((((أسئلة انترفيوهات الخطوبة قواعد و شروط )))))

[Janno28]

مع احترامي لارائكم واحترامي لكل للجميع محدش ضد حب الرجل لامه ولا ضد برها
المقصود بكلمة ابن امه يعني عديم الشخصية وامه المتصرف الوحيد في كل شيء يخصه
ومش بتديله اي فرصة ياخد قرار من دماغة في اي شيء يخصه
يعني انا شوفت الرجالة ملهاش الحق ولا خطيبته في اختيار فرش بيته ولازم امه اللي تختار والكل يقول امين
او واحد خاطب ميقدرش يجيب هدية للخطيبة الا بأذن من امه او لازم هي اللي تختارها اولازم هي تحدد رنج سعر الهدية
يبقه ده ابن امه
في امهات لازم تعرف كل خصوصيات ابنها من اول مصروف البيت كام لحد بتاكلوا ايه كل يوم واشتريت لمراتك ايه وعزمتها فين وخرجتوا من غير ما تعرفوني ليه وليه بتخليها تروح بيت اهلها كتير وازاي تشتري لها كذا متوفر فلوسك ........ الخ
والله دي كلها امثلة حقيقية للتدخل البشع في حياة الابن في الحالة دي مينفعش نقول ان ده بر لأ ده ابن امه وبتكون النتيجة الصراع الدائم بين الزوجة اللي عايزة تشعر بالخصوصية وانها ملكة في بيتها والام اللي عايز تفضل متحكمة في ابنها على اساس انه لسه طفل والنتيجة في النهاية هي فشل الزواج
لكن لو ابن امه بتتقال عن رجل بيبر امه بالزيارات والهدايا او اي صورة من الصور فهو كدة براءة

هو ده قصدى تماماااااااااااااااااااااااااااااا

[SHNORY]

لا اسمحلى ياشنورى واسمحولى كلكم فى فرق انه يكون بار بوالديه وتحديدا بوالدته وفى فرق انه يسمع لوالدته بدون اى تفكير وده بيسبب مشاكل كتير وحصل موقف شخصى معايا شخصياً واقسم بالله ان ده مسبب مشاكل للطرفين دلوقتى بتخيل نفسى انى لو كنت مكان البنت دلوقتى اكيد مكنتش حعمر

فياريت نوضح الكلمة بس مش اكتر ومش تلاكيك هى والله عشان والدة الولد فى بعض الاحيان بتتخيل ان ابنها اول مطلع بره بيتها الغيرة بتزيد عليه وازاى ترب وتكبر وواحده تاخده على الجاهز مع احترامى للجميع بس ده بيحصل فعلا ياجماعه

يعني الراجل اللي يسمع كلام والدته بدون تفكير يبقي ابن امه
موافق ومتفاهم الوضع
طيب البنت اللي بتسمع كلام
1:امها (خدي بالك من امه دي عقربه)
2: ابوها (هو جاي يعمل راجل علينا وعاوز ياخدك ببلاش)
وعماتها (دا جوز فلانه عمللها فرح في المكان الفلاني مش زيك )
وخالاتها (مش كنتي اخدتي ابن فلانه احسن من ده
واصحابها (هما دول شويه الدهب العره الي جابهوملك )
وجيرانها (هو انتم ما اخدتوش شقه ليه في وسط ابلد )
والماره والمشاه والراديوا وكل من سبق وفوق منهم زياده كمان
تبقي بنت مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نور القمر]

والبنت كمان اللي تسلم ودانها وعقلها لاي حد حتى لامها برضو نموذج سيء والابتعاد عنها افضل
والاهم عقلها لانها ممكن تسمع من هنا وتطلع منها

[shouk_1987]

