فضيحة مباراة الأهلي وإنبي

[dr-mohamed]

يا استاذ كايرو البدري ماعملش اي حاجه غير انه طلعهم من تحت
يعني اي مدرب مصري كان هيطلع اللاعيبه ده من الناشئين
اقصد انه ماعملش شيء مبتكر مثلا
وبعدين في حاجه مهمه الاهلي اتعادل الموسم ده تقريبا 8 مباريات وده كتير قوي قوي
لو الزمالك فايق من الاول كان زمانه مخلص الدوري
وبعدين ربنا يستر من ماتش بيتروجيت الجاي وبعده الزمالك
لأن انا حاسس اننا بالكتير هناخد في واحد 3 نقط بس من السته ده بالكتير قوي
البدري وحش ومش مسيطر علي الفرقه خالص ومش مركز في الماتش بيركز مع الحكم
سؤال واحد اخير هل احمد حسن كان بيشوط كل التسديدات اللي مالهاش لازمه ده مع جوزيه ؟؟
ده كان ممكن يعلقه فيها

بتفق معاك في حاجات وبختلف معاك في حاجات والخلاف في الراي لا يفسد للود قضية طبعا وفي الاول والاخر كلنا هنا اخوااااااااااااااااااااااااااااااااااااااااااااات قبل الكورة وبعدها وملعون ابو الكورة لو هتفرقنا او تزعلنا من بعض
1- لو خوزيه موجود عمر اللعيبة دي ما كانت هتلمس كورة في الاهلي
يا رجال 7 ناشئين تقريبا كلهم تحت 20 سنة بيلعبوا في الاهلي في ماتش واحد والله ما شفتها من ايام ما الجوهري عمل انقلاب والرائع صالح سليم وقفه هو والفرقة ولعب بالناشئين ماتش الزمالك وكسبوا 3-2
2- الاهلي اتعادل 7 مرات وخسر مرة
والزمالك اتعادل 4 مرات وخسر 6 مرات
يعني زي ما بنقول لو الزمالك فايق كان اخد الدوري نقول بردو لو الاهلي فايق شوية بسيطة كان كسب الدوري من اول الدور التاني
3- احمد حسن اناني اناني اناني مع الاهلى اناني مع المنتخب اناني وبتفق معاك في دي

احنا نسيب اللي حصل و نمسك في إبراهيم حسن ..
الأخطاء التحكيمية وارد حدوثها و تحدث في العالم كله ..بس اللي لا يحدث إن كل الأخطاء التحكيمية تكون في مصلحة فرقة واحدة زي النهاردة

يا راجل قول كلام غير ده
ماتش واحد الاخطاء التحكيمية كانت لصالح الاهلى
و8 مرات ضد الاهلى وكلها بردو حسمت نتايج المباريات اما بتعادل الاهلى او هزيمته
والزمالك نفس الشئ لكن بالعكس
اما ابراهيم حسن فنفسي ان الايقاف وهو 5 سنين على فكرة مش سنتين نفسي يتلغي ويرجع تاني ونشوفه بردو مطرود كل ماتش ومشرف في المدرجات زي ايام ما كانوا في المصري
ده انسان سافل وعايز يولعها وخلاص
وهو واخوه من يوم الاهلى ما طردهم وهما مولعين نار من الاهلي

الحكم المتهم بمجاملة الأهلى حكم مباراة الزمالك والإتحاد وكسبها الزمالك 2/0 وكثير من الملاحظات بمبدأ المؤامرة تصب لصالح الزمالك
الماتش سىء تحكيميا هذا مؤكد الأخطاء واردة
لكن رد الفعل المبالغ فيه من أنصار الزمالك هو الأغرب

والله سمير عثمان اخطا النهاردة واخطا يوم ماتش الزمالك ما كسب الاتحاد لكن في النهاية اخطائه غير متعمدة
الدور والباقي على الحكم اللى السنة اللى فاتت ضيع من الاهلى 9 نقاط ومنهم مباريات الشرطة ولغي للاهلي اجوان وطرد لعيبة وحسب اجوان على الاهلي مش صحيحة وفي نهاية الموسم وكان اخر موسم ليه في التحكيم طلع في برنامج اسماعيلاوي على مودرن سبورت وقال انه بيشجع الاسماعيلي وانه من اسماعيلية وكان كل همه ان الاهلى ميكسبش الدوري يعني معترف

