كيف تتعامل مع البلطجية

[الغزالى]

الاخوة الافاضل انصار حمل السلاح لمواجهة البلطجة وهل تواجه اعراض المرض بنفس تداعياته؟؟
السلاح مش حل بلعكس دة بيزود الطين بلة لانك فى احتمال انك تموت حد بلخطأ او حد يموتك وفى اقل من لحظة مستقبلك كلة يتغير... ومينفعش ان البلطجى يجبرك وانت انسان متعلم على اسلوبة وترضخ لية وتجارية بنفس اسلوبة وتشيل انت كمان سلاح كدة مفيش فرق بينكم.. انتم الاتنيين شايليين سلاح وانا لو شوفت اتنين فى الشارع شايلين سلاح هاقول عليهم بلطجية ومش هافرق ميين راكب ملاكى وميين سواق ميكروباص
وفى نفس الوقت طرحت على نفسى نفس السؤال اللى سئلة الاخ صاحب الموضوع ياترى لو معاية اسرتى فى العربية وواحد بلطجى شايل سلاح لاى سبب ما حاول انة يتهجم علية هاتصرف معاة أذاى؟؟
شرد زهنى ولقيت ان الكلام دة هيوصلنا للكلام فى السياسة والدعاء على رجالها اللهم أحفظنا .
لكن ابشرو ما ضيقت الاما فرجت وفرجة قريب اوى فى تغيير حقيقى جاى من عند ربنا بأذن الله
انا شايفهم من بعيد لابسيين ابيض فى ابيض

على فكرة ممكن 50% منهم مثلا
يتعاملوااا بالطريقة الى انت بتقول عليها دى
سب ارجع واقولك تانى
الناس دى مبدأهم خدهم الى قدامك باصوت يكش
وها نروح بيعيد لية لسة اول امبارح انا واحد صاحبى بعربية تريوس
وبنلف من طريق عمومى هوا طريق رايح جاى من غي او فاوصل ومكانش في اى عربيات خالص وهوب لقينا واحد سواق ميكروباص طلع من تحت الارض
بس كل دة عادى فخلاص احنا بنلف بس ظهر العربية لسة مرمى فى الطريق
ودة مش شايف من الطريق قدامةالمفروض يستنى لم احنا نلف وبعد كدة هوا يعدى لا دة راح معدى من ورانا على طول ام طالعلة موتسكيل علية 3شباب وراحوا للبسين فى بعض العيال بتوع المتوسيكل راحواا نازلين ضرب فى السواق بتاع الميكروباص
مقدرش يفتح بقة عشان خاف من الى قدامة
بس فهيا دى الفكرة ازاى تخل الى قدامك يا خاف منك
فى ناس بتعرف عمل بالسلاح لان هوا معندهوش حل غير كدة
وفى ناس بالزعيق
(بس فى الحالتين طالما انت مش غلطان)
وبرضو الشخص الى قدامك هوا الى يجبرك ازاى ترد علية زوق ولا بقلة ادب
استخدام السلاح

[dr-mohamed]

كيف تتعامل مع البلطجية ؟

ادعي ربنا ميوقعكش في سككهم بس كده

للاسف الدعاء في الحالة دي صعب اوي يجيب نتيجة لانهم حوالينا في كل ناحية

ادامك حل من ثلاثه
1 تاخد بعضك و تخلع :b4_048: الي يحصلني يكسرني
2 عليا و علي اعدائي ابراهيم الابيض
3 الشربه في خدمه الشعب وغالبا هتلجا لحل من الاتنين الي فوق

انا بقول نسيبنا من موضوع الشوربة ده نهائي
وبرشح الحلين الاولانيين بس الحل التاني لازم يبقي معاك حاجة تحمي نفسك بيها

خد نمرة عربيته ونداء لوزير الداخليه بالواقعه فى صفحه الحوادث او البريد بالاهرام . على الاقل يمكن يستدعى هذا الشخص ومرة فى مرة وبتعاون من الكل سنقضى على هذة الظواهر الخبيثه فى المجتمع باذن الله تعالى

انا اسف والله مش يتريأ على كلامك لكن مضطر
ههههههههههههههههههههههههههههههههههههههه
داخلية مين يا باشا
مش فاضيين لنا