يعني الراجل اللي يسمع كلام والدته بدون تفكير يبقي ابن امه
موافق ومتفاهم الوضع
طيب البنت اللي بتسمع كلام
1:امها (خدي بالك من امه دي عقربه)
2: ابوها (هو جاي يعمل راجل علينا وعاوز ياخدك ببلاش)
وعماتها (دا جوز فلانه عمللها فرح في المكان الفلاني مش زيك )
وخالاتها (مش كنتي اخدتي ابن فلانه احسن من ده
واصحابها (هما دول شويه الدهب العره الي جابهوملك )
وجيرانها (هو انتم ما اخدتوش شقه ليه في وسط ابلد )
والماره والمشاه والراديوا وكل من سبق وفوق منهم زياده كمان
تبقي بنت مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

+111111111

[ainshouka]

نفس الفترة دى الواحد بيمر بيها برضه حتى الان

وعلى فكرة لقيت فعلا فى بنات ولاد ناس وكويسين وعلى اخلاق صحيح قليلين بس موجودين

اما بالنسبة للماديات انا كان عندى عيب دايما فى تفكيرى

انى لما كنت ببص لقدام كنت ببص لقدام قوى والمشكلة انى ببقى حاطط نفس امكانياتى دلوقتى اللى انا فيها فبلاقى ان الدنيا اتسدت واحجم عن فكرة الزواج

انا شايف ان لو تقدر تتزوج وتفتح بيت يبقى خلاص اتوكل على الله ومتحملش هم اللى بعد كده لان الدنيا حالها بيتغير وانت حالك عمره ما حيثبت

كان فيه راجل كبير كان بيقوللى متتجوز فكنت بقوله مش حقدر على مصاريف الزواج والذى منه وقوم ساردله الموضوع فكان بيقولى ان الرزق دايما والواحد وهو فردانى غير مانت داخل على جواز غير بعد متخلف وكله ربنا بيدبرها

صحيح انت بتسعى وبتعمل اللى عليك بس الرزق فى الاخر بيجيلك من عند ربنا

صحيح انت قبل متقدم على خطوة الجواز بتفكر الف مرة هل حتقدر تفتح بيت ولا لا
بس متحطش فى حساباتك هل حتقدر بعد كده تستمر فى فتح البيت قدام بعد سنين لانك ساعتها حتكون بتفكر فى امكانياتك دلوقتى وحتلاقى ان الاجابة محسومة

بالظبط عاملة زى شريط القطار
جرب تقف بين الشريطين ومد بصرك للاخر حتلاقى ان الشريطين لاحمين مع بعض بالرغم من انك لما تروح للمنطقة اللى انت تظن ان الشريطين لاحمين فيها حتلاقيها مفيش حاجة والشريطين ماشيين متوازيين

بالظبط عاملة زى نفس التفكير لقدام وانت بامكانياتك دلوقتى

الواحد بيفتكر السنين اللى عدت عليه من صغره لحد ماكبر وان ازاى ابوه وامه صرفوا عليه من غير ميتعب
مفكرناش ان دا كان رزق من عند ربنا كان بيرزقه لينا عن طريق ابونا وامنا

فبالعقل كدا حنيجى نخاف من الفترة اللى بنشتغل فيها من قلة الرزق بالرغم من ان الفترة اللى كنا عالة فيها على اهلنا كان رزقنا بيوصلنا لحد عندنا

ربنا يرزقنا جميعا بالزوجة والزوج الصالح ويتم علينا بالعافية والصحة وميحوجناش لحد

[Janno28]

يعني الراجل اللي يسمع كلام والدته بدون تفكير يبقي ابن امه
موافق ومتفاهم الوضع
طيب البنت اللي بتسمع كلام
1:امها (خدي بالك من امه دي عقربه)
2: ابوها (هو جاي يعمل راجل علينا وعاوز ياخدك ببلاش)
وعماتها (دا جوز فلانه عمللها فرح في المكان الفلاني مش زيك )
وخالاتها (مش كنتي اخدتي ابن فلانه احسن من ده
واصحابها (هما دول شويه الدهب العره الي جابهوملك )
وجيرانها (هو انتم ما اخدتوش شقه ليه في وسط ابلد )
والماره والمشاه والراديوا وكل من سبق وفوق منهم زياده كمان
تبقي بنت مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرد عليك بس مش معنى كلامى انى موافقه شئ طبيعى ان البنت تكون بتسمع كلام مامتها تحديدا
وانها تسمعلها فى كل اللى انت بتقوله ده مهو ممكن يكون اهل والد البنت كانوا بيعملوا كده مع مامتها اما الليستة اللى انت حطيتها ديه ده يبقى سورى يعنى البنت مخها فاضى

