((((أسئلة انترفيوهات الخطوبة قواعد و شروط )))))

[SHNORY]

هههههههههههههههههههههههه
ده يبقى اكيد جاسوس من اهل العروسة

لا والله بتحصل يا حاج
تلاقي الواحد من دول عاوز يعمل برستيج لنفسه وسط القاعده
وال يعني ميهمهوش الفلوس
واي حاجه يطلبوها يوافق عليها ويدبس العريس الغلبان
فعلشان يبقوا علي نور من اولها
انا زمان لما روحت خطبت
قولت للناس كلمتين
اللي انا حقوله هو اللي حنفذه
حتي لو ابويا قال حاجه يبقي يعملها هو
انا ملزم بس بالللي حيطلع مني
والناس ربنا يباركلهم ويسهلهم الحال وافقوني علي كلامي
وربنا يوعدهم بالاحسن مني

[nakkash]

نرجع للموضوع الاصلي ...... وعذرا لو كنا خرجنا عن صلب الموضوع
انا شايف انه بعد ما يحصل قبول مبدأي بين الطرفان
يجب ان يكون الاتفاق المادي واضح وصريح ويشمل التفاصيل الصغيرة قبل الكبيرة
دائما ما يكون سبب المشاكل فيما بعد هو انه لم يتفق الطرفان على تفاصيل صغيرة
لذلك انصح بان يكون الاتفاق صريح وشامل للتفاصيل .... وبدون حرج ... ويفضل ان يحضر الاتفاق ناس عندهم خبرة ودراية بامور الزواج من الطرفين
يعني ما نقولش خليها لوقتها .... او حسب الظروف .... او لما ربنا يسهلها ...

في معظم الاحوال بيعتبر كل من الطرفان نفسه غير ملزم بالتفاصيل التي لم يتم الاتفاق عليها .... وبيكون ده سبب للمشاكل

حمد الله على السلامة يا حج أحمد نورت المنتدى كنت واحشنى والله انا متفق مع حضرتك إن لازم يكون فى اتفاق بين الأهل على كل حاجة و على كل التفاصيل الصغيرة قبل الكبيرة وده بيريح كتير وإن والله يا حج وعن تجربة شخصية لما بيكون الأهل ناس محترمين وما بيبصوش لماديات المواضيع دى ما بتفرقش خالص لكن المشكلة بتكون فى نوع من البنى أدمين بعد ما بتتفق معاهم على كل حاجة وتبتدى فعلا تنفذ الجزء الخاص بيك يقولك على فكرة فى حاجات إحنا اتفقنا عليها وكانت غلط لازم تتغير المؤخر لازم يزيد والالستائر والتنجيد و .............. عليك ناس زى دى ممكن تعمل معاها إيه

استاذنك اضيف حاجه يا حاج احمد
انه لازم يكون متفق مع الناس اللي حيروح معاهم علي كل حاجه
ويكون فيه اتفاق مبدئي بينه وبين البنت وعارف هما حيطلبوا ايه قبل ما يروح دا علي اساس انه يعرفها وفيه كلام بينهم
ولو واخد معاه عمه مثلا او خاله يحددلهم الكلام حيكون علي ايه
علشان ميلاقيش واحد بيصدره في حاجه وخلاص
زي مثلا ابوها يطلب حاجه ب20 الف يرد واحد منهم يقول دا احنا نتاقل بنتكم بالدهب ومش خساره فيها
لان ساعتها مفيش مجال للمجاملات

شكلك إدبست بسبب الحوار ده قبل كده يا شنورى هو طبعا المفروض الواحد قبل ما بيروح بيفهم اهله على كل حاجة عشان محدش يدبسه فى حاجة ولا يتبحبح بكلمتين قدام الناس وانت فى الأخر اللى بتشرب الليلة وده طبعا خاصة فى حالة إن والدك يكون متوفى زى حالاتى فبتظطر تاخد معاك عمك وخالك و...... واتفشخرى يالى مانتيش غرمانة

[hh]

اسمحيلى سيادتك إنى أرد عليكى و بمنتهى الحيادية
أولا : حضرتك بتقولى إن من الإسلام إن العريس هو اللى يتحمل كافة نفقات تجهيز مكان الزوجية وان فى الزمن ده بقى فى ظلم على البنت وأهلها عشان بيتحملوا جزء من المصاريف وإن المهر بيكون هدية من العريس للعروسة لكن حاليا أبو العروسة بياخد المهر عشان يكمل عليه عشان الجهاز .
أنا متفق معاكى تماما فى إن الإسلام الزم الزوج بتجهيز منزل الزوجية ولكن فى حدود إمكاناته يعنى المفروض لو حبينا ناخد حاجة من الدين ناخدها كلها على بعضها مش ناخد اللى على مزاجنا ونسيب الباقى على طريقة ولا تقربوا الصلاة , الإسلام فعلا الزم الزوج بتدبير منزل الزوجية لكنه ما فرضش عليه انه يكون فى مكان معين ومساحة معينة ومستوى تشطيب معين ويكون العفش من امريكان فيرنتشر و يكون فى تليفون وتليفزيون ومايكروويف وتكييف ...... الخ وخدامة فلبينية ؟
مغالاة الأهل فى طلباتهم هى اللى بتخلى الموضوع شبه مستحيل وموضوع المهر اللى ابو العروسة بياخده عشان يكمل عليه فده كان ايام جدتى وجدتك كان العريس بيدفع مبلغ والد العروسة بيحدده وبيكون هو المسئول عن تجهيزات الشقة وموضوع ان المهر هدية للعروسة فأحب اوضح نقطة مهمة بتختلط على ناس كتير فى مفهوم الدين المهر هو صداق المرآة ولا يصح العقد بدونه وقد يكون مسمى أو غير مسمى وتستحقه المرآة فى حالات معينة لسنا فى مجال ذكرها الأن لكن فى عصرنا هذا المهر أصبح غير الصداق اللى بقى اسمه المؤخر فلازم تجيب شبكة بكذا عشان هى مش اقل من بنت عمها وبنت خالتها وبنت عم عبده البقال (ما اعتقدش انه من الدين فى شئ أن هدية العريس اللى بيجيبها لعروسته تتحدد قيمتها من اهل العروسة ) ونيجى للقايمة اللى طبعا اهل العروسة عايزين يكتبوا فيها كل حاجة حتى العريس نفسه وطبعا مفيش حاجة فى الإسلام اسمها قايمة ولا نايمة لأنه مش من العدل انى اكون شارى الحاجة بفلوسى واتسجن لو بعتها منتها العدل فعلا!!!!!!!!!!