الل ىيغيظ بجد الل ىاسمه على السيس مدير تحرير المصري اليوم اللى طلع في مودرن سبورت واتهم الحكم انه متعمد خدوا بالكم متعمد ان الاهلى يخسر علشان يضر الزمالك
واتصل محمد عثمان بالبرنامج ومسح به الارض ومقدرش يفتح بقه ولما المستكاوي سئل شلبي هو السيسي بيشجع مين قاله الزمالك

طبعا فضيحة غبية
واقسم بالله انا لو مكان سمير عثمان لارفع عليه بكرة قضية سب وقذف ووايق مليون في المية انه هيكسبها

مش عيب ان الاعلامي يكون بيشجع فريق معين
لكن العيب ان تشجيعه لفريق يجي على حساب اخلاق المهنة وانه يهاجم الفريق الاخر بمبرر ودون مبرر بكل الطرق
زي اسامة خليل اللى بيعمل برنامج الغندور وعامل نفسه عارف كل حاجة وانه حيادي وفيه فيديو ليه على اليوتيوب يوم ماتش ال6-1 مش ناقص غير انه يعيط علشان الزمالك اتغلب
اعلاميين زباله

و ادي الفيديو بتاع اسامة خليل ايام ما كان ..............
YouTube - ‫ط£ط³ط§ظ…ط© ط®ظ„ظٹظ„ ظٹط¹طھط±ظپ ط§ظ†ظ‡ ط²ظ…ظ„ظƒط§ظˆظ‰ ظˆ ط¨ظٹطھظƒظ„ظ… ط¹ظ† ظ…ط¨ط§ط±ط© ط§ظ„ط³طھط© D:‬‎

[ecybrarian]

الموضوع كبر جدا..انا كنت باتكلم عن ماتش واحد فقط..هو دا الماتش الفضيحة إللي مش عاجبني من كل النواحي للنادي الأهلي والتحكيم..مافيش اوحش من كدا ماتش الموسم دا لكل الفرق..الماتش دا عامل زي فضيحة الزمالك والاسماعيلي السنة إللي فاتت..كل سنة عندنا ماتش فضيحة بكل المقاييس

انا شايف إنكم وسعتم الموضوع ودخل فيه تقييم تجربة البدري (قبل ما تخلص) ونقد لتاريخ التحكيم للأهلي ومستوى الدوري المصري مقارنة بأوروبا!!..وفي الحقيقة كل واحد من دول موضوع لواحده، اينعم له علاقة بالموضوع..لكن خللينا محددين في ماتش إنبي، هل في شخص شايف إن الماتش كان فيه حاجة صح؟؟!!

[factorialx]

زملكاوي و حراااام اللي بيحصل الأهلي خسران خسران و تتعاد كمان ضربة الجزاء يخرب بيت الكفته و الكوسه و المحشي و السلطات

اهلى ايه و زمالك ايه بس


نصيحة يا جماعة فى لعيب واحد بس اسمه ميسى بيلعب فى نادى كدة فى اسبانيا

اتفرجوا عليه 5 دقايق بدل 90 دقيقة متش فى دورى المكسحين

على رايك شوفوا جون ميسي التاني في سرقطه الراجل لوحده من نص الملعب للجون

هي دي الكره بجد مش اللي عندنا

YouTube - ‫ظ‡ط¯ظپ ظ…ظٹط³ظٹ ط§ظ„ط«ط§ظ†ظٹ ط§ظ„ط§ط³ط·ظˆط±ظٹ ط§ظ…ط§ظ… ط³ط±ظ‚ط³ط·ط©‬‎

[eino666]

انا اهلاوي جدا..بس الحق احق ان يتبع..كان اكرم للأهلي الخسارة عن المكسب بالشكل دا..هو في ايه؟؟ اداء زي الزفت من اللاعيبة وإدارة زي الزفت من الجهاز الفني..وتحكيم فضيحة بكل المقاييس.. لا بجد هو في ايه؟؟؟

الكابتن حسام البدرى
مع خالص تقديرى واحترامى ولكنك لست على مستوى نادى كبير وعظيم مثل النادى الاهلى
اما حدث من التحكيم فى المباراة امس فتعليقى عليه هو ( دان تدان) فكما تم ظلم الاهلى فى مباراة المحلة وظلم الاتحاد فى مباراة الزمالك
كان الدور على انبى وذلك كله ليس مبرر للتحكيم السيىء ولكنه فقط توضيح
................................
محمود عينو
اهلاوى ابا عن جدا