الطرفين لازم يكون ليهم عقل يفكروا بيه وعارفين ايه الصح وايه الغلط عشان الدنيا تمشى
لازم ولابد العقل فى التصرف

[SHNORY]

حرد عليك بس مش معنى كلامى انى موافقه شئ طبيعى ان البنت تكون بتسمع كلام مامتها تحديدا
وانها تسمعلها فى كل اللى انت بتقوله ده مهو ممكن يكون اهل والد البنت كانوا بيعملوا كده مع مامتها اما الليستة اللى انت حطيتها ديه ده يبقى سورى يعنى البنت مخها فاضى

الطرفين لازم يكون ليهم عقل يفكروا بيه وعارفين ايه الصح وايه الغلط عشان الدنيا تمشى
لازم ولابد العقل فى التصرف

بصي يا جانو
خلاصه الموضوع
البنت لازم تسمع كلام امها وابوها واخوها وخالتها
والراجل لازم يسمع كلام امه وابوه وخاله وخالته والجيران
وطالما الاتنين بيحبوا بعض
يبقي حيحصل مناقشه من كل طرف فيهم للاطراف الزنانه
ولازم كل الاطرف دي تكون متوافقه نفسيا وعصبيا وفيه الفه وتراحم بينهم
وفي نفس الوقت الولد والبنت عمالين يسايسوا هنا ويريحوا هناك علشان المركب تمشي
في الحاله دي الجوازه حتنجح وكل واحد فيهم حيبلع الزلط للتاني
انما اي خلل في الموضوع ده او زياده تحميل من طرف علي حساب التاني
يبقي كل واحد يروح لحاله وبارك الله فيما رزق

[M.Mekawy]

و الله انا شايف ان خلاصة الموضوع ان الجواز اليومين دول اختراع فاشل فشل السنين
و بالمرة كفاية خلفة كمان , احنا بقينا 80 مليون , و داخلين على ازمة مياه ما يعلم بيها الا ربنا و البترول اللى فى العالم هيخلص كمان 40 سنة بالكتير
احيانا بحس الجواز ده اختراع حكومى جهنمى لالهاء الشعب عن التفكير فى اى حاجة تانية غير ان احنا نلف فى ساقية البحث عن الجواز ثم تربية العيال و فلان عمل فرح فين و فلانة فسحت العيال فين .. !!!

[hh]

بعد كل دة وتقول مش ماديات !! انت اتكلمتى على حاجة غير الماديات ومين قال ان فى الاسلام العريس علية كل حاجة وتطلع اية كل حاجة دى ؟؟

أولا موضوع ان في الاسلام المرأة معلهاش اي التزامات مادية في الزواج دي مفروغ منها, و يا ريت تسأل و انت تتأكد. طبعا ده مش معناه انها تغالى في الطلبات خالص لكن العريس هو الي ملزم يجهز بيت الزوجية و يدفعلها مهر يكون بمثابة هدية ليها تقدر حسب الحالة الاجتماعية و المادية للطرفين.

بالنسة لكلامي حضرتك بتقول انه كله ماديات. انا بحاول أوضح ان ساعات العروسة يتطلب حاجات عشان شايفة ان العريس يقدر ماديا انه يلبي الطلبات دي, مش شرط يكون طمع لكن لما يكون قادر من حقها يجبلها الحاجات اللي هي عايزاها بالمعقول طبعا, لأنها بتقيس على ده تصرفه معاها بعد الجواز و اذا كان حيحاول يريحها و لا حيكون من النوع اللي يستخصر.