ثانيا : انا متفق معاكى فى إن أى واحد بيتقدم لواحدة فى جواز صالونات لآزم يكون عنده الحد الأدنى من الإمكانيات اللازمة للزواج ولكن ما هو الحد الأدنى المطلوب ؟؟؟؟؟
انا فى مرة رحت مع واحد صاحبى عشان نخطبله واحدة كانت طالبة عنده فى احد الكورسات والبنت زى ما هو قالى ان والدها خريج أزهر وخطيب مسجد تصدقوا اول حاجة والدها المحترم اتكلم فيها إيه؟؟؟
يا بنى قبل ما نتكلم فى اى حاجة ولا نعرف حاجة عنك ولا عن أهلك أو إمكانياتك احنا عندنا شرط عشان نكون على نور عايزين شبكة ب 20000 ج و مؤخر 30000 ج وقايمة ب 150000 ج عشان نكون متفقين من الأول !!!!!!!!!
طب يا حج مش تعرف ظروفى الأول ؟ مناسب ليكم ولا لأ ؟ اهلى كويسين ولا عندكم إعتراض على حاجة ؟
و انا بصراحة كان عندى كلمتين عايز اقولهم بقوله يا حج انا عرفت ان حضرتك خطيب مسجد فين بقى تيسير الزواج وعدم المغالاة فى المهور وإن جاءكم من ترضون دينه وخلقه فزوجوه ؟؟؟
قالى يا بنى الكلام ده بنقوله على المنبر بس !!!!!!! ولا تعليق
فبصراحة مقدرتش اقوله غير حاجة واحدة هو حضرتك عندك بنت للجواز ولا عارضها فى سوق الجوارى ؟
ثالثا : زى ما المفروض ان البنت بتكون عايزة خطيبها يهتم بيها ويجيبلها حاجات كتير عشان يبينلها إزاى هو بيحبها و مهتم بيها ؟
المفروض هى كمان تراعى ربنا فيه و تقف جنبه عشان يخلص المسئوليات الكتير اللى عليه مش يبقى مقياس حبه واهتمامه هو الهدايا اللى بيجيبهالها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا عايز اسأل حضرتك سؤال ليه حضرتك معترضة ان العريس يكون عنده قدرة مالية انه يعمل فرح وما يعملهوش ؟ هو ده برده من فروض الإسلام إن الفرح يتعمل فى فندق أو نادى ويتكلف الاف مؤلفة ويبقى الواحد ابتدى حياته الجديدة بمعصية ؟
مش الفلوس دى ممكن يبتدوا بيها حياتهم بلاش ممكن يسافروا يعملوا عمرة وتكون دى أحسن بداية لحياتهم الجديدة أو حتى يسافروا تركيا مثلا يعملوا شهر عسل محترم بدل ما يصرفوا الفلوس فى تفاهات و فى الأخر مهما عمل ما بيعجبش حد.
أسف على الإطالة وبعتذر عن أى حدة ممكن تكون موجودة فى كلامى

حيادية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هي فين الحيادية دي؟؟؟ ده انت كل كلامك هجوم!!!!!!!!!!!!!!! بس عموما أنا برضه حرد عليك عشانك و عشان الاخوة اللي مبسوطين أوي بردك لأن واضح انكوا لسة شباب صغير فواخداكوا الجلالة قوي.

أولا: أنا لما قلت ان المفروض ان العريس أسلاميا ملزم انه يجهز بيت للزوجية قلت كمان بالمعقول طبعا. يا ريت تقرا الكلام كويس قبل ما ترد. المعقول ده بقى نسبي اللي انا أشوفه معقول غيري يشوفه قليل و واحد تالت يشوفه مبالغ فيه. يعني متروحش لواحدة أبوها مليونير مثلا و تقول بيغالي في طلباته...مش كدة؟؟

و بعدين موضوع المهر اللي أبو العروسة بيكمل عليه عشان يجيب الجهاز ده واقع أنا شوفته في مليون جوازة....هو فيه عريس هو اللي بيجيب كل العفش؟؟؟ هي حاجة من اتنين يا بيدفع مهر و أبو العروسة يجهز, يا اما بيجهزوا بالنص, ده اللي انا أعرفه و اللي شوفته في في حوالي 10 جوازات على الاقل لناس مقربين ليا.

موضوع الصداق في الاسلام هو هدية خاصة بالعروسة محدش يشاركها فيها سواء اهلها او جوزها و بيتقسم لمقدم و مؤخر او يكون كله مؤخر. طيب هو فيه عروسة بتاخد الصداق ده؟؟؟؟؟ حتى المؤخر حضرتك تعرف انه ده دين على الزوج لمراته المفروض يسدده لما يتوفر معاه و لو مات المفروض تاخده الأول قبل تقسيم التركة؟ فيه واحد بيدفع لمراته مؤخرها و لا كله بيستنى لما يطلقوا و بعدين يقولها روحي خديه بالمحكمة؟؟

بالنسبة لموضوع القايمة ده انا عمري ما أقتنعت بيه و لا أبويا كتب قايمة و لا على جوزي و لا على ازواج اخواتي الاتنين.

ثانيا: موضوع الحد الأدنى لأمكانيات الراجل لما يروح يتجوز جواز صالونات ده زي ما قلت قبل كدة نسبي. بس على الأقل لازم يكون عنده تصور هو حيعمل ايه في موضوع البيت و الجهاز و الحاجات دي و يعرض عليهم امكانياته بمنتهى الوضوح. موضوع انهم يقبلوا أو يرفضوا ده راجع للعروسة و أهلها و انا مش شايفة ان أي حد ليه الحق انه ينتقد اختيارهم لو رفضوا حتى لو السبب الماديات. كل واحد في الأخر مسئول عن اختياراته و بيتحمل نتيجتها. يعني اللي ترفض واحد أخلاقه كويسة و محترم عشان واحد أقل منه في الشخصية بس أعلى ماديا غلط مية في المية بس هي اللي حتتحمل الغلط ده لأنها هي اللي حتعاشره. زي بالظبط الراجل اللي يشوف واحدة مؤدبة و متدينة و من عيلة محترمة و يفضل عليها واحدة مش على نفس المستوى ده من الأخلاقيات عشان بيضا و عنيها ملونة, و لا ما بيحصلش؟؟؟ اشمعنى بنتهم البنات بالسطحية؟؟

ثالثا: انا مقولتش ان البنت متكونش مهتمة بانها تراعي خطيبها و ماتتقلش عليه, أنا قولت انها لو بتطلب حاجات امكانياته تسمح بيها ممكن يكون من باب العشم و انها عايزاه يبقى بيحاول يسعدها مش من باب الطمع.

و بعدين و اضح ان موضوع الفرح ده مزعل حضرتك قوي. لو أعرف كدة كنت رجعت خمس سنسن لورا عشان معملوش
لأ بجد, بص أنا معاك ان فلوس الفرح فيه مليون حاجة أهم ممكن تتعمل بالفلوس. بس ناس كتير - وأنا منهم - شايفين الفرح ده مرة في العمر و ما يتعوضش. أحنا هنا مش في مجال للنقاش الفرح صح و لا غلط. النقطة الوحيدة اللي كنت أقصد اثيرها و انتوا مفهمتوهاش ان ممكن نفس الأب موقفه يتغير حسب ظروف العريس. يعني لو العريس امكانياته تسمح يطلب منه أكتر من واحد تاني معندوش امكانيات عشان ده الطبيعي ان كل واحد بيعمل حسب امكانياته. وبعدين انا بقولك ان لما والدي طلب من جوز أختي يعمل فرح شاركه في المصاريف, يعني مش موضوع طمع هو بس نفسه يفرح ببنته. و على فكرة أنا أعرف واحد قريبي كان بيتحايل على والده ميعملوش فرح و يديه الفلوس يعمل بيها حاجة تانية و أبوه أصر يعمل الفرح, يعني هي مش حكاية ولد و بنت.

مش عارف اقولك ايه بصراحه
الرد ده مفروض يتثبت في الاجتماعي فوق واي حد يقراه قبل مايخطب

بصراحه كلامك ميتقالش بعده ولا كلمه واحده

يا باشا ربنا يخليك ده مجرد رأى ونتاج تجارب كتير فى المجال ده كله فى الأول بيشترى راجل وبعدين بتتعذب عذاب الهدهد

ربنا يخليك يا شنورى وسلملى عليها كتير قوى وأكيد هجيلك قريب إن شاء الله ومتشكرين يا باشا على الكلام الكبير ده كله

ربنا يكرمك على الكلام الجميل ده ويرزقنا بالزوجة الصالحة اللى تحفظنا وتحافظ علينا ما يكونش كل همها الشقة التمليك والعربية و اللذى منه ...........................