[elgabry1977]

زملكاوي و حراااام اللي بيحصل الأهلي خسران خسران و تتعاد كمان ضربة الجزاء يخرب بيت الكفته و الكوسه و المحشي و السلطات

حسبنا الله و نعم الوكيل فيك يا سمير يا عثمان انت و محمد حسام و لجنة الحكام و اتحاد الكوسه

[Ahmed.TV]

الكابتن حسام البدرى
مع خالص تقديرى واحترامى ولكنك لست على مستوى نادى كبير وعظيم مثل النادى الاهلى
اما حدث من التحكيم فى المباراة امس فتعليقى عليه هو ( دان تدان) فكما تم ظلم الاهلى فى مباراة المحلة وظلم الاتحاد فى مباراة الزمالك
كان الدور على انبى وذلك كله ليس مبرر للتحكيم السيىء ولكنه فقط توضيح
................................
محمود عينو
اهلاوى ابا عن جدا

+1111111111111111111111111111

[human]

هوه ده الماتش الوحيد اللى الحكام جامل الاهلى؟؟

ديه نكته طبعا

اللى انا افتكره ان ديه ممكن تكون المره الاولى بالاستفزاز المبالغ فيه

يس يعنى عشان النسيان نعمه فالكل ناسى الماتشات ام 100 دقيقه و البلنتيات اللى فى الدقيقه 99 و الاجوان اللى ملغيه و اللاجوان اللى من الاوفسايد والطرد اللى مالوش معنى للمنافس و كتير و كتير
بس هيه نعمه النسيان و التعود خلت ده الطبيعيى بالنسبه لمشجعى الاهلى و دايما لما يبقى فيه حكم كويس يقولوا عليه ظالم و مفترى عشان مش بيبقوا فاهمين ان ده العادى

على العموم حصل خير بكره كله يتنسى و الاهلى ياخد الدورى و البدرى يطلع يجرى ورا اللعيبه بالشبشب لما يضيعوا جون

[Terrible_DaRsH]

البدرى مدرب كويس بس للاسف معندوش خبرة كافية للتعامل مع اللاعيبة .

فاكرين لما اتخانق مع امير عبد الحميد و ضربوا بعض ! ده مش تصرف مدرب ابدااااا ..

ضغوط الدورى كبيرة عليه علشان اول تجربة ليه مسئولية كبيرة , بس يحسب له حاجات كتيرة جدا عملها مع الفريق من اول الموسم .

عموما انا واحد من جمهور الاهلى مش فارق معايا الدورى نهائــــــي . بس لو الزمالك فاز بالدورى نفسي اشوف الجمهور ده بيكسب "بأدب" من غير شتيمة فى الاهلى ..

[human]

بس لو الزمالك فاز بالدورى نفسي اشوف الجمهور ده بيكسب "بأدب" من غير شتيمة فى الاهلى ..

جمهور الاهلى طول عمره بيشتم الزمالك
و جمهور الزمااك بيشتم الاهلى

ايه الجديد؟؟؟

[ahmedhilmy]

الماتش كان سئ جدا بكل المقاييس و لازم يكون في وقفة في النادي لعلاج الفرقة

[M.almaghraby]

البدري دا انسان مش محترم

والحكم مرتشي

و دا شيء مش جديد عالاهلي

[bassem.naguib]

ماتش من اسوا ماتشات الاهلى الموسم ده ورافض بشدة شتيمة البدري لفرانسيس اللى كانت واضحة جدا في الكاميرا ولكن :



يا ريت مننساش ان البدري بيعيد تشكيل فرقة الاهلى
يعني اخونا خوزيه برغم حبي الشديد ليه مشي وهو سايب الفرقة واقعة على الاخر
خرجنا من دوري افريقيا ومن الكونفدرالية بعد ما اتغلبنا 3- 0 و دي نتيجة كنا نسيناها من زمان اوي وضيعنا 13 نقطة في الدور التانى وكسبنا الدوري بماتش فاصل مع الاسماعيلي ومتوسط اعمار الفريق كبير جدا ومعظمهم قرب ينهار من اللعب في الاهلى والمنتخب فاخونا خوزيه ريح نفسه وساب المركب قبل ما تغرق
وطول 5 سنين لخوزيه مع الاهلى لم يخرج من ناشئ الاهلى غير حسام عاشور ومحمد سمير وترك لاعبين كتير جدا واشتري لاعبين كتير منهم لعيبة كانت لا تصلح درجة تانية وخصوصا الاجانب

