اريد حلا - اريد رأيا -(ارجو المشاركه)

[sokasoon]

ليه ما فكرتش ولو لحظه تحط نفسك مكانها وتشوف كان ممكن رد فعلك يكون ايه

يا eng/muhamad اللى بيحب بيغفر

وصدقنى لو ماحاولتش تغير من نفسك مش حتقدر تستمر معاها ولا مع غيرها

[devilishtigers]

انا عايز اقولك حاجة
1- انا من النوع الي مدي على (سي السيد شوية)
2- انا ارتبط بانسانة 3 سنين شوفت الحلو وشفت الوحش.
3- طبعي نفس طبعك بس بقدر اسامح لو بحب اللي قدامي بجد وبفتكرله حاجات حلوة عاملها علشان خطري.
4- الانسانة دي لو كنت طلبت منها عنيها كانت هتدهالي بدون تفكير.
5- كترت الخنقات شوية وبدأت اتخنق.
6- اكتر حاجة بكرها الكدب والانسانة دي كدبت عليا مرة بس بسبب حبي سامحتها.
7- اكتشفت انها كدبت عليا تاني (دا غير المشاكل العادية) ساعتها قولت الموضوع انتهى. علشان انا برتبط علشان بالي يرتاح والاقي اللي يستحملني والواحد يستقر.
8- في مثل بيقول (كتر الاسى يعلم الجفا) هي اتصلت بيا وحاولت ترجع وانا قولت لأ. واتصلت بوالدتي وقالتلها انا عايزه ارجع قولتلها الموضوع انتهى. (علشان الكدبة مش كانت سهلة ابدا دا غير المشاكل بتاعت كل يوم) وكنت اتحملت فوق طاقتي.
9- انا عايز اقول لحضرتك حاجة انا عارف ان طبعك كده ومش قادر تغيره. بس لو انت غلطت في واحد وهو بيحبك هيسمحك علشان اكيد كان ليكوا مواقف حلوة مع بعض واكيد انت في يوم اثبت حبك ليه. فحضرتك لو تقدر تفتكر اي حاجة حلوة للانسانة دي واللي كان بينكوا اكيد هتسامح دا لو بتحبها بجد. وعمر ما حد بيعاقب حد بيحبوا من اول مرة ويكون العقاب بالشكل ده.
الحب اللي بجد يخليك تغفر للي قدامك. ممكن يكون في ارصة ودن وتنبيه جامد على عدم حدوث ذلك ثانية.
انما لو مش هتقدر يبقى ابعدوا احسن علشان ما حدش يظلم التاني معاه.
اسف للاطالة

[mobmob2010]

مشروع الجواز هو اكبر مشروع في حياتك ولازم يكون مشروع ناجح - ممنوع فيه الفشل
انا راي تتبادلوا الاماكن وكل واحد يبقي مكان التاني ونشوف ايه هي القرارات وميكونش فيه ايه لقاءات ولا تليفونات بينكم لمدة 10 ايام ونتقابل ونشوف راي كل واحد في المشكلة من وجة نظر الاخر
وسيبك من حكاية انك مبتقدرش تسامح لان في الحالة دي عايز واحدة تفصيل مبتغلطش وده استحالة
خاصة في الزمن ده
وربنا يوفقك الي الصواب

والصلاة خير من النت

[X_MM_X]

بص يا باشا ممكن تقعد تتكلم معاها وتفضفض وقولها انك زعلان منها في كذا كذا وان الحكايه دي مضايقاك اوي لو حاولت تصالحك خلاص تمام ومشي الحياه ومتركبش دماغك
ما حاولتش قولها انا محتاج كام يوم اقعد لوحدي ما نتكلمش وحددها 3 تيام مثلا بعدين اتقابلو وشوف هتقابلك ازاي
لو حاولت تكلمك خلال الايام دي - حتى لو ماصلحتكش - اعرف انها بتحبك وباقيه عليك قولها ساعتها انك كنت مدايق منها بس اتصالك ده بينلي ان الدم عمره ما هيبقى ميه وحاول تسامحها وتنسى
ما كلمتكش صلي صلاه استخاره كذا مره وخد قرار وفكر كويس ليه هسيبها وليه ما اسيبهاش وافتكرها مواقفها الحلوه برده
وقابلها ساعتها هتكون فكرت كويس وعرفت تاخد قرار ولو كان انك هتسيبها قولها الاسباب الحقيقيه
ولو صالحتك لما تيجو تتقابلو قبل ما تقولها القرار خلاص انسى قرارك اذا كنت هتسيبها

