((((أسئلة انترفيوهات الخطوبة قواعد و شروط )))))

[SHNORY]

حبيب قلبى شنورى ربنا يخليلك الحاجة وقولها أحمد بيقولك كل سنة وانتى طيبة .
بص يا باشا لازم نفرق بين حاجتين إن الواحد يكون بار بأهله دى حاجة ما تزعلش حد أبداا واى حد يقول غير كده يبقى يستاهل ضرب ...........
انما يكون الواحد امعة وما عندوش شخصية وامه هى اللى بتختاره كل حاجة وممشياه بالريموت كنترول فأسمحلى ده ما يبقاش اسمه راجل ابدا . وانا متأكد إنك تقصد الأولانى مش التانى .

اكيد اقصد الاولاني
بس من ناحيه الناس بيكون فيه تعميم
اي حد ميسمعش كلامهم وينفذه بالحرف وميتناقشش فيه مع امه او اهله علي حسب الموجود منهم
يبقي ابن امه
هههههههههههههههههههههه

[medo_2060]

اسمحيلى سيادتك إنى أرد عليكى و بمنتهى الحيادية
أولا : حضرتك بتقولى إن من الإسلام إن العريس هو اللى يتحمل كافة نفقات تجهيز مكان الزوجية وان فى الزمن ده بقى فى ظلم على البنت وأهلها عشان بيتحملوا جزء من المصاريف وإن المهر بيكون هدية من العريس للعروسة لكن حاليا أبو العروسة بياخد المهر عشان يكمل عليه عشان الجهاز .
أنا متفق معاكى تماما فى إن الإسلام الزم الزوج بتجهيز منزل الزوجية ولكن فى حدود إمكاناته يعنى المفروض لو حبينا ناخد حاجة من الدين ناخدها كلها على بعضها مش ناخد اللى على مزاجنا ونسيب الباقى على طريقة ولا تقربوا الصلاة , الإسلام فعلا الزم الزوج بتدبير منزل الزوجية لكنه ما فرضش عليه انه يكون فى مكان معين ومساحة معينة ومستوى تشطيب معين ويكون العفش من امريكان فيرنتشر و يكون فى تليفون وتليفزيون ومايكروويف وتكييف ...... الخ وخدامة فلبينية ؟
مغالاة الأهل فى طلباتهم هى اللى بتخلى الموضوع شبه مستحيل وموضوع المهر اللى ابو العروسة بياخده عشان يكمل عليه فده كان ايام جدتى وجدتك كان العريس بيدفع مبلغ والد العروسة بيحدده وبيكون هو المسئول عن تجهيزات الشقة وموضوع ان المهر هدية للعروسة فأحب اوضح نقطة مهمة بتختلط على ناس كتير فى مفهوم الدين المهر هو صداق المرآة ولا يصح العقد بدونه وقد يكون مسمى أو غير مسمى وتستحقه المرآة فى حالات معينة لسنا فى مجال ذكرها الأن لكن فى عصرنا هذا المهر أصبح غير الصداق اللى بقى اسمه المؤخر فلازم تجيب شبكة بكذا عشان هى مش اقل من بنت عمها وبنت خالتها وبنت عم عبده البقال (ما اعتقدش انه من الدين فى شئ أن هدية العريس اللى بيجيبها لعروسته تتحدد قيمتها من اهل العروسة ) ونيجى للقايمة اللى طبعا اهل العروسة عايزين يكتبوا فيها كل حاجة حتى العريس نفسه وطبعا مفيش حاجة فى الإسلام اسمها قايمة ولا نايمة لأنه مش من العدل انى اكون شارى الحاجة بفلوسى واتسجن لو بعتها منتها العدل فعلا!!!!!!!!!!