البدري مسك الفرقة وهي منهارة تماما ولعب الدور الاول كله تقريبا من غير الكبار مفيش غير احمد حسن اللى كان بيلعب بس وتريكة وبركات مصابين وباقي اللاعبين ضايعين
استعان بالناشئين وفي سنة واحدة وفي اول موسم خرج للاهلي عفروتو واحمد شكري واحمد عادل وشهاب الدين احمد وعبد الله فاروق ومصطفي شبيطة وغيرهم واعتمد عليهم كل دول كانوا هايضيعوا لو خوزيه لسة في الاهلى
وادارة الاهلي وفرت لخوزيه لبن العصفور وجابت له كل اللعيبة اللى طلبهم اما البدري محدش معبره ومقدرش غير يجيب شريف اكرامي بس
يعني حسام البدري بيبني فرقة للاهلي لمدة 5 سنين جاية وبرغم كدة متحججش وفي المركز الاول وبفرق 8 نقط عن اقرب منافسيه
مطلوب منه ايه اكتر من كدة ؟؟؟؟؟؟؟؟؟؟



شبانة ده بيفتي ودكتور الاهلى رد عليه قال ان لا يمكن معرفة عمر اي لاعب من قياس الانسجة وانه مقالش الكلام اللى قاله شبانة ولا فكر يعمله يعني شبانة بيهبل كالعادة مش اكتر



بخصوص البدري اقرا كلامي اللى فوق كرد عليه
اما فرانسيس فمش عارف هل هو لعيب كويس فعلا ولا لعيب تعبان واللى مخليني شاكك ان فلافيو اول موسم ليه كان زبالة تانى موسم بقة نجم الهجوم

اما اخونا صاحب الموضوع واللى اختار له فضيحة مباراة الاهلى وانبي فأنا معاه طبعا ان الحكم ظلم انبي ومحدش يقدر ينكر دي ولكن
التحكيم كدة ساعد الاهلي في مباراة واحدة
ممكن نشوف بقة ظلم الاهلى في كام مباراة
خد عندك:
مباراة الاهلى والحرس

هدف اول للحرس من تسلل واضح والغريب ان لاعب الحرس كان متسلل بحوالى 10 متر ولم يراه مساعد الحكم
.............

الاهلى والمحلة

ضربة جزاء غير صحيحة والغريب انها كانت ضربة حرة للنادى الاهلى على لاعب المحلة ولكن احتسبت ضد احمد على
.................

الاهلى وبتروجيت

هدف صحيح للنادى الاهلى براس اللاعب فضل والكرة تجاوزت المرمى ولم يحتسبها الحكم

..............

الاهلى والاتحاد

ضربتين جزاء للنادى الاهلى من لمستين يد لاحمد عادل فى مرتين متتاليتين ولكن سمير محمود عثمان لم يراهم بالرغم من مواجهته للكرة مباشرة
....................

الاهلى وبترول اسيوط

هدف صحيح لعماد متعب والغاه الحكم بداعى التسلل
...........................

الاهلى والمصرى

الدور الاول تم طرد فرانسيس الذى لم يلمس عاشور الادهم فى الشوط الاول

الدور التانى

ضربة جزاء لصالح المصرى لعرقلة شديد قناوى

وضربة جزاء للنادى الاهلى من لمسة يد واضحى على النادى المصرى

.................
الاهلى وطلائع الجيش

ضربة جزاء للنادى الاهلى وكان الاهلى متقدم بهدفين ولم تحتسب وتعادل الجيش فى نهاية المباراة

ها ايه رايك
يعني التحكيم ساعد الاهلى في ماتش وظلمه في 8 مباريات يعني كسب الاهلى 3 نقاط وخسره 24 نقطة كانت كفيلة انه يبقي واخد الدوري من 5 او 6 اسابيع