بالنسبة للمثال اللي انا قولته واضح انه اتفهم غلط خالص, انا بقول ان والدي كان تقريبا بيتحايل على جوزي ميعملش فرح عشان يوفر المصاريف, يبقى كدة مادي؟؟؟ انما بالنسبة لجوز أختي هو فعلا كان عنده القدرة المادية انه يعمل فرح و كمان لما والدي أصر على الفرح قال له انه يعمل الفرح الي امكانياته تسمح بيه يعني ماشترطش عليه مستوى معين زي ما ناس كتير بتعمل, و كمان شارك معاه في مصاريف الفرح ده, فيا ريت قبل ما نتهم الناس بالمادية نقرا الكلام كويس.

أنا كل اللي بحاول أقوله ان الشباب ما يتسرعش و يحكم على البنت بالمادية لمجرد انها ليها طلبات. لكن بصفة عمة انا لوحكيتلك أنا اتجوزت ازاي حتعرف ان فعلا لسة فيه بنات يهمها الراجل نفسه أكتر مليون مرة من الفلوس.

[nakkash]

مشاكل اخري زي عدم القدره علي تحمل المسئوليه "مش عايز اشيل هم حد تاني" وواحد يقولك انا كده كويس بروح و باجي براحتي مش عايز حد يقولي كنت فين و مع مين حاجات من دي كتيييير و ممكن عدم الاهليه اصلا و حاسس انه ليسه صغير علي الارتباط و انه يفتح بيت و كده يعني

متفق معاك يا باشا فى كل اللى حضرتك قلته بس فى رأى المتواضع إن أهم مشكلة ممكن تواجهك لو القدرات المالية متوفرة هى إنك تلاقى الإنسانة المناسبة اللى تقدر تكمل معاك المشوار مش يكون كل همها انها تاخد اللى عندك و الجواز بالنسبة لها عبارة عن صفقة انت بتجيبلها اللى هى عايزاه بفلوسك وانت فى المقابل بتاخد منها اللى انت عايزه وللأسف انا شفت ده كتير وسمعته أكتر من بنات كتير عندهم استعداد يتجوزو اللى هيدفع أكتر وكاننا بقينا مرة تانية فى عصر الجوارى .

[nakkash]

أنا بس عايزة اعلق على الكلام بتاع طلبات أهل العروسة لأن ده اللي بيتقال في أي موضوع بيتفتح فيه سيرة الجواز في المنتدى.

أولا طبيعى جدا ان أهل العروسة يكون عندهم طلبات, يعني المهر االلي انتوا بتتكلموا عليه ده المفروض انه يكون هدية للعروسة لكن الواقع ان فلوس المهر ابو العروسة بيكمل عليه عشان يجيب الجهاز, رغم انكوا لو رجعتوا للأسلام الزوج هو اللي ملزم بكل حاجة, يعني احنا في الزمن الحالي بقى فيه ظلم كبير واقع على البنت اللي بقت مطالبة هي و أهلها بمصاريف كتير و تجهيزات رغم ان ده مش من الاسلام لكن ماعتقدش ان فيه أهل بيقولوا لعريس بنتهم انت عليك كلحاجة و احنا مالناش دعوة.
ثانيا طبيعي لما يكون واحد رايح يتقدم لواحدة بطريقة جواز الصالونات انه يكون عنده الحد الأدنى من متطلبات الجواز و الا العروسة و أهلها بيحسوا انه بيستهبل أو طمعان. و الصح انه من البداية يوضح لهم امكانياته كويس عشان ميبقاش ده محل خلاف بعد كدة. و برده لو ما قبلهوش مينفعش نتهمهم بالطمع لأن هو بالنسبالهم عريس زيه زي غيره معندهمش سبب للتمسك بيه.
مش معنى كدة ان المعيار الوحيد هو المادة, بالعكس انا اللي شفته مع كل صاحباتي و قرايبي ان الأغلب ان الواحدة بتتخطب للي بتكون هي و أهلها مستريحنله و متوسمين فيه خير حتى لو مكانش الأفضل ماديا بين خطابها انما اللي أقصده انه مينفعش واحد يروح يتجوز جواز صالونات و هو مش محدد ايه اللي حيعملوا في متطلبات الجواز.

