عايز أشترى تيشرتات بأسعار معقوله وبجوده عاليه .

[fady.bekatcho]

بص طالما عايز من 50 ل 75

انا هقولك على محل فى شبرا جامد اوى بس ما تستغربش منة بجد

هو فى شارع مسرة

اسال على ممر الراعى الصالح

الدور التانى محل اسمة جيفارا
بجد الراجل دا مية مية وحاجاتة جامدة جدا

والتيى شيرت ب 50 واغلى تيى شيرت ب 70

والقمصان جميلة بس اسعارها اغلى من التيى شيرت يعنى القمصان بتوصل ل 100 او اكتر

لو رحتلة هتلاقى الى هناك اسمهم حسام وايمن

قلهم انا جى تبع فادى وشادى التوائم بتوع بنى سويف

ناس ذوق واخلاق وحاجاتهم حلوة

بس خلى بالك لو رحت اطلع من تانى سلم مش الاول علشان تنجز المسافة وتبعد عن المحلات لان كل شوية هتلاقى حد بيقولك اتفضل

وهتلاقى هناك كل الى انت عايزة واسعارة رخيصة جدا وخامات حلوة

انا كنت الاول بشترى من جنينة وطلعت وجراند وكدة

نزلت مرة هناك لقيت الجاكت الى جبتة من جنينة ب 350 ب 200 جنية هناك والراجل بيعملوا تخفيض جامد اصلا

والبنطلون الى كنت بجيبة ب 150 بقيت بجيب اغلى حاجة من عند جيفارا وبتعيش ب 100

انزل وشوف

[fady.bekatcho]

وعايز اقولك على حاجة ال 400 جنية دى

بدون مبالغة لو عرفت تفاصل حلوة فى المكان الى قلتلة علية

هتجيب بنطلونين و3 تيى شيرتات او 4

انا جبت بنطلون وقميص ب 160

وبنطلون وتيى شيرت ب 150

وحاجات كل الى شافها عجبتة اوى

[TIMODAX]

هايبر ماركت في أكتوبر جبت منه كام تيشيرت تحفه
جبت بتاع 5 ب أقل من 150 جنيه

[ahmed_h_g]

روحت نايل ستوك اللى عند النادى الأهلى
بصراحه معجبنيش وحسيت انى بدور فى بواقى هدوم
يعنى التيشرت اللى يعجبنى مبلاقيش منه مقاسات
لسه بدورررررررر .

[ahmed_h_g]

أنا هروح مصانع العاشر والمحل اللى فى شبرا
اللى هلاقى نفسى قريب منه هروحله
مفيش حد فى مدينة نصر تانى ؟؟؟

[ahmed_h_g]

صحيح ... مول طلعت حرب ايه ظروفه ؟؟؟
حد أشترى حاجه منه ؟؟؟ ايه أسعاره .

[Terrible_DaRsH]

اوعه تروح طلعت حرب , نصيحة لوجه الله اوعى تروح المول ده و لا تخطيه اساسا مهما حد قالك عليه حلو .

ان شاء الله اخر الاسبوع هنزل العاشر من رمضان و اشوف هناك ايه الاخبار لو انت نزلت قبلي قولى انت ايه الاخبار :)

[dolly13]

المنطقة الصناعية فى العاشر من رمضان

[ahmed_h_g]

اوعه تروح طلعت حرب , نصيحة لوجه الله اوعى تروح المول ده و لا تخطيه اساسا مهما حد قالك عليه حلو .

ان شاء الله اخر الاسبوع هنزل العاشر من رمضان و اشوف هناك ايه الاخبار لو انت نزلت قبلي قولى انت ايه الاخبار :)

تمام ان شاء الله .

[Eng.Mina]

المنطقة الصناعية فى العاشر من رمضان

ممكن العنوان بالتفصيل العاشر مليانة مناطق صناعية
وشكرا

[gebreel]

و الله انا بفكر انزل قريب و بردو يا ريت لو مدينة نصر لأني فيها

[fady.bekatcho]

بص نصيحة من اخوك اشتريت من طلعت كتير

اوعى تشترى من المول

الحاجة الى هتشتريها من المول هتلاقيها بة بنص التمن كمان

يعنى انا مرة اشتريت كوتشى من المول ب 140

لقيتة تحت عند محل راديو ب 70 جنية بجد

وحاجات مش حلوة اصلا

[ahmed_h_g]

أنا روحت المنفذ الأوروبى فى العاشر من رمضان
أتفرجت الأول على الفرذ درجه أولى لقيت خامات ممتاذه ماركة shock لكن الأسعار فوووووووووووق
القميص ب160 جنيه والبنطلون الجينز كذلك
روحت أتفرجت على الملابس الدرجه تانيه الأشكال معجبتنيش بصراحه
أشكال قديمه بتاعة زمااااان المقلم والمخطط والذى منه والتيشرت ب50 جنيه


روحت زياره تانيه لشارع طلعت حرب
لقيت أشكال جميله جدا" جدا" لكن الأسعار فوق حبتين
يعنى القميص الكاجوال ب80 جنيه بس أشكال جميله بصراحه
وفيه حاجه غريبه
فيه حارات فى نفس الشارع جواها معروضات بأسعار معقوله بس بتقلق

أشترى من شارع طلعت حرب ولا تنصحونى بايه ؟؟؟

[Terrible_DaRsH]

أنا روحت المنفذ الأوروبى فى العاشر من رمضان
أتفرجت الأول على الفرذ درجه أولى لقيت خامات ممتاذه ماركة shock لكن الأسعار فوووووووووووق
القميص ب160 جنيه والبنطلون الجينز كذلك
روحت أتفرجت على الملابس الدرجه تانيه الأشكال معجبتنيش بصراحه
أشكال قديمه بتاعة زمااااان المقلم والمخطط والذى منه والتيشرت ب50 جنيه


روحت زياره تانيه لشارع طلعت حرب
لقيت أشكال جميله جدا" جدا" لكن الأسعار فوق حبتين
يعنى القميص الكاجوال ب80 جنيه بس أشكال جميله بصراحه
وفيه حاجه غريبه
فيه حارات فى نفس الشارع جواها معروضات بأسعار معقوله بس بتقلق

أشترى من شارع طلعت حرب ولا تنصحونى بايه ؟؟؟

انا كنت رايح من يومين المنفذ الاوروبي ده بس حصلت مشكلة للاسف , و كنت متوقع كده برده .

طلعت حرب التى شيرت جوه ب 170 بره بيتباع ب 80 جنيه فاوعى تجيب حاجة من جوه .

انا نزلت اديداس امبارح و الاسعار هناك كويسة جدا و Reebok اسعاره كويسة جدا برده ..

[mmans]

انا شارى بدلة من 3 اسابيع من المنطقة الصناعية باكتوبر (تيدلاموند) بدلة تحفة المحل ده فى اشكال و الوان كتيييير البدلة سعرها الاصلى الى مكتوب عليها ب الانجليزى 1500 جنيه و الراجل قالى بتتباع فى اى محل ب 1500 هما بقا لزقين عليها ورقة صفراء و كاتبين عليها950 جنيه ف الراجل قالى احنا بنبعها ب 950 لكن احنا عاملين خصم خاص الاسبوعين دول و ختها ب 650 تخيل من 1500 ل 650 و بدلة سوداء تحفة (لزوم الخطوبة)