القرضاوي
على الأب بدل من أن يطلب 50 ألف أو 100 ألف كما يُطلب هنا بل ييسر عليه، فالرسول زوج ابنته بأقل الأشياء وتزوج هو بأقل ما يمكن، وسيدنا عمر حاول أن يوقف هذا وقال: لو كان مكرمة في الدنيا أو مثوبة في الآخرة لزوج النبي بناته أو لتزوج نساءه بالمهور الغالية، فأول شيء المفروض أن نيسر في هذا، فعلى الآباء ألا يطلبوا هذه المبالغ، وبعض الناس فعلاً تريد أن تأخذ من مال المهر، والمهر في الأصل هو حق الفتاة وحق الزوجة، الله تعالى يقول: (وآتوا النساء صدقاتهن نحلة)، فالمهر من حق المرأة، والأب غير محتاج إلى شيء، من الممكن لو كان محتاجاً أن يأخذ منه ولكن الأصل أنه حق للمرأة (وآتوا النساء صدقاتهن نحلة) يعني عطية ومودة (فإن طبن لكم عن شيء منه نفساً فكلوه هنيئاً مريئاً).

اظن كلام الشيخ القرضاوى واضح
يا اخت hh اقرى كويس وانت تتاكدى

يا أستاذ أكرم هو أنا قلت ايه يناقض الكلام ده؟؟؟ ما هو أنا قلت الراجل هو اللي ملزم بالمصاريف بالمعقووووووووووووووول. المعقول ده محدش يقدر يحدده, كل حسب مقدرته. و كل مستوى اجتماعي بيشوف المعقول ده بشكل مختلف.

بصوا يا شباب, انا حاسة ان انا كلامي كلوا بيتفسر بشكل غير اللي انا عايزاه. أنا بس مش عايزاكوا تكونوا متحاملين على البنات أو شايفين الدنيا كلها وحشة و الناس زي بعضها. زي ما فعلا فيه ناس همها الأول و الاخير المادة, فيه ناس كتير بتفكر غير كدة.

أنا لما أتجوزت اتجوزت في شقة ايجار جديد, و أبويا مخدش مهر من جوزي, هو قاله انت تجهز نص الشقة و احنا النص التاني, و حتى الشبكة جوزي قال له انا حجيب شبكة بكذا ماتناقش معاه, و ربنا اللي يعلم ان قيمة الشبكة دي أقل من نص المتعارف عليه عندنا و أقل من أقل واحدة في قرايبي و معارفي, بس عندي بالدنيا كلها. و موضوع القايمة ده زي ما قلت احنا معندناش حاجة اسمها قايمة. و بالنسبة للفرح اللي انتوا زعلانين ان انا أصريت اعمله, فأحب اقولكوا ان ده حلم أي بنت الفرح و الطرحة و الفستان الأبيض, بس انا عملت فرح صغير على قدنا, و حتى تكاليفه انا عملت جمعية من مرتبي و اديتها لجوزي عشان نعمل بيها الفرح, يعني ما حملتوش فوق طاقته زي ما أنتوا فاكرين. و الحمد لله احنا انهارة بعد خمس سنين جواز ربنا سبحانه و تعالى كرمنا فوق ما كنا نتخيل, و بقى عندنا شقة تمليك و عربيتين و دخلنا اتضاعف خمس مرات - بسم الله ما شاء الله - يعني ربنا سبحانه و تعالى عوضنا خير عشان رضينا بقليله.

[nakkash]

حيادية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هي فين الحيادية دي؟؟؟ ده انت كل كلامكهجوم!!!!!!!!!!!!!!! بس عموما أنا برضه حرد عليك عشانك و عشان الاخوة اللي مبسوطينأوي بردك لأن واضح انكوا لسة شباب صغير فواخداكوا الجلالة قوي.

إسمحيلى أرد على حضرتك فى البداية إنى إعتذرت فى نهاية كلامى عن أى حدة ممكن تكون موجودة فى ردى على كلام حضرتك والأخوة اللى حضرتك بتقولى عليهم انهم مبسوطين وبيصقفوا عشان قولتلهم كلمتين عجبوهم ما اعتقدش انهم لسه اطفال صغيرين وواخداهم حماسة الشباب وبما انى ما اعرفش سنهم فعليا فكل اللى هقدر اتكلم عليه هو انا والأستاذ محمد شنورى انا عمرى 30 سنة والأستاذ شنورى عمره 32 سنة معرفش ده فى عرف حضرتك نبقى شباب صغير وراكب الموجة وواخدانا الجلالة قوى ولا إيه بس كل اللى اقدر اقوله لحضرتك انى ما بقولش راى مبنى على حكاوى القهاوى أو كتاب الف ليلة وليلة لأ ده من خلال مشاهدات وتجارب كتير من أصدقائى وقرايبى اللى اتجوزا أو حاولوا مجرد محاولة انهم يتقدموا لواحدة .

أولا: أنالما قلت ان المفروض ان العريس أسلاميا ملزم انه يجهز بيت للزوجية قلت كمان بالمعقولطبعا. يا ريت تقرا الكلام كويس قبل ما ترد. المعقول ده بقى نسبي اللي انا أشوفهمعقول غيري يشوفه قليل و واحد تالت يشوفه مبالغ فيه. يعني متروحش لواحدة أبوهامليونير مثلا و تقول بيغالي في طلباته...مش كدة؟؟


وهو لما واحد حضرتك بتقولى عنده الحد الأدنى من الإمكانيات يروح يتقدم لبنت أهلها من طبقتنا أو كمان اقل مننا فى المستوى المادى ويفاجأ عايزن شبكة ب 20000 ج وعشان خاطرك هنخليهم 15000 ج بس والعفش كله عليك والموخر 30000 ج ده عشان انت راجل محترم بس فى حاجة الشقة التمليك بتاعتك بعيدة عننا والبنت لازم تكون قريبة من مامتها عشان مامتها تعبانة ولازم البنت تراعيها فلازم تبيع الشقة بتاعتك وتيجى تاخد شقة جنبنا عشان البنت تروح شغلها وترجع على البيت تراعى والدتها وبعد كده لو فى وقت ممكن تبقى تروحلك شوية واهو كله بثوابه
ده نموذج من النماذج الكتير اللى الواحد بيشوفها كل يوم وبصراحة ببقى مستغرب ليه التناكة دى امال لو هتقدم لبنت رئيس الوزراء هيطلب منى إيه عقد لولى وحصان بجناحين و3 تفاحات دهب وساعتها يبقى حقه .

و بعدين موضوع المهر الليأبو العروسة بيكمل عليه عشان يجيب الجهاز ده واقع أنا شوفته في مليون جوازة....هوفيه عريس هو اللي بيجيب كل العفش؟؟؟ هي حاجة من اتنين يا بيدفع مهر و أبو العروسةيجهز, يا اما بيجهزوا بالنص, ده اللي انا أعرفه و اللي شوفته في في حوالي 10 جوازاتعلى الاقل لناس مقربين ليا.


موضوع المهر ده بصراحة ما سمعتش ان فى ناس بتعمله من ايام ما والدى الله يرحمه اتجوز والدتى لكن انا شفت فوق ال 30 جوازة ما شفتش حد لسه بيدفه مهر عشان الجهاز وعامة ممكن يكون ده عرف العيلة عند حضرتك .

موضوع الصداق في الاسلام هو هدية خاصة بالعروسةمحدش يشاركها فيها سواء اهلها او جوزها و بيتقسم لمقدم و مؤخر او يكون كله مؤخر. طيب هو فيه عروسة بتاخد الصداق ده؟؟؟؟؟ حتى المؤخر حضرتك تعرف انه ده دين على الزوجلمراته المفروض يسدده لما يتوفر معاه و لو مات المفروض تاخده الأول قبل تقسيمالتركة؟ فيه واحد بيدفع لمراته مؤخرها و لا كله بيستنى لما يطلقوا و بعدين يقولهاروحي خديه بالمحكمة؟؟

والله لوحضرتك قريتى كويس اللى انا كاتبه كنتى هتعرفى انى قلت إن صداق المرآة اللى احنا بنسميه دلوقت المؤخر واجب على الزوج ولا يصح العقد بدونه وان المرآة تستحقه فى حالات لسنا فى مجال ذكرها لكن لو حضرتك تحبى إنتى والأخوة انى أعملكم دراسة عن النكاح فى الإسلام وما يتعلق به من أحكام وأنواع النكاح الفاسد وأحكام الصداق ومتى تستحق المرآة الصداق كله ومتى تستحق نصف الصداق ومتى لا تستحق أى شئ من الصداق وانواع الطلاق والفرق بين الخلع والظهار والطلاق البدعى والطلاق السنى والطلاق الرجعى والطلاق البائن والطلاق البائن بينونة ضغرى والطلاق البائن بينونة كبرى انا ما عنديش مانع زى ما عملت موضوع قبل كده عن علامات الساعة واكيد انا عارف كويس ان صداق المرآة من حقها لوحدها وما حدش يشاركها فيه لا اب ولا ام ولا أخ ولا أى حد هو من حقها لوحدها و يحق للمرآة ان تحصل على صداقها فى حياة الزوج أو من تركة الزوج بعد وفاته وإذا لم يدفع الصداق ولم تسامح الزوجة فيه يحبس الزوج عن دخول الجنة ولو كان شهيدا .