الاهم من التحكيم حاجة تانية غاظتني بشكل رهيب
اللاعب اللى اسمه عمرو فيهم
طبعا الكل شافه وهو بيشتم فضل والاتنين بيخبطوا صدر بعض وفضل بيزقه وهو بيزق فضل
وفي الدقيقة 93 كلنا شفناه وهو بيتعمد يدوس على فخد فضل وهو واقع على الارض وبيعدي عليه
دي كان ممكن تخلي فضل يبطل كورة خالص
وبغض النظر عن ان فضل في الاهلى ده غباء غير طبيعي
يعني نفترض فعلا بطل كورة بسبب ضربة زي دي هايستفيد ايه
وازاي فيهم الغبي ده يقدر يتعايش مع موقف زي ده
وعلى فكرة مش بعيدة كلنا فاكرين حارس مرمي القناة الافريقي لما ضرب على ماهر ضربة خلاه بعدها مينفعش يلعب كورة شراب حتي والواد اعتزل وهو في عز شبابه وكان احسن مهاجم مصري وقتها
نفسي افهم ليه عمرو فيهم واحمد عيد عبد الملك بالذات بيلعبوا مع الاهلى كدة

ملحوظة تانية
انبي اتغلب من طوب الارض اشمعنا النهاردة اللى كانوا رجالة اوي ومش عايزين يخسوا
كل الفرق تتغلب ويتمسح بيهم الارض وهما عادي بس اول ما يجي ماتش الاهلى يبقوا عمالقة ويموتوا لو اتغلبوا وعندكم الحرس اللى بيدربه العيسوي الغلاوي مع العشري المحترم وانبي السنة دي والسنة الى فاتت الجيش لما كان بيدربه فاروق جعفر



حاجة اخيرة
ليه مدربين الزمالك لما بيدربوا اي فرقة بيتغلبوا ادام الزمالك وهما مبسوطين وفي منتهي الانسجام واللى مش مصدقني يشوف اسماعيل يوسف كان قاعد زي التختة اللى هو عليها ازاي يوم الزمالك وازاي النهاردة كان هيموت نفسه وناقص ينزل هو يلعب وكمان طارق يحي في الماتش المستفز امبارح

مفيش كلام يتقال بعد الكلام ده .. أنا أرشحك تكون محلل رياضي .. تحياتي وتقدري ليك .

بس بصراحة الواحد بيبقى مفقوع لما الأهلي يكسب بالشكل ده على عكس الفرق المنافسة ليه بيقبلوا كدة وبدم بارد كمان وليهم ميت مبرر ويقعدوا يعيطوا .. يعني حلال ليهم وحرام على الأهلي اللي كايدهم وفافع مرارتهم .

انا ارجح انخفاض مستوى الأهلي لوجود قصور في الأحمال التدريبية .. لأن اللعيبة تحس أن في رجليهم أكياس رمل ومفيش باصه طالعة مظبوطة من رجل أي لعيب .. بالإضافة لحالة الإجهاد العامة .

وعلى العموم الأهلي الموسم ده بيبني فرقة ومعتقدش أن فيه أهلاوي كان حاطط أمل أننا ناخد الدوري .. بس هي جت معانا كدة لضعف مستوى الفرق الأخرى .. والأهلي الموسم الجاي إن شاء الله حيكون شكل تاني ولمدة لا تقل عن 7 سنين كمان .

[Karim_Mohy]

منظومة التحكيم كلها فيها حاجات كتير غلط سواء للاهلي او لغيره وساعات علي الاهلي كمان او علي غيره

ده تفسير الحكم :



سمير عثمان يفسر قراراته في مباراة الأهلي وإنبي


فسر الحكم الدولي سمير محمود عثمان قراراته في مباراة إنبي والأهلي التي انتهت بفوز الأخير بهدفين لهدف في المرحلة الـ23 من الدوري الممتاز.
وقال عثمان لقناة مودرن سبورت عبر المباراة التي شهدت جدلا تحكيميا "ألغيت هدف إنبي الأول الذي سجله أحمد عبد الظاهر براية واضحة من الحكم المساعد".
وتابع "كما أعدت ركلة الجزاء التي نفذها محمد أبو تريكة بعد تحرك حارس مرمى إنبي خارج منطقته قبل التسديد".
ونفى عثمان ما تردد عن خروج لاعبي الأهلي أو إنبي عن نص الالتزام والأخلاق الرياضية بعد المباراة.
وذلك في إثر احتكاك مدافع الفريق البترولي عمرو فهيم مع مهاجم الشياطين الحمر محمد فضل.
وشهدت المباراة إلغاء هدفين لإنبي، واحتساب ركلة جزاء للأهلي سجلها أبو تريكة في ثاني تنفيذ له للكرة.
وخرج الأهلي فائزا بهدفين لهدف، وحافظ على قمة الدوري الممتاز بفارق ست نقاط عن أقرب ملاحقيه.