ثانيا : انا متفق معاكى فى إن أى واحد بيتقدم لواحدة فى جواز صالونات لآزم يكون عنده الحد الأدنى من الإمكانيات اللازمة للزواج ولكن ما هو الحد الأدنى المطلوب ؟؟؟؟؟
انا فى مرة رحت مع واحد صاحبى عشان نخطبله واحدة كانت طالبة عنده فى احد الكورسات والبنت زى ما هو قالى ان والدها خريج أزهر وخطيب مسجد تصدقوا اول حاجة والدها المحترم اتكلم فيها إيه؟؟؟
يا بنى قبل ما نتكلم فى اى حاجة ولا نعرف حاجة عنك ولا عن أهلك أو إمكانياتك احنا عندنا شرط عشان نكون على نور عايزين شبكة ب 20000 ج و مؤخر 30000 ج وقايمة ب 150000 ج عشان نكون متفقين من الأول !!!!!!!!!
طب يا حج مش تعرف ظروفى الأول ؟ مناسب ليكم ولا لأ ؟ اهلى كويسين ولا عندكم إعتراض على حاجة ؟
و انا بصراحة كان عندى كلمتين عايز اقولهم بقوله يا حج انا عرفت ان حضرتك خطيب مسجد فين بقى تيسير الزواج وعدم المغالاة فى المهور وإن جاءكم من ترضون دينه وخلقه فزوجوه ؟؟؟
قالى يا بنى الكلام ده بنقوله على المنبر بس !!!!!!! ولا تعليق
فبصراحة مقدرتش اقوله غير حاجة واحدة هو حضرتك عندك بنت للجواز ولا عارضها فى سوق الجوارى ؟
ثالثا : زى ما المفروض ان البنت بتكون عايزة خطيبها يهتم بيها ويجيبلها حاجات كتير عشان يبينلها إزاى هو بيحبها و مهتم بيها ؟
المفروض هى كمان تراعى ربنا فيه و تقف جنبه عشان يخلص المسئوليات الكتير اللى عليه مش يبقى مقياس حبه واهتمامه هو الهدايا اللى بيجيبهالها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و انا عايز اسأل حضرتك سؤال ليه حضرتك معترضة ان العريس يكون عنده قدرة مالية انه يعمل فرح وما يعملهوش ؟ هو ده برده من فروض الإسلام إن الفرح يتعمل فى فندق أو نادى ويتكلف الاف مؤلفة ويبقى الواحد ابتدى حياته الجديدة بمعصية ؟
مش الفلوس دى ممكن يبتدوا بيها حياتهم بلاش ممكن يسافروا يعملوا عمرة وتكون دى أحسن بداية لحياتهم الجديدة أو حتى يسافروا تركيا مثلا يعملوا شهر عسل محترم بدل ما يصرفوا الفلوس فى تفاهات و فى الأخر مهما عمل ما بيعجبش حد.
أسف على الإطالة وبعتذر عن أى حدة ممكن تكون موجودة فى كلامى

بصراحه كلامك ميتقالش بعده ولا كلمه واحده

[nakkash]

مش عارف اقولك ايه بصراحه
الرد ده مفروض يتثبت في الاجتماعي فوق واي حد يقراه قبل مايخطب

يا باشا ربنا يخليك ده مجرد رأى ونتاج تجارب كتير فى المجال ده كله فى الأول بيشترى راجل وبعدين بتتعذب عذاب الهدهد

واد يا نقراشي الحاجه بتسلم عليك اوي والله
خلي عندك دم بقي وتعالي اسكندريه وسلم انت عليها بنفسك
او هات الحاجه معاك ونطلع نقضي يوم كلنا مع بعض
وبجد مفيش كلام يتقال بعد كلامك
تسلم ايدك يا نقراشي وبارك الله فيك وجعلك زخرا للشباب

ربنا يخليك يا شنورى وسلملى عليها كتير قوى وأكيد هجيلك قريب إن شاء الله ومتشكرين يا باشا على الكلام الكبير ده كله

بصراحه كلامك ميتقالش بعده ولا كلمه واحده

ربنا يكرمك على الكلام الجميل ده ويرزقنا بالزوجة الصالحة اللى تحفظنا وتحافظ علينا ما يكونش كل همها الشقة التمليك والعربية و اللذى منه ...........................

[akramlail]

أولا موضوع ان في الاسلام المرأة معلهاش اي التزامات مادية في الزواج دي مفروغ منها, و يا ريت تسأل و انت تتأكد. طبعا ده مش معناه انها تغالى في الطلبات خالص لكن العريس هو الي ملزم يجهز بيت الزوجية و يدفعلها مهر يكون بمثابة هدية ليها تقدر حسب الحالة الاجتماعية و المادية للطرفين.