بالنسبة لموضوع القايمة ده انا عمري ما أقتنعت بيه ولا أبويا كتب قايمة و لا على جوزي و لا على ازواج اخواتي الاتنين.


والله دى حاجة كويسة وربنا يبارك لوالدك ولحضرتك ولأخواتك

ثانيا: موضوع الحد الأدنى لأمكانيات الراجل لما يروح يتجوز جواز صالونات ده زي ما قلت قبلكدة نسبي. بس على الأقل لازم يكون عنده تصور هو حيعمل ايه في موضوع البيت و الجهازو الحاجات دي و يعرض عليهم امكانياته بمنتهى الوضوح. موضوع انهم يقبلوا أو يرفضواده راجع للعروسة و أهلها و انا مش شايفة ان أي حد ليه الحق انه ينتقد اختيارهم لورفضوا حتى لو السبب الماديات. كل واحد في الأخر مسئول عن اختياراته و بيتحملنتيجتها. يعني اللي ترفض واحد أخلاقه كويسة و محترم عشان واحد أقل منه في الشخصيةبس أعلى ماديا غلط مية في المية بس هي اللي حتتحمل الغلط ده لأنها هي اللي حتعاشره. زي بالظبط الراجل اللي يشوف واحدة مؤدبة و متدينة و من عيلة محترمة و يفضل عليهاواحدة مش على نفس المستوى ده من الأخلاقيات عشان بيضا و عنيها ملونة, و لا مابيحصلش؟؟؟ اشمعنى بنتهم البنات بالسطحية؟؟

أنا هقول لسيادتك حاجة واحدة أعتقد إننا كلنا من طبقة متقاربة المستوى مفيش إختلافات مادية كبيرة قوى ما بينا يعنى المفروض تكون الإمكانيات المطلوبة متقاربة فلما العريس اللى لازم فى رأى انه يكون على الأقل عنده شقة وعنده وظيفة بدخل يساعده على أنه يقدر يصرف على البيت ومعاه مبلغ يخليه يقدر يقوم بإحتياجات تأثيث الشقة الأساسية اعتقد كده انه معاه الحد الأدنى اللى يخليه يقدر يتقدم لواحدة من نفس المستوى أو أقل منه لكن غير كده يبقى بيهرج واحد ما بيشتغلش وما معهوش شقة او حتى مش شايل فلوسها ورايح يتجوز صالونات يبقى بيهزر لكن لما يبقى معاه كل ده ويكون ابن ناس ومحترم ويلاقى طلبات غريبة ومبالغ فيها صدقينى انا واحد من الناس بالرغم من إنى الحمد لله اقدر البى الطلبات دى لكن برفض الموضوع من أساسه لأن ده جواز يعنى مودة ورحمة مش استغلال وخلاص.
انا فى واحد زميلى رشحلى بنت جارته وقالى ان اهلها محترمين وكويسين وقعد يقول فيهم قصايد وقالى انه كان عايز يجوزها لأبن خاله لكنهم رفضوا عشان ليهم شوية شروك مقدرش يوفرها فبقوله ايه يعنى ؟
قالى أولا عايزين شقة تمليك ما تقلش عن 150 م ولسه هيقول ثانيا قولتله شكرا الموضوع انتهى طب وليه يا احمد ما انا عارف انت انت عندك شقتك وتمليك وما شاء الله كبيرة قولتله دول مش عايزين عريس دول عايزين واحد ييجى يشترى وانا ما بشتريش جارية انا عايز زوجة ممكن تكونى شايفانى غلط لكن هى دى طريقة تفكيرى وما اعتقدش انها طريقتى لواحدى لأن عندى أكتر من حد بنفس ظروفى وعندهم نفس المشكلة ؟؟؟


ثالثا: انا مقولتش ان البنتمتكونش مهتمة بانها تراعي خطيبها و ماتتقلش عليه, أنا قولت انها لو بتطلب حاجاتامكانياته تسمح بيهاممكن يكون من باب العشم و انها عايزاه يبقىبيحاول يسعدها مش من باب الطمع.

أى بنت لو حسست خطيبها انها بتخاف عليه وعلى مصلحته وبتحبه عشانه هو مش عشان اللى معاه لو قدر يجيبلها حتة من السما مش هيتأخر

و بعدين و اضح ان موضوع الفرح ده مزعلحضرتك قوي. لو أعرف كدة كنت رجعت خمس سنسن لورا عشان معملوش
لأ بجد, بصأنا معاك ان فلوس الفرح فيه مليون حاجة أهم ممكن تتعمل بالفلوس. بس ناس كتير - وأنامنهم - شايفين الفرح ده مرة في العمر و ما يتعوضش. أحنا هنا مش في مجال للنقاشالفرح صح و لا غلط. النقطة الوحيدة اللي كنت أقصد اثيرها و انتوا مفهمتوهاش ان ممكننفس الأب موقفه يتغير حسب ظروف العريس. يعني لو العريس امكانياته تسمح يطلب منهأكتر من واحد تاني معندوش امكانيات عشان ده الطبيعي ان كل واحد بيعمل حسبامكانياته. وبعدين انا بقولك ان لما والدي طلب من جوز أختي يعمل فرح شاركه فيالمصاريف, يعني مش موضوع طمع هو بس نفسه يفرح ببنته. و على فكرة أنا أعرف واحدقريبي كان بيتحايل على والده ميعملوش فرح و يديه الفلوس يعمل بيها حاجة تانية وأبوه أصر يعمل الفرح, يعني هي مش حكاية ولد و بنت

موضوع الفرح ده موضوع نسبى والله ما بيفرق معايا فى حاجة حضرتك عايزة تعملى فرح وجوزك موافق يبقى ربنا يباركلكم لكن انا شايف بصراحة إن حرام الواحد يدفع فى اول حياته 10000 او 15000 ج عشان يشارك والد العروسة فى فرح محترم عشان الناس تنبسط والعروسة تنبسط لكن فى حاجات بسيطة بتتعمل وتفرح الإتنين من غير تكاليف مبالغ فيها وعامة هو موضوع بالإتفاق وربنا يبارك لكل إتنين ناويين يتجوزا وعايزين يرضوا ربنا ويتملهم على خير سواء عملوا فرح أو ما عملوش وربنا يباركلك فى زوجك وفى بيتك و يرزقكم كمان وكمان بس ما تبقيش تقولى الكلام ده قدام اى حد عشان فى ناس ما بترحمش وعينيها ما بتهزرش ربنا يكرمكم بالخير دايما ويزيدكم من نعيمه وخيراته ويبعد عنكم عنين الناس و صدقينى طعم الحاجات دى لما بتيجى بعد تعب بيبقى احلى كتير ما الواحد يلاقيها على الجاهز عشان يعرف يحافظ عليها .
والإختلاف فى الرأى لا يفسد للود قضية .