منقول من موقع في الجول

[mahmoudysf]

اولا انا ذملكاوي
لاكن بالامانة اول مره اشوف اهلاويه بيتكلمو بحيادية وبحق شفتهم هنا فى اول المشاركات وبحييهم على كدة
لاكن للاسف بدا دخول المتعصبين وهي دى الكورة فى مصر

[dr-mohamed]

زملكاوي و حراااام اللي بيحصل الأهلي خسران خسران و تتعاد كمان ضربة الجزاء يخرب بيت الكفته و الكوسه و المحشي و السلطات

الاول انا بعترف لك يا سيدي ان الاهلى كان من اسوا ما يكون في الماتش ده
وبعترف لك كمان ان فيه اخطاء تحكيمية رهيبة في الماتش ده زي الغاء هدف صحيح واخر مشكوك فيه وعدم طرد احمد على من الاهلى واحمد عبد الظاهر وعمرو فيهم من انبي
لكن
يا اخي ما تقرا الاول اللى انا كتبته عن المباريات اللى ضاعت من الاهلى الموسم ده بس بسبب الظلم التحكيمي الفادح وعلى فكرة انا مردتش اكتب كمان المباريات اللى الزمالك كسبها بردو بظلم تحكيمي فادح
وسؤال : هو لما الاهلى يخسر 8 مباريات سواء بالتعادل او الهزيمة يبقي حلال ولما يكسب ماتش واحد يالتحكيم يبقي حرام ؟؟؟؟؟؟؟؟؟ ولما الزمالك يكسب ما لا يقل عن 5 ماتشات بالتحكيم يبقي حلال ؟؟؟؟؟؟؟؟؟؟
خلينا عقلانيين كدة ونقول اللى لينا واللى علينا
وعلى فكرة اعادة ضربة الجزاء كان في مصلحة انبي وليس الاهلى لان ضربة الجزاء ليس فيها تسلل زيها زي رمية التماس بالظبط يعني ضربة الجزاء كانت هدف لحسام عاشور واعادتها كان ممكن تضيعها يعني الحكم ظلم في الاعادة الاهلى وليس انبي

الموضوع كبر جدا..انا كنت باتكلم عن ماتش واحد فقط..هو دا الماتش الفضيحة إللي مش عاجبني من كل النواحي للنادي الأهلي والتحكيم..مافيش اوحش من كدا ماتش الموسم دا لكل الفرق..الماتش دا عامل زي فضيحة الزمالك والاسماعيلي السنة إللي فاتت..كل سنة عندنا ماتش فضيحة بكل المقاييس

انا شايف إنكم وسعتم الموضوع ودخل فيه تقييم تجربة البدري (قبل ما تخلص) ونقد لتاريخ التحكيم للأهلي ومستوى الدوري المصري مقارنة بأوروبا!!..وفي الحقيقة كل واحد من دول موضوع لواحده، اينعم له علاقة بالموضوع..لكن خللينا محددين في ماتش إنبي، هل في شخص شايف إن الماتش كان فيه حاجة صح؟؟!!

والله انا شايف ان عندك حق في كل كلمة قلتها فعلا ماتش فضيحة ومستوا من اسوا ما يكون للحكم وللاهلي والاسوا منه فضيحة ال3-0 السنة الى فاتت لما كان لعيبة الزمالك بيتفرجوا على الكورة وهي بتدخل الجون ويضحكوا في ماتش اللاسماعيلي والاسوا منه كمان من كام سنة لما لعيبة الاسماعيلي راحوا لمندوه الحسيني مدرسة حسام الدين في فيصل والله اعلم ايه الىل حصلجوة المدرسة والزمالك كسب 1-0 بطريقة مسخرة علشان ينافس الاهلى على الدوري
وبلاش نتكلم عن الفضايح اكتر من كدة
وفعلا كل موضوع انت قلت عليه يستاهل تحليل لوحده والماتش كان كله غلط في غلط الحاجة الوحيدة الصح فيه هي فاكهة الكرة المصرية ابو تريكة

البدرى مدرب كويس بس للاسف معندوش خبرة كافية للتعامل مع اللاعيبة .
فاكرين لما اتخانق مع امير عبد الحميد و ضربوا بعض ! ده مش تصرف مدرب ابدااااا ..
ضغوط الدورى كبيرة عليه علشان اول تجربة ليه مسئولية كبيرة , بس يحسب له حاجات كتيرة جدا عملها مع الفريق من اول الموسم .
عموما انا واحد من جمهور الاهلى مش فارق معايا الدورى نهائــــــي . بس لو الزمالك فاز بالدورى نفسي اشوف الجمهور ده بيكسب "بأدب" من غير شتيمة فى الاهلى ..