ثالثا لازم الشباب يكونوا فاهمين ان البنت لما بتتخطب بتكون مستنية من خطيبها هي و أهلها انه يعمل أقصى ما في وسعه عشان يجيبلها كل اللي نفسها فيه. المسألة مش مسألة فلوس بس, المسألة ليها علاقة بأحساسها بأهميتها عنده و بيديها انطباع انه بعد الجواز حيبقى كويس معاها و لا حيستخسر فيها. طبعا الكلام ده كل واحد حسب امكانياته. يعنى كمثال أنا لما جيت اتجوز جوزي كان لسة متخرج و في بداية حياته و كانت امكانياته على قده, فأنا والدي كان بينصحه انه ميعملش فرح و يوفر الفلوس لحاجة في البيت, انما هو عمل الفرح عشان أنا كنت حموت و نعمله. لما جت أختى الصغيرة تتجوز جوزها مكنش عايز يعمل فرح عشان شايفها مصاريف ملهاش لازمة انما والدي و والدتي هما اللي أصروا على الفرح و قالولوا انهم عايزين يفرحوا بيها. الفرق بين الموقفين انه جوزها امكانياته كانت تسمح انه يعمل فرح و هو اللي مش عايز فهما تمسكوا برأيهم, انما انا عشان جوزي امكانيته كانت ضعيفة كانوا بيحاولوا يوفروا عليه.

انا أسفة ان أنا طولت عليكوا و خرجت بره الموضوع أنا بس عايزة الشباب ميكونش حاطط في دماغه حكاية ان العروسة و أهلها ماديين دي لأن الموضوع حسب الظروف و فيه ناس كتير كويسة و مش هدفها الأول الماده انما ساعات يبان غير كدة.

اسمحيلى سيادتك إنى أرد عليكى و بمنتهى الحيادية
أولا : حضرتك بتقولى إن من الإسلام إن العريس هو اللى يتحمل كافة نفقات تجهيز مكان الزوجية وان فى الزمن ده بقى فى ظلم على البنت وأهلها عشان بيتحملوا جزء من المصاريف وإن المهر بيكون هدية من العريس للعروسة لكن حاليا أبو العروسة بياخد المهر عشان يكمل عليه عشان الجهاز .
أنا متفق معاكى تماما فى إن الإسلام الزم الزوج بتجهيز منزل الزوجية ولكن فى حدود إمكاناته يعنى المفروض لو حبينا ناخد حاجة من الدين ناخدها كلها على بعضها مش ناخد اللى على مزاجنا ونسيب الباقى على طريقة ولا تقربوا الصلاة , الإسلام فعلا الزم الزوج بتدبير منزل الزوجية لكنه ما فرضش عليه انه يكون فى مكان معين ومساحة معينة ومستوى تشطيب معين ويكون العفش من امريكان فيرنتشر و يكون فى تليفون وتليفزيون ومايكروويف وتكييف ...... الخ وخدامة فلبينية ؟
مغالاة الأهل فى طلباتهم هى اللى بتخلى الموضوع شبه مستحيل وموضوع المهر اللى ابو العروسة بياخده عشان يكمل عليه فده كان ايام جدتى وجدتك كان العريس بيدفع مبلغ والد العروسة بيحدده وبيكون هو المسئول عن تجهيزات الشقة وموضوع ان المهر هدية للعروسة فأحب اوضح نقطة مهمة بتختلط على ناس كتير فى مفهوم الدين المهر هو صداق المرآة ولا يصح العقد بدونه وقد يكون مسمى أو غير مسمى وتستحقه المرآة فى حالات معينة لسنا فى مجال ذكرها الأن لكن فى عصرنا هذا المهر أصبح غير الصداق اللى بقى اسمه المؤخر فلازم تجيب شبكة بكذا عشان هى مش اقل من بنت عمها وبنت خالتها وبنت عم عبده البقال (ما اعتقدش انه من الدين فى شئ أن هدية العريس اللى بيجيبها لعروسته تتحدد قيمتها من اهل العروسة ) ونيجى للقايمة اللى طبعا اهل العروسة عايزين يكتبوا فيها كل حاجة حتى العريس نفسه وطبعا مفيش حاجة فى الإسلام اسمها قايمة ولا نايمة لأنه مش من العدل انى اكون شارى الحاجة بفلوسى واتسجن لو بعتها منتها العدل فعلا!!!!!!!!!!