ممكن حضرتك تكمل بياناتك الشخصيه وتكتب محل الاقامه

علشان اكيد انت عايش بره مصر من زمان

والله وانا كمان اعتقد كدة

باستثناء واحد أو اثنين تقريباً ما جربوش حكاية بوليس النجدة دى ... أحب اقول لهم وعن تجربة ان البوليس بييجى فقط فى حالة من أربعة : 1-شخصية كبيرة تتصل بيهم 2-خناقة كبيرة .... بس بعد ما تخلص طبعاً 3- سقوط قتلى 4-حدوث ضرب نار ... فيما عدا ذلك ولا الهوا

كلامك مية في المية سليم
انا عملت احدثة وانتظرتهم ساعة لغاية ما جم كان اللى خبطني طار

الحل الطبيعي والنطقي-طالما إنك في مصر-
إنك تعمل عبده المهــم
يعني تتكلم وكأنك وزير أو أصحابك كلهم ظباط شرطة أو وكلاء نيابة
من يومين كنت خارج من (زفتى) رايح (ميت غمر)
وكنت بعدي من على الكوبري بتاع زفتى
لسه هدخل الكوبري((للعلم إن الكوبري بيساع عربية واحدة فقط)
لقيت عربجي راكب ميكروباص داخل وحاشر نفسخ وعاوز يدخل الكوبري قبلي
مع إن المساحة كانت أضيق من إنها تعدي نص عربيته..بس هوا دخل برخامة وعاوز يعدي
شديت الهاند بريك ..ونزلت
قولتله:" إرجع ورا يا إبن الـ %^$%^#"
كل صمت وهدوء ..لقيته رجع
وطبعا ..ربنا يخليلي اللوحة السودا وبادج النيابة العامة
...أنا صيدلي على فكرة

انا عايز من دي

بما انى من سكان الهرم وما اكثر سواقين الميكروباص الفولكس واللى ما بيشتغلش عليها غير بلطجيه ومسجلين
فماشى بحاجتين بينهو المشكله من قبل ما تبداء لو حسيت حد فيهم فكر بأستخدمهم بدون تردد رقم واحد سرينه شرطه ميرى ولما الموضوع بيتطور يبقى بنزل افرد طولى ودى لو حكتلكم حكيات عنها هتموتو من الضحك وفى ايدى اليكترك ودا رقم اثنين ودول هما الرخصه لأنك تخرج سالم من شوارع الهرم الجانبيه والموازيه ليه
ربنا يرحمنا من الأشكال دى ويتوب علينا من الناس اللى بتخلى الواحد يتقمص دور مش دورو

حبيي وجاري ورفيق الكفاح ضد المكربواسات والتكاتك
والله ما لهم حل غير كلامك

[mrsailor]

دول فاكرين انهم بلطجية بجد و يقدروا على اى حد و ان اللى راكبين ملاكى بيمصوا فى صوابيعهم و مش قدهم ..و كمان الافلام بتصور سواق الميكروباص على انه رامبو و مفترى و يمشى كلامه على شارع .. و ده خلاهم يصدقوا نفسهم و يسوقوا فيها .. بس انا شايف ان قوتهم و سيطرتهم وقوة قلبهم انهم ايد واحدة .. يعنى لو شديت مع واحد منهم تلاقى كل سواقين الميكروباصات وقفت تجامل .. فتحس انك لوحدك واقف قدام شارع .. فتضطر تجر ناعم و تحمد الله ان ماحدش ضربك و خرجت من الموقف سليم .. انا و بعض معارفى بنعمل زيهم يعنى لو لاقينا الهمج دول مستفرضين بحد و سايقين الصياعة عليه .. بنقف معاه ضد البلطجية دول .. و لما بيلاقوا اللى قدامهم مش لوحده .. بيكشوا و يجيبوا ورا على طول .. يعنى انا رأيى اننا نحاربهم باسلوبهم .. يعنى لو شفت موقف حصل لحد فى طريقك .. و الهمج دول حايفردوا عليه .. نتلم و نيجى فى صفه .. و مرة فى التانية حايعرفوا اننا زيهم بنعرف نلم بعض و ناخد حقنا من سواقين الميكروباص و التوزيع و كمان النقل الجماعى اللى فاكرين البلد عزبة اهاليهم و ماشيين بنظام الكترة تغلب الشجاعة .. و خدوهم بالصوت .. و خلينا نشوف دى بلدنا وللا بلدهم