أه نسيت أسال حضرتك على حاجة مهمة ما عندكيش عروسة حلوة ليا انا والواد شنورى عشان والدته ووالدتى يرتاحو ويبطلوا يتكلموا معانا فى الموضوع ده؟؟؟؟

[icehearted girl]

ياخبر

متهيألي انا لوقلت شوية اسئلة هنا الموضوع هيتقلب كوميدي بحت فاسكت انا احسن

[SHNORY]

حيادية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هي فين الحيادية دي؟؟؟ ده انت كل كلامك هجوم!!!!!!!!!!!!!!! بس عموما أنا برضه حرد عليك عشانك و عشان الاخوة اللي مبسوطين أوي بردك لأن واضح انكوا لسة شباب صغير فواخداكوا الجلالة قوي.

إسمحيلى أرد على حضرتك فى البداية إنى إعتذرت فى نهاية كلامى عن أى حدة ممكن تكون موجودة فى ردى على كلام حضرتك والأخوة اللى حضرتك بتقولى عليهم انهم مبسوطين وبيصقفوا عشان قولتلهم كلمتين عجبوهم ما اعتقدش انهم لسه اطفال صغيرين وواخداهم حماسة الشباب وبما انى ما اعرفش سنهم فعليا فكل اللى هقدر اتكلم عليه هو انا والأستاذ محمد شنورى انا عمرى 30 سنة والأستاذ شنورى عمره 32 سنة معرفش ده فى عرف حضرتك نبقى شباب صغير وراكب الموجة وواخدانا الجلالة قوى ولا إيه بس كل اللى اقدر اقوله لحضرتك انى ما بقولش راى مبنى على حكاوى القهاوى أو كتاب الف ليلة وليلة لأ ده من خلال مشاهدات وتجارب كتير من أصدقائى وقرايبى اللى اتجوزا أو حاولوا مجرد محاولة انهم يتقدموا لواحدة .

انا فعلا مش عارف دا توارد خواطر ولا ايه
بس انا كنت داخل ارد نفس الرد بتاع اخي احمد النقراشي علي الجمله دي
بس عموما
احنا متكلمناش عن خيال او علشان نبسط الناس او علشان واخدانا الجلاله
انا كان كلامي كله عن تجارب شوفت الناس بتعيشها
واللي اتكلمته عن شخصي كنت بقوله انه حصلي انا
وعموما لما نقول حاجه ونفتح عيون الناس علي الحقيقه فلازم الناس تتبسط من خلال تجاربنا وتجارب الناس
حضرتك متنسيش ان الشخص الذكي هو اللي بيتعلم من غلطاته
والشخص الحكيم هو اللي بيتعلم من غلطات غيره
ودي في مجملها اسمها خبرات الحياه
حضرتك ربنا وفقك في جوازك وجواز اخواتك وربنا يديمها عليكم نعمه
فياريت يكون فيه حياديه في المناقشه وتعميم علي نسبه كبيره من الناس
مش كل حاجه تتقاس علي تجربتك الشخصيه
والا تبقي شخصيه ذكيه
بس الاحسن انك تبقي شخصيه حكيمه
---------
لو الظروف تسمح اسمحيلي ان حضرتك وزوجك تشرفوا في اي اتفاق خطوبه
وتشوفوا وتتناقشوا مع الناس
وساعتها حتعرفي مين علي حق
احنا مش بننكر ان فيه ناس كتير محترمين
بس لو الحياه كلها حلوه كده مكانش اتفتح موضوع للمناقشه
كنتي حتلاقي مواضيع تانيه من عينه
- الحقوني اهل خطيبتي مش عوزين يعملوا فرح وعاوز اضغط عليهم
- استفسار اخلي حمايا يجيبلي شقه كبيره ولا صغيره
المشاكل والمناقشات بنتنج من اوضاع غير مقبوله او صعبه القبول
وعلشان كده بنقول اللي حصللنا واللي حصل للناس
علما باني لما خطبت مكانش فيه اي كلام في اي ماديات
واقسملك بالله اني اتمني اي حد يروح يخطب ربنا يكرمه بناس اخلاقهم زي اللي روحتلهم وخطبت من عندهم
بس النصيب واراده ربنا كانت اقوي من ان الموضوع يكمل
--------------------------------

أه نسيت أسال حضرتك على حاجة مهمة ما عندكيش عروسة حلوة ليا انا والواد شنورى عشان والدته ووالدتى يرتاحو ويبطلوا يتكلموا معانا فى الموضوع ده؟؟؟؟

لا خد انت الاتنين اتجوزهم وانا حبقي اجيب ماما افرجها عليك
واقولها اهو انا كنت حبقي زيه بس ربنا ستر
فكرتني بنكته ياد يا نقراشي
بيقولك مره واحد راح مستشفي المجانين
فلقي واحد مدلدل سناره في جردل مليان ميه وقاعد ساكت وبيصطاد
فلما سئل الدكتور عن حالته وحصله كده ليه
قاله اصله كان بيحب واحده وابوها مرضاش يجوزهاله
شويه ومشي لقي واحد ماسك جوز جزم وعمال يضرب بيهم علي دماغه
فقال للدكتور وده ماله ؟؟
فقاله
ماهو ده اللي اتجوزها

[SHNORY]

ياخبر

متهيألي انا لوقلت شوية اسئلة هنا الموضوع هيتقلب كوميدي بحت فاسكت انا احسن

ليه يعني
اسئلي براحتك وحنجاوبك بكل صراحه

[icehearted girl]

مبدئيا يا شنوري لما بتفرج علي مسرحية الزواج اللي بتتكلموا عليها دي بحس انها من بطولة عادل امام وبقعد اضحك وغغالبا بتحول لمخلوق رخم وخنيق وممل ومفيش علي لسانه غير كلمتين

اولهما: ليه؟؟

وثانيهما: حاجة شخصية متخصش حضرتك.... احم احم

وللاسف لما بنتقد زواج الصالونات بيتخيلوا اني بشجع البنات انها تكون علاقات قبل الزواج


بلعكس تماماااااااااااااااااا

بس انا من رأيي ان عالاقل يكون كل طرف عنده فكرة مسبقة عن الآخر وتعامل معاه قبل كدا باي صورة كانت

دا هيساعد ان كل طرف يعرف التاني علي حقيقته في البروفا قبل ملمسرحية تبدأ

الا بقي وان كنت انا مرتبة المقابلة دي لطرفين آخرين يعني بحاول ارمي اي كلام ممكن يفتح حوار او موضوع للنقاش بين الطرفين

وفي النهاية ربنا يهدي شباب وبنات المسلمين

[hh]

حيادية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هي فين الحيادية دي؟؟؟ ده انت كل كلامكهجوم!!!!!!!!!!!!!!! بس عموما أنا برضه حرد عليك عشانك و عشان الاخوة اللي مبسوطينأوي بردك لأن واضح انكوا لسة شباب صغير فواخداكوا الجلالة قوي.

إسمحيلى أرد على حضرتك فى البداية إنى إعتذرت فى نهاية كلامى عن أى حدة ممكن تكون موجودة فى ردى على كلام حضرتك والأخوة اللى حضرتك بتقولى عليهم انهم مبسوطين وبيصقفوا عشان قولتلهم كلمتين عجبوهم ما اعتقدش انهم لسه اطفال صغيرين وواخداهم حماسة الشباب وبما انى ما اعرفش سنهم فعليا فكل اللى هقدر اتكلم عليه هو انا والأستاذ محمد شنورى انا عمرى 30 سنة والأستاذ شنورى عمره 32 سنة معرفش ده فى عرف حضرتك نبقى شباب صغير وراكب الموجة وواخدانا الجلالة قوى ولا إيه بس كل اللى اقدر اقوله لحضرتك انى ما بقولش راى مبنى على حكاوى القهاوى أو كتاب الف ليلة وليلة لأ ده من خلال مشاهدات وتجارب كتير من أصدقائى وقرايبى اللى اتجوزا أو حاولوا مجرد محاولة انهم يتقدموا لواحدة .

