخ وبلهارسيا بالكبد وتضخم بالطحال وعايش بيهم لكن جاله التهاب بودانه وراح للدكتور قام قال له: ياعم روح عالج البلاوى اللى عندك وبعدين ابقى تعالالى !!

هو كده بالضبط اللى بتقوله وجهة النظر دى..
الخلاصة من وجهة نظرى واللى باعمله: اللى تقدر عليه اعمله وسيبك من الحجج والتسويف.

[Abu Aly]

يا جماعة بالراحة شوية .. اسود كتير نزلت الحلبه لكن الجبار المرعب ابو على يقدر يصارع على كل الجبهات الاسود
و النمور و التماسيح !!

الاخ احمد ابو الجناتل جنتل و كلامه حلو و طرى للكل بس كان افضل تقول كلام واضح و صريح اكتر و مدام انت انور
كان لازم تنور اكتر و تعمل استنارة و تنوير لهيئة المحكمة ..

الاخ الفاضل وائل عطية فكرنى بشخصية الكاتب الاسبانى سرفانتس .. كأنه كان يقصد وائل بشخصية دون كيشوت الفارس
اللى عايش فى الوهم و الخيال وراكب حصان خشب و ماسك سيف بيحارب بيه طواحين الهوا .. طبعا تقدر تحارب طواحين
الهوا و اشباح و خيالات لكن تتجرأ و تحاول تنازل ابو على المرعب فسوف تجنى على روحك و تضيع نفسك لان ابو على
سوف يقطعك اربا .. اربا ..اربا و يخرطك للبط الجائع .. و لا حول و لا قوة الا بالله !
و بعدين يا سيدى انا ما منعتشكش تكتب لى على الخاص .

اما الدكتور احمد فانا مش عارف ازاى المريض بتاعك عايش بكل الامراض ديه ؟ .. على العموم عيادة الدكتور ابو على ممكن
تستقبل المريض بتاعك و يخف بأذن الله !..

و اخيرا صديقى اللدود ابو عبدالله برضه انا معلش مش متفق معاه بخصوص مسألة اللحى .. اولا هناك ملايين و ليس الوف
الاحاديث او السير التى رويت عن رسول الله صلى الله عليه و سلم بعد وفاته فكل من كان له حاجة او يحتاج ان يثبت رأيه فى
اى موضوع كان يدعى ان رسول الله قال كذا و كذا وكبار جامعى الاحاديث كالبخارى وغيره قاموا بمجهود شاق الى ابعد مدى
فى محاولة تنقية الاحاديث مما دخل عليها من احاديث منحولة و اشياء غير معقولة و لا تتفق مع عرف عن الرسول الكريم او
لا يتفق مع الشرع او ما يتناقض مع احاديث اخرى و كذلك ما روى عن مصادر غير موثوق بها.. لكن فى النهاية ينبغى الحذر فيما
ورد الينا فنقبله بلا تدقيق .. و الاسوأ من ذلك ان هناك حتى اليوم من يدعى احاديث غير صحيحة و تمتلآ الارصفة بكتب صفراء
ما انزل الله بها من سلطان مليئة بالغث و بأحاديث لا يعلم اصلها احد و مؤلفين مجهولين ليسوا على علم و كذلك شرايط كاست تسمعها
فى سيارات الميكروباص و غيرها و اخيرا وهو شئ هام ينبغى ان نفهم الحديث او الحدث كما جاء فى الروايات المختلفة و نفسره
من خلال ظروف و سياق الحديث تماما كما ينبغى ان نفعل فى تفسير القرأن الكريم و فقا لظروف نزول الايه .