[Abo_Lina]

انا شايفهم من بعيد لابسيين ابيض فى ابيض

دول غالبا بوليس متنكرين

[Abo_Lina]

إحنا نرشح سلمى رمز البطة للرئاسة و هي هترمي البلطجية بتوع الميكروباصات كلهم في المعتقل
YouTube - ‫ط³ظ„ظ…ظ‰ - ط±ظ…ط² ط§ظ„ط¨ط·ط© - ظ„ظ„ط±ط¦ط§ط³ط©.mp4‬‎

دمها يلطش يخرب بيت كده

[abou_ruqi]

لازلت مؤمن بنظرية القوة الأعظم . لازم توصل للمعتدي إنك أقوى منه بكتير علشان يتلم

والله ده بيحصل بين الدول وبين البشر و بين الخرفان و القرود والسمك البوري !!
وبعدين ما فلسطين ضاعت علشان عرفوا يقنعونا أنهم أقوى مننا بكتير لحد ما بقوا أقوى مننا بكتير !!

شوفوا أنتوا عرفين مشكلة العرب (بدو الصحرا الغربية) وعارفين مشاكلهم مع كل اللي واخد حتة أرض أو باني بيت في مناطق قريبة منهم (إحنا في اسكندرية بنعاني كلنا من مشاكل غرب اسكندرية)

أنا ما شوفتش حد حل مشاكله معاهم غير اتنين معرفة, عملوا تقريبا نفس الفكرة
تطبيقا لنظريتي لازم تجيب قوة أقوى بكتير من قوتهم , طبعا الشرطة مش هي القوة دي خالص ولا حتى تفكر فيهم

الحل كان في الصعيد

واحد فيهم جاب غفر على المزرعة بتاعته من الجبل في الصعيد رجالة قلبها ميت و بتتأجر باليوم ومعاها سلاحها الألي , مفيش كلب قرب من المزرعة بتاعته أول لما شافوا الألي

التاني كانوا العرب بيفرضوا إتاوة على التجار اللي بيشيلوا المحصول بتاعه لحد لما كانت تجارته حتبوظ
جاب صعايدة وخطف أربعة من البدو , لحد ما جاله شيخ القبيلة زي الكلب يستسمحه إنه يفرج عنهم وعمرهم ما حتعرضوا ليه تاني

طبعا الاتنين استغلوا نقطة إن البدو ما بيبلغوش البوليس حتى لو مات لهم حد

من ساعتها و أنا تأكدت إنك لازم يكون عندك قوة أعلى من قوة المعتدي علشان تعيش في الغابة دي

[Mohamed.Ramah]

حسبى الله ونعم الوكيل فيهم فعلا

[mada121977]

والله امر محزن فعلا موضوع البلطجيه اللى انتشروا فى البلد دى .. انا مع الرأى القائل بضروره اظهار القوه للبلطجيه دول ... من حوالى 4 سنين كنت ماشى على طريق فاقوس الزقازيق وواحد سواق ميكروباص كسر عليا جامد وكمان شتم بالكلاكس قلت مابدهاش جريت وراه جبته ووقفت العربيه بعرض الطريق قفلت الطريق كله ونزلتله .. وكان وراه ميكروباصين زمايله وقفوا هما كمان .. اول حاجه عملتها بصيت على النمر وقلتله انا وكيل نيابه وهابهدلك وهاعرفك انت بتشتم مين لقيت الواد وشه احمر وكان مرعوب والاتنين التانيين جم يترجونى انى اسامحه وكانوا هيبوسوا راسى ... يعنى الخلاصه خليك دائما بتاخد زمام المبادره ويكون عندك سرعه بديهه
وبالنسبه للصاعق هتلاقى فى جريده الوسيط الاعلانيه على النت باب اسمه صيد برى هتلاقى فيه اعلانات كتير عن بيع صواعق ومسدسات صوت

[youssefmustang]