ثانيا : انا متفق معاكى فى إن أى واحد بيتقدم لواحدة فى جواز صالونات لآزم يكون عنده الحد الأدنى من الإمكانيات اللازمة للزواج ولكن ما هو الحد الأدنى المطلوب ؟؟؟؟؟
انا فى مرة رحت مع واحد صاحبى عشان نخطبله واحدة كانت طالبة عنده فى احد الكورسات والبنت زى ما هو قالى ان والدها خريج أزهر وخطيب مسجد تصدقوا اول حاجة والدها المحترم اتكلم فيها إيه؟؟؟
يا بنى قبل ما نتكلم فى اى حاجة ولا نعرف حاجة عنك ولا عن أهلك أو إمكانياتك احنا عندنا شرط عشان نكون على نور عايزين شبكة ب 20000 ج و مؤخر 30000 ج وقايمة ب 150000 ج عشان نكون متفقين من الأول !!!!!!!!!
طب يا حج مش تعرف ظروفى الأول ؟ مناسب ليكم ولا لأ ؟ اهلى كويسين ولا عندكم إعتراض على حاجة ؟
و انا بصراحة كان عندى كلمتين عايز اقولهم بقوله يا حج انا عرفت ان حضرتك خطيب مسجد فين بقى تيسير الزواج وعدم المغالاة فى المهور وإن جاءكم من ترضون دينه وخلقه فزوجوه ؟؟؟
قالى يا بنى الكلام ده بنقوله على المنبر بس !!!!!!! ولا تعليق
فبصراحة مقدرتش اقوله غير حاجة واحدة هو حضرتك عندك بنت للجواز ولا عارضها فى سوق الجوارى ؟
ثالثا : زى ما المفروض ان البنت بتكون عايزة خطيبها يهتم بيها ويجيبلها حاجات كتير عشان يبينلها إزاى هو بيحبها و مهتم بيها ؟
المفروض هى كمان تراعى ربنا فيه و تقف جنبه عشان يخلص المسئوليات الكتير اللى عليه مش يبقى مقياس حبه واهتمامه هو الهدايا اللى بيجيبهالها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا عايز اسأل حضرتك سؤال ليه حضرتك معترضة ان العريس يكون عنده قدرة مالية انه يعمل فرح وما يعملهوش ؟ هو ده برده من فروض الإسلام إن الفرح يتعمل فى فندق أو نادى ويتكلف الاف مؤلفة ويبقى الواحد ابتدى حياته الجديدة بمعصية ؟
مش الفلوس دى ممكن يبتدوا بيها حياتهم بلاش ممكن يسافروا يعملوا عمرة وتكون دى أحسن بداية لحياتهم الجديدة أو حتى يسافروا تركيا مثلا يعملوا شهر عسل محترم بدل ما يصرفوا الفلوس فى تفاهات و فى الأخر مهما عمل ما بيعجبش حد.
أسف على الإطالة وبعتذر عن أى حدة ممكن تكون موجودة فى كلامى

[nakkash]

بعد مناقشات كتييييييييييييييير في المواضيع دي
فاحسن حاجه
تسيبوها علي الله
كل واحد حياخد نصيبه
والزوجه اللي ربنا اختارهاله في الوقت المحدد له
===================
وعموما من اسباب فشل الخطوبه هو تغيير الاتفاقات بعد الخطوبه
وكل ما تسال واحده فسختي خطوبتك ليه
تقولك
اصله طلع ابن امه
زي ما يكون لازم تكون يتيم علشان تروح تخطب ست الحسن والجمال

حبيب قلبى شنورى ربنا يخليلك الحاجة وقولها أحمد بيقولك كل سنة وانتى طيبة .
بص يا باشا لازم نفرق بين حاجتين إن الواحد يكون بار بأهله دى حاجة ما تزعلش حد أبداا واى حد يقول غير كده يبقى يستاهل ضرب ...........
انما يكون الواحد امعة وما عندوش شخصية وامه هى اللى بتختاره كل حاجة وممشياه بالريموت كنترول فأسمحلى ده ما يبقاش اسمه راجل ابدا . وانا متأكد إنك تقصد الأولانى مش التانى .