في حدود معلوماتي يا درش محصلش ان البدري وامير ضربوا بعض عمر التصرف ده ما يحصل في الاهلى هي مرة واحدةى بس لما المجنون ابراهيم سعيد قال ان ثابت البطل الله يرحمه زقه في صدره في التمرين وراح عمله محضر وطبعا ده كان بتسخين من مرتضي منصور ولما وليد صلاح الدين وابراهيم سعيد بردو زقوا بعض في الماتش والحكم طردهم الاتنين ومشي في نفس الموسم وزماااااااااااااااااااااااااااان لما صالح سليم ضرب زميله بالقلم في الماتش نفسه وطرده برة
وانا كمان نفسي الزمالك ولو حتي بعد كام سنة يكسب الدوري بس يكون بهدوء ومن غير مشاكل والله ما ببقي زعلان لما الزمالك يكسب الدوري لو يستاهله او الاسماعيلي او زمان المقاولين
المهم اللى يكسب يكون كسب بمجهوده ولانه الاحسن مش لان الباقيين ميتين زي ما بيحصل في مصر والاهلى بيكسب لان الباقيين مقتولين

جمهور الاهلى طول عمره بيشتم الزمالك
و جمهور الزمااك بيشتم الاهلى
ايه الجديد؟؟؟

بردو عندك حق
ليه منشجعش الكورة بس بالعقل من غير شتيمة وقلة ادب
نفسي الجمهور فعلا يشجع اللعب الحلو الجميل حتي ل وفرقته خسرانة يشجعها ما دامت لعبت وادت اللى عليها ويشجع الفرقة التانية بردو لو لعبت حلو ايه المشكلة

البدري دا انسان مش محترم
والحكم مرتشي
و دا شيء مش جديد عالاهلي

لا يا دكتور مغربي مكنتش اتوقع منك ابدا انك تقول كدة
انت كدة شككت في زمة الحكم ودي لا يمكن انسان يثبلها الا اذا كان فيه دليل مادي انما نرمي التهم جزافا كدة مينفعش تطلع من حد بقيمتك ومكانتك وعقلك الظاهر كلنا في الكورة بننسي نفسنا
ولو البدري مش محترم وهو فعلا غلط بشتيمته لفرانسيس امال ابراهيم وحسام يبقوا ايه ؟.؟؟ ملايكة ؟؟؟؟؟؟

مفيش كلام يتقال بعد الكلام ده .. أنا أرشحك تكون محلل رياضي .. تحياتي وتقدري ليك .

بس بصراحة الواحد بيبقى مفقوع لما الأهلي يكسب بالشكل ده على عكس الفرق المنافسة ليه بيقبلوا كدة وبدم بارد كمان وليهم ميت مبرر ويقعدوا يعيطوا .. يعني حلال ليهم وحرام على الأهلي اللي كايدهم وفافع مرارتهم .

انا ارجح انخفاض مستوى الأهلي لوجود قصور في الأحمال التدريبية .. لأن اللعيبة تحس أن في رجليهم أكياس رمل ومفيش باصه طالعة مظبوطة من رجل أي لعيب .. بالإضافة لحالة الإجهاد العامة .

وعلى العموم الأهلي الموسم ده بيبني فرقة ومعتقدش أن فيه أهلاوي كان حاطط أمل أننا ناخد الدوري .. بس هي جت معانا كدة لضعف مستوى الفرق الأخرى .. والأهلي الموسم الجاي إن شاء الله حيكون شكل تاني ولمدة لا تقل عن 7 سنين كمان .