يانهار ابيض يا أستاذ يوسف 480 فولت ؟؟؟ اللى خللى ال 220 بتوعنا بيبهدلوا الدنيا
الحقنى بيه وحياتك بيتباع فين ده ؟

يا باشا ده انا جبته من صديق كان بيتعالج من الكبد فى انجلترا وهو نازل قالى ما تأمرش بأى حاجة من هنا قولتلو شوفلى الكتريك يكون نضيف قالى بيبدأ من 800 جنيه مصرى الى 6200 جنيه مصرى قالى فى انواع بتوصل الى 670 فولت بس ده للقتل ومش هعرف اعدى بيه من المطار قلتلو انا مش عايز اقتل انا عايز اشل اللى يتعرضلى بس قالى خلاص هجيبلك ابو 800 جنيه
بس روعة صوته شديد اوى و ملحوظ بطريقة قوية ده غير انه ليه مفتاح سرى تحت البطارية بتاعته عشان مش اى حد يفتحه فى انواع هنا فى مصر حلوة بتوصل الى 2200 جنيه المانى الصنع عامل زى المفك الصليبة بس روعة المكان محل الاسلحة اللى موجود فى شارع جامعة الدول العربية ناحية مصطفى محمود ... هبقى اعرفلك العنوان وهبعتهولك ...

[rockana9112007]

لازلت مؤمن بنظرية القوة الأعظم . لازم توصل للمعتدي إنك أقوى منه بكتير علشان يتلم

والله ده بيحصل بين الدول وبين البشر و بين الخرفان و القرود والسمك البوري !!
وبعدين ما فلسطين ضاعت علشان عرفوا يقنعونا أنهم أقوى مننا بكتير لحد ما بقوا أقوى مننا بكتير !!

شوفوا أنتوا عرفين مشكلة العرب (بدو الصحرا الغربية) وعارفين مشاكلهم مع كل اللي واخد حتة أرض أو باني بيت في مناطق قريبة منهم (إحنا في اسكندرية بنعاني كلنا من مشاكل غرب اسكندرية)

أنا ما شوفتش حد حل مشاكله معاهم غير اتنين معرفة, عملوا تقريبا نفس الفكرة
تطبيقا لنظريتي لازم تجيب قوة أقوى بكتير من قوتهم , طبعا الشرطة مش هي القوة دي خالص ولا حتى تفكر فيهم

الحل كان في الصعيد

واحد فيهم جاب غفر على المزرعة بتاعته من الجبل في الصعيد رجالة قلبها ميت و بتتأجر باليوم ومعاها سلاحها الألي , مفيش كلب قرب من المزرعة بتاعته أول لما شافوا الألي

التاني كانوا العرب بيفرضوا إتاوة على التجار اللي بيشيلوا المحصول بتاعه لحد لما كانت تجارته حتبوظ
جاب صعايدة وخطف أربعة من البدو , لحد ما جاله شيخ القبيلة زي الكلب يستسمحه إنه يفرج عنهم وعمرهم ما حتعرضوا ليه تاني

طبعا الاتنين استغلوا نقطة إن البدو ما بيبلغوش البوليس حتى لو مات لهم حد

من ساعتها و أنا تأكدت إنك لازم يكون عندك قوة أعلى من قوة المعتدي علشان تعيش في الغابة دي

اؤيد كلام حضرتك بشدة

[waelfarid]

حسبنا الله ونعم الوكيل

[zkralla]

يا اخى كان الله فى عونك وعوننا ولا حول ولا قوة الا بالله

[Khaled_Nowaihy]

علقة ساخنة لضابطي مرور وأمين شرطة من سائق ميكروباص --- منقول

بمناسبة الموضوع اللى شكله مش حايخلص - قرأت هذا الخبر فى جريدة الأخبار اليوم الجمعة 17/4