[dr.amr]

اسمحيلى سيادتك إنى أرد عليكى و بمنتهى الحيادية
أولا : حضرتك بتقولى إن من الإسلام إن العريس هو اللى يتحمل كافة نفقات تجهيز مكان الزوجية وان فى الزمن ده بقى فى ظلم على البنت وأهلها عشان بيتحملوا جزء من المصاريف وإن المهر بيكون هدية من العريس للعروسة لكن حاليا أبو العروسة بياخد المهر عشان يكمل عليه عشان الجهاز .
أنا متفق معاكى تماما فى إن الإسلام الزم الزوج بتجهيز منزل الزوجية ولكن فى حدود إمكاناته يعنى المفروض لو حبينا ناخد حاجة من الدين ناخدها كلها على بعضها مش ناخد اللى على مزاجنا ونسيب الباقى على طريقة ولا تقربوا الصلاة , الإسلام فعلا الزم الزوج بتدبير منزل الزوجية لكنه ما فرضش عليه انه يكون فى مكان معين ومساحة معينة ومستوى تشطيب معين ويكون العفش من امريكان فيرنتشر و يكون فى تليفون وتليفزيون ومايكروويف وتكييف ...... الخ وخدامة فلبينية ؟
مغالاة الأهل فى طلباتهم هى اللى بتخلى الموضوع شبه مستحيل وموضوع المهر اللى ابو العروسة بياخده عشان يكمل عليه فده كان ايام جدتى وجدتك كان العريس بيدفع مبلغ والد العروسة بيحدده وبيكون هو المسئول عن تجهيزات الشقة وموضوع ان المهر هدية للعروسة فأحب اوضح نقطة مهمة بتختلط على ناس كتير فى مفهوم الدين المهر هو صداق المرآة ولا يصح العقد بدونه وقد يكون مسمى أو غير مسمى وتستحقه المرآة فى حالات معينة لسنا فى مجال ذكرها الأن لكن فى عصرنا هذا المهر أصبح غير الصداق اللى بقى اسمه المؤخر فلازم تجيب شبكة بكذا عشان هى مش اقل من بنت عمها وبنت خالتها وبنت عم عبده البقال (ما اعتقدش انه من الدين فى شئ أن هدية العريس اللى بيجيبها لعروسته تتحدد قيمتها من اهل العروسة ) ونيجى للقايمة اللى طبعا اهل العروسة عايزين يكتبوا فيها كل حاجة حتى العريس نفسه وطبعا مفيش حاجة فى الإسلام اسمها قايمة ولا نايمة لأنه مش من العدل انى اكون شارى الحاجة بفلوسى واتسجن لو بعتها منتها العدل فعلا!!!!!!!!!!

