من فضلك استخدم مزيل العرق

[hany_mohamed]

لو شخص ليك بيه معرفه شخصية وبتقابلة أكثر من مرة يبقى الحل بهدية صغيرة بارفان ومزيل عرق

[abogogo]

النظافة من الايمان
البني ادم المفروض يكون حسيس بس فيه ناس اتعودت على ريحتها عشان كده مابتحسش ان ريحتها فيها حاجة
مرة كانت الشركة عاملة انترفيو لمجموعة من المهندسين عشان مشروع جديد وكنت قاعد مع اللجنة ودخل واحد اعوذ بالله من ريحته قلب بطن الواحد طبعا خد على الابليكيشن z قابلني عند المصعد اخر اليوم وسألني هما ليه رفضوني طبعا كنت عايز اقوله روح استحمى بس اتحرجت

[محمد محمد]

ممكن تقوله...استخدمت ريكسونا النهاردة....مش هيحس بحرج علي الأطلاق.

[omarken]

الموضوع ده عايز جرئه بس
بس كمان متهيئالى صعب قوى انك تقول كده لواحد مش عارفه
وخصوصا اللى بيسيب نفسه بالمنظر ده اصلا بيبقى عندو لامبالاه
ولو تجرأت وقولتلو ممكن يقوللك ملكش دعوه
معفن بقى هاتستنى مننو ايه ؟

[Egyzizo]

ولا مزيل عرق ولا غيره ، المفروض الناس فى الصيف تستحمى كل يوم
بره ما عندهمش الحر والتراب بتاعنا وبيستحموا كل يوم.

[abogogo]

ممكن تقوله...استخدمت ريكسونا النهاردة....مش هيحس بحرج علي الأطلاق.

عباس رايح على الجامعة ووخدها جري ..... فيبكس

YouTube - ‫ط§ط¹ظ„ط§ظ† ط؛ط±ظٹط¨‬‎

YouTube - ‫ط§ط¹ظ„ط§ظ† ظ…ط¶طظƒ‬‎

[Eng_Mostafa_89]

المترو اصبح مقبرة بسبب الموضوع دة

[نور القمر]

ممكن الواحد يقولها للمقربين بس
المشكلة ان في ناس بالنسبة لهم طول ما ملابسهم مش عليها بقع اتساخ اذن هي نظيفة ويفضلوا لابسينها في الصيف ده لما يبقوا قربوا يتحولوا لفسيخ
وفي ناس او سيدات يقولولك التعطر حرام
يا ستي مش تعطر ده مجرد مزيل عرق محدش هايشم ريحته العطرة بعض الشيء الا لو لازق فيكي
وكدة احسن ولا يشم ريحة تقرف .. يا ستي ده مش برفان الناس هتشمه من على بع 10 متر
وبعدين في حاجات كتير متعتبرش معطرة للدرجة دي زي فيبكس
والاهم من مزيلات العرق الاستحمام لان الريحة بتكون صادرة من كل البدن لما يعرق وينشف ويعرق وينشف على نفس الملابس

[dr.amr]

أنا مع الرأي القائل إنك ما ينفعش تنصح واحد يستحمى مثلا ..
و على فكرة بعض المزيلات مش غالية و الأسعار تتراوح بين ٤ أو ٥ جنيه ( تمن علبة كيلوباترا التي لا تفارق جيب محدودي الدخل ) ..إلى ٢٤ جنيه ل نيفيا men الألماني الصنع ..

ب 30

ال stick

للأسف مضطر لأنه مابيغيرش لون الهدوم

[youssefmustang]

يا جماعة انا سمعت ان مزيل العرق ده بيسد المسام وبيخلى تحت الابط (الباط) اسود
الكلام ده صحيح

[Ahmed A Rahman]

المشكلة ان فعلا مزيلات العرق معظمها بيكون antiperspirant مش deodorant

ودا بيخلي العرق يتحبس جوا الغدد العرقية اللي ربنا خالقها عشان تطلعه

معتقدش ان لونه حيبقى اسود بس خايف اكتر من احتباس العرق لانه مضر جدا على الخلايا اللي موجودة تحت الباط

اصلا الباط مستضيف مجموعة كبيرة جدا من الغدد اللمفاوية اللي هي معسكرات الجيش اللي في جسمنا

مادة الالومنيوم اللي موجودة في اي مزيل عرق مادة مسرطنه للخلايا

آخر حاجه نفسي فيها اني اخلي مادة مسرطنة جنب غدد لمفاوية

ساعتها حييجي في دماغ اي دكتور سرطان الغدد اللمفاوية وسرطان الدم

ال deodorant احسن الف مرة

[HeMa_LanCeR]

المشكلة ان فعلا مزيلات العرق معظمها بيكون antiperspirant مش deodorant

ودا بيخلي العرق يتحبس جوا الغدد العرقية اللي ربنا خالقها عشان تطلعه

معتقدش ان لونه حيبقى اسود بس خايف اكتر من احتباس العرق لانه مضر جدا على الخلايا اللي موجودة تحت الباط

اصلا الباط مستضيف مجموعة كبيرة جدا من الغدد اللمفاوية اللي هي معسكرات الجيش اللي في جسمنا

مادة الالومنيوم اللي موجودة في اي مزيل عرق مادة مسرطنه للخلايا

آخر حاجه نفسي فيها اني اخلي مادة مسرطنة جنب غدد لمفاوية

ساعتها حييجي في دماغ اي دكتور سرطان الغدد اللمفاوية وسرطان الدم

ال deodorant احسن الف مرة

طيب بما ان الحوار كبير كده ممكن بس نفهم ايه هي بقي الأنواع اللي ممكن الواحد يستخدمها بدون قلق
انا عموما بستخدم مزيل بيخليني اعرق عادي جدا بس بدون رائحه طبعا
انا عارف ان في انواع بتمنع العرق وانا طبعا مش بستخدمها علشان بحس انها غلط

[osos_lion]

ههههههه
القافيه تحكم
في ناس تقابلها تبقا عايز تقلهم
يعم ابوس ايدك ريحتك معفنه حط اي حاجه ولو جليد من بتاع الحمام

[Hondawy_2008]

موضوع النضافة ده بالذات محدش يقدر يتعلمه دي حاجة في الطبع واللي موسوس نضافة زي حالاتي بتبقى بالنسباله كارثة الحاجات دي ... في ناس بجد رحتها صعبة جدا و الغريبة لما يكونوا ستات حاجة فعلا مقذذة جدا

[homme49]

حجر الشبه ولا الشبه المطحونة من عند العطار بجنية ولا 2 جنيه تكفي شهور
وريحته ما تطلعش وقرفنا
في ناس بتستحمى الصبح
لكن طبيعة عرقها دهني اكتر منها ملحي
والعرق الدهني بيسبب روايح لعينة والشبه بتقتلها فورا وماتطلعلهاش ريحة

أعتقد أن إستعمال الشبة الموجودة لدى العطار لها بعض المضار حيث أنها تغلق مسام الجلد تماما و تمنع خروج العرق من الجسم
و لكن إستعمال مزيلات العرق يكون أفضل مع ملاحظة أن ليست كل مزيلات العرق تتماشى مع طبيعة كل جسم و لكن على المرء أن يجرب عدة أنواع لكى يستقر إختياره فى النهاية على النوع الذى يتماشى مع طبيعة جلده مثل البارفانات تماما -هناك برفانات تسبب حساسية للجلد لبعض الأشخاص .