الفسيخ الملوحة والرنجة، ايهم افضل

[Samah AbdAllah]

بجد حرام عليكم مواضيع الاكل
يعني الملوحة دي معرفهاش اصلا ومعرفش بتتجاب منين ومعرفش افرق بين الكويس والوحش بس من الكلام عليها نفسي فيها مع اني لسه متغدية حالا مشويات
وكله كوم ومواضيع الكوارع والممبار كوم يعني بتنقوا الاكل اللي انا خيبانة في عمايله ومعرفلوش مطاعم

لو عاوزة ملوحة اجيبلك يا حبيبة قلبى
مش عاوزة يبقا نفسك فى حاجة فاهمانى طبعا
جالنا ملوحة من الصعيد طعمها حلو اول مرة ادوقها
بس انا بحب الفسيخ اكتر
لو مش بتحبى الفسيخ ودوقتى الفسيخ بتاع نبروه هتحبى الفسيخ
اجيبلك واجى ؟؟؟؟؟؟

[hemaa_82]

طب والي قضاها بيض بس هايدخل النار برضه

بيض صحيح " ابيض و احمر طبيعي" علشان الدقه في الاراء

[otefa]

ابيض واحمر...ممكن تعدي.....اصقر

[Karim_Monir]

نور انا بقول اللي املكه فقط
لاني شيلته قبل الاكل بالعافية من الوحوش اللي قامو بالعملية دي

ياقوت طبعا مفيش شركة شحن تقبله ولا هاترضى تقبله ده كفاية ريحته

[نور القمر]

لو عاوزة ملوحة اجيبلك يا حبيبة قلبى
مش عاوزة يبقا نفسك فى حاجة فاهمانى طبعا
جالنا ملوحة من الصعيد طعمها حلو اول مرة ادوقها
بس انا بحب الفسيخ اكتر
لو مش بتحبى الفسيخ ودوقتى الفسيخ بتاع نبروه هتحبى الفسيخ
اجيبلك واجى ؟؟؟؟؟؟

تعالي من غير ما تجيبي حاجة
واحدة قريبتي هتجيبلي اجربه
اما الفسيخ مرة جالي من واحدة كانت جارتي وقالت لي انه اصلي من البلد نفسها اللي بيعملوا الفسيخ فجايز تكون هي نبروة دي بس انا مش فاكرة الاسم

نور انا بقول اللي املكه فقط
لاني شيلته قبل الاكل بالعافية من الوحوش اللي قامو بالعملية دي

ياقوت طبعا مفيش شركة شحن تقبله ولا هاترضى تقبله ده كفاية ريحته

خلاص براءة المرة دي

[SHNORY]

امبارح جاتلي مكالمه ضبط واحضار من صديق ليا
وقالي انا في البيطاش دلوقتي تعالي نغير جو
روحت
لقيت الرنجه متجهزه
والبصل الاخضر
والمسقعه (اول مره اكلها في حياتي)
والعيش والليمون والترمس والجندوفلي
والاروع بقي كان اننا قاعدين وشايفين البحر
والجو كان تحفه

[wise]

روعةةةةة يا جماعة

[sab3aawy]

بعتذر جدا جدا جدا انى علقت فى موضوع له علاقة بالدين،كنت قد قررت منذ زمن طويل ان اكف لسانى عن اى نقاش له علاقة بالدين لكن مافيش فايدة انسحبت من لسانى، انا اسف ومش هعلمها تانى، عموما اسمحول لى انسحب من لسانى آخر مرة واقول ان فتاوى الشيوخ الاجلاء مبنية على ان الاحتفال بشم النسيم من شيم اهل اديان اخرى واتباعهم فيها بدعة ، وان لا احتفل باعياد اهل الاديان الاخرى ، لكن ببساطة احتفل ، ولو بشكل رمزى بسيط ،بعيد كان موجود على كوكب الأرض قبل ظهور الديانات السماوية المعروفة لنا حاليا بثلاثة الاف سنة على الأقل، لا يخصنى ما يحتفل به اهل الاديان الأخرى والذى وردت فى شانه فتوى المشايخ الأجلاء، ولا توجد لدى ذرة من ربط اى دين او اى عقيدة مخالفة لعقيدتى بهذا، ولكنه ببساطة يمثل لى آخر ذرة من الارتباط بمن انشأو اقدم حضارة على ارض هذا الوطن والذين لا اخفى فخرى بهم واملى ان نكون يوما فى قوتهم وعظمتهم ، ولا اقبل ان اتنصل منهم، ولا ارى فى ذلك اى تعارض مع دينى ولا اى اتباع لسنن اديان اخرى، هو رأييى لا افرضة على احد ، ان كان على فيه وزر فحسابى وحدى على الله، خلاص مش هنسحب من لسانى تانى وحقكم عليا