الرواية التى اوردتها يا استاذى حتى لو كان لها اصل تاريخى فالواضح من الرواية نفسها ان موضوع ترك اللحية هذا كان له سبب
فى وقتها انتفى الان .. مثلا اذا لم نجد الماء جاز التيمم لكن وجود الماء ينتفى معه التيمم مش كده و الا ايه ؟؟ .. اذا كان الرسل من
اليهود و النصارى الذين جاءوا لسيدنا محمد كانوا غير ملتحين بناء على طلب اميرهم فلا يوجد امير الان يطلب من الناس غير المسلمين
ضرورة عدم الالتحاء و ما نشاهده الان ان اطلاق اللحى لا يقتصر على المسلمين .. البابا شنودة كبير الكنيسة القبطية يطلق لحيته و
كذلك كل البابوات الذين سبقوه واغلب رجال الدين اليهودى و كثير من الاجانب يطلق اللحية او الشارب و الاثنين معا فلم يعد ذلك
قصرا على المسلمين يعنى كثير من الاجانب يطلق لحيته و المسألة اختيار شخصى الا فى بعض المهن و الاعمال كظباط الجيش و
الشرطة حتى فى الدول الاسلامية .. المهم ان السبب الذى ذكرته و يحبذ اطلاق اللحية قد انتفى و انتهى ..
و من ناحية اخرى ففى العصر الحالى و مع انتشار قيم و ثقافة المساواة و المواطنة فليس من المستحب ان تميز طائفة نفسها عن الاخرين ..
مثلا ماذا يهمنى لو ذهبت الى سوبر ماركت و كان البائع مسلم بلحية ؟ او ذهبت لاحد مصالح الحكومة لقضاء حاجة .. ماذا يهمنى لو كان الموظف القائم
بها مسلم ملتحى او مسيحى او حتى صينى كونفوشيوسى وجد عندنا عمل ؟؟ .. المهم بالنسبة لى ان تؤدى الخدمة بشكل
جيد و بدون ضغط لدفع رشوة او شاى .. هل على الانسان معاملة الناس حسب شهادة ديانتهم ؟؟ فلو كان القائم على الخدمة غير مسلم على
ان اعبس فى وجهه مثلا ؟؟ .. و هل لو كان مسلم يكون بالضرورة امين و غير مرتشى او العكس ؟؟ .. يا عزيزى لو قامت كل طائفة
بالتمييز عن طائفة اخرى او انقسم المجتمع بهذا الشكل او تعامل كل الناس مع الاخرين وفقا لدينهم فهذا هو الطريق للفتنه و الحروب
الاهلية التى لا تبق و لا تذر .. و بالاضافة الى ذلك فكما قلت من قبل فى مداخلة سابقة اللحى لن تطعم جائع و لن تحرر فلسطين و
العراق و لن تجعل المرور ينتظم و لن تجعل الفساد يتوقف ..
يا سيدى و جود اللحية فى زمن ما و فى ظروف تاريخية ما لا وجود لها الان ليست من الدين فى شئ كما يظن الكثيرون .. و اذا احببنا
الاقتضاء بالنبى الكريم علينا ان نقتضى بما ورد فى سيرته العطرة من امانه حتى سمى بالامين و باخلاقه الحميدة و ليس بما كان يرتدى من
ملابس او يحب من طعام او شراب اويطلق من لحية .. و اخيرا فنبينا الكريم قال ان اكرمكم عند الله اتقاكم و لم يقل اطولكم لحيه !
مع تحياتى و دمتم
*******************
ثم اخيرا يا اخى العزيز كما قلت لك من قبل ابو على جامد قوى !!!

[Dr Ahmed]

اما الدكتور احمد فانا مش عارف ازاى المريض بتاعك عايش بكل الامراض ديه ؟ .. على العموم عيادة الدكتور ابو على ممكن
تستقبل المريض بتاعك و يخف بأذن الله !..

و اخيرا فنبينا الكريم قال ان اكرمكم عند الله اتقاكم و لم يقل اطولكم لحيه !
!

أعترض
المريض دا مش بتاعى
المريض دا هو المسلم العادى اليوم
أصبح عنده خلل فى حاجات كتير لكن أسوأها الجهل اللى بيخليه أصلا مايعرفش ان عنده مشكلة ويمنعه يعرف يحلها إزاى..
المريض دا عايش بأمراض أكبر من كده يا أبو على ومحتاج دكاترة كتير تعالجه.. بس يعترف انه مريض!!
ونفسى أعرف إيه العلاج اللى بتعرضه على مريضنا المزمن !!

ثانيا: مين اللى قال لك ان ربنا مقالش ان أكرمكم عند الله من أطلق لحيته؟
لو كان اللى أطلقها بسبب رغبته فى التقرب الى الله يبقى تقوى وللا لأ؟
وبعدين إيه الإندفاع والجرأة فى تفسير الأحكام دا يا أخى؟ تأنى شوية!! مين اللى قال إن السنة بتتغير بمرور الوقت؟ دا مبدأ خطير لو كنت ماشى عليه!! إيه رأيك لو لغينا صلاة الضحى علشان بقت فى وقت الشغل وأخرنا شوية وقت الفجر على ما الناس تصحى؟؟؟إيه رأيك لو لغينا "السلام عليكم" لأنها بقت قديمة وقلنا بونجور أحسن!!
واحنا مالنا العالم كله يلتحى وللا ما يلتحيش؟؟ إحنا لينا فى اللى كان بيفضله الرسول !!يعنى العالم دول لو قالو لبعض السلام عليكم هنبطلها؟؟؟
وبرضه التشكيك فى الأحاديث النبوية دى جديدة!! فيه علماء أجلاء كرسوا حياتهم لتنقيتها وأصبحت هناك مراجع وافية للصحيح وغير الصحيح وما علينا إلا البحث.. إنما نشكك كده وخلاص!!