بالنسة لكلامي حضرتك بتقول انه كله ماديات. انا بحاول أوضح ان ساعات العروسة يتطلب حاجات عشان شايفة ان العريس يقدر ماديا انه يلبي الطلبات دي, مش شرط يكون طمع لكن لما يكون قادر من حقها يجبلها الحاجات اللي هي عايزاها بالمعقول طبعا, لأنها بتقيس على ده تصرفه معاها بعد الجواز و اذا كان حيحاول يريحها و لا حيكون من النوع اللي يستخصر.

بالنسبة للمثال اللي انا قولته واضح انه اتفهم غلط خالص, انا بقول ان والدي كان تقريبا بيتحايل على جوزي ميعملش فرح عشان يوفر المصاريف, يبقى كدة مادي؟؟؟ انما بالنسبة لجوز أختي هو فعلا كان عنده القدرة المادية انه يعمل فرح و كمان لما والدي أصر على الفرح قال له انه يعمل الفرح الي امكانياته تسمح بيه يعني ماشترطش عليه مستوى معين زي ما ناس كتير بتعمل, و كمان شارك معاه في مصاريف الفرح ده, فيا ريت قبل ما نتهم الناس بالمادية نقرا الكلام كويس.

أنا كل اللي بحاول أقوله ان الشباب ما يتسرعش و يحكم على البنت بالمادية لمجرد انها ليها طلبات. لكن بصفة عمة انا لوحكيتلك أنا اتجوزت ازاي حتعرف ان فعلا لسة فيه بنات يهمها الراجل نفسه أكتر مليون مرة من الفلوس.

القرضاوي
على الأب بدل من أن يطلب 50 ألف أو 100 ألف كما يُطلب هنا بل ييسر عليه، فالرسول زوج ابنته بأقل الأشياء وتزوج هو بأقل ما يمكن، وسيدنا عمر حاول أن يوقف هذا وقال: لو كان مكرمة في الدنيا أو مثوبة في الآخرة لزوج النبي بناته أو لتزوج نساءه بالمهور الغالية، فأول شيء المفروض أن نيسر في هذا، فعلى الآباء ألا يطلبوا هذه المبالغ، وبعض الناس فعلاً تريد أن تأخذ من مال المهر، والمهر في الأصل هو حق الفتاة وحق الزوجة، الله تعالى يقول: (وآتوا النساء صدقاتهن نحلة)، فالمهر من حق المرأة، والأب غير محتاج إلى شيء، من الممكن لو كان محتاجاً أن يأخذ منه ولكن الأصل أنه حق للمرأة (وآتوا النساء صدقاتهن نحلة) يعني عطية ومودة (فإن طبن لكم عن شيء منه نفساً فكلوه هنيئاً مريئاً).

[akramlail]

القرضاوي
في الواقع الناس هم الذين عقّدوها، الناس عسروا ما يسر الله لهم، وعقّدوا ما بسّطه الشرع، الشرع يرغِّب المسلم أن يتزوج من مسلمة، أن يذهب إلى أهلها ويطلبها و"أكثرهن بركة أقلهن مهراً" و"يسروا ولا تعسروا"، فالناس هم الذين عسروا هذا الأمر، فأصبحت هناك مائة مشكلة ومشكلة، وألف عقدة وعقدة، مَن الذي يضع هذه العقبات؟ الناس، يأتي في أول شيء الاعتبارات المالية، فنريد مهراً كبيراً حتى يكون هذا دلالة على قيمة الأسرة وأهميتها، وطبعاً الشاب في مقتبل حياته وفي أول سلم حياته ليس معه هذا المال الكثير فمعنى هذا أن مضطر أن ينتظر حتى يستطيع أن يوفر هذا المهر، وليت الأمر يتوقف عند المهر، هناك أشياء ابتدعها الناس، كان زمان هناك حفلة واحدة "أولم ولو بشاة" اذبح شاة عندما تتزوج وأولم بها، الآن يعمل حفلة خطوبة أو بعض الناس تقول عنها الشبكة، ثم حفلة أخرى للعقد عندما يملك عليها ويعقد قرانها، ويعمل حفلة أخرى عند الزفاف والدخول، ثم اخترع الناس شيء سموه "شهر العسل" فيأخذها ويروح بلد أجنبي وكل هذه مصاريف، وكان زمان الناس تعمل الحفلات في البيوت، الآن تعملها في فندق، والفندق يحتاج إلى مبالغ فكل هذه تكاليف الناس كلّفوا بها أنفسهم، أيضاً التأثيث للبيت فلابد أن يؤثث بأفخر الأثاث، وكذلك الهدايا يبعث لهم كما يقولون في بلاد الخليج "الدزّة" ويبعثوا أشياء كثيرة ولا ينتفع بها أحد بعد ذلك.
الزواج في الإسلام - الجزء الأول