[نور القمر]

انا عن نفسي لما باكل رنجة في شم النسيم ولا حلوى المولد في المولد النبوي او حتى ياميش رمضان مش نوع من الاحتفال نهائي بالمناسبات دي
لكن لانه موسم انتشار المنتجات دي وسهل شراءها بالاضافة لطريقة العرض بتفتح نفس الواحد عليها
يعني لما كنت في ابوظبي والحاجات دي موجودة طول الوقت عند اي بقال مكتش بهتم اشتريها في المواسم

[nabaster]

مكنش العشم يا نور عايزه توقعيني في كريم؟؟؟ :(

طيب انا بقولك كده لان الحاجه دي قدامي وسهل اجيبها لاكن كريم الغلبان هيجيب منين الحاجه دي بس :)

عموما انا كنت عايز اكررلك حاجه قلتهالك قبل كده

بلاش تاخدي من جارتك اي حاجه لانك هتكرهيها انا عارف وهترجعيها زي الفسيخ

الحل ان جارتك تعزمك عندها وتكون مجهزهالك ومظبطهالك ومقدمهالك بشكل ظريف علشان تاكلي منها وبعدين توصلي لدرجة الادمان

فبلتالي بعدين مش هيهمك ريحتها قد ما هيهمك انك تسابقي الزمن وانتي بتجهزيها علشان تقعدي كده وتاكليها بمزاج :)

العيش الشمسي بقي يا ستي ده الي بيتخبز في الفرن البلدي وبيتعمل علي مقارص الاول وبيتخمر في الشمس وبعدين يدخل الفرن بالمطرحه

الي هوا ده كده (صور لاقيتها علي النت)



وده وهوا بيتخمر في الشمس (علشان كده اسمه شمسي)



وده بقي ولا تقولي عيش شامي يا كريم ولا بلدي ده لو شاطر اصلا ابقي خلص الرغيف بتاعك

وده بنوصي عليه وبيجيلنا من البلد

وبعدين ايه حكايتكم؟؟

كل الي جايب ملوحه جايبها من اسيوط خلاص بقيت اسيوط هيا المصدر للملوحه لجميع انحاء الجمهوريه؟؟

في حاجه كمان انا ليا تلات ايام دلوقت مش بتغدي غير ملوحه وكل يوم مشكله مع البيت لانهم بيقلولي حرام عليك وبيمنعوني منها

بس علي مين انا برضه بستناهم لما يناموا كده بعد العصر واظبط نفسي تمام التمام :)

بس الحج قرر ميبيتش باقي الملوحه في البيت :(

A.Yakout

[نور القمر]

ايوة افتكرت بتاع الحصو ده اسمه منطط
الشمسي اول مرة اعرفه او اشوفه
بس اي حاجة بلدي مفيش مقارنة بينها وبين اكل المدن
بالنسبة لجارتي دي كانت من 6 سنين دلوقت رجعت بلدها والعلاقة اتقطعت من زمان

[Samah AbdAllah]

تعالي من غير ما تجيبي حاجة
واحدة قريبتي هتجيبلي اجربه
اما الفسيخ مرة جالي من واحدة كانت جارتي وقالت لي انه اصلي من البلد نفسها اللي بيعملوا الفسيخ فجايز تكون هي نبروة دي بس انا مش فاكرة الاسم

خلاص براءة المرة دي

عاوزة اغير جو فعلا يا نور
بس لسة ما استقرتش كايرو ولا منصورة

[Karim_Monir]

لاء يا عم ياقوت مفيش توقيع ما بينا
انت هاتدفع بالذوق بدون انذارات ولا تحذيرات ولا تحديد مشاركات على اقسام معينة :-)
وانا ماجاليش الملوحة من اسيوط
من اسوان حضرتك
وبالجطر مع خصوص
قصدي بالقطار
ودي مش تريقة ده هزار