عايز أشترى تيشرتات بأسعار معقوله وبجوده عاليه .

[ahmed_h_g]

السلام عليكم ورحمة الله وبركاته
معلش الموضوع غريب شويه بس أنا محتار كل ما أروح محل أشترى كام طقم صيفى اللاقى خامات ممتاذه وأسعار مبالغ فيها وخامه رديئه وأسعار برضو مبالغ فيها
فكنت عايز خدمه بسيطه
محل عنده تشكيلة ملابس رجالى خامه ممتاذه وأشكال جديده وأسعار فى المعقول فى مدينة نصر أو شبرا أو المعادى أو أى مكان معروف أقدر أوصله بسهوله .

[mada121977]

انا مش عارف تقدر تيجى اكتوبر ولا بعيد عليك
اذا كان مفيش مشكله عندك يبقى عليك وعلى المنطقه الصناعيه باكتوبر فيه هناك مصانع الملابس للعديد من الماركات المشهوره زى مادوك وتيدلاموند وكونكريت ..وبيبقى عندهم تخفيضات ممتازه علشان انت بتشترى من المصنع على طول وفيه تشكيله كبيره من التيشرتات والقمصان النصف كم والكم والبنطلونات الكلاسيك والجينز يعنى كل الاذواق

[ahmed_h_g]

أكتوبر ..... بعيده شويه
معلش ممكن أصبر شويه ممكن الاقى محل قريب من مدينة نصر
ولو فيه وقت هنزل أكتوبر والف شكر على أهتمامك .

[human]

أكتوبر ..... بعيده شويه
معلش ممكن أصبر شويه ممكن الاقى محل قريب من مدينة نصر
ولو فيه وقت هنزل أكتوبر والف شكر على أهتمامك .

المنطقه الصناعيه المنفذ الاوروبى فى العاشر من رمضان
من مدينه نصر الدائرى انزل مصر اسماعليه و بعدين العاشر

[Mostafa.Mahran]

بصراحة الاسعار عندكم فى راس غارب غالية فى كل حاجة

[cheetos_892005]

daniel hechter من الاخر
المحل ده رهيب بجد وسط البلد بس مش عارف فين بظبط متهيالي مول طلعت حرب
مهندسين شارع شهاب
اذواق حلوه اسعار يعني بس لو في خصم هتاخدها بنص التمن
في وسط البلد في شارع طلعت حرب محل كويس اسمو( داندي )
حلو اوي بردو قمصان و بنطلونات و السعر معقول اوي
في عمارات العبور في محل هناك كده مش فاكر اسمو والله
بس كنت مع واحد صحبي فيه كان بيشتري و الاسعار و الذواق حلوه اوي بردو
هو قريب كده من توكيل فيراري اللي هناك
حظا سعيدا

[Terrible_DaRsH]

التجار بيكسبوا مبالغ ووووووووهمية بجد ..

السنة اللى فاتت نزلت مصر الجديدة اشوف اللبس و ايه الجديد و كده .

عجبنى اوى تى شيرت كان سعره 180 جنيه , عملت حسابي هنزل تانى يوم اجيبه و اجيب حاجات تانية معاه .

سبحان الله , نزلت مكان تانى خااااالص و جبت لبس منه و نسيت المحل دا خالص , فى رمضان فى اخر الصيف , عديت من قدام المحل ده , لاقيت ورقه كبيرة جدا محطوطة على الباب ( كل شيء ب 50 جنيه ) و التى شيرت موجود جوه .

حمدت ربنا انى مجبتوش , صاحب المحل بيكسب بطريقة وهمية , ربنا يبارك له بقي .

اى نعم انا كده كده بيتضحك عليا و بجيب حاجات غالية و مش بتتلبس بعدها بس برده فرق السعر فظيع و كمان 50 جنيه هيبقي كسبان فيه ..

الصيف ده ان شاء الله ناوى اغير كل المحلات اللى بتعامل معاها ..

المنطقه الصناعيه المنفذ الاوروبى فى العاشر من رمضان
من مدينه نصر الدائرى انزل مصر اسماعليه و بعدين العاشر

لو رحت المكان ده هلاقى خامات كويسة و اسعار كويسة ؟

[mxz911]

انزل diadora و Umbro و Le coq sportif و champion و momo
بس وقت ال Sale كل دول هيبقى اسعارهم حلوه اوى وانا معرفش فيه Sale دلوقتى ولا لا لانى مش بنزل كتير بسبب الشغل وهما كلهم فى سيتى ستارز

و Dandy الصراحه مش بحبه وحاجته اسعاره مبالغ فيها جدا وحاجته كلها مضروبه اصلا وانا كنت بتفرج عليه ا لسنه اللى فاتت كذا مره وبشوف فيه الحاجات وبشوفها بره نفس الحاجه بسعر غير خالص !!

والمحلات اللى ذكرتها فوق دول والله انا تقريبا شارى كل هدومى منها وارخص من dandy ومن هدوم وسط البلد المضروبه نفسها

وعندك برضه Splash ف كارفور المعادى وهيفتح قريبا ف سيتى ستارز وبجد محل وهم انا بروح بصرف كل فلوسى فيه مع انى مش بكون مرتبله والماركات اللى فيه هيه Lee cooper و Zync و Retro

[ahmed_h_g]

المشكله ان الصيف لسه بادئ يعنى مفيش تخفيض


حيره حيره حييييييييييره .

[cheetos_892005]

المشكله ان الصيف لسه بادئ يعنى مفيش تخفيض
:u_thin1[1]:

حيره حيره حييييييييييره .

البس شتوي
وهو يعني هياخد بالو

[solid_khaled]

splash carfour !!

[karmouty918]

هو حضرتك عاوز في حدود كام بظبت؟؟؟
في Mobacoo ليه فروع كتير و فيه في سيتي ستارز..عندو تي شيرتات بولو خامتها نضيفة جدااا جميع الالون ب110 ..
انا مش بجيب تي شرتات غير منه عشان خامتها حلوه قوي و بتعيش كتير و مش بتغير لونها..

[ahmed_h_g]

هو حضرتك عاوز في حدود كام بظبت؟؟؟
في mobacoo ليه فروع كتير و فيه في سيتي ستارز..عندو تي شيرتات بولو خامتها نضيفة جدااا جميع الالون ب110 ..
انا مش بجيب تي شرتات غير منه عشان خامتها حلوه قوي و بتعيش كتير و مش بتغير لونها..

من 50 الى 75 جنيه
أظن 110 كتير شويه !!!
أنا شوفت ناس مشتريه تيشرتات ب 70 جنيه جميله ما شاء الله
من شبرا بس مش عارف منين بالظبط .

[mahamedaraby]

انا سمعت كتير اوى عن حوار اكتوبر والمصانع بس فى موضوع البدل

لكن لو تقدر توصفلى مكان التشيرتات اللى فى اكتوبر يكون كتر خيرك

[ahmed_h_g]

المنطقه الصناعيه المنفذ الاوروبى فى العاشر من رمضان
من مدينه نصر الدائرى انزل مصر اسماعليه و بعدين العاشر

فين بالظبط
يعنى أنا على طريق أسماعيليه أروح فين ياريت تشرحلى المكان بالتفصيل ربنا يكرمك .
هل الفرق يستاهل ؟؟؟ يعنى لو روحت ب400 جنيه مثلا" تمام ولا ايه