ثانيا : انا متفق معاكى فى إن أى واحد بيتقدم لواحدة فى جواز صالونات لآزم يكون عنده الحد الأدنى من الإمكانيات اللازمة للزواج ولكن ما هو الحد الأدنى المطلوب ؟؟؟؟؟
انا فى مرة رحت مع واحد صاحبى عشان نخطبله واحدة كانت طالبة عنده فى احد الكورسات والبنت زى ما هو قالى ان والدها خريج أزهر وخطيب مسجد تصدقوا اول حاجة والدها المحترم اتكلم فيها إيه؟؟؟
يا بنى قبل ما نتكلم فى اى حاجة ولا نعرف حاجة عنك ولا عن أهلك أو إمكانياتك احنا عندنا شرط عشان نكون على نور عايزين شبكة ب 20000 ج و مؤخر 30000 ج وقايمة ب 150000 ج عشان نكون متفقين من الأول !!!!!!!!!
طب يا حج مش تعرف ظروفى الأول ؟ مناسب ليكم ولا لأ ؟ اهلى كويسين ولا عندكم إعتراض على حاجة ؟
و انا بصراحة كان عندى كلمتين عايز اقولهم بقوله يا حج انا عرفت ان حضرتك خطيب مسجد فين بقى تيسير الزواج وعدم المغالاة فى المهور وإن جاءكم من ترضون دينه وخلقه فزوجوه ؟؟؟
قالى يا بنى الكلام ده بنقوله على المنبر بس !!!!!!! ولا تعليق
فبصراحة مقدرتش اقوله غير حاجة واحدة هو حضرتك عندك بنت للجواز ولا عارضها فى سوق الجوارى ؟
ثالثا : زى ما المفروض ان البنت بتكون عايزة خطيبها يهتم بيها ويجيبلها حاجات كتير عشان يبينلها إزاى هو بيحبها و مهتم بيها ؟
المفروض هى كمان تراعى ربنا فيه و تقف جنبه عشان يخلص المسئوليات الكتير اللى عليه مش يبقى مقياس حبه واهتمامه هو الهدايا اللى بيجيبهالها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا عايز اسأل حضرتك سؤال ليه حضرتك معترضة ان العريس يكون عنده قدرة مالية انه يعمل فرح وما يعملهوش ؟ هو ده برده من فروض الإسلام إن الفرح يتعمل فى فندق أو نادى ويتكلف الاف مؤلفة ويبقى الواحد ابتدى حياته الجديدة بمعصية ؟
مش الفلوس دى ممكن يبتدوا بيها حياتهم بلاش ممكن يسافروا يعملوا عمرة وتكون دى أحسن بداية لحياتهم الجديدة أو حتى يسافروا تركيا مثلا يعملوا شهر عسل محترم بدل ما يصرفوا الفلوس فى تفاهات و فى الأخر مهما عمل ما بيعجبش حد.
أسف على الإطالة وبعتذر عن أى حدة ممكن تكون موجودة فى كلامى

مش عارف اقولك ايه بصراحه
الرد ده مفروض يتثبت في الاجتماعي فوق واي حد يقراه قبل مايخطب

[nakkash]

لا اسمحلى ياشنورى واسمحولى كلكم فى فرق انه يكون بار بوالديه وتحديدا بوالدته وفى فرق انه يسمع لوالدته بدون اى تفكير وده بيسبب مشاكل كتير وحصل موقف شخصى معايا شخصياً واقسم بالله ان ده مسبب مشاكل للطرفين دلوقتى بتخيل نفسى انى لو كنت مكان البنت دلوقتى اكيد مكنتش حعمر

فياريت نوضح الكلمة بس مش اكتر ومش تلاكيك هى والله عشان والدة الولد فى بعض الاحيان بتتخيل ان ابنها اول مطلع بره بيتها الغيرة بتزيد عليه وازاى ترب وتكبر وواحده تاخده على الجاهز مع احترامى للجميع بس ده بيحصل فعلا ياجماعه

متفق معاكى تماما

[SHNORY]

حبيب قلبى شنورى ربنا يخليلك الحاجة وقولها أحمد بيقولك كل سنة وانتى طيبة .
بص يا باشا لازم نفرق بين حاجتين إن الواحد يكون بار بأهله دى حاجة ما تزعلش حد أبداا واى حد يقول غير كده يبقى يستاهل ضرب ...........
انما يكون الواحد امعة وما عندوش شخصية وامه هى اللى بتختاره كل حاجة وممشياه بالريموت كنترول فأسمحلى ده ما يبقاش اسمه راجل ابدا . وانا متأكد إنك تقصد الأولانى مش التانى .

واد يا نقراشي الحاجه بتسلم عليك اوي والله
خلي عندك دم بقي وتعالي اسكندريه وسلم انت عليها بنفسك
او هات الحاجه معاك ونطلع نقضي يوم كلنا مع بعض
وبجد مفيش كلام يتقال بعد كلامك
تسلم ايدك يا نقراشي وبارك الله فيك وجعلك زخرا للشباب