---

#ff0000
[justify]
شهدت شوارع القاهرة والجيزة وكوبري اكتوبر حلقة جديدة من مسلسل بلطجة سائقي الميكروباص اسفرت عن تحطيم. 3. موتوسيكلات مرور واصابة ضابطين وامين شرطة بمرور القاهرة ضربهم سائق الميكروباص علقة ساخنة بعدما نجحوا في ضبطه بعد مطاردة مثيرة بدأت في القاهرة وانتهت بالجيزة..
تلقي اللواء محسن حفظي مساعد أول الوزير لامن الجيزة اخطارا من اللواء كمال الدالي مدير الادارة العامة للمباحث ببلاغ. بتعدي سائق ميكروباص بالضرب علي ضباط المرور... انتقل اللواء فايز اباظة مدير المباحث وتبين ان السائق كان يمر بميكروباص يحمل لوحات اتوبيس رحلات في شارع عماد الدين واستوقفه ضابط شرطة بمرور القاهرة الا انه صدمه وفر هاربا... قام ضابطان وامين شرطة يستقل الثلاثة دراجات بخارية مرورية بمطاردة السائق المتهم الذي اثار الذعر بين قائدي السيارات والمارة واخترق ميدان التحرير بسرعة جنونية متجاهلا كل اشارات المرور ثم صعد كوبري اكتوبر متوجها للجيزة وحاول قائد سيارة ملاكي تعطيله عندما شاهد المطاردة فصدمه وهشم سيارته مواصلا رحلة الهرب حتي وصل ميدان النهضة بالجيزة بالقرب من المنيب وعرقل الزحام حركته فسبقته دراجات المرور فصدمها ونزل من الميكروباص وانهال ضربا علي الضابطين وامين الشرطة محاولا الهرب فتم القبض عليه واحيل للنيابة للتحقيق..
[/justify]

---

#ff0000

[mmffor]

بمناسبة الموضوع اللى شكله مش حايخلص - قرأت هذا الخبر فى جريدة الأخبار اليوم الجمعة 17/4

---

#ff0000
[justify]
شهدت شوارع القاهرة والجيزة وكوبري اكتوبر حلقة جديدة من مسلسل بلطجة سائقي الميكروباص اسفرت عن تحطيم. 3. موتوسيكلات مرور واصابة ضابطين وامين شرطة بمرور القاهرة ضربهم سائق الميكروباص علقة ساخنة بعدما نجحوا في ضبطه بعد مطاردة مثيرة بدأت في القاهرة وانتهت بالجيزة..
تلقي اللواء محسن حفظي مساعد أول الوزير لامن الجيزة اخطارا من اللواء كمال الدالي مدير الادارة العامة للمباحث ببلاغ. بتعدي سائق ميكروباص بالضرب علي ضباط المرور... انتقل اللواء فايز اباظة مدير المباحث وتبين ان السائق كان يمر بميكروباص يحمل لوحات اتوبيس رحلات في شارع عماد الدين واستوقفه ضابط شرطة بمرور القاهرة الا انه صدمه وفر هاربا... قام ضابطان وامين شرطة يستقل الثلاثة دراجات بخارية مرورية بمطاردة السائق المتهم الذي اثار الذعر بين قائدي السيارات والمارة واخترق ميدان التحرير بسرعة جنونية متجاهلا كل اشارات المرور ثم صعد كوبري اكتوبر متوجها للجيزة وحاول قائد سيارة ملاكي تعطيله عندما شاهد المطاردة فصدمه وهشم سيارته مواصلا رحلة الهرب حتي وصل ميدان النهضة بالجيزة بالقرب من المنيب وعرقل الزحام حركته فسبقته دراجات المرور فصدمها ونزل من الميكروباص وانهال ضربا علي الضابطين وامين الشرطة محاولا الهرب فتم القبض عليه واحيل للنيابة للتحقيق..
[/justify]

---

#ff0000

ابن ال.... حرام عليه الحبس!! و الله حرام فيه الحبس!!! لازم بتجلد 500 جلده من بتوع السعوديه مع بتاع 50 قلم من بتوع مصر مع علقة خرزانه من بتوع سوريا و علقه تانيه بالشلاليت و الجزم من بتوع العراق و بعدين يترمي في الحبس بتاع 50 سنه

[mmffor]

موضوع البلطجه ملوش حل! يا اما تدخل كليه الشرطه او معهد امناء الشرطه يا اما تضيع مشتقبلك و تدخل كليه البلطجه( السجن ) يا اما تسيب البلد و ترحل لأن جميع الفئات السابقه مش حتسيبك في حالك