[akramlail]

اظن كلام الشيخ القرضاوى واضح
يا اخت hh اقرى كويس وانت تتاكدى

[aif]

مع احترامي لارائكم واحترامي لكل للجميع محدش ضد حب الرجل لامه ولا ضد برها
المقصود بكلمة ابن امه يعني عديم الشخصية وامه المتصرف الوحيد في كل شيء يخصه

كدة وضحت الصورة
يبقى الاسم اللي يطرق عليه هو ضعيف السخسية .... او عديم الشخصية
لكن كلمة ابن امه دي غريبة اوي ..... يعني فيه واحد يبقى ابن امه وواحد ابن طنط جمالات ؟؟؟
طبعا ضعف شخصية الراجل شيء مش كويس ... لكن انا اعتراضي ع التسمية ...
انا بصراحة باكون حساس اوي في ما يتعلق بالامهات .... مش عشان يوم الام بعد بكرة .... ده طول السنة والله

[SHNORY]

كدة وضحت الصورة
يبقى الاسم اللي يطرق عليه هو ضعيف السخسية .... او عديم الشخصية
لكن كلمة ابن امه دي غريبة اوي ..... يعني فيه واحد يبقى ابن امه وواحد ابن طنط جمالات ؟؟؟
طبعا ضعف شخصية الراجل شيء مش كويس ... لكن انا اعتراضي ع التسمية ...
انا بصراحة باكون حساس اوي في ما يتعلق بالامهات .... مش عشان يوم الام بعد بكرة .... ده طول السنة والله

الراجل ضعيف الشخصيه
بيكون ضعيف قدام الناس كلها مش امه بس
ضعيف قدام امه واصحابه ومراته
واصلا النوع ده بيكون عنده ضعف في اتخاذ القرارات
وساعه لما بييجي يخطب
بيكون اول خط دفاع عنده هو اهله
وطبعا الند للخطيبه هو الام او الاخت
وبالنسبالها هي دي الشخصيه المنافسه ليها واللي عريسها بينفذ قراراتها
ويتزيد محاولات فرض السيطره من اهل العروسه
وبتزيد المقاومه منه
مع انهم لو هاودوه في الاول
وخدوه علي قد عقله
ممكن بعد كده يطبعوه باي طبع هما عاوزينه
وطبعا الكلام علي النوعيه ضعيفه الشخصيه
=======================
بالنسبه بقي لكلامك يا حاج عن الام وحب الام
فانا ممكن اقولك فيه قصايد
اقسملك باله العظيم
بيبقي عندي هموم الدنيا في الشغل
وماشي قرفان من الهوا اللي بتنفسه
واول ما افتح باب البيت واشوف ضحكتها في وشي
بفرح فرحه لا تتخيلها وبحس بان همومي انزاحت
يا ريت لو حد متجوز يقولي لو الجواز فيه نفس الراحه النفسيه ولا لاء
علشان لو موجوده حتجوز من بكره

[aif]

الراجل ضعيف الشخصيه
بيكون ضعيف قدام الناس كلها مش امه بس
ضعيف قدام امه واصحابه ومراته
واصلا النوع ده بيكون عنده ضعف في اتخاذ القرارات
وساعه لما بييجي يخطب
بيكون اول خط دفاع عنده هو اهله
وطبعا الند للخطيبه هو الام او الاخت
وبالنسبالها هي دي الشخصيه المنافسه ليها واللي عريسها بينفذ قراراتها
ويتزيد محاولات فرض السيطره من اهل العروسه
وبتزيد المقاومه منه
مع انهم لو هاودوه في الاول
وخدوه علي قد عقله
ممكن بعد كده يطبعوه باي طبع هما عاوزينه
وطبعا الكلام علي النوعيه ضعيفه الشخصيه
=======================
بالنسبه بقي لكلامك يا حاج عن الام وحب الام
فانا ممكن اقولك فيه قصايد
اقسملك باله العظيم
بيبقي عندي هموم الدنيا في الشغل
وماشي قرفان من الهوا اللي بتنفسه
واول ما افتح باب البيت واشوف ضحكتها في وشي
بفرح فرحه لا تتخيلها وبحس بان همومي انزاحت
يا ريت لو حد متجوز يقولي لو الجواز فيه نفس الراحه النفسيه ولا لاء
علشان لو موجوده حتجوز من بكره