يا سيدي اخجلتم تواضعنا وخليتني هتصل بمودرن سبورت اقولهم انا عايز اجي بدال هيثم فاروق ولا محمد سيف ههههههههههههههههههههه
فعلا عندك حق في كل كلمة قلتها
وانا واحد من الناس قلت لو البدري عدا الموسم ده من غير ما نتغلب 6-1 يبقي الحمد لله
كل المعطيات قبل بداية الموسم كانت بتقول كدة
خوزيه خلع وساب المركب تغرق ولعيبة الاهلى الكبار كلهم منهارين جسديا بسبب اللعب 5 سنوات متصلة في الاهلى والمنتخب بدون راحة وفي المقابل الزمالك في قمة استعداداته وجايب ميدو وزكي ومعاهم الداهية شيكابالا وماعهم الناشئين بتوع السنة اللى قبلها بتوع كستال اللى هما المرغني وحازم امام يعني بصراحة كل الشواهد تقول الزمالك هيكتسح والاهلى معاه ربنا
البدري غير طريقة اللعب بس لسة سنة على الاقل لما اللعيبة تجيدها حرس الحدود بيلعب بيها من سنين ولسة مش عارفين يظبطوها والاهلى بيلعبها زيهم او احسن كمان وطلع 7 ناشئين منهم شكري وعفروتو وشبيطة وفاروق وشهاب ينفعوا 7 سنين كمان للاهلى والمنتخب وعلى قمة الدوري عايزين ايه تاني
ده حتي والله يبقي طمع
وبعدين اللى بيهاجموا البدري لازم ياخدوا بالهم ان دفاع الاهلى اللى مش عاجبني هو اقوي دفاع في مصر وبالارقام دخل فيه 17 هدف وبعده الدفاع الحديدي للزمالك الى فرحانين بيه دخل فيه 18 هدف والاهلى اقوي هجوم مع بتروجيت لهم 35 هدف
بس عارف ليه مش عاجب جمهور الاهلى ؟؟؟؟؟؟؟؟؟؟
لان جمهور الاهلى اتعود على المكسب والاداء وانه يكسب وبفارق في المستوي وكل حاجة

منظومة التحكيم كلها فيها حاجات كتير غلط سواء للاهلي او لغيره وساعات علي الاهلي كمان او علي غيره
ده تفسير الحكم :
سمير عثمان يفسر قراراته في مباراة الأهلي وإنبي
فسر الحكم الدولي سمير محمود عثمان قراراته في مباراة إنبي والأهلي التي انتهت بفوز الأخير بهدفين لهدف في المرحلة الـ23 من الدوري الممتاز.
وقال عثمان لقناة مودرن سبورت عبر المباراة التي شهدت جدلا تحكيميا "ألغيت هدف إنبي الأول الذي سجله أحمد عبد الظاهر براية واضحة من الحكم المساعد".
وتابع "كما أعدت ركلة الجزاء التي نفذها محمد أبو تريكة بعد تحرك حارس مرمى إنبي خارج منطقته قبل التسديد".
ونفى عثمان ما تردد عن خروج لاعبي الأهلي أو إنبي عن نص الالتزام والأخلاق الرياضية بعد المباراة.
وذلك في إثر احتكاك مدافع الفريق البترولي عمرو فهيم مع مهاجم الشياطين الحمر محمد فضل.
وخرج الأهلي فائزا بهدفين لهدف، وحافظ على قمة الدوري الممتاز بفارق ست نقاط عن أقرب ملاحقيه.
منقول من موقع في الجول

كلامك عن التحكيم يا كريم كله في محله بس انت لو سمعت محمد حسام امبارح في مودرن لما السيسي كان بيهاجم التحكيم تعذر الراجل وانا برغم كرهي لمستوى التحكيم لكن بعد ما سمعته عذرته يعني هو هايجيب حكما منين هما دول الموجودين ولما يبقي فيه 0 مباراة في يوم واحد وحكم واحد يغلط يبقي مش زنبه
اما تفسير سمير عثمان لما حدث ففعلا التسللات مسئولية حامل الراية وهما المسئولين خصوصا ان الجولين كان صعب على سمير عثمان ياخد فيهم قرار عكس المساعدين
واعادة ضربة الجزاء بردو مسئولية الحكم المساعد ولو تلاحظ هو رفع الراية بمجرد الحارس ما صد الكرة وقبل ما تروح لعاشور بس سمير غلط لانه سرح وافتكر المساعد بيشاور على تسلل وعذره انه كان خرج عن تركيزه بعد ما لاعبي انبي تهجموا عليه بعد احتساب ضربة الجزاء
اما انه مشافش اللى حصل من عمرو فيهم فممكن يكون فعلا مشافهوش