أولا: أنالما قلت ان المفروض ان العريس أسلاميا ملزم انه يجهز بيت للزوجية قلت كمان بالمعقولطبعا. يا ريت تقرا الكلام كويس قبل ما ترد. المعقول ده بقى نسبي اللي انا أشوفهمعقول غيري يشوفه قليل و واحد تالت يشوفه مبالغ فيه. يعني متروحش لواحدة أبوهامليونير مثلا و تقول بيغالي في طلباته...مش كدة؟؟


وهو لما واحد حضرتك بتقولى عنده الحد الأدنى من الإمكانيات يروح يتقدم لبنت أهلها من طبقتنا أو كمان اقل مننا فى المستوى المادى ويفاجأ عايزن شبكة ب 20000 ج وعشان خاطرك هنخليهم 15000 ج بس والعفش كله عليك والموخر 30000 ج ده عشان انت راجل محترم بس فى حاجة الشقة التمليك بتاعتك بعيدة عننا والبنت لازم تكون قريبة من مامتها عشان مامتها تعبانة ولازم البنت تراعيها فلازم تبيع الشقة بتاعتك وتيجى تاخد شقة جنبنا عشان البنت تروح شغلها وترجع على البيت تراعى والدتها وبعد كده لو فى وقت ممكن تبقى تروحلك شوية واهو كله بثوابه
ده نموذج من النماذج الكتير اللى الواحد بيشوفها كل يوم وبصراحة ببقى مستغرب ليه التناكة دى امال لو هتقدم لبنت رئيس الوزراء هيطلب منى إيه عقد لولى وحصان بجناحين و3 تفاحات دهب وساعتها يبقى حقه .

و بعدين موضوع المهر الليأبو العروسة بيكمل عليه عشان يجيب الجهاز ده واقع أنا شوفته في مليون جوازة....هوفيه عريس هو اللي بيجيب كل العفش؟؟؟ هي حاجة من اتنين يا بيدفع مهر و أبو العروسةيجهز, يا اما بيجهزوا بالنص, ده اللي انا أعرفه و اللي شوفته في في حوالي 10 جوازاتعلى الاقل لناس مقربين ليا.


موضوع المهر ده بصراحة ما سمعتش ان فى ناس بتعمله من ايام ما والدى الله يرحمه اتجوز والدتى لكن انا شفت فوق ال 30 جوازة ما شفتش حد لسه بيدفه مهر عشان الجهاز وعامة ممكن يكون ده عرف العيلة عند حضرتك .

موضوع الصداق في الاسلام هو هدية خاصة بالعروسةمحدش يشاركها فيها سواء اهلها او جوزها و بيتقسم لمقدم و مؤخر او يكون كله مؤخر. طيب هو فيه عروسة بتاخد الصداق ده؟؟؟؟؟ حتى المؤخر حضرتك تعرف انه ده دين على الزوجلمراته المفروض يسدده لما يتوفر معاه و لو مات المفروض تاخده الأول قبل تقسيمالتركة؟ فيه واحد بيدفع لمراته مؤخرها و لا كله بيستنى لما يطلقوا و بعدين يقولهاروحي خديه بالمحكمة؟؟

والله لوحضرتك قريتى كويس اللى انا كاتبه كنتى هتعرفى انى قلت إن صداق المرآة اللى احنا بنسميه دلوقت المؤخر واجب على الزوج ولا يصح العقد بدونه وان المرآة تستحقه فى حالات لسنا فى مجال ذكرها لكن لو حضرتك تحبى إنتى والأخوة انى أعملكم دراسة عن النكاح فى الإسلام وما يتعلق به من أحكام وأنواع النكاح الفاسد وأحكام الصداق ومتى تستحق المرآة الصداق كله ومتى تستحق نصف الصداق ومتى لا تستحق أى شئ من الصداق وانواع الطلاق والفرق بين الخلع والظهار والطلاق البدعى والطلاق السنى والطلاق الرجعى والطلاق البائن والطلاق البائن بينونة ضغرى والطلاق البائن بينونة كبرى انا ما عنديش مانع زى ما عملت موضوع قبل كده عن علامات الساعة واكيد انا عارف كويس ان صداق المرآة من حقها لوحدها وما حدش يشاركها فيه لا اب ولا ام ولا أخ ولا أى حد هو من حقها لوحدها و يحق للمرآة ان تحصل على صداقها فى حياة الزوج أو من تركة الزوج بعد وفاته وإذا لم يدفع الصداق ولم تسامح الزوجة فيه يحبس الزوج عن دخول الجنة ولو كان شهيدا .



بالنسبة لموضوع القايمة ده انا عمري ما أقتنعت بيه ولا أبويا كتب قايمة و لا على جوزي و لا على ازواج اخواتي الاتنين.


والله دى حاجة كويسة وربنا يبارك لوالدك ولحضرتك ولأخواتك

ثانيا: موضوع الحد الأدنى لأمكانيات الراجل لما يروح يتجوز جواز صالونات ده زي ما قلت قبلكدة نسبي. بس على الأقل لازم يكون عنده تصور هو حيعمل ايه في موضوع البيت و الجهازو الحاجات دي و يعرض عليهم امكانياته بمنتهى الوضوح. موضوع انهم يقبلوا أو يرفضواده راجع للعروسة و أهلها و انا مش شايفة ان أي حد ليه الحق انه ينتقد اختيارهم لورفضوا حتى لو السبب الماديات. كل واحد في الأخر مسئول عن اختياراته و بيتحملنتيجتها. يعني اللي ترفض واحد أخلاقه كويسة و محترم عشان واحد أقل منه في الشخصيةبس أعلى ماديا غلط مية في المية بس هي اللي حتتحمل الغلط ده لأنها هي اللي حتعاشره. زي بالظبط الراجل اللي يشوف واحدة مؤدبة و متدينة و من عيلة محترمة و يفضل عليهاواحدة مش على نفس المستوى ده من الأخلاقيات عشان بيضا و عنيها ملونة, و لا مابيحصلش؟؟؟ اشمعنى بنتهم البنات بالسطحية؟؟

أنا هقول لسيادتك حاجة واحدة أعتقد إننا كلنا من طبقة متقاربة المستوى مفيش إختلافات مادية كبيرة قوى ما بينا يعنى المفروض تكون الإمكانيات المطلوبة متقاربة فلما العريس اللى لازم فى رأى انه يكون على الأقل عنده شقة وعنده وظيفة بدخل يساعده على أنه يقدر يصرف على البيت ومعاه مبلغ يخليه يقدر يقوم بإحتياجات تأثيث الشقة الأساسية اعتقد كده انه معاه الحد الأدنى اللى يخليه يقدر يتقدم لواحدة من نفس المستوى أو أقل منه لكن غير كده يبقى بيهرج واحد ما بيشتغلش وما معهوش شقة او حتى مش شايل فلوسها ورايح يتجوز صالونات يبقى بيهزر لكن لما يبقى معاه كل ده ويكون ابن ناس ومحترم ويلاقى طلبات غريبة ومبالغ فيها صدقينى انا واحد من الناس بالرغم من إنى الحمد لله اقدر البى الطلبات دى لكن برفض الموضوع من أساسه لأن ده جواز يعنى مودة ورحمة مش استغلال وخلاص.
انا فى واحد زميلى رشحلى بنت جارته وقالى ان اهلها محترمين وكويسين وقعد يقول فيهم قصايد وقالى انه كان عايز يجوزها لأبن خاله لكنهم رفضوا عشان ليهم شوية شروك مقدرش يوفرها فبقوله ايه يعنى ؟
قالى أولا عايزين شقة تمليك ما تقلش عن 150 م ولسه هيقول ثانيا قولتله شكرا الموضوع انتهى طب وليه يا احمد ما انا عارف انت انت عندك شقتك وتمليك وما شاء الله كبيرة قولتله دول مش عايزين عريس دول عايزين واحد ييجى يشترى وانا ما بشتريش جارية انا عايز زوجة ممكن تكونى شايفانى غلط لكن هى دى طريقة تفكيرى وما اعتقدش انها طريقتى لواحدى لأن عندى أكتر من حد بنفس ظروفى وعندهم نفس المشكلة ؟؟؟


ثالثا: انا مقولتش ان البنتمتكونش مهتمة بانها تراعي خطيبها و ماتتقلش عليه, أنا قولت انها لو بتطلب حاجاتامكانياته تسمح بيهاممكن يكون من باب العشم و انها عايزاه يبقىبيحاول يسعدها مش من باب الطمع.