حاولت احللك المشكله وياريت تكتر من الاستخاره وربنا يوفقك للخير ان شاء الله

ونصيحه اخويه ساعت ما تزعل من حد افتكرله مواقفه الكويسه قبل الحاجه اللي زعلتك

[osoliman88]

[gdwl]

المشكله بقى ان انا و هى الايام دى على خلاف كبييييييييييير جدا و هى عملت حاجات جرحتنى بيها و زعلت منها جدا و انا بطبعى انسان مش متسامح يعنى مش بسامح بسهوله ده لو سامحت اصلا

و فى نفس الوقت مقدرش اسيبها لاسباب كتير جدا
اعمل ايه ؟؟؟ ايه الحل ؟؟؟

[/gdwl]

صديقي العزيز
الشخص الذي لا يصفي بسرعة أو بمعنى أدق لا يسامح بسهولة في الغالب يكون إنسان بطبعه حساس جدا وفي غاية الاحترام ويراعى دائما شعور الأخرين ، وفي الغالب ولا يخطئ في حق أحد عن عمد ، لذا يتوقع من الأخرين نفس المعاملة .

المهم : سأكتب لك المعادلة وستعرف أنت منها الحل ( طبعا في رأيي الشخص)

شخص حساس جدا + إنسانة تجرح بهذا الشكل على حسب وصفك وانتم لسه على البر = كارثة بكل المقاييس

[ahmadmidop]

مفش حل غير انك تسامحها
الافضل طبعا ان حضرتك تصفى قلبكمن كل اللى مزعلك الاول
وده طبعا بانك تقعد وتتكلم معاها وتقولها على كل اللى مزعلك يعنى عتاب هادى ومحاولة تصفية النفوس وتشوف ايه اللى ممكن يرضيك وتحاول توصل معاها لما يرضيك ويشيل الحزن والغضب والالم من قلبك وربنا يوفقك لما فيه الخير

+11111111111111111111

[eng/muhamad]

الشخص الذي لا يصفي بسرعة أو بمعنى أدق لا يسامح بسهولة في الغالب يكون إنسان بطبعه حساس جدا وفي غاية الاحترام ويراعى دائما شعور الأخرين ، وفي الغالب ولا يخطئ في حق أحد عن عمد ، لذا يتوقع من الأخرين نفس المعاملة

دى حقيقه فعلا

[FunnyMickey]

ماشي بس انتا اخطأت اما زعقتلها بردو واتنرفزت عليها
وهيا عملت رد الفعل ده
عشان تضايقك عشان انتا زعقتلها
يعني انتو الاتنين غلطانين
متحملهاش غلطك كمان

وانتا اعترفت بنفسك انك مش بتسامح بسهوله وممكن متسامحش اصلا
وده عيب فيك

يبقي انتو الاتنين فيكو عيوب
وياتستحملوا بعض ياتسيبوا بعض

بس انتا لحد دلوقتي عمالين نتكلم
متحكيلنا انتا بقي رأيك ايه
احساسك من جوه كده عاوز تعمل ايه
شايف ايه؟؟

[bmya]

معلش يا بشمهندس بس في حاجه ممكن توضحها
هو حضرتك مرتبط بها بقالك قد ايه ؟
هل يوجد سابق معرفه ام جواز صالونات
بمعنى انت تعرفها بقالك فتره ولا اتعرفتوا عن طريق لاهل او الاصحاب ولسه في البدايه

اعتقد كده انكم لسه متعرفين على بعض عشان اللي بيحصل ده يدل على عدم فهممكم لبعضكم

يعنيممكن تقعدوا قعده تفاهم كده وتحاولوا تقربوا وجهات النظر
يعني تفهمها طباعك وطريقه تفكيرك وايه بيضايقك وكده
وفتهم منها برده شخصيته ايه بتحب ايه بتكره ايه بتضايق من ايه
وتبدأ من جديد
وفتره الخطوبه اساسا للتعارف والتقرب من بعض