كلامك صحيح لأبعد الحدود يا شنو
فعلا لو الراجل ضعيف الشخصية ح يكون مع الجميع مش مع امه بس
يمكن الزميلات في الوضوع ده يقصدو الشخص شديد الارتباط بأمه ...
واعتقد ان ده بيبقى غيرة من الخطيبة لأن الام واخدة مكان كبير جدا من تفكير الخطيب ( اللي ح يخطبها يعني مش الخطيب بتاع الاهلي )
وبكدة بتشعر انها ح تكون نمرة 2 في حياته بعد امه ..... لكن اعتقد ان دور كل واحدة منهن ... الام والزوجة بيبقى مختلف عن الأخرى .....
لكن عن تجربة ..... لو الزوجة تفكيرها صح وبتحب زوجها ..... بتكون هي الوحيدة اللي بتعوض الرجل بعد وفاة الام ... ربتا يخليلنا كل امهاتنا ... ويرحم اللي ماتو منهن ... ويقدر الجميع على برهن اثناء حياتهن او بعد وفاتهن
اما عن ضحكة الام في وشك ........ دي يا شنو .... خارج المنافسة ..... دي لا يساويها كنوز الدنيا ...... ربنا يخليهالك ويقدرك على برها

[pro_samir]

معذرة للأخ صاحب الموضوع إنة خرج عن التساؤلات بتاعتة و بقي اخطب ولا لأ بدل أسئلة الخطوبة

عارف انا لحد قريب اوى كنت بقول زيك لحد ماقابلبت راجل كبير بتاع ربنا وماسابنيش الا لما حسسنى فعلا بخطأ كلمة (أنا كده كويس بلا جواز بلا وجع دماغ ) مش كده وبس ده كمان خلانى اردد دعاء اللهم زوجنى اللهم زوجنى اللهم زوجنى
اللهم لا تجعل لى خيارا فى زوجتى وارزقنى ذات الدين والخلق


[size=5][color=#0000ff]

طيب متعرفنا علي الراجل دة ولا حتي قولنا هو قالك إية

بعد مناقشات كتييييييييييييييير في المواضيع دي
فاحسن حاجه
تسيبوها علي الله
كل واحد حياخد نصيبه
والزوجه اللي ربنا اختارهاله في الوقت المحدد له

تمام جدا وانا برضو سايبها علي الله

بس الي يفرق فعلا هو وجود نية الجواز من عدمها ، يعني جالي فترة كنت بدور فعلا وشوفت كذا لحد لما نفسي اتسدت بشكل عام وبطلت ادور خالص

بس الله أعلم بقي مع حالة انسداد النفس وعدم الرغبة هل ممكن تتكعبل في نصيبك من غير بحث ولا لازم الواحد يكون بيسعي في الموضوع .. أظن دة اللي يفرق في الموضوع

[aif]

نرجع للموضوع الاصلي ...... وعذرا لو كنا خرجنا عن صلب الموضوع
انا شايف انه بعد ما يحصل قبول مبدأي بين الطرفان
يجب ان يكون الاتفاق المادي واضح وصريح ويشمل التفاصيل الصغيرة قبل الكبيرة
دائما ما يكون سبب المشاكل فيما بعد هو انه لم يتفق الطرفان على تفاصيل صغيرة
لذلك انصح بان يكون الاتفاق صريح وشامل للتفاصيل .... وبدون حرج ... ويفضل ان يحضر الاتفاق ناس عندهم خبرة ودراية بامور الزواج من الطرفين
يعني ما نقولش خليها لوقتها .... او حسب الظروف .... او لما ربنا يسهلها ...