أى بنت لو حسست خطيبها انها بتخاف عليه وعلى مصلحته وبتحبه عشانه هو مش عشان اللى معاه لو قدر يجيبلها حتة من السما مش هيتأخر

و بعدين و اضح ان موضوع الفرح ده مزعلحضرتك قوي. لو أعرف كدة كنت رجعت خمس سنسن لورا عشان معملوش
لأ بجد, بصأنا معاك ان فلوس الفرح فيه مليون حاجة أهم ممكن تتعمل بالفلوس. بس ناس كتير - وأنامنهم - شايفين الفرح ده مرة في العمر و ما يتعوضش. أحنا هنا مش في مجال للنقاشالفرح صح و لا غلط. النقطة الوحيدة اللي كنت أقصد اثيرها و انتوا مفهمتوهاش ان ممكننفس الأب موقفه يتغير حسب ظروف العريس. يعني لو العريس امكانياته تسمح يطلب منهأكتر من واحد تاني معندوش امكانيات عشان ده الطبيعي ان كل واحد بيعمل حسبامكانياته. وبعدين انا بقولك ان لما والدي طلب من جوز أختي يعمل فرح شاركه فيالمصاريف, يعني مش موضوع طمع هو بس نفسه يفرح ببنته. و على فكرة أنا أعرف واحدقريبي كان بيتحايل على والده ميعملوش فرح و يديه الفلوس يعمل بيها حاجة تانية وأبوه أصر يعمل الفرح, يعني هي مش حكاية ولد و بنت

موضوع الفرح ده موضوع نسبى والله ما بيفرق معايا فى حاجة حضرتك عايزة تعملى فرح وجوزك موافق يبقى ربنا يباركلكم لكن انا شايف بصراحة إن حرام الواحد يدفع فى اول حياته 10000 او 15000 ج عشان يشارك والد العروسة فى فرح محترم عشان الناس تنبسط والعروسة تنبسط لكن فى حاجات بسيطة بتتعمل وتفرح الإتنين من غير تكاليف مبالغ فيها وعامة هو موضوع بالإتفاق وربنا يبارك لكل إتنين ناويين يتجوزا وعايزين يرضوا ربنا ويتملهم على خير سواء عملوا فرح أو ما عملوش وربنا يباركلك فى زوجك وفى بيتك و يرزقكم كمان وكمان بس ما تبقيش تقولى الكلام ده قدام اى حد عشان فى ناس ما بترحمش وعينيها ما بتهزرش ربنا يكرمكم بالخير دايما ويزيدكم من نعيمه وخيراته ويبعد عنكم عنين الناس و صدقينى طعم الحاجات دى لما بتيجى بعد تعب بيبقى احلى كتير ما الواحد يلاقيها على الجاهز عشان يعرف يحافظ عليها .
والإختلاف فى الرأى لا يفسد للود قضية .

أه نسيت أسال حضرتك على حاجة مهمة ما عندكيش عروسة حلوة ليا انا والواد شنورى عشان والدته ووالدتى يرتاحو ويبطلوا يتكلموا معانا فى الموضوع ده؟؟؟؟

يا سيدي أنا بأعتذر عن كلمة شباب صغيرين وخداهم الجلالة دي, أنا بس حسيت بحالة عامة من الهجوم فرميت أنا كمان كلمة بايخة في النص. حقكوا عليا.

أنا معاك في موضوع ان فيه ناس بتبقى طلباتها مبالغ فيها و بيتعاملوا مع الموضوع زي ما يكون صفقة, بس اللي بحاول أقولهولك ان مش كل الناس زي بعضهم. و زي ما فيه بنات طلباتهم غريبة و عقلياتهم ضايعة, فيه عرسان بيبقى ليهم العجب و أنا متأكدة أنك لو فتحت البنات في المنتدى هنا في الكلام حتسمع قصص تهلك من الضحك على العرسان اللي بيتقدموا للبنات. ده احنا ياما شوفنا بلاوي و الله.

موضوع الفرح ده أنا قلتلك ان انا عارفة ان معاك حق و انها فلوس ضايعة على الأرض, بس أنا بصراحة مخي صغير في الحكاية دي و مندمتش لحظة اني عملت فرح. و برضه زي ما قلت كل واحد حسب ظروفه مش حكاية منظرة و الكلام الفاضي ده.

بس فيه نقطة أخيرة, لما واحد يروح يتقدم لواحدة جواز صالونات هي مبتكونش عارفاه و لا متمسكة بيه, يعني بيبقى زيه زي غيره. عشان كدة غالبا مبتبقاش عايزة تتنازل عن حاجة, مش دايما لازم تكون هي بطبيعتها مادية, بس يعني هي حتتنازل ليه؟؟ ما هو لو مش حيعملها اللي هي عايزاه فيه غيره حيعمل. لو فكرت حتلاقي ده نفس منطق الشباب لما يلاقي طلب مش على هواه برضه بيقلك ليه يا عم شروط و طلبات من أولها ما فيه غيرها كتير. مش كدة؟؟

بس تصدق انت معاك حق و أنا كدة سيحت لنفسي؟؟ بس أنا قلت ما شاء الله و ربنا هو الحافظ ان شاء الله.

ياخبر

متهيألي انا لوقلت شوية اسئلة هنا الموضوع هيتقلب كوميدي بحت فاسكت انا احسن

طيب ما تقوللي اللي عندك بدل الموضوع ما كان حيقلب ضرب نار كدة. مهو لازم يبقى فيه عناصر نسائية في موضوع زي ده منسيبهمش يخبطوا براحتهم يعني. هو أنا حأحارب لوحدي و لا أيه؟

[nabaster]

شكلي دخلت متاخر

وشايف كلام كتير عايز ايام علشان ارد عليه

اخدها من قصيرها وامشي احسن

الله يكون في عونكم ويصبركم جميعا

A.Yakout

[M.Mostafa80]

كاس وداير ولازم كلو يشرب منو وهتشرب انت والنقراشى ياشنورى يعنى هتشرب
منا قدامك اهه أجازه كل سنه شهر ولا فى مشاكل ولاحوارات ولا أى حاجه خالص
هههههههههههههههههههههههههههههههههههههههههههههههههه هههه

[eltorky]