انا حصلي موقف قبل كده
انا كنت اخدت خطوه الخطوبه وكان يعتبر تعارف صالونات
يعني هي كانت اخت وحده صحبه اختي الكبيره
وكنت عارفها بس بسيط قوي
المهم اختي كلمت صحبتها وكلمت مامتها وواقفم عليه
واتقابلت معاهم في مكان بره وبدأنا نتعرف على بعض
وجيبت في مره قلتلها حاجه بهزااار والله بدون قصد للاساءه او التريقه
لكن عشان هي ماكانتش فهماني لاننا منعرفش بعض كويس خدتها على انهها تريقه او استظراف وفعلا بوظت الموضوع بعد مرتين شوفنا بعض فيهم بس
بس انا الصراحه مبحبش اتظلم فكلمتها وفهمتها الموضوع كله براحه و وحده وحده وبعد ماكانت رفافضه الموضوع بعد الحوار دهالموضوع بقه زي الفللللللللل واحسن من الاول بس اهم حاجه التفاهم
بس الموضوع باظ تاني ونهائيا لاسبباب اخرى ملهاش مجال هنا

المهم عشان طولت على حضرتك
لو انت متعرفهاش قبل كده ومتعرفش طبعها كويس يبقى تعمل زي منا عملت وتعمل مقابله تعارف بجدددد
وتبدأ من جديد
وربنا يكرمك ان شاء الله

[eng/muhamad]

بس انتا لحد دلوقتي عمالين نتكلم
متحكيلنا انتا بقي رأيك ايه
احساسك من جوه كده عاوز تعمل ايه
شايف ايه؟؟

انا بحاول اصفى و اسامح و يعنى الموضوع بدا يتحل نسبيا و بدأنا نتكمل احسن شويه و بصراحه هى اتاسفت كتير اوى على اللى عملته و اعتذرت و انا بدأت اهدى شويه

هو حضرتك مرتبط بها بقالك قد ايه ؟

انا اعرفها و مرتبط بيها من سنتين و شهرين

[aif]

يا محمود
لو انت سيبتها وخطبت غيرها وسيبت غيرها وخطبت 100 واحدة
ولا واحدة منهم ح تكون في وفاق تام معاك .... حتى لو كانت ملاك
لازم ح تزعلو وتتصالحو .....وتتخانقو وتتصافو
هي دي الحياة ..... ولو كانت حلوة علطول ح تكون مملة ولو كانت خصام علطول ح تكون مستحيلة
المشكلة انا شايفها مش في الموقف اللي بينكم
المشكلة فيك انت يا محمود....... لو صعب انك تسامح زي ما بتقول
لازم تتعود انك تسامح
انت ح تعيش مع انسانة مش مع ملاك
يعني الخلافات وكمان الخناق .... شيء وارد وطبيعي
ولو حطينا الظروف الحياتية الخانقة في الاعتبار يبقى الحاجات دي شيء مؤكد الحدوث
....
..

والانسان مخلوق قابل للتكيف
يعني قابل للتعود
يعني انت تقدر تعود نفسك وتروضها على انك تسامح بقدر اكبر من المرونة .... علشان تقدر تعيش
لو ماسامحتش الانسانة اللي بتحبها واخترت الحياة معاها ...... امال ح تسامح مين ؟؟؟؟...
وخلي بالك انها هي كمان ح يبقى مطلوب منها تسامحك .... مافيش حد من غير عيوب
..
مجرد رأي متواضع

[MomoMedo]