في معظم الاحوال بيعتبر كل من الطرفان نفسه غير ملزم بالتفاصيل التي لم يتم الاتفاق عليها .... وبيكون ده سبب للمشاكل

[SHNORY]

نرجع للموضوع الاصلي ...... وعذرا لو كنا خرجنا عن صلب الموضوع
انا شايف انه بعد ما يحصل قبول مبدأي بين الطرفان
يجب ان يكون الاتفاق المادي واضح وصريح ويشمل التفاصيل الصغيرة قبل الكبيرة
دائما ما يكون سبب المشاكل فيما بعد هو انه لم يتفق الطرفان على تفاصيل صغيرة
لذلك انصح بان يكون الاتفاق صريح وشامل للتفاصيل .... وبدون حرج ... ويفضل ان يحضر الاتفاق ناس عندهم خبرة ودراية بامور الزواج من الطرفين
يعني ما نقولش خليها لوقتها .... او حسب الظروف .... او لما ربنا يسهلها ...

في معظم الاحوال بيعتبر كل من الطرفان نفسه غير ملزم بالتفاصيل التي لم يتم الاتفاق عليها .... وبيكون ده سبب للمشاكل

استاذنك اضيف حاجه يا حاج احمد
انه لازم يكون متفق مع الناس اللي حيروح معاهم علي كل حاجه
ويكون فيه اتفاق مبدئي بينه وبين البنت وعارف هما حيطلبوا ايه قبل ما يروح دا علي اساس انه يعرفها وفيه كلام بينهم
ولو واخد معاه عمه مثلا او خاله يحددلهم الكلام حيكون علي ايه
علشان ميلاقيش واحد بيصدره في حاجه وخلاص
زي مثلا ابوها يطلب حاجه ب20 الف يرد واحد منهم يقول دا احنا نتاقل بنتكم بالدهب ومش خساره فيها
لان ساعتها مفيش مجال للمجاملات

[aif]

ا
زي مثلا ابوها يطلب حاجه ب20 الف يرد واحد منهم يقول دا احنا نتاقل بنتكم بالدهب ومش خساره فيها
لان ساعتها مفيش مجال للمجاملات

هههههههههههههههههههههههه
ده يبقى اكيد جاسوس من اهل العروسة

[Xander2010_Evo]

ياااااااه كل ده رغي
أنا دماغي صدعت قريت التوبيك كوووولوووو الأول أنا عندي20سنة تقريبآD: وطبعآ مستحيل أفكر ف موضوع جواز ولا خطوبة ولا حب من أساسه لإني ببساطة معرفش حاجة ومعنديش أي مؤهلات أوأي
minimum requirements
بس للأسف كلهم بيخطبو بدري جدآآ):
بس كان موضوع واجع دماغي
والحمد لله وصلت لحل
بس محتاج مساعدتكم يارجالة
شوية طلبات بسيطة:
أي واحد ربنا كرمه ورايح يخطب-1
ياخد معاه mp4ويسجل كل كحة من أول مايرن جرس باب بيت أهل العروسة لحد مايقروا الفاتحة والسلام عليكم ونسمع بالتفصيل كل الأسئلة
-2نحفظ الأسئلة تمام علشان نبقي جاهزين علشان إن شاء الله لما يحين وقت الخطوبة نبقي عارفين هانعمل إيه
-3أهم حاجة لازم نتفق مع العروسة المستقبلية علي كل حاجة قبل مانتقدم للخطوبة ولازم يكون رأيها واضح ومتفق عليه مسبقآ هما عليهم إيه والعريس عليه إيه?
"أثناء مسرحية الخطوبة"
-4لازم يكون الإحترام متبادل بين الطرفين "عائلات العروسين"
-5واساسآ طبعآ تكون جميلة وذات دين وناس محترمة"مش ماديين" ....إلخ وأبوها مش خطيب مسجد زي إلي فوق
150000لحلوح
لييييه البرنسيسة ديانا??!!
-6المفروض مكونات بيت الزوجية إللي يختارها العريس والعروسة ذات نفسهم
هيا أمها ولاالبنت إللي هاتتجوز ف البيت
-7وف الأول والآخر لما الآقي إللي أحبها وتخاف عليا زي مابخاف عليها
ساعتها بس إللي فيه الخير يقدمه ربنا
هاخطبها وش
ولو رفضو
هاخطفها علي بره وأتجوزها :))
الشباب بيحلمو..وإحنا معاهم

[Xander2010_Evo]

نتاقلها بالدهب??????
عفوآ سرة الدنانير لاتكفي لهذه الجواز
حوووش وتعالي ف وقت لاحق