وليد عمّى و عم عيالى , كنت عارف انك هتخش تسكعنى الكلمتين دول
و الله يابنى مش فكرة تشاؤم و لا كمان فكرة ماديات , الماديات جزء و لكنى لا اريد تسطيح المشكلة على انها فكرة فلوس
ادينى اديتلك قائمة مشاكل غير الفلوس ..... يعنى مثلا انا شحط اهو عندى 24 سنة و بشتغل و مع ذلك لسة عايش مع ابويا و امى زى كل شباب مصر , زمان ايام الناس اللى بجد كان اسامة ابن زيد عنده 18 سنة و قائد جيش المسلمين
بلاش زمان اوى كده , زمان ايام ابويا اللى مجيش ضافر رجله يا رب يديه الصحة و طولة العمر , ابويا اول ما تخرّج من هندسة ده كان مسئول عن اسرة 5 افراد مصاريف و تربية و فى نفس الوقت كان بيحب امى و اتجوزها فى ظروف حالكة , مين دلوقتى يعمل كدة
أيام امى اللى مفيش بنت دلوقتى تيجى ضافر رجلها , كانت معيدة فى الجامعة و سابتها عشان تسافر مع ابويا يشقوا طريقهم فى بلد عربية تانية و فى الاثناء دى خلفت اخويا و اختى فى سنتين ورا بعض علطول و بتربيهم لوحدها فى بلد تانية من غير ما يكون جمبها واحد حتى من أهلها
الناس دى لا كانت معاها عربيات و لا خدّامات و لا موبايلات و لا حاجة , بينحتوا فى الصخر و لسة لحد هذا العمر " الخمسينات " ربنا يديهم الصحة و طولة العمر بينحتوا فى الصخر عشانى انا و اخواتى
السؤال باة اللى الكل بيتهرب منه : انت و انت بتفكر تتجوز , شايف نفسك ممكن تعمل نص اللى هما عملوه و بيعملوه ؟
هتقدر تسعد مراتك فى عز مانت اصلا قرفان من الدنيا ياللى فيها ؟
هتقدرى تسيبى شغلك و كيانك عشان سعادة جوزك و عيالك ؟
هتقدر فى عز تعب الدنيا و قرفها انك تفرغ وقت ثابت ليك و لاسرتك و لعيالك وتربيتهم اللى بقت اصعب من ترويض الاسود , على الاقل الاسود بتخاف من النار
مش هتخلى الملل يسيطر على حياتك الزوجية بعد 5 سنين مثلا من نفس الروتين القاتل , و تزهق من مراتك و هيا تزهق منك ؟
هتكتمى سر جوزك مهما كان و مش هتطلعيه برة ؟
هتفضل تربى ابنك لحد ما يبقى عنده 30 سنة و لما يتجوز و يخلف تقعد تربى فى عياله ؟
هتستحمل سخافات أهل مراتك و واجبتهم الاجتماعية التى لا تنتهى و التى سوف تلتهم اى وقت فراغ قد يتبقى لك ؟ ( عيد ميلاد بنت اخت اللى جابوا اخو عمة امها !!!! و الكلام اللى بالشكل ده )
.......
فكّر و تأنّى

أستااااااااااذ يا ميكاوي انت كدة جبت الفولة

[powerofhelll]

يعني الراجل اللي يسمع كلام والدته بدون تفكير يبقي ابن امه
موافق ومتفاهم الوضع
طيب البنت اللي بتسمع كلام
1:امها (خدي بالك من امه دي عقربه)
2: ابوها (هو جاي يعمل راجل علينا وعاوز ياخدك ببلاش)
وعماتها (دا جوز فلانه عمللها فرح في المكان الفلاني مش زيك )
وخالاتها (مش كنتي اخدتي ابن فلانه احسن من ده
واصحابها (هما دول شويه الدهب العره الي جابهوملك )
وجيرانها (هو انتم ما اخدتوش شقه ليه في وسط ابلد )
والماره والمشاه والراديوا وكل من سبق وفوق منهم زياده كمان
تبقي بنت مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باشا باشا باشا انت جبت المفيد
الي بتبص لغيرها بتحرم عليها العيشه الي عيشاها
و زي ما فلانه و فلانه راحوا يصيفوا في المريخ في ناس مش لاقيه تمن العيش
بجد نادر انك تلاقي بنت عندها عقليه و بتفكر مش سطحيه
مع احترامي لكل البنات و السيدات انا لغايت دلوقتي ماشوفتش واحده تغير الفكره دي عندي
واحده بتفكر بدماغها فقط لاغير
اصل ماما قالت و عاده يا بنتي اسمعي كلامي و بلاش كلام امك مسمهاش امك اسمها مامتك
واحده يعتمد عليها في تربية جيل مش الام مدرسه
واحده فاهمه الدين صح مش محجبه مكياج و بدي اصل تحتيه كرينا
الخ الخ..........

وبعدين الاهل دلوقتي مش المشكله في الشقه عايزين شقه في الدور بتاعهم مش في المنطقه لا بنتي متروحش تسكن في المنطقه دي ياراجل و دي مالها وحشه ولا مش مستوي ده واحد لسه متخرج مستوا ايه الي بتفكروا
كفايه علشان الواحد لو فتح مش هيسكت غير كمان 70 سنه

[Janno28]

باشا باشا باشا انت جبت المفيد
الي بتبص لغيرها بتحرم عليها العيشه الي عيشاها
و زي ما فلانه و فلانه راحوا يصيفوا في المريخ في ناس مش لاقيه تمن العيش
بجد نادر انك تلاقي بنت عندها عقليه و بتفكر مش سطحيه
مع احترامي لكل البنات و السيدات انا لغايت دلوقتي ماشوفتش واحده تغير الفكره دي عندي
واحده بتفكر بدماغها فقط لاغير
اصل ماما قالت و عاده يا بنتي اسمعي كلامي و بلاش كلام امك مسمهاش امك اسمها مامتك
واحده يعتمد عليها في تربية جيل مش الام مدرسه
واحده فاهمه الدين صح مش محجبه مكياج و بدي اصل تحتيه كرينا
الخ الخ..........

وبعدين الاهل دلوقتي مش المشكله في الشقه عايزين شقه في الدور بتاعهم مش في المنطقه لا بنتي متروحش تسكن في المنطقه دي ياراجل و دي مالها وحشه ولا مش مستوي ده واحد لسه متخرج مستوا ايه الي بتفكروا
كفايه علشان الواحد لو فتح مش هيسكت غير كمان 70 سنه

عارفين ياجماعه انا لسه كنت بتناقش مع شخص بسبب الموضوع ده والله

المشكله احنا كبنات بنقول مفيش واحد دلوقتى كويس ولا يتحمل مسئوليه الخ الخ الخ
وانتوا الرجالة بتقولوا نفس الكلام

للاسف الكويسين من الطرفين مش عارفين يوصلوا لبعض بسبب الخداع اللى بيحصل اليومين دول
عارفين ان الكلام ده قسمة ونصيب ومحدش يجى يقولى بنعلق كل حاجه على النصيب بس هي ديه الحقيقه

بس فى نقطه لفتت نظرى فين دلوقتى الاهل اللى لسه بيقولوا بنتى تسكن فى نفس المنطقة؟؟؟؟؟؟؟؟؟؟؟

هما الشباب اصلا لقيين شقه يتجوزا فيها اعتقد الموضوع ده مبقاش موجود دلوقتى انا ليا اصحاب متجوزين وعايشين مع اجوازهم بره القاهرة ووصلوا لاسيوط وسوهاج كمان النقطه ديه اول مرة اسمعها الحقيقه من فترة كبيرة

[aif]

عارفين ياجماعه انا لسه كنت بتناقش مع شخص بسبب الموضوع ده والله

المشكله احنا كبنات بنقول مفيش واحد دلوقتى كويس ولا يتحمل مسئوليه الخ الخ الخ
وانتوا الرجالة بتقولوا نفس الكلام

للاسف الكويسين من الطرفين مش عارفين يوصلوا لبعض بسبب الخداع اللى بيحصل اليومين دول
عارفين ان الكلام ده قسمة ونصيب ومحدش يجى يقولى بنعلق كل حاجه على النصيب بس هي ديه الحقيقه

بس فى نقطه لفتت نظرى فين دلوقتى الاهل اللى لسه بيقولوا بنتى تسكن فى نفس المنطقة؟؟؟؟؟؟؟؟؟؟؟

هما الشباب اصلا لقيين شقه يتجوزا فيها اعتقد الموضوع ده مبقاش موجود دلوقتى انا ليا اصحاب متجوزين وعايشين مع اجوازهم بره القاهرة ووصلوا لاسيوط وسوهاج كمان النقطه ديه اول مرة اسمعها الحقيقه من فترة كبيرة

عارفه حضرتك ايه الفرق بين زمان ودلوقت
.....
ببساطة .... الناس بقت خايفة من بعضها
كل واحد مش مآمن على ولاده وعاوز يضمن لهم الأمان في المستقبل ..... الكلام ده مش بس في الزواج ..... في حياتنا كلها ...... للأسف