انا عايز اقولك حاجة
1- انا من النوع الي مدي على (سي السيد شوية)
2- انا ارتبط بانسانة 3 سنين شوفت الحلو وشفت الوحش.
3- طبعي نفس طبعك بس بقدر اسامح لو بحب اللي قدامي بجد وبفتكرله حاجات حلوة عاملها علشان خطري.
4- الانسانة دي لو كنت طلبت منها عنيها كانت هتدهالي بدون تفكير.
5- كترت الخنقات شوية وبدأت اتخنق.
6- اكتر حاجة بكرها الكدب والانسانة دي كدبت عليا مرة بس بسبب حبي سامحتها.
7- اكتشفت انها كدبت عليا تاني (دا غير المشاكل العادية) ساعتها قولت الموضوع انتهى. علشان انا برتبط علشان بالي يرتاح والاقي اللي يستحملني والواحد يستقر.
8- في مثل بيقول (كتر الاسى يعلم الجفا) هي اتصلت بيا وحاولت ترجع وانا قولت لأ. واتصلت بوالدتي وقالتلها انا عايزه ارجع قولتلها الموضوع انتهى. (علشان الكدبة مش كانت سهلة ابدا دا غير المشاكل بتاعت كل يوم) وكنت اتحملت فوق طاقتي.
9- انا عايز اقول لحضرتك حاجة انا عارف ان طبعك كده ومش قادر تغيره. بس لو انت غلطت في واحد وهو بيحبك هيسمحك علشان اكيد كان ليكوا مواقف حلوة مع بعض واكيد انت في يوم اثبت حبك ليه. فحضرتك لو تقدر تفتكر اي حاجة حلوة للانسانة دي واللي كان بينكوا اكيد هتسامح دا لو بتحبها بجد. وعمر ما حد بيعاقب حد بيحبوا من اول مرة ويكون العقاب بالشكل ده.
الحب اللي بجد يخليك تغفر للي قدامك. ممكن يكون في ارصة ودن وتنبيه جامد على عدم حدوث ذلك ثانية.
انما لو مش هتقدر يبقى ابعدوا احسن علشان ما حدش يظلم التاني معاه.
اسف للاطالة

بعد اربع سنين ارتباط
المشاكل بدأت تكتر في الاخر
في الاول كنت واخد الموضوع باستهتار واسيبها وارجعلها ومن الاخر كان لعب
من حوالي سنة وشوية قولت لوالدي عليها وكلم باباها واتفقنا على الصيف الجي دة عشان اخطبها
بس زي ماقولت المشاكل كترت
والشك دخل في قلبي من ناحيتها
وعلى طول بقيت حاسس انها بتكدب عليا ودي فعلا اكتر صفة بكرها
وحاليا منفصلين(تقريبا)
حتى لو هي طلعت مابتكدبش وانا ظالمها
الشك بدل دخل في الموضوع يبأى بالسلامة بأى هنعيش حياة جحيم بعد الجواز ..
الحب مش كل حاجة مع انها اول حب في حياتي
مش هنساها اكيد

[devilishtigers]

بعد اربع سنين ارتباط
المشاكل بدأت تكتر في الاخر
في الاول كنت واخد الموضوع باستهتار واسيبها وارجعلها ومن الاخر كان لعب
من حوالي سنة وشوية قولت لوالدي عليها وكلم باباها واتفقنا على الصيف الجي دة عشان اخطبها
بس زي ماقولت المشاكل كترت
والشك دخل في قلبي من ناحيتها
وعلى طول بقيت حاسس انها بتكدب عليا ودي فعلا اكتر صفة بكرها
وحاليا منفصلين(تقريبا)
حتى لو هي طلعت مابتكدبش وانا ظالمها
الشك بدل دخل في الموضوع يبأى بالسلامة بأى هنعيش حياة جحيم بعد الجواز ..
الحب مش كل حاجة مع انها اول حب في حياتي
مش هنساها اكيد

انا مش هقولك ان موضوعي يشبهلك لأ دا كربون منه. لدرجة ان العيلة كلها كانت عارفة ومستنية.
افهم من الكلام دا انك ناوي تبعد عن الموضوع.
هو انت بتحبها بجد..؟؟؟؟؟ لو بتحبها بجد سامحها علشان مفيش حد بيعاقب حد من اول غلطة.
انما لو انت متأكد ان الكدب دخل بينكم (عن تجربة) عمرك ما هترتاح وهتعيش طول الوقت في قلق. فبلاش منوا احسن وانصحك تعمل صلاة استخاره وربنا هيوصلك للانسب والافضل ليك إن شاء الله.
والحاجات دي في الاول وفي الاخر نصيب.

[bmya]

انا اعرفها و مرتبط بيها من سنتين و شهرين

سنتين وشهرين ياباشا ولسه معرفتوش طباع بعض ازاي دي

[devilishtigers]

سنتين وشهرين ياباشا ولسه معرفتوش طباع بعض ازاي دي

فعلا فترة كبيرة المفروض تكون عرفت كل حاجة عنها